Jipañ armej ro bwe ren etale er make. Kwal̦o̦k kajjitõk ko renaaj jipañ ri-kweilo̦k ro ñan etale l̦õmn̦ak im eñjake ko aer make.

Rõjañ er ilo juon wãween enaaj kõm̦akũt bũrueer. Jipañ armej ro ñan etale ippãer make taunin rej kõm̦m̦ani jerbal ko rem̦m̦an. Kõm̦m̦an bwe yokwe eo aer ñan Jeova, ñan armej, im kõn katak ko ilo Baibõl̦ ren men ko rej kõm̦akũt er ñan kõn̦aan kõm̦m̦ani men ko rem̦m̦an. Jipañ er bwe ren mel̦el̦e unin an aorõk ñan l̦oore ta eo Baibõl̦ ej ba ijello̦kun am̦ jiroñ er ta ko ren kõm̦m̦ani. Bareinwõt ijello̦kun am̦ kajook er, em̦m̦anl̦o̦k ñe kwõj kwal̦o̦k naan ko renaaj kõketak im kõm̦akũt er ñan kate er.

Jipañ er bwe ren l̦õmn̦ak kõn Jeova. Kaalikkar kõn wãween an katak ko, naanin kakapilõk ko, im kien ko ilo Baibõl̦ kwal̦o̦k kõn kadkad ko kadkadin Anij kab yokwe eo an ñan kõj. Jipañ armej ro bwe en l̦apl̦o̦k aer kõn̦aan etale l̦õmn̦ak im eñjake ko an Jeova im kõn̦aan kõm̦m̦ani men ko rej kabuñbũruon.