Bwe ren maroñ jel̦ã kajjien Jeova im erom juon Kũrjin erũtto ilo tõmak, rũkkatak Baibõl̦ ro rejjab aikuj katak wõt jãn men ko jej katakin er. (Mt 5:3; Hi 5:12–6:2) Bõtab rej aikuj bar katak kilen ñan katak ippãer make.

Ilo jinoin am̦ katak ippãer, kwal̦o̦k ñan rũkkatak Baibõl̦ ro am̦ kilen aer kõpooj katak ko aer, im rõjañ er ñan kõppojakl̦o̦k im̦aan. (mwb18.03 6) Rõjañ er ñan jar kajjojo iien m̦okta jãn aer katak ippãer make. Kwal̦o̦kl̦o̦k kilen aer etal ñan im kõjerbal kein katak ko ilo online. Kõmel̦el̦eik kilen aer pukot men ko rekããl ilo jw.org im JW Broadcasting^®. Jidik kõn jidik katakin er ñan riit Baibõl̦ eo aolep raan, ñan kõppojak ñan iien kweilo̦k ko, im kõm̦m̦an etale ko ñan pukot uwaak ko ñan kajjitõk ko aer. Jipañ er ñan kõl̦mãnl̦o̦kjen̦ kõn ta ko rej katak kaki.

ALWÕJE PIJA EO ETAN JIPAÑ RŨKKATAK BAIBÕL̦ RO AM̦ ÑAN KATAK IPPÃER MAKE, INNEM UWAAKE KAJJITÕK KEIN ITULAL̦:

• Ewi wãween an kar Neeta jipañ Jade ñan kile bwe ad katak ej kitibuj el̦apl̦o̦k jãn ad jel̦ã uwaak ko?

• Ta eo ear jipañ Jade ñan tõmak bwe ejim̦we an Jeova kõmo̦ik mourin l̦õñ?

• Ta eo Jade ear jino mel̦el̦e kake kõn kõl̦mãnl̦o̦kjen̦?