yazumila ukuti antu yakacula pa mulandu ni viipe vino yakacita nanti vino yacisile umu umi wa mpiti. Umuntu angaya kuli cino yakaama ukuti moksha—uku kululwa uku kuvyalwa cipya cipya—ukupitila umu kukanaya na melenganyo asiuvwana ni mipepele yao.

yazumila ukuti antu yakacula pa mulandu ni viipe vino yakacita nu kuti antu pakuti utailo wao weziwe. Dr. Sayyid Syeed, pulezidenti wa Islamic Society of North America walanzile ukuti: Amacuzi aipisye yakatwiusya ukuti “tulinzile ukulataizya Leza pali vyonsi vino aakatucitila nu kuti tulinzile ukulaazwilizya ali ni ntazi.”

yazumila ukuti umuntu aakacula pa mulandu na vino aakacita. Ayuda yamwi yakalanda ukuti kulaya ukututuluka, lyene apacisila antu acumi acuziwe yalapingulwa mu mulinganya. Ayuda yakalondela icizumilo cimwi icitamanyikwa ningo cino yakati Kabbalistic, pa kusambilizya ukuti umuntu nga wafwa akatutulukila umu cintu cimwi, nupya cii cikalenga umuntu akwata isyuko lya kulapila uku viipe vino wacisile.

yazumila ukuti umuntu akatwalilila ukucula lino akuvyalwa cipya cipya ukufika lino wata ukucita iviipe, ukwelenganya iviipe, nupya wata nu kulondesya ukucita vimwi. Ndi cakuti umuntu akweti amano, akaomba milimo isuma, nupya akaelenganya ningo, angaya uku cifulo cino yakati nivana—kuno kutaya ukucula ukuli konsi.

dikisyonali yakuti Comparative Religion ikalondolola ukuti umuntu akacula pa mulandu nu “kukanaombesya nu kuluvyanya.” Icizumilo cao cikalondolola ukuti nanti icakuti ukuya na mano kungalenga amacuzi ukucepako, amacuzi aingi yakayako pa mulandu ni mipasi ya maka iyayako ino umuntu atanga acimvye. Fwandi umuntu atalinzile ukusitoka ukuzumila vino imipasi iyo yapingula.

yakalanda ukuti imipasi iikalenga antu yacula. Ukulingana ni cizumilo cii, alozi yangalenga umuntu ukaya ni syuko nanti intazi nupya ndi cakuti antu yakucitako intambi zimwi izya mipasi, cingalenga ukuti yatacula sana. Nupya yazumila nu kuti ndi cakuti umuntu akucula nu ulwale umwi pa mulandu na alozi, imipasi ni milembo yakwe yasing’anga ingamupozya.

yazumila ukuti antu yakacula pa mulandu ni viipe vino antu yakutandikilapo yaili yacisile, wakwe vino Baibo ikalanda umwi buku lya Utandiko. Nanti ciye vivyo, amu mipepele iingi yalundako vimwi uku cisambilizyo kwene cii. Wakwe, Yakatolika yakalanda ukuti umuntu aakucula anganeena Leza pali vino akucula pakuti Leza apaale amwi calici cao nanti ukumuneena ukuti aomvye ukucula kwakwe pakuti atule umuntu muze.