6-ШО УРОК
Илыш кузе шочын?
«Илышым пуышо памаш Тый денет [Юмо дене]» (Псалом 35:10). Те тидлан ӱшанеда мо? Южышт шонат, пуйто илышым нигӧат ыштен огыл, тудо шке семын лектын. Тиде чын гын, илышын смыслжым кычалаш арам. Но илышым Иегова Юмо пуэн гын, тугеже тудын смыслже лийшаш a. Туге вет? Айста ончен налына, мом Библийыште илышын шочмыжо нерген возымо да молан тидлан ӱшанаш лиеш.
1. Сандалык кузе шочын?
Библийыште ойлалтеш: «Тӱҥалтыште Юмо кава ден мландым ыштен» (Тӱҥалтыш 1:1). Сандалыкын тӱҥалтышыже лийын манын, шуко шанчыеҥат шона. Кузе Юмо Сандалыкым, ты шотыштак, галактике, шӱдыр ден планет-влакым ыштен? Тидлан тудо шке куатле вийжым, святой шӱлышыжым, кучылтын (Тӱҥалтыш 1:2).
2. Юмо Мландым молан ыштен?
Иегова Мландым «арам огыл, а еҥ-влаклан илашышт ыштен» (Исайя 45:18). Юмын шонен пыштымыж дене келшышын, еҥ-влак мландыште курымеш куанен илышаш ыльыч. Тидлан Юмо нунылан чыла кӱлешаным пуэн. (Исайя 40:28 да 42:5 лудын лекса.) Шанчыеҥ-влакын ойлымышт почеш Мланде вес планет-влак деч чот ойыртемалтеш. Тудо гына илышлан йӧрышӧ улеш.
3. Еҥ-влак янлык деч мо дене ойыртемалтыт?
Мландым ыштымыж деч вара, Иегова кушкыл ден вольык-янлык-влакым ыштен. Вара «Юмо айдемым... Шкеж гайым ыштен». (Тӱҥалтыш 1:27 лудын лекса.) Еҥ-влак янлык деч мо дене ойыртемалтыт? Юмо мемнам шкеж гайым ыштен, сандене ме тудын семынак йӧратен да чын ыштен кертына. Тыгак тудо мыланна йылме-влакым тунемаш, искусство ден музыкым аклаш моштымашым пуэн. Чыла янлык дене таҥастарымаште ме Ыштышыналан йӧратымаш ден пагалымашым ончыктен кертына.
КЕЛГЫНРАК ШЫМЛЕН НАЛЗА
Библийыште возымо дене келшышын, Юмо илыш ден Сандалыкым ыштен. Тидым пеҥгыдемдыше факт-влакым ончен лекса. Тыгак пален налза, мом Юмо нерген еҥ-влакын сай койышышт палдарат.
4. Илыш шке семын лектын огыл
Пӱртӱсыштӧ ыштымым ончен, еҥ-влак тӱрлым шонен луктыт да тидын дене чапым налыт. А пӱртӱсым ыштымылан кӧ моктымо лийшаш? ВИДЕОРОЛИКЫМ ончалза да вашмутым пуыза:
-
Пӱртӱсым ончен, инженер-влак мом шонен луктыныт?
Кажне пӧртын проектшым шонен лукшо да пӧртым чоҥышыжо уло. А пӱртӱсым шонен лукшо да ыштыше кӧ? Еврей-влаклан 3:4 лудын лекса да вашмутым пуыза:
-
Пӱртӱсыштӧ можо тендам поснак ӧрыктара?
-
Сандалык да тушто мо уло, чылажат ыштыме лийын. Тидлан ӱшанаш лиеш мо? Умылтарыза.
Паледа мо?
Тиде теме почеш статья ден видеоролик-влакым jw.org сайтыште «Шке семын лектын але шонен лукмо лийын?» да «Илышын кушеч лекмыже нерген шонымаш-влак» рубрикыште муын кертыда.
«Кажне пӧртын чоҥышыжо уло, а чылажымат чоҥышыжо — Юмо»
5. Сандалыкым ыштымаш нерген Библийыште возымылан ӱшанаш лиеш
Библийын Тӱҥалтыш книгаштыже ойлалтеш, кузе Мланде да тушто илыш шочын. Тиде каласкалымашлан ӱшанаш лиеш мо? Але тиде йомак веле? ВИДЕОРОЛИКЫМ ончалза да вашмутым пуыза:
-
Библий туныкта мо, пуйто Мланде да тушто илыш 24 шагатан куд кечыште ыштыме лийыныт?
-
Кузе шонеда, ыштымаш нерген библийысе каласкалымашлан ӱшанаш лиеш мо? Молан?
Тӱҥалтыш 1:1 лудын лекса да вашмутым пуыза:
-
Шанчыеҥ-влак Сандалыкын тӱҥалтышыже лийын манын ойлат. Ойлымышт кызыт Библийыште лудын лекмыдам пеҥгыдемда мо? Умылтарыза.
Южышт шонат, пуйто Юмо илышым ышташлан эволюцийым кучылтын. Тӱҥалтыш 1:21, 25, 27 лудын лекса да вашмутым пуыза:
-
Библий туныкта мо, пуйто Юмо эн ончыч илышын проста формыжым ыштен, кудыжо вара кол, янлык да еҥ-влакыш савырнен? Але тудо чыла чонаным вигак «шке урлыкышт шот дене» ыштен? b
6. Айдеме — Юмын ойыртемалтше ыштымашыже
Иегова янлык ден еҥ-влакым ыштен. Но айдеме янлык деч ойыртемалтеш. Тӱҥалтыш 1:26 лудын лекса да вашмутым пуыза:
-
Юмо мемнам шкеж гайым ыштен. А ме йӧратыше да чаманыше лийын кертына гын, Юмо могай улеш?
ИКТАЖ-КӦ КАЛАСЕН КЕРТЕШ: «Сандалыкым ыштымаш нерген библийысе каласкалымаш — тиде йомак».
-
А те кузе шонеда? Молан тыге шонеда?
ТӰҤ ШОНЫМАШ
Иегова Сандалыкым да илышын тӱрлӧ формыжым ыштен.
Ушештарымаш
-
Сандалыкын шочмыжо нерген Библий мом ойла?
-
Илышын тӱрлӧ формыжым ышташлан Юмо эволюцийым кучылтын мо?
-
Айдеме янлык деч мо дене ойыртемалтеш?
ЕШАРТЫШЛАН
Пален налза, кузе пӱртӱс чылажымат Ыштышын улмыжым палдара.
«Пӱртӱс мемнам мо́лан туныкта?» («Помыжалтса!» сентябрь, 2006 ий)
Ончалза, кузе ача-ава-влак шке изи йочаштлан Сандалыкым ыштыме нерген Библийыште возымым умылтарен кертыт.
Эволюций ден Библий ваш келшен толыт мо, пален налза.
«Илышын тӱрлӧ формыжым ышташлан Юмо эволюцийым кучылтын мо?» (веб-статья)
Пален налза, археологический мумаш-влак да шанчыеҥ-влакын экспериментышт илышын шке семын лекмыжым пеҥгыдемдат мо? Але нуно чылажымат Юмо ыштен манын ончыктат?
Тыгак тыланда оҥай лийын кертеш
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
