Иза-ака-влак коклаште ме шкенам Давид кугыжа семын шижына. Тудо каласен: «Иза-шольо-влакын ваш келшен илымышт пеш сай, пеш сылне» (Псалом 132:1). Иктылыкна шке семын огеш лек. Иктылык лийже манын, кажнына вийым пыштышаш.

1. Юмын калыкше мо дене ойыртемалтеш?

Вес элыште вашлиймаште лийыда гын, те, очыни, йылмыштым ода умыло. Но тендан тыгай шижмашда лиеш, пуйто те мӧҥгыштӧ улыда. Молан? Молан манаш гын, ме чыланат ик программе почеш Библийым шымлена да икте-весым йӧраташ тыршена. Кеч-кушто илена, ме чыланат ик Иегова Юмылан кумалына да тудлан иктыш ушнен служитлена (Софония 3:9).

2. Погынымаште тыныс ден иктылык лийышт манын, те мом ыштен кертыда?

Библий мемнам икте-весым уло шӱм дене йӧраташ тарата (1 Петрын 1:22). Кузе тидым ышташ? Весе-влакын уда койышыштым кычалме олмеш сайым ужаш тыршыза. Тендан гаяк иза-ака-влак дене гына огыл жапым эртарыза. Тыгак тендан деч ойыртемалтше-влакымат сайрак пален налаш тыршыза. А эше иктаж-кӧ нерген ончылгочак йоҥылыш шонаш привычке уло гын, тудын деч утлашлан вийым пыштыман. (1 Петрын 2:17 лудын лекса.) a

3. Погынымаште иктаж-кӧ дене сырымаш лектеш гын, мом ыштыман?

Ме икте-весына дене ваш келшен илена. Туге гынат ме языкан улына, сандене южгунам икте-весынам шӱлыкаҥден кертына. Библийыште возымо: «Тендан кокла гыч иктаж-кудыжын весылан ӧпкеда уло гын, титакшым кудалтыза. Кузе... [«Иегова», УТ] титакдам кудалтен, теат тугак ыштыза». (Колоссян-влаклан 3:13 лудын лекса.) Ме Иеговам чӱчкыдын шӱлыкаҥдена, но тудо мемнам эре проститла. Сандене тудо мемнан деч иза-акана-влакым проститлымынам вуча. Тендан верч иктаж-кӧ ӧпкелен коштеш манын умыленда гын, тудын дене сӧрасашлан те шке вийым пыштыза. (Матфейын 5:23, 24 лудын лекса.) b

 КЕЛГЫНРАК ШЫМЛЕН НАЛЗА

4. Весе-влак нерген удам шонымо деч утлыза

Мемнан чыла иза-акам йӧратымына шуэш. Но мемнан деч чот ойыртемалтше айдеме дене лишыл кылым кучаш йӧсӧ лийын кертеш. Тиде нелылыкым сеҥаш мо полшен кертеш? Апост. пашашт 10:34, 35 лудын лекса да вашмутым пуыза:

• Иегова тӱрлӧ еҥлан тудын Таныкше лияш йӧным пуа. Тудын деч примерым налын, кузе те тендан деч ойыртемалтше еҥ-влакым ончен кертыда?

• Могай еҥ-влак шотышто тендан кундемыште йоҥылыш шонымаш уло? Тыгай шонымаш деч молан кораҥмыда шуэш?

2 Коринфян-влаклан 6:11—13 лудын лекса да вашмутым пуыза:

• Чыла иза-акам, тендан деч чот ойыртемалтше-влакымат, йӧраташ тунемаш тыланда мо полшен кертеш?

5. Уло кумылын проститлыза да лишылда дене сӧрасыза

Иегова нигунамат йоҥылышым огеш ыште, да тудым проститлымына тудлан огеш кӱл. Туге гынат тудо мемнам эре проститлаш ямде. Псалом 85:5 лудын лекса да вашмутым пуыза:

• Тиде почеламут гыч Иегован проститлымыже нерген ме мом пален налына?

• Молан те Иегован проститлымыжым акледа?

• Могай ситуацийыште тыланда весе-влак дене тынысым аралаш йӧсӧ?

Иегова деч примерым налаш да погынымаште иктылыкым аралаш тыланда мо полшен кертеш? Притчи 19:11 лудын лекса да вашмутым пуыза:

• Иктаж-кӧ тендам шыдештара але обижатла гын, те тиде ситуацийым кузе тӧрлатен кертыда?

 Южгунам ме весе-влакым обижатлен кертына. Тыгай лиеш гын, мом ыштыман? ВИДЕОРОЛИКЫМ ончалза да вашмутым пуыза:

• Тиде ака тынысым аралашлан мом ыштен?

 ТӰҤ ШОНЫМАШ

Весе-влакым проститлен да чыла иза-акам йӧратен, те погынымаште иктылыкым аралаш полшен кертыда.

Ушештарымаш

• Весе-влак нерген удам шонымо деч утлаш тыланда мо полшен кертеш?

• Вес христиан дене келшыдымашда лектеш гын, те мом ышташ тӱҥалыда?

• Весе-влакым проститлымаште молан те Иегова деч примерым налнеда?