Kwoj ke Kememej?

Kwar mõnõnõ ke in riiti Imõniaroñroñ ko ilo aliñ ko rej kab motlok? Lale elañe kwomaroñ uake kajitõk kein ilõl:

• Etke elukkun aurõk bwe jen drebij mour jime eo ar?

Kejbãrok mour jime eo ar ej kamaroñ kij bwe jen rejetake aituerõk eo kin iroij potata eo an Jeova kin ar yokwe e im kamol bwe Setan ej dri riõp. Kin men in, ej berber eo me Anij emaroñ kajerbale ñõn ekajete kij, bwe en or juõn kejatdrikdrik iber kin ilju im jeklaj.​​—12/15, peij 4-6.

• Ta jet title ko rej kalikar jerbal eo ejej uan an Jisõs kin karõk eo an Anij?

Eo ej make wõt Nejin Anij. Nan Eo. Eo ej Amen. Dri Kilajrõk kin bujen ekãl. Pris eo Elap. Inen Kalimur.​​—12/15, peij 15.

• Etke ran in Jabõt eo an dri Ju ear jino ilo jota?

Ke Jeova ear lelok kien eo kin Ran in Kilajrõk eo ñõn armij ro an, ear ba: “Jen jota ñõn jota, kom naj lale ami Sabat.” (Livitikõs 23:​28, 32) Kien in ej kalikar bwe kajuju ran iben dri Ju ear jino ilo jota, elikin tulok in al im jemlok ilo tulok in al ilo ran eo tok juõn, im dri Ju ro rar lore wãwen in.​​—Jãnwõde-Maaj, peij 14.

• Ewi wãwen jemaroñ kalaplok ar lõñliñ ilo jerbal in kwalok nan?

Jemaroñ keboje buruer ikijen ar jibõñ armij ro jet joñõn wõt ar maroñ. Kõmõn ar mejenkajik bwe jen katak Baibel iben armij ro. Ñe armij rejjab itoklimo, jemaroñ ukot ennan eo ar im konono ibeir kin men ko rej itoklimo kaki.​​—1/15, peij 8-​10.

• Kar ta melelen nan kein “joñon etal ilo ran in Sabat”?

Juõn buk kin bwebwenato ko an lõl etan The Cyclopedia of Biblical, Theological, and Ecclesiastical Literature, ear kemelele kin nan kein, “joñon etal ilo ran in Sabat.” Ej ba: “Kinke ran in Sabat ear kitibuj elõñ kien ko, rar bebe bwe ilo ran in Sabat ejelok juõn emaroñ etetal le jen joñõn eo kar naetan, joñon etal ilo ran in Sabat.” Joñõn etolok in me kar karõke, ej 2,000 cubit ak aitoklok jidrik jen jimõtõn mail.​​—Jãnwõde-Maaj, peij 14.

• Ta melelen nan ko an Devid ilo Sam 56:​8, ke ear akwelap ñõn Jeova: “Kwoj likit drenin kemjalal ko aõ ilo boto eo Am”?

Devid ear lukkun liki bwe Jeova ej lale e im enaj kememej wõt e ilo an iñtan, einwõt ñe Jeova ej likit drenin kemjalal ko an ilo boto eo. Ilo ejja wãwen in wõt, elõñ armij ro, im elaptata ro me rekõnan kabuñburuen Anij, rej iñtan ilo eñjake, lemnok, ak ilo kõniek. Remaroñ liki bwe Jemeir ilõñ ejjab lo wõt melejoñ ko rej iioni ak ej lo ewi wãwen an melejoñ kein maroñ jelet iñjake ko air. Elukkun melele kin iñtan ko rej jelet dri korijer ro an, im ilo tiriamo ej kememej wõt kin drenin kemjalal im iñtan ko air, im ilo kõkkar ej likiti ilo nien dren eo an.​​—Jãnwõde-Maaj, peij 15.

• Ewi wãwen Baibel eo ej jelet lemnok ko an dri Kristian ro kin mõnit ko ilo ien mij ko?

Meñe juõn dri Kristian emaroñ lap an buromõj kin eo ejitenburu iben ilo mij, ak ejela bwe ro remij ejelok air jela kin jabrewõt. Meñe ro nukin rejjab ber ilo tõmak remaroñ kõrraate ir kin air jab bõk kwonair kin mõnit ko me rej kowõnmanlok tõmak eo bwe dri mij ro remaroñ jibõñ ak kokkure ro remour. Ñõn bõprae an walok abañ ko ikõtan baamle, jet dri Kristian rej je moktalok ilo tibrikin kin ta eo ekõnan ikijen karõk ko kin mij eo an.​​—2/15, peij 22-​24.

• Etke eaurõk bwe aolep dri Kristian ro rej aikwij erreo?

Dri kanan Aiseia ear je vision eo ear loe me enjel ro rej kwalok kin dri Kõmõnmõn eo ilo air ba nan kein, “E kwojarjar, E kwojarjar, E kwojarjar.” (Aiseia 6:⁠3) Kemelele in ej kalikar bwe Anij elap an erreo. Elañe eindrein, Anij ekõnan bwe aolep ro rej korijer ñõn e ren kwojarjar im erreo. Ej jiroñ ir: “Komin kwojarjar: bwe Ña I kwojarjar.” (1 Piter 1:​16)​​—Jãnwõde-Maaj, peij 27.

• “Buk in Jashar” im “buk in tõrinae ko an Jeova” me armij ro rar luji, rej ke mõtõn Baibel eo? (Josh. 10:13; Bwin. 21:​14)

Jaab. Anij ear jab kakõrmoli buk kein me rar ber ilo ien ko etto ak dri jeje Baibel ro rar jitõñlok ñõni ak etali ke rar je Baibel eo.​​—3/15, peij 32.