Ойлыметын цельже лийшаш. Шоналте, тыйын ончылнет могай задаче шога: колыштшо-влаклан иктаж-мо нерген каласкалаш, нуным иктаж-мо шотышто ӱшандараш але иктаж-мом ышташ кумылаҥдаш. Вара ойлымашетым задачылан келшышын чоҥо. Терген лек: ойлымашын тӱҥ шонымашыже-влак тыланет цельыш шуаш полшат мо?

Темым палемде. Ойлымашет мучко темым ушештарен шого. Тидлан тӱҥ мут-влакым чӱчкыдынрак кучылт але нунын синонимышт-влакым.

Тӱҥ шонымаш-влакым раш да простан ойло. Тӱҥ шонымаш шуко лийшаш огыл. Тыгай шонымаш-влакым гына ойырен нал, кудышт теме дене кылдалтыт да кудыштым сайын умылтарашлан жапет ситалык лиеш. Кажне тӱҥ шонымашым рашын палемде. Ик тӱҥ шонымашым весе деч ойыраш манын, изишлан чарналтышым ыште. Ик шонымаш гыч вес шонымашыш лывыргын кусно.