Иеговалан кумалмаште вашлиймаш-влак чот кӱлешан улыт (Пс 21:23). Тыгай вашлиймаште пырля погынен, христиан-влак шуко куаным да суапландарымашым налыт (Пс 64:5). А Библийым шымлыше-влак, кунам вашлиймашке эре кошташ тӱҥалыт, шукыж годым вашкерак духовно кушкыт.

Шымлыше еҥ-влакым вашлиймашке кошташ кузе таратен кертына? Нуным эре вашлиймашыш ӱж. Тыгак «Вашлиймаш залыште мо ышталтеш?» видеороликым ончыкто. Умылтаре, молан нунылан тиде пайдале лиеш (lff 10 урок). А эше вашлиймаште пален налме оҥай шонымашым нунылан каласкален кертат. Але пырля ончен налза, могай программе вес вашлиймаште лиеш. Шымлышылан «Паша тетрадьым» да «Орол башньым» пу але JW Library^® приложенийыште «Встречи» манме вкладкым ончыкто. Ала шымлышылан вашлиймашыш толашлан иктаж-могай полыш кӱлеш. Мутлан, тый тудым шке машина дене вашлиймашке конден кертат. Кунам шымлыше вашлиймашыш толеш, чыла тыйын тыршымашет суапландарыме лиеш (1Кр 14:24, 25).

«БИБЛИЙЫМ ШЫМЛЫШЕ-ВЛАКЛАН ВАШЛИЙМАШЫШ КОШТАШ ПОЛШЫЗА» ВИДЕОРОЛИКЫМ ОНЧЕН НАЛ ДА ВАШМУТЫМ ПУ:

• Джейдым вашлиймашке ӱжашлан Нита могай йӧным кучылтын?

• Кунам Библийым шымлыше айдеме вашлиймашыш толеш, молан ме куанена?

• Кунам Джейд икымше гана христиан вашлиймашыш толын, тудын могай шижмашыже лийын?