Jeova ekõn̦aan bwe jen karejar ñan e kõnke jej yokwe e. (Mt 22:37, 38) Yokwe eo an rũkkatak ro ñan Anij enaaj jipañ im kõm̦akũt er ñan kõm̦m̦an oktak ilo mour ko aer im tiljek wõt ilo iien ko reppen. (1Jo 5:3) Yokwe eo aer ñan Anij enaaj kõm̦akũt er bwe ren peptaij.

Jipañ rũkkatak ro am̦ bwe ren loe yokwe eo an Anij ñan er. Kajjitõk ippãer kajjitõk kein: “Ta eo men in ej katakin eok kake kõn Jeova?” ak “Ewi wãween an men in jipañ eok ñan kile yokwe eo an Jeova ñan kwe?” Jipañ er bwe ren kile wãween an Jeova jipañ er ilo mour ko aer. (2Kr 16:9) Kwal̦o̦k jet waanjoñak kõn wãween an kar Jeova uwaaki jar ko am̦, im jipañ er bwe ren loe wãween an Jeova uwaaki jar ko aer. El̦ap ad lañlõñ ñe jej loe an rũkkatak ro ad lo yokwe eo an Jeova im kwal̦o̦k bwe rej yokwe e im kõn̦aan jem̦jerãik e.

ALWÕJE PIJA EO ETAN JIPAÑ RŨKKATAK BAIBÕL̦ RO AM̦ ÑAN KADDEK JUON KÕTAAN EPAAK IPPÃN JEOVA, INNEM UWAAKE KAJJITÕK KEIN ITULAL̦:

• Apañ ta eo Jade ear iioone?

• Ewi wãween an kar Neeta jipañ Jade?

• Ewi wãween an kar Jade anjo̦ ioon apañ eo?