Jekob ear oktaak ippãn juon enjel̦ kõn juon men el̦ap an kar aorõk​—kõjeraam̦m̦an jãn Jeova. (Jen 32:24-31; Hos 12:3, 4) Ak ta kõn kõj? Jej ke m̦õn̦õn̦õ in lukkuun kate kõj ñan pokake Jeova im bõk jeraam̦m̦an jãn e? Ñan waanjoñak, ñe jenaaj kar kõm̦m̦an kããlõt ñan etal ñan kweilo̦k ak jerbal ilo jikin jerbal eo ad ium̦win bar jejjo awa, ewi wõt men eo jen kar kããlõte? Ñe jej lel̦o̦k ñan Jeova iien ko ad, kajoor im maroñ ko ad, im men ko ewõr ippãd, ej lutõktok ñan kõj ‘jeraam̦m̦an m̦ae iien enaaj ejjel̦o̦k aikuj.’ (Mal 3:10) Enaaj tõl im kõjparok im kabwe aikuj ko ad.​—Mt 6:33; Hi 13:5.

ALWÕJE PIJA EO ETAN STAY FOCUSED ON SPIRITUAL GOALS, INNEM UWAAKI KAJJITÕK KEIN:

• Ewi wãween an jerbal eo me em̦m̦an ippãn jiroñ in jeid im jatid kar mãlejjoñe?

• Ewi wãween an jerbal eo ad maroñ juon menin mãlejjoñ ñan kõj?

• Etke Timote ear aikuj wõnm̦aanl̦o̦k wõt im kõm̦m̦an an mejãnkajjik meñe ear juon eo ekajoor kõtaan eo an ippãn Jeova?​—1Ti 4:16

• Ewi wãween ad kaalikkar “ta jerbal eo ad m̦oktata”?