കിഴക്കൻ കാനഡ​യി​ലെ ഫ്രഞ്ച്‌ ഭാഷക്കാർക്കി​ട​യി​ലു​ള്ള ബധിര​രിൽ മിക്കവ​രും ക്യു​ബെക്ക്‌ ആംഗ്യ​ഭാ​ഷ​യാണ്‌ (LSQ) a ഉപയോ​ഗി​ക്കു​ന്നത്‌. അവിടെ ആകെ 6,000 ബധിരരേ ഉള്ളൂ. അതു​കൊണ്ട്‌ ഈ ഭാഷയിൽ ആവശ്യ​ത്തിന്‌ പ്രസി​ദ്ധീ​ക​ര​ണ​ങ്ങൾ ഉണ്ടായി​രു​ന്നി​ല്ല. ബൈബി​ളി​നെ​ക്കു​റിച്ച്‌ കൂടുതൽ അറിയാൻ ബധിരരെ സഹായി​ക്കു​ന്ന​തി​നാ​യി യഹോ​വ​യു​ടെ സാക്ഷികൾ ഈ അടുത്ത്‌, ക്യു​ബെക്ക്‌ ആംഗ്യ​ഭാ​ഷ​യിൽ നല്ല ഗുണനി​ല​വാ​ര​മു​ള്ള പ്രസി​ദ്ധീ​ക​ര​ണ​ങ്ങൾ സൗജന്യ​മാ​യി പുറത്തി​റ​ക്കി. അതിനാ​യി അവർ നല്ല ശ്രമവും ചെയ്‌തു.

അവരുടെ ശ്രമങ്ങൾ ഇത്ര പ്രധാ​ന​പ്പെ​ട്ട​താ​യി​രി​ക്കു​ന്നത്‌ എന്തു​കൊ​ണ്ടെ​ന്നു മനസ്സി​ലാ​ക്കാൻ മാർസ​ലി​ന്റെ കഥ കേൾക്കുക. കാനഡ​യി​ലെ ക്യു​ബെക്ക്‌ സംസ്ഥാ​ന​ത്തിൽ 1941-ലാണ്‌ മാർസൽ ജനിച്ചത്‌. രണ്ടു വർഷത്തി​നു ശേഷം മെനിൻ​ജൈ​റ്റിസ്‌ ബാധിച്ച്‌ അദ്ദേഹ​ത്തി​നു കേൾവി നഷ്ടപ്പെട്ടു. മാർസൽ പറയുന്നു: “ഒമ്പതാം വയസ്സിൽ ബധിരർക്കു​ള്ള സ്‌കൂ​ളിൽ ഞാൻ പോകാൻതു​ട​ങ്ങി. അവിടെ ക്യു​ബെക്ക്‌ ആംഗ്യ​ഭാ​ഷ ഞാൻ പഠിച്ചു. ആംഗ്യ​ഭാ​ഷ​യു​ടെ അടിസ്ഥാന വിവരങ്ങൾ പഠിക്കാൻ സഹായി​ക്കു​ന്ന പുസ്‌ത​ക​ങ്ങ​ളു​ണ്ടെ​ങ്കി​ലും ആംഗ്യ​ഭാ​ഷ​യിൽ ഒരു പ്രസി​ദ്ധീ​ക​ര​ണ​ങ്ങ​ളും ഉണ്ടായി​രു​ന്നി​ല്ല.”

ക്യു​ബെക്ക്‌ ആംഗ്യ​ഭാ​ഷ​യിൽ പ്രസി​ദ്ധീ​ക​ര​ണ​ങ്ങൾ പുറത്തി​റ​ക്കു​ന്നത്‌ ഇത്ര പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? മാർസൽ എന്താണു പറയു​ന്ന​തെ​ന്നു നോക്കാം: “ബധിര​രാ​യ​വർ, വിവരങ്ങൾ പൂർണ​മാ​യി മനസ്സി​ലാ​ക്കാൻ കഴിയുന്ന ഭാഷയിൽ ലഭിക്കാൻ ആഗ്രഹി​ക്കു​ന്നു. ആംഗ്യ​ഭാ​ഷ​യിൽ പ്രസി​ദ്ധീ​ക​ര​ണ​ങ്ങൾ ഇല്ലെങ്കിൽ ഞങ്ങൾക്ക്‌ മറ്റൊരു സംസാ​ര​ഭാ​ഷ​യെ ആശ്രയി​ക്കേ​ണ്ടി​വ​രും. അങ്ങനെ​യാ​യാൽ ഒരുപാ​ടു വിവരങ്ങൾ ഞങ്ങൾക്കു മനസ്സി​ലാ​കാ​തെ പോകും.”

ക്യു​ബെക്ക്‌ ആംഗ്യ​ഭാ​ഷ ഉപയോ​ഗി​ക്കു​ന്ന മാർസ​ലി​നും മറ്റ്‌ ബധിര​രാ​യ​വർക്കും​വേണ്ടി 2005-ൽ യഹോ​വ​യു​ടെ സാക്ഷികൾ ആ ഭാഷയി​ലു​ള്ള ആദ്യത്തെ പ്രസി​ദ്ധീ​ക​ര​ണം പുറത്തി​റ​ക്കി. ഈ അടുത്ത്‌ ക്യു​ബെ​ക്കി​ലെ മോൺട്രിയയിലുള്ള അവരുടെ പരിഭാ​ഷാ​കേ​ന്ദ്രം വികസി​പ്പി​ച്ചു. അവിടത്തെ ഓഫീ​സിൽ ഏഴ്‌ മുഴുവൻ സമയ പ്രവർത്ത​ക​രും 12-ലേറെ പാർട്ട്‌ ടൈം പ്രവർത്ത​ക​രും ഉണ്ട്‌. മൂന്ന്‌ പരിഭാ​ഷാ​ടീ​മു​കൾ അവിടത്തെ രണ്ടു പ്രൊ​ഫ​ഷ​ണൽ സ്റ്റുഡി​യോ​ക​ളിൽ ക്യു​ബെക്ക്‌ ആംഗ്യ​ഭാ​ഷ​യി​ലെ വീഡി​യോ​കൾ നിർമി​ക്കു​ന്നു.

ഈ ആംഗ്യ​ഭാ​ഷാ​കൂ​ട്ട​ത്തി​ലുള്ള ബധിര​രാ​യ​വർ യഹോ​വ​യു​ടെ സാക്ഷികൾ പുറത്തി​റ​ക്കു​ന്ന നിലവാ​ര​മു​ള്ള പ്രസി​ദ്ധീ​ക​ര​ണ​ങ്ങ​ളെ വിലമ​തി​ക്കു​ന്നു. അവിടത്തെ ഒരു സംഘട​ന​യു​ടെ (Sourds de l’Estrie b) അസിസ്റ്റന്റ്‌ ഡയറക്‌ട​റു​ടെ അഭി​പ്രാ​യം ഇതാണ്‌: “അവരുടെ പ്രസി​ദ്ധീ​ക​ര​ണ​ങ്ങ​ളെ​ല്ലാം നന്നായി തയ്യാറാ​ക്കി​യി​ട്ടു​ള്ള​താണ്‌. ആംഗ്യ​ങ്ങ​ളൊ​ക്കെ വളരെ വ്യക്തമാണ്‌. മുഖഭാ​വ​ങ്ങൾ മനോ​ഹ​ര​മാ​യി​ട്ടുണ്ട്‌. അതു​പോ​ലെ വീഡി​യോ പരിപാ​ടി​യിൽ പങ്കെടു​ക്കു​ന്ന​വ​രു​ടെ വസ്‌ത്ര​ധാ​ര​ണം നല്ലതാണ്‌.”

ലോക​മെ​മ്പാ​ടും, യഹോ​വ​യു​ടെ സാക്ഷികൾ ആഴ്‌ച​തോ​റും നടത്തുന്ന അവരുടെ യോഗ​ങ്ങ​ളിൽ ഉപയോ​ഗി​ക്കു​ന്ന മാസി​ക​യാണ്‌ വീക്ഷാഗോപുരം. ഇപ്പോൾ ക്യു​ബെ​ക്കി​ലു​ള്ള ഏഴ്‌ ആംഗ്യ​ഭാ​ഷാ സഭകളി​ലും ഗ്രൂപ്പു​ക​ളി​ലും ഹാജരാ​കു​ന്ന 220 യഹോ​വ​യു​ടെ സാക്ഷി​കൾക്കും മറ്റുള്ള​വർക്കും ഈ മാസിക ആംഗ്യ​ഭാ​ഷ​യിൽ ലഭ്യമാണ്‌. c ഇതു കൂടാതെ യഹോ​വ​യു​ടെ സാക്ഷികൾ ക്യു​ബെക്ക്‌ ആംഗ്യ​ഭാ​ഷ​യി​ലു​ള്ള മറ്റ്‌ അനേകം വീഡി​യോ​കൾ ഓൺ​ലൈ​നിൽ പ്രസി​ദ്ധീ​ക​രി​ക്കു​ന്നു. അതിൽ ബൈബി​ളി​നെ അടിസ്ഥാ​ന​പ്പെ​ടു​ത്തി​യുള്ള നല്ല പാട്ടു​ക​ളും ഉൾപ്പെ​ടു​ത്തി​യി​ട്ടുണ്ട്‌.

മുമ്പു പറഞ്ഞ മാർസൽ വളരെ ആവേശ​ത്തി​ലാണ്‌. കാരണം ക്യു​ബെക്ക്‌ ആംഗ്യ​ഭാ​ഷ​യിൽ ഇപ്പോൾ ധാരാളം പ്രസി​ദ്ധീ​ക​ര​ണ​ങ്ങൾ ലഭ്യമാണ്‌. എന്നാൽ യഹോ​വ​യു​ടെ സാക്ഷികൾ പുറത്തി​റ​ക്കു​ന്ന പ്രസി​ദ്ധീ​ക​ര​ണ​ങ്ങൾ അദ്ദേഹം പ്രത്യേ​കാൽ വിലമ​തി​ക്കു​ന്നു. മാർസൽ പറയുന്നു: “jw.org വെബ്‌​സൈ​റ്റിൽ ധാരാളം ആംഗ്യ​ഭാ​ഷാ വീഡി​യോ​കൾ ഉള്ളത്‌ വലിയ ഒരു അനു​ഗ്ര​ഹ​മാണ്‌. എന്റെ ഭാഷയിൽത്ത​ന്നെ ഈ കാര്യ​ങ്ങ​ളെ​ല്ലാം ലഭ്യമാ​യ​തിൽ എനിക്ക്‌ ഒരുപാട്‌ സന്തോ​ഷ​മുണ്ട്‌.”