Тиде тӱняште чыла унчыли савырал шындыме: порым осаллан, а осалым порылан шотлат (Иса 5:20). Еҥ-влак Иеговалан йӧрдымӧ пашам ыштат. Мутлан, пӧръеҥ ден пӧръеҥ але ӱдырамаш ден ӱдырамаш сексуальный кылым кучат. Йочанан кумылышт лектын кертеш иктаҥаш-влак але кумдан палыме еҥ-влак гаяк лияш. Ача-ава-влак шке йочаштлан тыгай тергымашым сеҥаш кузе полшен кертыт?

Йочадам Иегован нормыжлан туныктыза (Лв 18:3). Йочалан Библийыште секс шотышто мом возымым да мо нормылан шотлалтеш умылтарыза. Тыгодым ийготыштым шотыш налза (Вт 6:7). Шке деч йодса: «Пала мо мыйын йочам, кӧ дене нечкыланаш лиеш, а кӧ дене — огеш лий? Тудо умыла мо, молан чийыме вургемже шотан лийшаш? Кунам йоча мушкылтеш, вургемжым вашталта але мала, капшым тӱкаш лийдыме нерген праважым тудо пала мо? Иктаж-кӧ йочалан порнографийым ончыкта але Иеговалан йӧрдымӧ пашам ышташ тарата гын, шкем кузе кучаш йоча пала мо?» Тыгай туныктымаш йочам шуко нелылык деч арала (Пр 27:12; Эк 7:12). Те, ача-ава-влак, нуным туныктен, Иегова деч пуымо пӧлекым, йочадам, аклымым ончыктеда (Пс 126:3).

«СТРОЙТЕ ДОМ, КОТОРЫЙ УСТОИТ. ЗАЩИЩАЙТЕ ДЕТЕЙ ОТ ЗЛА» ВИДЕОРОЛИКЫМ ОНЧЕН НАЛ ДА НИНЕ ЙОДЫШ-ВЛАКЛАН ВАШМУТЫМ ПУ:

• Южо ача-ава шке йочашт дене секс нерген мутланаш молан вожылыт?

• Молан ача-ава-влаклан йочаштым Иегован каласымыж почеш ончен кушташ кӱлеш? (Еф 6:4).

• Ача-ава-влаклан шке йочашт дене секс нерген мутланаш куштылгырак лийже манын, Иегован организацийже кузе полша? (w19.05-U 12, рамке).

• Молан ача-ава-влаклан йочашт дене чон почын мутланаш кӱлеш?