Mungamanya Uli Visinka?
Ya Stephen Hawking na ya Leonard Mlodinow, aasambilila sana sayansi, yalanzile muli lipoti imwi ya mu 2010 ukuti: “Uumbo ukaitandikila sile.”
Pa Utandiko 1:1 Baibo ikalanda ukuti: “Leza waumvile iyulu ni insi.”
Uzye Leza u waumvile iyulu ni insi ni vya umi ivyayamo nanti vyaitandikile sile? Amazwi yano asambilila vyakwe sayansi yano itulandapo yalanzile alino na mazwi aaya muli Baibo yano itulandapo, yakalanda ivipusane api iuzyo lii. Nupya kwaya antu azumila muli vikwene. Lelo aingi yatamanya ivisinka. Antu yakapazyanya pi lyasi lii umu mabuku yano yalemba na pa mapuloglamu ya pa TV.
Kusukulu mufwile mwasambilile ukuti kutaya Kaumba nu kuti iyulu ni insi ni vya umi ivyamo vizile iviyako sile. Nomba, uzye yamwalimu yamupeezile ivisinka ivyalangilila ukuti kutaya Kaumba? Nupya mufwile muvwa ukuti intunguluzi zya mu mipepele zikasambilizya ukuti kwaya Kaumba. Nomba uzye nazyo kwene zikamupeela ivisinka ivikalangilila ukuti umu cumi Kaumba akuno waya? Nanti limwi zikamuneena sile ukuti mulinzile ukutaila muli Leza ukwaula ukumupeela usininkizyo?
Mufwile mwelenganyapo api iuzyo lii nu kuzana ukuti kusi muntu angamunena ndi cakuti umu cumi Kaumba akuno waya. Nupya mufwile mukayuzya iuzyo na lyuze ilyakuti: Uzye cacindama kumanya icasuko ukwi uzyo lii?
Magazini ii yako Zyukini! imatandikilapo ukulanda pa visinka ivyalenga antu aingi yazumile ukuti Kaumba akuno waya. Alino lyene imalanda nu umulandu uno cacindamila ukumanya vino umi watandike.
Limwi Mungatemwa Ukulolako na Vii
SAYANSI NA BAIBO
Uzye Uumi Watandike Uli?
Icisinka i cakuti, antu aingi asambilile—ukwikako na yasayansi aingi—yatwisika icisambilizyo cakuti ivintu vyasangwike sile.
MASUKO KU MAUZYO AMULI BAIBO
Uzye Leza waomvizye ukusanguka pa kuumba ivya umi ivipusanepusane?
Baibo isikana vino ya sayansi yakalanda ukuti iciumbwa conga ica umi cingaya umu misango ipusanepusane.
ABOUT US
Leengini Ukuti ya Nte Yakwe Yeova Yakamutandalile
Mukalanzyanye ivya muli Baibo na ya Nte Yakwe Yeova, nanti mukeezyeko ukusambilila Baibo ukuomvya inzila ino twatantika.
