Kajjojo iiõ, elõñ milien armej rej mej kõn aer jabwe õn im rej bõk nañinmej ko jet kõn wõt men in jeram̦õl. Meñe ewõr jet jikin ilo lal̦ in el̦ap an armej ro ie m̦weiie, ak elõñ wõt armej ro el̦ap aer jeram̦õl. Joñan, Baibõl̦ ej ba bwe jeram̦õl ej juon iaan apañ ko eto an jelõt elõñ armej.​—Riit Jon 12:8.

Jenaaj aikuji juon kien el̦ap an kajoor ñan tõl aolepen aelõñ ko im kõm̦m̦an bwe men otemjej ren em̦m̦an ñan aolep im ñan jol̦o̦k jeram̦õl. Kien in enaaj aikuj bar kabõjrak an wõr tarin̦ae kõnke ej m̦õttan unleplepin an armej jeram̦õl im pãd ilo jerata. Eñin kien eo Anij ej kallim̦ur bwe enaaj tõl aolepen lal̦.​—Riit Daniel 2:44.

Em̦õj an Anij kããlõt Nejin, Jijej bwe en irooj ioon aolep armej. (Sam 2:4-8) Innem, Jijej enaaj jipañ ro rejeram̦õl im enaaj jol̦o̦k nana im jorrããn otemjej.​—Riit Sam 72:8, 12-14.

Baibõl̦ ej kanaan kake bwe Jijej ej “Irooj in Aenõm̦m̦an.” Mel̦el̦ein bwe Jijej enaaj bõktok aenõm̦m̦an im jokwane ioon lal̦ in. Aolep armej ro ipel̦aakin lal̦ in enaaj wõr make m̦weer em̦, renaaj m̦õn̦õn̦õ kõn jerbal ko aer, im enaaj lõñ ekkan ko.​—Riit Aiseia 9:6, 7, UBS; 65:21-23, UBS.