•  നിങ്ങൾക്ക്‌ ഒരേ സമയത്ത്‌ പല കാര്യങ്ങൾ ചെയ്യാ​നുള്ള കഴിവു​ണ്ടോ?

•  ചില മിഥ്യാ​ധാ​ര​ണ​കൾ

•  ശരിയായ രീതി

•  സമപ്രാ​യ​ക്കാർ പറയു​ന്നത്‌

 എന്താണ്‌ നിങ്ങളു​ടെ അഭി​പ്രാ​യം? ഇന്നത്തെ ചെറു​പ്പ​ക്കാർക്ക്‌ ‘മൾട്ടി​ടാ​സ്‌കിങ്‌’ അതായത്‌ ഒരേ സമയത്ത്‌ ഒരുപാ​ടു കാര്യങ്ങൾ ചെയ്യാൻ പറ്റു​മെ​ന്നാണ്‌ പലരും വിചാ​രി​ക്കു​ന്നത്‌. കാരണം അവർ ‘ജനിച്ചു​വീ​ണ​തു​മു​തൽ സാങ്കേ​തി​ക​വി​ദ്യ​യി​ലാ​ണ​ല്ലോ കളിച്ചു​വ​ളർന്നത്‌.’ മറ്റുള്ളവർ സാങ്കേ​തി​ക​വി​ദ്യ കണ്ടുതു​ട​ങ്ങി​യത്‌ മുതിർന്ന​ശേ​ഷ​മാ​യി​രി​ക്കു​മ​ല്ലോ.

 ഒരേ സമയത്ത്‌ പല കാര്യങ്ങൾ ചെയ്യുന്ന കാര്യ​ത്തിൽ താഴെ പറയുന്നവ ശരിയോ തെറ്റോ?

•   സമയം ലാഭി​ക്കാം.

•   പരിശീ​ലി​ക്കു​ന്തോ​റും ഇങ്ങനെ ചെയ്യാ​നുള്ള കഴിവ്‌ വർധി​ക്കും.

•   മുതിർന്ന​വ​രെ​ക്കാൾ ചെറു​പ്പ​ക്കാ​രാണ്‌ മെച്ചം.

 ഇതിൽ ഏതി​നെ​ങ്കി​ലും ‘ശരി’ എന്നാണോ നിങ്ങൾ പറഞ്ഞത്‌? എങ്കിൽ നിങ്ങൾക്കു തെറ്റി. ഇവ മൾട്ടി​ടാ​സ്‌കി​ങി​നെ​ക്കു​റി​ച്ചുള്ള മിഥ്യാ​ധാ​ര​ണകൾ ആണ്‌.

 നിങ്ങൾക്ക്‌ ഒരേ സമയം രണ്ടു കാര്യങ്ങൾ ചെയ്യാൻ സാധി​ക്കു​മോ? അതിൽ ഒരു കാര്യം അത്രയ​ധി​കം ശ്രദ്ധ വേണ്ടാ​ത്ത​താ​ണെ​ങ്കിൽ ഒരുപക്ഷേ പറ്റുമാ​യി​രി​ക്കും. ഉദാഹ​ര​ണ​ത്തിന്‌, നിങ്ങൾ പാട്ട്‌ കേട്ടു​കൊണ്ട്‌ മുറി വൃത്തി​യാ​ക്കു​ക​യാ​ണെ​ങ്കിൽ, വലിയ കുഴപ്പ​മി​ല്ലാ​തെ മുറി വൃത്തി​യാ​ക്കാൻ പറ്റി​യേ​ക്കും.

 എന്നാൽ നല്ല ശ്രദ്ധ ആവശ്യ​മുള്ള രണ്ടു കാര്യങ്ങൾ ഒരുമി​ച്ചു ചെയ്യാൻ ശ്രമി​ച്ചാൽ, രണ്ടു കാര്യ​ങ്ങ​ളും നന്നായി ചെയ്യാൻ പറ്റാതെ പോ​യേ​ക്കാം. അതു​കൊ​ണ്ടാ​യി​രി​ക്കും ചെറു​പ്പ​ക്കാ​രി​യായ കാതറിൻ ഇതെപ്പറ്റി ഇങ്ങനെ പറഞ്ഞത്‌: “ഒരേ സമയം രണ്ടു കാര്യ​ങ്ങ​ളും കുളമാ​ക്കാ​നുള്ള കഴിവാണ്‌ ഇത്‌.”

 “ഞാൻ ഒരാ​ളോ​ടു സംസാ​രി​ച്ചു​കൊ​ണ്ടി​രു​ന്ന​പ്പോൾ എനിക്ക്‌ ഒരു മെസേജ്‌ വന്നു. അതിനി​ട​യ്‌ക്കു​തന്നെ അതിനു മറുപടി അയയ്‌ക്കാൻ ഞാൻ ശ്രമിച്ചു. എന്നി​ട്ടെ​ന്താ​യി? പറഞ്ഞ​തൊ​ന്നും കേൾക്കാ​നും പറ്റിയില്ല, ടൈപ്പ്‌ ചെയ്‌ത​തൊ​ക്കെ തെറ്റി​പ്പോ​കു​ക​യും ചെയ്‌തു.”—കാലേബ്‌.

 സാങ്കേ​തി​ക​വി​ദ​ഗ്‌ധ​യായ ഷെറി ടെർക്കിൾ പറയുന്നു: “ഒരേ സമയം എത്രയ​ധി​കം കാര്യങ്ങൾ കൂടുതൽ ചെയ്യാൻ ശ്രമി​ക്കു​ന്നു​വോ, അത്രയ​ധി​കം നമ്മുടെ ഫലപ്ര​ദ​ത്വം കുറയും. അങ്ങനെ നമ്മൾ പല കാര്യങ്ങൾ ചെയ്യു​മ്പോൾ അതു നമ്മുടെ തലച്ചോ​റി​നെ ഉത്തേജി​പ്പി​ക്കു​ന്നു എന്നതു ശരിയാണ്‌. പക്ഷേ, നമ്മൾ കൂടുതൽ മെച്ചമാ​യി ചെയ്യു​ന്ന​തായ ഒരു പ്രതീതി മാത്രമേ അതു തരുക​യു​ള്ളൂ. എന്നാൽ വാസ്‌ത​വ​ത്തിൽ കാര്യങ്ങൾ കൂടു​തൽക്കൂ​ടു​തൽ മോശ​മാ​കു​ക​യാ​ണു ചെയ്യു​ന്നത്‌.” a

 “ഒരാ​ളോ​ടു സംസാ​രി​ച്ചു​കൊ​ണ്ടി​രി​ക്കു​മ്പോൾത്തന്നെ മറ്റൊ​രാൾക്കു മെസേജ്‌ അയയ്‌ക്കു​ന്നതു വലി​യൊ​രു കഴിവാ​യി​ട്ടാ​ണു ഞാൻ കണ്ടത്‌. പിന്നെയാ മനസ്സി​ലാ​യത്‌ എഴു​തേ​ണ്ട​താ​ണു പറഞ്ഞത്‌, പറയേ​ണ്ട​താണ്‌ എഴുതി​പ്പോ​യത്‌.”—തമാര.

 പല കാര്യങ്ങൾ ഒരേ സമയം ചെയ്യാൻ ശ്രമി​ക്കു​ന്നവർ ശരിക്കും ജോലി​കൾ കൂടുതൽ ബുദ്ധി​മു​ട്ടാ​ക്കി​ത്തീർക്കു​ക​യാണ്‌. ഉദാഹ​ര​ണ​ത്തിന്‌, ഹോം​വർക്ക്‌ ചെയ്‌തു​തീർക്കാൻ കൂടുതൽ സമയം വേണ്ടി​വ​രു​ന്നു. ചെയ്‌തു​ക​ഴിഞ്ഞ കാര്യം ഭംഗി​യാ​കാ​ത്ത​തു​കൊണ്ട്‌ വീണ്ടും ചെയ്യേ​ണ്ടി​വ​രു​ന്നു. അവസാനം ഉദ്ദേശിച്ച അത്ര സമയലാ​ഭം ഒന്നും അവർക്കു കിട്ടാൻ പോകു​ന്നില്ല.

 മാനസി​കാ​രോ​ഗ്യ​വി​ദ​ഗ്‌ധ​നും സ്‌കൂൾ കൗൺസി​ല​റും ആയ തോമസ്‌ കെർസ്റ്റിങ്‌ ഇങ്ങനെ പറയുന്നു: “നമ്മുടെ തലച്ചോറ്‌ വിവരങ്ങൾ അടുക്കി​വെ​ച്ചി​രി​ക്കുന്ന ഒരു ഫയൽപോ​ലെ​യാ​ണെ​ങ്കിൽ, പല കാര്യങ്ങൾ ഒരുമി​ച്ചു ചെയ്യു​ന്ന​വ​രു​ടെ തലച്ചോറ്‌ കുഴഞ്ഞു​മ​റിഞ്ഞ ഒരു ഫയൽപോ​ലെ​യാ​ണെന്നു പറയാം.” b

 “ഒരേ സമയം പല കാര്യങ്ങൾ ചെയ്യാൻ ശ്രമി​ക്കു​മ്പോൾ പ്രധാ​ന​പ്പെട്ട കാര്യങ്ങൾ മറന്നു​പോ​യേ​ക്കാം. അവസാനം സമയം ലാഭി​ക്കു​ന്ന​തി​നു പകരം അതു ഇരട്ടി​പ്പ​ണി​യാ​കും.”—തെരേസ.

•   ഒരു സമയത്ത്‌ ഒരു കാര്യ​ത്തിൽ മാത്രം ശ്രദ്ധി​ക്കാൻ പഠിക്കുക. അത്‌ അൽപ്പം ബുദ്ധി​മു​ട്ടാ​യേ​ക്കാം, പ്രത്യേ​കിച്ച്‌ കാര്യങ്ങൾ ഒരുമിച്ച്‌ ചെയ്‌താ​ണു നിങ്ങൾക്കു ശീല​മെ​ങ്കിൽ. ഉദാഹ​ര​ണ​ത്തിന്‌, പഠിക്കു​ന്ന​തി​നി​ടെ മെസേജ്‌ അയയ്‌ക്കു​ന്ന​തു​പോ​ലെ. ‘കൂടുതൽ പ്രാധാ​ന്യ​മുള്ള കാര്യങ്ങൾ ഉറപ്പു​വ​രു​ത്താ​നാണ്‌’ ബൈബിൾ പറയു​ന്നത്‌. (ഫിലി​പ്പി​യർ 1:10) എല്ലാ ജോലി​ക്കും ഒരേ പ്രാധാ​ന്യ​മല്ല. അതു​കൊണ്ട്‌ ഏതിനാണ്‌ കൂടുതൽ പ്രാധാ​ന്യം എന്ന്‌ ആദ്യം തീരു​മാ​നി​ക്കുക. എന്നിട്ട്‌ അതിൽ ശ്രദ്ധിച്ച്‌, അതു ചെയ്‌തു​തീർക്കുക.

   “ഒരേ സമയം പല കാര്യങ്ങൾ ചെയ്യാൻ ആഗ്രഹി​ക്കുന്ന മനസ്സ്‌ ഒരു കൊച്ചു​കു​ട്ടി​യെ​പ്പോ​ലെ​യാണ്‌. ഒരു കുട്ടി​യോ​ടു ചില കാര്യങ്ങൾ ചെയ്യാൻ പറ്റില്ല എന്നു പറയേ​ണ്ടി​വ​രു​ന്ന​തു​പോ​ലെ നമ്മളും ചില കാര്യങ്ങൾ വേണ്ടെ​ന്നു​വെ​ക്കാൻ മനസ്സിനെ പരിശീ​ലി​പ്പി​ക്കണം, ഒരു സമയത്ത്‌ ഒരു കാര്യം ചെയ്യാൻ പഠിക്കണം.”—മരിയ.

•   ശ്രദ്ധ പതറി​ക്കുന്ന കാര്യങ്ങൾ ഒഴിവാ​ക്കുക. പഠിക്കുന്ന സമയത്ത്‌ ഇടയ്‌ക്കി​ടെ ഫോൺ നോക്കാൻ നിങ്ങൾക്കു തോന്നാ​റു​ണ്ടോ? എങ്കിൽ അതു മറ്റൊരു മുറി​യിൽ വെക്കുക. ടിവി ഓഫ്‌ ചെയ്യുക, സോഷ്യൽ മീഡി​യ​യെ​ക്കു​റിച്ച്‌ ചിന്തി​ക്കു​കയേ വേണ്ട. ബൈബിൾ പറയുന്നു: “സമയം എറ്റവും നന്നായി ഉപയോ​ഗി​ക്കുക.”—കൊ​ലോ​സ്യർ 4:5.

   “ഒരു സമയത്ത്‌ ഒരു കാര്യ​ത്തിൽ മാത്രം ശ്രദ്ധി​ക്കു​ന്ന​താ​ണു നല്ലതെന്നു എനിക്കു മനസ്സി​ലാ​യി. ചെയ്‌തു​തീർക്കേണ്ട കാര്യ​ങ്ങ​ളു​ടെ ലിസ്റ്റിൽനിന്ന്‌ തീർന്ന​തു​തീർന്നത്‌ വെട്ടി​ക്ക​ള​യു​മ്പോൾ എനിക്ക്‌ എത്ര സന്തോഷം ആണെന്നോ. അതിന്റെ ആത്മസം​തൃ​പ്‌തി ഒന്നു വേറെ​തന്നെ!”—ഒനിയാ.

•   മറ്റുള്ളവരോടു സംസാ​രി​ക്കു​ന്ന​തി​നി​ട​യ്‌ക്കു വേറെ​യൊ​ന്നും ചെയ്യാ​തി​രി​ക്കുക. മറ്റൊ​രാ​ളോ​ടു സംസാ​രി​ച്ചു​കൊ​ണ്ടി​രി​ക്കു​ന്ന​തിന്‌ ഇടയിൽ ഫോണി​ലേക്കു നോക്കു​ക​യോ മറ്റോ ചെയ്‌താൽ, സംസാ​രി​ക്കു​ന്ന​തി​ന്റെ പ്രയോ​ജനം കിട്ടി​ല്ലെന്നു മാത്രമല്ല, അതൊരു മര്യാ​ദ​കേ​ടാണ്‌. മറ്റുള്ളവർ നമ്മളോട്‌ എങ്ങനെ ഇടപെ​ട​ണ​മെന്നു നമ്മൾ ആഗ്രഹി​ക്കു​ന്നു​വോ, അതു​പോ​ലെ അവരോട്‌ ഇടപെ​ടാൻ ബൈബിൾ പറയുന്നു.—മത്തായി 7:12.

   “ഞാൻ എന്റെ പെങ്ങളു​മാ​യി സംസാ​രി​ച്ചു​കൊ​ണ്ടി​രി​ക്കു​മ്പോൾ അവളെ​ങ്ങാ​നും മെസേജ്‌ അയയ്‌ക്കു​ക​യോ വേറെ എന്തെങ്കി​ലും ചെയ്യു​ക​യോ ചെയ്യു​ന്നതു കണ്ടാൽ എനിക്ക്‌ അവളെ കൊല്ലാ​നുള്ള ദേഷ്യം വരും. എന്നാൽ സത്യം പറഞ്ഞാൽ ചില​പ്പോൾ ഞാനും അതുത​ന്നെ​യാണ്‌ ചെയ്യു​ന്നത്‌.”—ഡേവിഡ്‌.