• E manea ana nga hāhi katoa ki te Atua, kotahi ano rānei? (1)
• He aha ai te tokomaha o nga hāhi e kerēme ana he Karaitiana a rātou? (2)
• Me pehea e mōhiotia ai e koe nga Karaitiana pono? (3-7)

¹ Na Ihu i timata kotahi hāhi Karaitiana pono. No reira, i tēnei ra kia kotahi ano whakahuihui, rōpū rānei o nga kaikoropiko pono ki a Ihowa te Atua. (Hoani 4:23, 24; Epeha 4:4, 5) E whakaako ana te Paipera he torutoru noa nga tāngata kei runga i te ara kuiti ki te ora.—Matiu 7:13, 14.

² Kua kōrero kē te Paipera, i muri i te matenga o nga āpotoro, nga akoranga hē, me nga mahi karaitiana-kore, ka āta tomo mai ki roto i te whakaminenga Karaitiana. Ngā tāngata ka mau atu i nga kaiwhakapono kia aru i a rātou, mahue kē te Karaiti. (Matiu 7:15, 21-23; Nga Mahi 20:29, 30) No reira tātou i kite ai i te tokomaha o nga hāhi rerekē, e kerēme ana he Karaitiana. Me pēhea e mōhiotia ai e tātou nga Karaitiana pono?

³ Te tohu tino kōhure o nga Karaitiana pono ko te mea kei a rātou te aroha tētahi ki tētahi. (Hoani 13:34, 35) Kāhore rātou i akona kia whakaaro e pai atu ana rātou i ēra o ētahi atu iwi, kara o te kiri rānei. Kāre hoki i akona kia kino ki nga tāngata o ētahi atu whenua. (Nga Mahi 10:34, 35) E kore rātou e whai wāhi ki nga pakanga. Nga Karaitiana pono, ka pēnei i a rātou ano, he tēina, he tuahine.—1 Hoani 4:20, 21.

Nga Karaitiana pono e aroha ana ki tētahi ki tētahi, whakanui ana i te Paipera, a e kauhau ana hoki i te Kingitanga o te Atua

⁴ Tētahi ano tohu o te hāhi pono, nga mema he hōhonu te whakanui i te Paipera. Ka tangohia e rātou tera ko te Kupu a te Atua, a ka whakapono hoki ki āna i kōrero ai. (Hoani 17:17; 2 Timoti 3:16, 17) Pēnei ana a rātou, te Kupu a te Atua he nui kē atu te whaitikanga i nga whakaaro, tikanga rānei a te tangata. (Matiu 15:1-3, 7-9) Tarai ana a rātou ki te noho i tā te Paipera i ia rā. No reira e kore rātou e kauhau i tētahi mea, a ka mahi ai i tētahi atu mea.—Taituha 1:15, 16.

⁵ Te hāhi pono hoki, me whakahōnore i te ingoa o te Atua. (Matiu 6:9) I whakamōhiotia e Ihu te ingoa o te Atua, a Ihowa ki ētahi atu. Nga Karaitiana pono me mahi pēra ano hoki. (Hoani 17:6, 26; Roma 10:13, 14) Ko wai nga tāngata i tōu nohoanga tāngata e kōrero ana ki etahi i te ingoa o te Atua?

⁶ Nga Karaitiana pono me kauhau i te Kingitanga o te Atua. I pēra a Ihu. I kōrero tonu ia i te Kingitanga. (Ruka 8:1) Tonoa ana e ia ana akonga ki te kauhau i taua rongo puta noa te whenua. (Matiu 24:14; 28:19, 20) Nga Karaitiana pono e whakapono ana ma te Kingitanga o te Atua ānake e whiwhi ai i te rangimarie pono me te maru ki te whenua nei.—Waiata 146:3-5.

⁷ Nga akonga a Ihu kahore e whai wāhanga o tēnei ao kino. (Hoani 17:16) E kore rātou e whakauru atu ki nga take tōrangapū o te ao me nga tautohetohe toko i te ora. Karohia ana e rātou nga whanonga whakamamae, nga mahi, me nga āhuatanga e kitea noatia ana i te ao. (Hemi 1:27; 4:4) E taea e koe te whakamōhio i tētahi rōpu hāhi i tōu nohoanga tāngata kei a rātou ēnei tohu o te Karaitiana pono?