Духовный кӱлешлыкшым ситараш да кушкын шушо христиан лияшлан шымлыше айдемылан Библий гыч тӱҥ чын-влакым пален налаш гына огеш сите (Мф 5:3; Евр 5:12—6:2). Тудлан шӱлыш кочкышым шкевуя налаш тунемаш кӱлеш.

Шымлыше айдемым занятийлан ямдылалташ тӱҥалтыштак туныкто да тидым тудлан привычкыш пурташ полшо (mwb18.03 6). Библий дене кылдалтше иктаж-могай йодышым шкевуя шымлымыжым кумалме мут дене тӱҥалаш туныкто. Тудым шымлаш полшышо электрон ӱзгар-влак дене палдаре да кузе нуным кучылташ умылтаре. Тыгак jw.org сайтыште у информацийым эскераш туныкто да JW Broadcasting^® гыч кажне тылзын лекше программым эре ончаш тарате. Эркын-эркын тудлан Библийым кажне кечын лудаш, вашлиймашлан ямдылалташ да тургыжландарыше йодышлан вашмутым шкевуя кычалаш привычкым кушташ полшо. Пален налмыже нерген келгынрак шонкалаш туныкто.

«БИБЛИЙЫМ ШЫМЛЫШЕ-ВЛАКЛАН ДУХОВНЫЙ КӰЛЕШЛЫКЫШТЫМ СИТАРАШ ПОЛШЫЗА» ВИДЕОРОЛИКЫМ ОНЧЕН НАЛ ДА НИНЕ ЙОДЫШ-ВЛАКЛАН ВАШМУТЫМ ПУ:

• Библий шымлымашын цельже — чын вашмут-влакым муаш гына огыл. Кузе Нита Джейдлан тидым умылаш полшен?

• Секс шотышто Иегован нормыжо-влак тудым аралат манын, Джейдлан мо умылаш полшен?

• Шонкалымаш шотышто Джейд мом умылен налын?