Иегова дене йолташ лияшлан шымлыше айдемылан йолташ-влакым ойырен мошташ кӱлеш (Пс 14:1, 4). Сай йолташ-влак тудлан сайрак лияш полшат (Пр 13:20; lff 48 урок).

Шымлыше айдемым умылаш тырше, вет тудлан, очыни, ончычсо йолташ-влак дене кылым кӱрлаш неле. Шымлыме годым веле огыл тудын дене кылым кучо, тыглай годымат. Изи сообщенийым тудлан колто, йыҥгырте, але тудын деке пурен лек. Иегова деке лишеммыже семын, погынымаш дене яра жапым пырля эртараш ӱж. Тунам тудо раш ужеш: тудын налмыже кодмо деч шукырак улеш (Мк 10:29, 30). Мутат уке, Иегован ешын кушмыжо тыйым куандара.

«БИБЛИЙЫМ ШЫМЛЫШЕ-ВЛАКЛАН ЙОЛТАШ-ВЛАКЫМ УШ-АКЫЛ ДЕНЕ ОЙЫРАШ ПОЛШЫЗА» ВИДЕОРОЛИКЫМ ОНЧЕН НАЛ ДА ВАШМУТЫМ ПУ:

• Уда йолташ-влак кӧ лийын кертыт? (1Кр 15:33)

• Христиан-влакын яра жапым пырля эртарымышт нерген Джейд ончыч мом шонен?

• Кузе Нита Джейдлан у йолташ-влакым муаш полшен?