21-ШЕ УРОК
Кузе поро увер шаркалалтеш?
Вашке Иегова шке Кугыжанышыжлан кӧра чыла еҥ-влакын проблемыштым кораҥда. Тиде увер пеш сай, сандене тудым увертарышаш улына. Иисус Христосын кумылжо дене келшышын, тудын почеш кайыше-влак тидын нерген кажне еҥлан каласкалышаш улыт (Матфейын 28:19, 20). Иегован Таныкше-влак Иисусын пуымо кӱштымыжым кузе шуктат?
1. Таче Матфейын 24:14 почеламут гыч шомак кузе шукталтеш?
Иисусын ончылгоч каласымыж дене келшышын, Кугыжанышын поро уверже тӱня мучко каласкалыме лиеш (Матфейын 24:14). Иегован Таныкше-влак тиде пашам уло кумылын шуктат. Ме поро уверым тӱня мучко 1 000 утла йылме дене шаркалена. Тидлан чот шуко жап ден вий кӱлыт, чылажат шот дене ышталтшаш. Иегован полшымыж деч посна тиде паша ок шукталт ыле!
2. Кузе ме таныклена?
Ме чыла вере таныклена, кушто еҥ-влак улыт. Икымше курымысо христиан-влак семынак ме пӧрт еда поро уверым каласкалена (Апост. пашашт 5:42). Тыгай методлан кӧра кажне ийын миллионло еҥ поро уверым колын кертеш. Тыгак ме общественный верлаште таныклена, вет еҥ-влак эре мӧҥгыштӧ огытыл. Весе-влаклан Иегова нерген да сылне ончыкылык нерген каласкалашлан ме тӱрлӧ йӧным кычалына.
3. Кӧ таныклышаш?
Библий гыч поро уверым кажне чын христиан каласкалышаш. Ме тиде пашам чот кӱлешанлан шотлена да тидлан вийнам она чамане, вет тидын деч еҥ-влакын илышышт шога. (1 Тимофейлан 4:16 лудын лекса.) Ме тиде пашам оксам налде ыштена, вет Библийыште возымо: «Яра налында, ярак пуыза» (Матфейын 10:7, 8). Шукышт мемнам огыт колышт, но ме умбакыжат таныклена, вет тыге ме Иеговам колыштына да тудым куандарена.
КЕЛГЫНРАК ШЫМЛЕН НАЛЗА
Пален налза, мом Иегован Таныкше-влак тӱня мучко поро уверым каласкалашлан ыштат да кузе Иегова мыланна тиде пашаште полша.
Тӱня мучко таныклена: А) Коста-Рика, Б) Ушымо Американ Штат-влак, В) Бенин, Г) Таиланд, Д) Яп, Е) Швеций
4. Кажне айдеме Библий гыч уверым колжо манын, ме уло вийым пыштена
Иегован Таныкше-влак чыла вере еҥ-влаклан поро уверым каласкалашлан шуко вийым пыштат. ВИДЕОРОЛИКЫМ ончалза да вашмутым пуыза:
-
Иегован Таныкше-влакын таныклымаш пашам шуктымаште можо тендам ӧрыктара?
Матфейын 22:39 да Римлян-влаклан 10:13—15 лудын лекса да вашмутым пуыза:
-
Лишылна-влакым йӧратена манын, служымашна кузе ончыкта?
-
Библийысе поро уверым каласкалыше-влак нерген Иегова мом шона? (15 почеламутым ончыза.)
5. Ме Юмо дене пырля ик пашам ыштена
Таныклымаш пашам Иегова виктара. Тидым шуко случай пеҥгыдемда. Мутлан, У Зеландийыште Пол лӱман Иегован Таныкше пӧрт еда таныклымыж годым ик ӱдырамашым вашлийын. Ту кечынак эрдене саде ӱдырамаш Юмылан Иегова лӱм дене кумалын да тудын дек иктаж-кӧм колташ йодын. «Кум шагат гыч, — Пол каласкала, — мый тудын омса ончылныжо уже шогенам».
1 Коринфян-влаклан 3:9 лудын лекса да вашмутым пуыза:
-
Таныклымаш пашам Иегова виктара манын, тыгай случай-влак кузе ончыктат?
Апост. пашашт 1:8 лудын лекса да вашмутым пуыза:
-
Молан Иегован полшымыж деч посна ме тиде пашам шуктен она керт ыле?
Паледа мо?
Кажне арня покшелне эртаралтше вашлиймаште ме таныклаш тунемына. Те тыгай вашлиймаште иктаж-кунам лийында? Тушто эртаралтме туныктымаш нерген те мом шонеда?
6. Ме Юмын кӱштымыжым шуктена
Икымше курымышто южо еҥ-влак таныклымаш пашам чараш тӧченыт. Но христиан-влак тугодым поро уверым таныклаш праваштым аралаш тыршеныт (Филиппысе-влаклан 1:7). Таче Иегован Таныкше-влак тыгакак ыштат a.
Апост. пашашт 5:27—42 лудын лекса да вашмутым пуыза:
-
Молан ме таныклымынам она чарне? (29, 38 да 39 почеламут-влакым ончыза.)
ИКТАЖ-КӦ ЙОДЫН КЕРТЕШ: «Иегован Таныкше-влак молан пӧрт еда коштыт?»
-
Кузе вашештеда ыле?
ТӰҤ ШОНЫМАШ
Иисус шке тунемшыж-влаклан поро уверым чыла калыклан каласкалаш кӱштен. Иегова мыланна тиде пашам шукташ полша.
Ушештарымаш
-
Кузе поро увер тӱня мучко шаркалалтеш?
-
Таныклымына еҥ-влакым йӧратымынам кузе ончыкта?
-
Кузе шонеда, таныклымаш паша куаным конда мо? Умылтарыза.
ЕШАРТЫШЛАН
Пален налза, кузе Иегован Таныкше-влак кугу олалаште таныклат.
Иегован Таныкше-влак беженец-влаклан кузе полшат?
Иеговалан служымаште уло вийым пыштен, кузе шуко куаным налаш лиеш, пален налза.
Таныклымаш шотышто Иегован Таныкше-влакын южо юридический сеҥымаш-влак нерген пален налза.
«Кугыжаныш нерген таныклыше-влак судыш каят» («Юмын Кугыжаныш вуйлатен шога!», 13-шо ужаш)
a Юмо шкеже Иегован Таныкше-влаклан Библий гыч уверым каласкалаш кӱштен. Сандене таныклашлан мыланна еҥ-влак деч разрешенийым йодаш огеш кӱл.
Тыгак тыланда оҥай лийын кертеш
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
