Самуил Иеговалан ӱмыр мучко ӱшанле кодын. Йоча лийме годым тудо Хо́фни да Финее́сын, Илийын эргышт-влакын, осал примерышт почеш ыштен огыл (1См 2:22—26). Самуил кушкын, Иегова эре тудын дене лийын (1См 3:19). Шоҥго лиймеке, тудын эргыже-влак Юмылан ӱшанле лийын огытыл гынат, тудо шкеже Иеговалан ӱшанлын служитлен (1См 8:1—5).

Самуилын примерже мемнам мо́лан туныкта? Самырык иза-ака-влак, ӱшанен кодса: тендан илышыштыда кеч-могай нелылык лийже, Иегова тендам умыла да ужеш, мом те тыгодым шижыда. Тудо тыланда лӱддымӧ лияш полша (Иса 41:10, 13). Ача-ава-влак, тендан йочада чын корно гыч кораҥ каен гын, Самуилын примерже тендам лыпландарен кертеш. Вет тудат кушкын шушо эргыже-влакым Юмын законжо почеш илаш ӧкымлен кертын огыл. Тудо чылажымат Иегован кидышкыже пуэн. Тудо шкенжым сайын кучен да Юмылан умбакыжат ӱшанлын служитлен. Лийын кертеш, тендан сай примерда йочадам Иегова дек пӧртылаш тарата.

«УЧИТЕСЬ НА БИБЛЕЙСКИХ ПРИМЕРАХ. САМУИЛ» ВИДЕОРОЛИКЫМ ОНЧЕН НАЛ ДА ВАШМУТЫМ ПУ:

• Изи Самуил лӱддымылыкым кузе ончыктен?

• Дэнни лӱддымылыкым кузе ончыктен?

• Илалше Самуил сай примерым кузе ончыктен?

• Дэнни лӱман рвезын ача ден аваже сай примерым кузе ончыктеныт?