Kwoj ke Kememej?

Kwar mõnõnõ ke in riiti Imõniaroñroñ ko ilo aliñ ko rej kab motlok? Lale elañe kwomaroñ uake kajitõk kein ilõl:

• Ilo wãwen it Anij emaroñ kõmõn bwe kwon mweie?

Ilo ien ko etto, Jeova ear kejerammõn ro jet, einwõt Ebream im Solomon, kin mweiuk ko. Ak mweiuk ko me elap an dri Kristian ro aikwiji im Anij emaroñ jibõñ ir kabukoti ej tõmak, ainemõn, jokõne, im mõnõnõ.​—10/1, peij 9-12.

• Juõn dri karek emaroñ ke bwijrõk jen an karek?

Juõn ian nan in jiroñ ko me emaroñ jibõñ juõn eo ekarekrek bwe en lukkun bwijrõk jen an karek ej ñõn kõmao iben ro remol. Jabõn Kennan Ko 18:24 ej ba: “Eo ej jeraik elõñ, ej kõmõn men in ñõn an jorran; a eor juõn jera ej edrep wõt jen juõn jein im jãtin.” Aikwij kajerbal lolokjen ñõn kile wõn ro rej lukkun mol air mõtaik kij im wõn ro rejjab.​—10/1, peij 21-22.

• Ta eo jemaroñ katak jen an kar Jisõs lomoren Piter ke ear jino an tuññũlõllok ilo lomalo eo? (Mat. 14:28-​31)

Ñe jej lo bwe tõmak eo an juõn jeer im jãter ej mõjinolok, ilo kõkkar jemaroñ erlokwe peir im jibõñ e ñõn kakajurlok tõmak eo an.​—9/15, peij 8.

• Ta eo Jeova ear aikwij in kõmõne ñõn lomoren kij?

Jeova ear aikwij kijenmij ke ear lo air kokkure im kajirere kake Nejin. Im, einwõt kar annañelok ikijen an kar Ebream mõnõnõ in katok kin nejin, Jeova ear kijenmij ke ear lo an armij ro mõn Nejin einwõt juõn dri kowaroñ.​—9/15, peij 28-29.

• Ta eo Jabõn Kennan 24:27 ej katakin kij kin ‘kalek juõn im’?

Eman eo me ekõnan mare ej aikwij lukkun pojõk ñõn bõk erro in. Men in ej kitibuj an pojõk ñõn kabwe aikwij ko an baamle eo an ilo kõniek im tel baamle eo ilo jitõb.​—10/15, peij 12.

• Ta eo ro jemen im jinen remaroñ kõmõne ñõn lo tõbrõk ilo Ien Kabuñ an Baamle eo?

Ilo air kãlet juõn ran im auõ ilo juõn jota im karõk bwe en Ien Kabuñ an Baamle eo, inem lore wõt. Bareinwõt kajenolok bar juõn ran in katak ñe men ko rejidimkij rej walok ilo ien eo kar karõke.​—10/15, peij 29.

• Etke juõn jeer im jãter kõra me ej ukoti katak ko ñõn dri jaroñroñ ro ilo ien kwelok ko ej kalibubuik bõran?

Ilo ran kein, ekkã air kajerbal video ko ñõn ro rejaroñroñ im ej walok dri ukok eo wõt ie im jab man eo jeer im jãter me kwalok katak eo, inem ro rej aluije video kein remaroñ lemnok wõt kin dri ukok eo im ejjab eo ej kwalok katak eo. Bareinwõt ilo ien kwelok ko eor juõn TV ekilep me ej kwalok dri ukok eo wõt, inem ekkar bwe kõra eo me ej ukok ñõn dri jaroñroñ ro en kõtãik e ilo an kalibubu bõran.​—11/15, peij 12.

• Ewi wãwen Jeova im Jisõs rar likit juõn joñok emõn ñõn kij kin wãwen kwalok joij im koutiej?

Meñe Jeova eutiej einwõt iroij potata eo ijoko otemjej, ej kwalok joij im koutiej ñõn armij ro. Ke ear konono ñõn Ebream im Moses, ear kajerbal nan eo me ilo kajin Hibru ej ukot juõn nan in kakien ñõn juõn kajitõk ejoij. (Jen. 13:14; Ex. 4:6) Anij ej bareinwõt roñjake armij ro. (Jen. 18:23-32) Jisõs ear bar kõmõne men in, im ear pojõk im mõnõnõ in jibõñ ro rar aikwij jibõñ, bareinwõt ekkã an kar kajerbal ãt ko etair.​—11/15, peij 25.