Честный айдеме дене кажнынат йолташ лиймыже шуэш. Иеговат тыгай еҥ-влак дене йолташ лийнеже. Но кызыт чын ышташ йӧсӧ, вет шукышт ондалкалат да шояклат. Чыла шотыштат честный лиймаш могай пайдам конда?

1. Молан честный лияш кӱлеш?

Чын ыштен, ме Иеговам йӧратымым да пагалымым ончыктена. Теве мом шотыш налза: Иегова чыла шонымашнам пала да чыла ыштымашнам ужеш (Еврей-влаклан 4:13). Кунам ме чын ыштена, тудо ужеш да тидым чот акла. Тудын Мутыштыжо возымо: «Иегова шояче айдеме деч йырна, а чын ыштышылан Юмо — лишыл йолташ» (Притчи 3:32).

2. Кузе честный лияш?

Иегова мемнан деч икте-весылан чыным ойлымынам вуча (Захария 8:16, 17). Мом тиде ончыкта? Ме родо-шочшылан, пырля пашам ыштышылан, погынымаште иза-ака-влаклан да властьым кучышо-влаклан шоякым она ойло. Честный еҥ-влак огыт шолышт да огыт ондалкале. (Притчи 24:28 да Ефесян-влаклан 4:28 лудын лекса.) Нуно чыла йозакым шке жапыштыже тӱлат (Римлян-влаклан 13:5—7). Ме «чыла шотыштат шкем чын кучаш шонена» (Еврей-влаклан 13:18).

3. Честный лиймаш могай пайдам конда?

Мемнам честный айдеме семын палат гын, еҥ-влак мыланна ӱшанат. Ме честный лийына гын, тунам погынымаш йӧратыше еш семын лиеш, кушто нимогай лӱдыкшӧ уке. Тыгак честный лиймылан кӧра совестьна ару лиеш. А эше честный улмына дене ме «Утарышынан, Юмынан, туныктымыжлан чыла шотыштат поро чапым» кондена да моло еҥ-влакым Юмо деке лишемаш кумылаҥдена (Титлан 2:10).

 КЕЛГЫНРАК ШЫМЛЕН НАЛЗА

5. Эре честный лийза

 6. Честный лиймаш пайдам конда

Южышт шонат, пуйто честный лиймаш илышым нелемда. Но чынжымак тиде пайдам гына конда. Псалом 33:13—17 лудын лекса да вашмутым пуыза:

• Честный лиймаш кузе илышым саемда?

1. А. Честный лиймаш марий ден вате коклаште кылым пеҥгыдемда

2. Б. Честный пашаеҥлан ӱшанат

3. В. Честный граждан-влакын властьым кучышо-влак ончылно репутацийышт сай

 ТӰҤ ШОНЫМАШ

Иегова шке йолташыж-влак деч чыным ойлымыштым да паша ден эре честный лиймыштым вуча.

Ушештарымаш

• Честный лиймаш кушеч коеш?

• Чыным шылташ лиеш манын шонаш молан йоҥылыш?

• Молан те эре честный лийнеда?