Ciusyo ca Mfwa Yakwe Yesu
Pa Cibelusi, Epulelo 12, 2025
Ya Nte Yakwe Yeova yakaiusya Imfwa yakwe Yesu muku onga umu mwaka kulingana na vino Yesu walanzile lino watile: “Mwacita cii pa kunjiusya.”—Luka 22:19.
Tukumwama ukuti mukize mukazanweko.
Mauzyo Yano Antu Yakauzya Sana
Uzye puloglamu ilatalimpa uli?
Mupiipi ni awala lyonga.
Uzye aekwi ukulayela ukulongana?
Lanzyanyini na Ya Nte Yakwe Yeova pakuti mumanye ukulayela ukulongana uku ncende kuno muyeleliile.
Uzye kulaya ukulipila?
Awe.
Uzye kulaya ukupisyamo imbale ya mutuulo?
Awe.
I vyakuzwala vya musango ci vino ndinzile ukuzwala?
Nanti cakuti kutaya isunde pali vino akuzanwako alinzile ukuzwala, Ya Nte Yakwe Yeova yakaezya apapezile amaka ukulondela ukupanda mano ukwa muli Baibo ukukalanda pa kuzwala ivyakuzwala ivya mucinzi nupya ivilinge. (1 Timoti 2:9) Cii cisikupiliula ikuti mulinzile ukuzwala ivyakuzwala ivya mutengo sana.
I vyani ivilaacitika pa Ciusyo?
Ciusyo cilatandikilapo nu lwimbo ni pepo nu kusila nu lwimbo ni pepo, nupya ipepo lyonga na lyonga lilapepwa na Nte Wakwe Yeova. Icikalamba icilaya pa Ciusyo i lyasi ililalanda pa mulandu uno imfwa yakwe Yesu yacindamila na vino tukaipakizya pa mulandu na vino Leza na Klistu yatucitila.
Pakuti mumanyilepo na vyuze, belengini icipande ica pa intaneti icakuti “U Mulandu ci Uno ya Nte Yakwe Yeova Yakazevezya Icakulya Ica Manguzi Ica Mwene Umu Nzila Ipusaneko na Vino Amu Mipepele Yuze Yakacita?”
Aa lilaci lino kulaya Iciusyo?
2025: Pa Cibelusi, Epulelo 12
2026: Pali Cini Epulelo 2
Limwi Mungatemwa Ukulolako na Vii
CIUSYO
Mwaiusya Imfwa Yakwe Yesu
Tukumwama mukwai ukuti mukize mukalongane naswe ku Ciusyo cii icicindame cuze. Mulasambilila vino umi wakwe Yesu ni mfwa yakwe vingamwavwa.
MASAMBILILO AA MULI BAIBO AACINDAME
U Mulandu ci Uno Yesu Wafwilile?
Baibo ikalanda sana pa mfwa yakwe Yesu ukuti yali icindame. Uzye imfwa yakwe yalondekwanga?