Kwoj ke Kememej?

Kwar mõnõnõ ke in riiti Imõniaroñroñ ko ilo aliñ ko rej kab motlok? Jen lale elañe kwomaroñ uake kajitõk kein ilõl:

• Etke Messaia eo ear aikwij mij?

Mij eo an Jisõs ear kamol bwe juõn armij ewãppen emaroñ drebij wõt an tiljek ñõn Anij meñe ej jelmae melejoñ ko relap. Bareinwõt, ear kõllã wõnan jerawiwi eo me armij ro otemjej rar jolite jen Adam, im kebellok ial eo ñõn bõk mour indrio.​—12/15, peij 22-23.

• Konono iben ro nejir ilo juõn wãwen eor tokjen ej kitibuj ta?

Konono iben ajiri ro nejir ej kitibuj juõn men elaplok jen ar baj konono wõt ñõn ir. Ej kitibuj ar kajerbal kajitõk ko im roñjake uak ko air. Elõñ rar lo bwe ien mõña iben dron ej kebellok ien ko remõn ñõn konono iben dron.​—1/15, peij 18-​19.

• Ta ko rej kamakõt juõn ñõn an lemnok bwe ej aikwij bar baptais alen ruo?

Men in emaroñ walok elañe juõn eo me emwij an kar baptais ej kile bwe ilo ien eo ear baptais ear kõmõne juõn men ejakkar ak juõn mõnit enana ilo ittino me elañe ear mwij an baptais inem remaroñ kar bukweloke.​—2/15, peij 22.

• Ta eo ine eo emõn ilo wanjoñok eo an Jisõs kin wit im tãõ ko ej jitõñlok ñõne?

Jisõs, eo ej “Nejin armij,” ear kapoje jikin kallip eo ilo wãwen an kar kõmõne jerbal in kwalok nan eo an ijin ion lõl. Jen ran in Pentekost eo ilo yiõ eo 33 im manlok, Jisõs ear jino jeor ine eo emõn ke ear kabite dri Kristian ro bwe ren ro nejin ailiñ in lõñ.​—3/15, peij 21.

• Ilo wanjoñok eo an Jisõs, ewi wãwen kar bõklok wit ko ilo kõkkar ñõn iloan imõn ekan eo an Jeova? (Matu 13:30)

Wãwen an wanjoñok in an Jisõs jejit kitien ej wõnmanlok wõt ñõn jemlokõn jukjuk im ber in. Dri kabit ro an Ailiñ eo, me wit ko rej kõkkar kake, rej dreloñlok wõt iloan imõn ekan eo an Jeova ke kar bõklok ir ñõn iloan congregation eo an Kristian me kar bar kajutõke ak ien eo rej bok ãjinkij eo ñõn mour ilõñ.​—3/15, peij 22.

• Wõn eo ear kãlet buk ko ilo Jeje ko ilo Kajin Grik jen Matu ñõn Reveles̃õn?

Ear jab juõn kumi ak juõn dri tel in kabuñ. Bõtab, Ikijen tel eo an jitõb kwojarjar eo an Anij, dri Kristian ro remol rar maroñ kãlet buk kein im kile bwe emwij an Anij lukkun kakõrmoli. Men in ej kein kamol bwe juõn ian menin letok ko rekabwilõñlõñ ikijen jitõb kar lelok ñõn dri Kristian ro ilo jinoin kar ikijen “maroñ in kile menin letok ko rej jen Jitõb.” (1 Kor. 12:​4, 10, UBS)​—4/1, peij 28.