Библийым лудмо годым ме шымлашлан тӱрлӧ ӱзгарым кучылтына. Тидлан кӧра ме лудмынам сайрак умылен кертына. Цельна — шинчымашым налаш гына огыл, а Иеговам эше чотрак йӧраташ. Сандене кажне гана мемнан чапле Юмына нерген иктаж-мом уым палаш кӱлеш. Библийым лудын, шке деч йодса: «Тиде ужаш гыч Иегова нерген мый мом пален налынам?»

Ме ужын кертына, кузе Иегова йӧратыше, уш-акылан, справедливый да виян улмыжым ончыкта. Но тудын эше шуко сылне койышыжо уло. Тиде койышыж-влак нерген шукырак информацийым кушто муаш лиеш?

«Индекс публикаций Сторожевой башни» Юмын 50 наре койышыжым палемда. Почса «Иегова» вуймутым, а вара «Качества по отдельности» изи вуймутым. Кажне гана Библийым лудын, шоналтыза, тиде случай годым Иегова могай койышыжым ончыктен, да тиде койыш нерген шымлымашым эртарыза. (Тендан «Путеводитель по публикациям Свидетелей Иеговы» веле уло гын, тунам почса «Бог Иегова» вуймутым, а вара «Качества» изи вуймутым.)