14-ШЕ УРОК
Могай религий Юмылан йӧрышӧ?
Кодшо урокышто ме пален налынна: Юмылан чыла религий йӧрышӧ огыл. Туге гынат ме Ыштышыналан келшышын кумалын кертына (Иаковын 1:27). Могай кумалмаш Юмылан йӧрышӧ? Вашмутым Библий гыч пален налына.
1. Юмылан кумалмаште мом шотыш налман?
Ме Юмылан Библийын туныктымыж дене келшышын кумалшаш улына. Иисус Христос Юмылан каласен: «Тыйын шомакет — чын» (Иоаннын 17:17). Чын шинчымашым Юмын Мутшо, Библий, пуа. Но южо религий-влак тиде чыным шотыш огыт нал. Нуно тудым йӱла-влак дене алмаштат. Иеговалан огеш келше, кунам иктаж-кӧ тудын раш возымо кӱштымыжым огеш шукто. (Маркын 7:9 лудын лекса.) Ме Юмылан Библийын туныктымыж дене келшышын кумалына да Библийыште возымым илышыш пуртена гын, тунам Юмо чот куана.
2. Кузе Иеговалан кумалаш кӱлеш?
Иегова мемнам ыштен, сандене ме тудлан гына кумалшаш улына (Почмаш 4:11). Ме тудым йӧратышаш улына да тудлан кумалмаште нимогай идол, сӱрет але юмоҥа-влакым кучылтшаш огынал. (Исайя 42:8 лудын лекса.)
Кумалмашна Иеговалан йӧрышӧ да святой лийшаш (Римлян-влаклан 12:1). Тугеже, мыланна тудын нравственный нормыжо-влак почеш илаш кӱлеш. Мутлан, Иеговам йӧратыше-влак мужыраҥмаш шотышто тудын нормыжо-влакым шуктат. Тыгак нуно уда привычке деч утлат, мутлан, тамакым огыт шупш, наркотик дене огыт пайдалане да утыждене аракам огыт йӱ a.
3. Молан мыланна весе-влак дене пырля Иеговалан кумалаш кӱлеш?
Мемнан вашлиймашна-влак кажне арнян эртаралтыт. Тушто ме погынымаш дене пырля Иеговам чапландарен кертына (Псалом 110:1, 2). Мутлан, ме сылне муро-влакым мурена. (Псалом 103:33 лудын лекса.) Иегова мемнам йӧрата да пала: вашлиймаш-влак мыланна курымеш куанен илаш полшат. Сандене тудо мемнам вашлиймашыш кошташ йодеш. Пырля погынен, ме икте-весынам пеҥгыдемдена да кумылаҥдена.
КЕЛГЫНРАК ШЫМЛЕН НАЛЗА
Молан Иеговалан огеш келше, кунам тудлан кумалмаште сӱрет-влакым кучылтыт? Пален налза, кузе Юмым чапландараш лиеш.
4. Юмылан кумалмаште сӱрет-влакым кучылтман огыл
Юмылан тиде огеш келше манын, кушеч ме палена? ВИДЕОРОЛИКЫМ ончалза да вашмутым пуыза:
-
Мо лийын, кунам южышт Юмылан кумалмаште идолым кучылташ тӱҥалыныт?
Южо еҥ-влак шонат, пуйто, сӱрет-влакым кучылтын, нуно Юмо деке лишылрак лийыт. Но чынжымак тиде нуным Юмо деч кораҥда веле. Кузе? Исход 20:4—6 да Псалом 105:35, 36 лудын лекса да вашмутым пуыза:
-
Юмылан кумалмаште еҥ-влак могай сӱрет ден арвер-влакым кучылтыт?
-
Иегова тидын нерген мом шона?
-
А те Юмылан кумалмаште сӱрет-влакым кучылтмо нерген мом шонеда?
5. Ме Иеговалан гына кумалына гын, тиде мемнам религиозный шояк деч утара
Пален налза, кузе Иегова нерген чын шинчымаш шоя туныктымаш-влак деч утлаш полша. ВИДЕОРОЛИКЫМ ончалза.
Псалом 90:14 лудын лекса да вашмутым пуыза:
-
Ме Иеговам йӧратена да тудлан гына кумалына гын, тудо мемнам кузе суапландара?
6. Ме Юмылан вашлиймаште кумалына
Вашлиймаште ме Иеговам чапландарена, муро да комментарийна дене икте-весынам кумылаҥдена. Псалом 21:23 лудын лекса да вашмутым пуыза:
-
Вашлиймаште весе-влакын комментарийыштым колышташ тыланда келша мо?
-
Комментарийым ямдылымыда шуэш мо?
7. Кунам ме Библий гыч пален налмым каласкалена, Иегова куана
Библий гыч пален налмым весе-влаклан каласкалаш шуко йӧн уло. Еврей-влаклан 13:15 да Псалом 33:2 лудын лекса да вашмутым пуыза:
-
Библий гыч пален налме могай шинчымаш нерген каласкалымыда шуэш?
ИКТАЖ-КӦ КАЛАСЕН КЕРТЕШ: «Чыла религий Юмо деке наҥгая».
-
А те кузе шонеда?
ТӰҤ ШОНЫМАШ
Иегован кумылжо дене келшышын, ме тудлан веле кумалшаш, вашлиймаште тудым чапландарышаш да Библий гыч пален налмым каласкалышаш улына.
Ушештарымаш
-
Кушеч пален налаш лиеш, кузе Юмылан чын кумалман?
-
Молан Иеговалан веле кумалаш кӱлеш?
-
Молан Юмылан тудым куандараш тыршыше-влак дене пырля кумалаш кӱлеш?
ЕШАРТЫШЛАН
«Идол-влаклан ынде ом служитле» биографий гыч пален налза, кузе Библийым шымлымылан кӧра ик ӱдырамашын илышыже вашталтын.
Пален налза, мо тыланда вашлиймаште комментарийым пуаш полша.
«Иеговам погынымаште чапландарыза» («Орол башне» 1 январь, 2019 ий)
Ончалза видеороликым, кузе ик рвезылан вашлиймаш-влак полшеныт, кеч тудлан тушко кошташ йӧсӧ лийын.
Шукышт ыресым христиан символлан шотлат. Но тиде туге мо? Юмылан кумалмаште ыресым кучылташ кӱлеш мо?
«Молан Иегован Таныкше-влак Юмылан кумалмаште ыресым огыт кучылт?» (веб-статья)
a Келгынрак нине теме-влак вес уроклаште лончылымо лийыт.
Тыгак тыланда оҥай лийын кертеш
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
