Ta eo Baibõl̦ Ej Ba?
Anij ej ke uwaake aolep jar?
KWÕMAROÑ KE BA BWE EJ UWAAKE JAR KO AN . . .
Aolep armej
Jet armej
Ejjel̦o̦k juon en̦ ej eo̦roñe
EKKAR ÑAN BAIBÕL̦
“Jeova ej epaak ñan er otemjej . . . rej kũr ñan E ilo m̦ool.”—Sam 145:18.
TA MEN KO JET BAIBÕL̦ EJ BA?
Anij ejjab roñjake jar ko an ro rej jum̦aik e. (Aiseia 1:15) Bõtab, emaroñ uwaaki jar ko aer el̦aññe rej oktak jãn kõm̦m̦an ko aer.—Aiseia 1:18.
Bwe Anij en uwaaki jar ko ad, men ko jej jar kaki rej aikuj jejjet ekkar ñan ankilaan.—1 Jon 5:14.
Jej aikuj ke jillo̦k, jijet, jutak, ak bukwelõlõ ñe jej jar?
JET ARMEJ REJ TÕMAK bwe rej aikuj bukwelõlõ, jillo̦k, ak nukuj peier ñe rej jar. Ak ta l̦õmn̦ak eo am̦?
EKKAR ÑAN BAIBÕL̦
Ewõr armej ro Anij ear eo̦roñ jar ko aer ke rar “jijet,” “jutak,” “buñpedo,” ak “bukwelõlõ” ke rar jar. (1 Kronikel 17:16, UBS; 2 Kronikel 30:27; Ezra 10:1; Jerbal 9:40) Anij ejjab jiroñ kõj bwe ñe jej jar ej menin aikuj ñan ad jijet, jutak, ak wãween ko ãierl̦o̦kwõt.
TA MEN KO JET BAIBÕL̦ EJ BA?
Anij ej roñjake jar ko an ro ettã bũrueer. —Sam 138:6.
Jemaroñ jar ilo bũruod ak jar ilo jabdewõt kajin.—2 Kronikel 6:32, 33, UBS; Nihimaia 2:1-6, UBS.
