Иегова тендан деч тудым сайрак пален налмыдам вуча. Молан? Кунам те пален налыда, могай тудын койышыж-влак, кузе тудо еҥ-влак верч тырша да мом тудо тыланда шонен пыштен, тунам тудын йолташыже лияш кумылда лектын кертеш. Те Юмын йолташыже чынжымак лийын кертыда мо? (Иаковын 2:23 лудын лекса.) Тудын йолташыже лияшлан мом ыштыман? Библий нине йодыш-влаклан вашмутым пуа. Тыгак тудо умылтара, молан Юмо эн сай йолташда лийын кертеш.

1. Иегова тендам мом ышташ тарата?

«Юмо деке лишемза, тунам Тудат тендан деке лишемеш» (Иаковын 4:8). Тиде шомак мом ончыкта? Иегова тендам тудын йолташыже лияш ӱжеш. Иктаж-кӧ шонен кертеш: «Юмым вет ужаш ок лий, кузе тудын дене йолташ лияш?» Но Иегова шкеж нерген шуко шинчымашым Библий гоч пуэн. Тидлан кӧра, ме Юмым иканат ужын огынал гынат, тудын дене йолташ лийын кертына. Кузе? Кунам ме Библийым лудына, тунам Юмо дене кыл кучымашна пеҥгыдемеш.

2. Молан Иегова — эн сай йолташ?

Иегова семын тендам тынар чот иктат огеш йӧрате. Тудо тендам пиаланым ужнеже да тыланда полшынеже. Те кеч-могай тургыжланымашдам Юмылан ӱшанен пуэн кертыда, вет тудо «тендан верч тырша» (1 Петрын 5:7). Иегова шке йолташыж-влаклан полшаш, нуным лыпландараш да колышташ эре ямде. (Псалом 93:18, 19 лудын лекса.)

3. Иегован йолташыже лияшлан мом ыштыман?

Иегова чыла еҥым йӧрата, но шке лишыл йолташыжлан чын ыштыше айдемым гына шотла (Притчи 3:32). Юмо шке лишыл йолташыж-влак деч теве мом вуча: нуно тудлан йӧрышӧ пашам ыштышаш улыт, а тудлан йӧрдымӧ паша деч кораҥшаш улыт. Иктаж-кӧ шонен кертеш, пуйто тудо чыла шотыштат Юмылан йӧрышӧ лийын огеш керт. Но Иегова мемнам умыла. Тудо мемнан деч ыштен кертдымым ок вучо. Иегова чот акла, кунам ме тудым уло шӱм дене йӧратена да тудын ончалтышыжым эре шотыш налаш тыршена (Псалом 146:11; Апост. пашашт 10:34, 35).

 КЕЛГЫНРАК ШЫМЛЕН НАЛЗА

4. Авраам Иегован йолташыже лийын

Авраам (Аврам) нерген библийысе каласкалымаш гыч ме Юмо дене йолташ лиймаш нерген шукым пален налына. Авраам нерген Тӱҥалтыш 12:1—4 лудын лекса да вашмутым пуыза:

• Иегова Авраамым мом ышташ йодын?

• Иегова тудлан мом сӧрен?

• Авраам мом ыштен?

5. Иегова шке йолташыж-влак деч мом вуча?

Ме йолташна-влак деч мыланна порым ыштымым вучена.

• Тендам куандарашлан йолташда-влак мом ыштен кертыт?

1 Иоаннын 5:3 лудын лекса да вашмутым пуыза:

• Иегова шке йолташыж-влак деч мом вуча?

Иеговалан йӧрышӧ лияшлан мыланна, очыни, южо койышна-влакым вашталташ логалеш. Исайя 48:17, 18 лудын лекса да вашмутым пуыза:

• Молан Иегова шке йолташыж-влакым вашталтышым ышташ йодеш?

 6. Иегова шке йолташыж-влаклан мом ышта?

 ТӰҤ ШОНЫМАШ

Иегова тендан дене йолташ лийнеже да тыланда тудын деке лишемаш полша.

Ушештарымаш

• Иегова шке йолташыж-влаклан кузе полша?

• Иегова йолташыж-влак деч вашталтмыштым молан вуча?

• Кузе шонеда, Иегован йолташыже лияш йӧсӧ мо? Молан тыге шонеда?