‘ജനത ജനതയ്‌ക്ക്‌ എതിരെ എഴു​ന്നേൽക്കും’ എന്നും ഈ ‘വ്യവസ്ഥി​തി അവസാ​നി​ക്കാൻ പോകു​മ്പോൾ’ ദുരന്തങ്ങൾ ഉണ്ടാകു​മെ​ന്നും ബൈബിൾ മുൻകൂ​ട്ടി​പ്പ​റ​യു​ന്നു. (മത്തായി 24:3, 7) 2023 സേവനവർഷത്തിൽ a ഈ പ്രാവ​ച​നി​ക​വാ​ക്കു​കൾ നിറ​വേ​റു​ന്നതു നമുക്ക്‌ കാണാ​നാ​യി. നൂറോ​ളം ദേശങ്ങ​ളിൽ നടക്കുന്ന യുദ്ധങ്ങൾക്കും പ്രകൃ​തി​ദു​ര​ന്ത​ങ്ങൾക്കും ഇടയി​ലും യഹോ​വ​യു​ടെ സാക്ഷികൾ യഹോ​വ​യു​ടെ സ്‌നേഹം അനുക​രി​ച്ചു. എങ്ങനെ?

 2023 സേവന​വർഷ​ത്തിൽ 200-ലധികം ദുരന്തങ്ങൾ നമ്മുടെ സഹോ​ദ​ര​ങ്ങളെ ബാധിച്ചു. അതിൽ ചിലത്‌ പ്രകൃ​തി​ദു​ര​ന്ത​ങ്ങ​ളും മറ്റു ചിലത്‌ മനുഷ്യർ വരുത്തി​വെ​ക്കുന്ന ദുരന്ത​ങ്ങ​ളു​മാണ്‌. ലോക​വ്യാ​പക പ്രവർത്ത​ന​ങ്ങൾക്കു ലഭിച്ച സംഭാ​വ​ന​ക​ളിൽനിന്ന്‌ മൊത്തം ഒരു കോടി​യി​ല​ധി​കം ഡോളറുകൾ b അതായത്‌, 80 കോടി​യി​ലേറെ രൂപയാണ്‌ യഹോ​വ​യു​ടെ സാക്ഷികൾ ഉപയോ​ഗി​ക്കുന്ന നിയമാ​നു​സൃത കോർപ്പ​റേഷൻ ദുരി​താ​ശ്വാ​സ​പ്ര​വർത്ത​ന​ങ്ങൾക്കാ​യി ചെലവ​ഴി​ച്ചത്‌. ധാരാളം സഹോ​ദ​രങ്ങൾ തങ്ങളുടെ പ്രദേ​ശ​ത്തു​ള്ള​വരെ സഹായി​ക്കാ​നാ​യി കൊടു​ക്കുന്ന സംഭാ​വ​ന​കൾക്കു പുറ​മേ​യാണ്‌ ഇത്‌. നമ്മുടെ സഹോ​ദ​രങ്ങൾ അനുഭ​വിച്ച രണ്ടു ദുരന്തങ്ങൾ നമുക്കു നോക്കാം. ആ സമയത്ത്‌ സംഭാവന എങ്ങനെ​യാണ്‌ ഉപയോ​ഗി​ച്ച​തെന്നു കാണാം.

 നൈജീ​രി​യ​യി​ലെ ചില സ്ഥലങ്ങളിൽ എല്ലാ വർഷവും ഒരു നിശ്ചി​ത​സ​മ​യത്ത്‌ പ്രളയം ഉണ്ടാകാ​റുണ്ട്‌. എന്നാൽ 2022 ഒക്ടോ​ബ​റിൽ ഉണ്ടായ പ്രളയം, കഴിഞ്ഞ പത്തു വർഷത്തിൽ രാജ്യം കണ്ട ഏറ്റവും വലിയ പ്രളയ​മാ​യി​രു​ന്നു. 16,70,400-ലധികം ഏക്കർ കൃഷി​ഭൂ​മി നശിച്ചു. 20 ലക്ഷത്തി​ല​ധി​കം ആളുകളെ മാറ്റി​പ്പാർപ്പി​ച്ചു. ദുരി​താ​ശ്വാ​സ​പ്ര​വർത്ത​ന​ങ്ങൾക്കും ആത്മീയ​സ​ഹാ​യം കൊടു​ക്കു​ന്ന​തി​നും ആയി നൈജീ​രിയ ബ്രാഞ്ച്‌ ഉടനെ​തന്നെ ദുരി​താ​ശ്വാ​സ കമ്മിറ്റി​കൾ രൂപീ​ക​രി​ച്ചു.

•   7,505 പ്രചാ​ര​കർക്ക്‌ വീടു​വിട്ട്‌ പോ​കേ​ണ്ടി​വ​ന്നു

•   860 വീടു​കൾക്ക്‌ കേടു​പാ​ടു​കൾ ഉണ്ടാകു​ക​യോ നശിക്കു​ക​യോ ചെയ്‌തു

•   90 രാജ്യ​ഹാ​ളു​ക​ളി​ലും ഒരു സമ്മേള​ന​ഹാ​ളി​ലും വെള്ളം കയറി

 രണ്ടു കോടി​യി​ല​ധി​കം രൂപയാണ്‌ ദുരി​താ​ശ്വാ​സ​പ്ര​വർത്ത​ന​ങ്ങൾക്കാ​യി ചെലവ​ഴി​ച്ചത്‌. താഴെ​പ്പ​റ​യു​ന്ന​തു​പോ​ലെ​യുള്ള ആവശ്യ​ങ്ങൾക്കു​വേണ്ടി അത്‌ ഉപയോ​ഗി​ച്ചു:

•   അരി, ധാന്യങ്ങൾ, ന്യൂഡിൽസ്‌ പോലുള്ള ഭക്ഷണസാ​ധ​നങ്ങൾ വാങ്ങി

•   കിടക്ക​യും കൊതു​കു​വ​ല​ക​ളും പോലുള്ള വീട്ടു​സാ​ധ​നങ്ങൾ വാങ്ങി

•   കേടു​പാ​ടു​കൾ സംഭവിച്ച വീടു​ക​ളു​ടെ അറ്റകു​റ്റ​പ്പ​ണി​കൾ നടത്തു​ക​യോ അവ പുതു​ക്കി​പ്പ​ണി​യു​ക​യോ ചെയ്‌തു

 സംഭാ​വ​നകൾ ഏറ്റവും നന്നായി ഉപയോ​ഗി​ക്കു​ന്നു എന്ന്‌ സഹോ​ദ​രങ്ങൾ എങ്ങനെ​യാണ്‌ ഉറപ്പു​വ​രു​ത്തി​യത്‌? അതിനു​വേണ്ടി ചെയ്‌ത ഒരു കാര്യം, ഒരു കെട്ടിടം അറ്റകു​റ്റ​പ്പ​ണി​കൾ ചെയ്‌ത്‌ ശരിയാ​ക്കാ​മോ അതോ പുനർനിർമി​ക്കേണ്ട ആവശ്യ​മു​ണ്ടോ എന്ന്‌ അവർ ശ്രദ്ധ​യോ​ടെ വിലയി​രു​ത്തി. പുനർനിർമി​ക്കേണ്ട കെട്ടി​ട​ങ്ങ​ളാ​ണെ​ങ്കിൽ, ആ പ്രദേ​ശത്ത്‌ സാധാ​ര​ണ​യാ​യി കണ്ടുവ​രുന്ന രീതി​യി​ലുള്ള ലളിത​മായ ഡിസൈൻ ഉപയോ​ഗിച്ച്‌ പണിതു.

 സഹായം ലഭിച്ച​പ്പോൾ സഹോ​ദ​രങ്ങൾ അതു ശരിക്കും വിലമ​തി​ച്ചു. ഒരു സഹോ​ദരി ഇങ്ങനെ പറഞ്ഞു: “ഈ പ്രളയം ഞങ്ങളുടെ ജീവി​തം​തന്നെ തകർത്തു. ഞങ്ങളുടെ കൃഷി​ഭൂ​മി​യെ​ല്ലാം നശിച്ചു, കിടപ്പാ​ട​വും നഷ്ടപ്പെട്ടു. ഞങ്ങളെ സഹായി​ക്കാ​നും സുരക്ഷി​ത​മായ ഒരു താമസ​സ്ഥലം ഒരുക്കാ​നും സഹോ​ദ​രീ​സ​ഹോ​ദ​ര​ന്മാർ ആ ദിവസം​തന്നെ എത്തിയതു ഞങ്ങൾക്കു ശരിക്കും ആശ്വാ​സ​മാ​യി. ബ്രാ​ഞ്ചോ​ഫീസ്‌ ഞങ്ങൾക്ക്‌ ആവശ്യ​മായ ഭക്ഷണസാ​ധ​ന​ങ്ങ​ളെ​ല്ലാം എത്തിച്ചു​തന്നു. യോഹ​ന്നാൻ 13:34, 35 വാക്യങ്ങൾ ഞങ്ങളുടെ ജീവി​ത​ത്തിൽ നിവൃ​ത്തി​യേ​റു​ന്നതു കണ്ടപ്പോൾ സന്തോ​ഷം​കൊണ്ട്‌ ഞങ്ങളുടെ കണ്ണു നിറഞ്ഞു​പോ​യി. . . . യഥാർഥ​സ്‌നേഹം എന്ന ഒന്നുണ്ട്‌. ഞങ്ങളെ സഹായി​ക്കാൻ തക്കസമ​യത്ത്‌ എത്തിയ എല്ലാ സഹോ​ദ​ര​ങ്ങ​ളോ​ടും ഞാനും എന്റെ കുടും​ബ​വും ഉള്ളി​ന്റെ​യു​ള്ളിൽനിന്ന്‌ നന്ദി പറയുന്നു.”

 ആ പ്രദേ​ശത്തെ മറ്റു ചിലരും നമ്മുടെ ദുരി​താ​ശ്വാ​സ​പ്ര​വർത്തനം ശ്രദ്ധിച്ചു. ബയെൽസ സ്റ്റേറ്റിലെ സബഗ്രി​യ​യി​ലുള്ള ഒരു ഗ്രാമ​ത്ത​ലവൻ പറഞ്ഞത്‌ ഇങ്ങനെ​യാണ്‌: “ഇന്ന്‌ പല സംഘട​ന​ക​ളും പള്ളിക​ളും ഉണ്ട്‌. എന്നാൽ യഹോ​വ​യു​ടെ സാക്ഷികൾ മാത്രമേ ഇങ്ങനെ​യൊ​രു കാര്യം ചെയ്‌തി​ട്ടു​ള്ളൂ. . . . (നിങ്ങളു​ടെ) സംഘടന ലോക​ത്തി​ലെ ഏറ്റവും നല്ല സംഘട​ന​ക​ളിൽ ഒന്നാണ്‌.”

 2023 ഫെബ്രു​വ​രി​യിൽ 400-ലധികം തീപി​ടു​ത്തം ഉണ്ടായതു കാരണം ചിലി​യിൽ വലിയ നാശന​ഷ്ടങ്ങൾ സംഭവി​ച്ചു. 10,62,500-ലധികം ഏക്കർ ഭൂമി​യും അതോ​ടൊ​പ്പം ചിലി​യു​ടെ ചില പ്രധാ​ന​പ്പെട്ട പൊതു​സൗ​ക​ര്യ​ങ്ങ​ളും നശിച്ചു. ഏകദേശം 8,000 ആളുകളെ ഒഴിപ്പി​ച്ചു. ദുരന്തം ഉണ്ടായി അധികം താമസി​യാ​തെ​തന്നെ ബ്രാ​ഞ്ചോ​ഫീസ്‌ ദുരി​താ​ശ്വാ​സ​പ്ര​വർത്ത​നങ്ങൾ സംഘടി​പ്പി​ക്കാൻ തുടങ്ങി.

•   222 പ്രചാ​ര​കരെ മാറ്റി​ത്താ​മ​സി​പ്പി​ക്കേ​ണ്ടി​വന്നു

•   20 വീടുകൾ നശിച്ചു

 ഒന്നര​ക്കോ​ടി​യി​ല​ധി​കം രൂപയാണ്‌ ദുരി​താ​ശ്വാ​സ​പ്ര​വർത്ത​ന​ങ്ങൾക്കാ​യി ചെലവ​ഴി​ച്ചത്‌. താഴെ​പ്പ​റ​യു​ന്ന​തു​പോ​ലെ​യുള്ള ആവശ്യ​ങ്ങൾക്കു​വേണ്ടി അത്‌ ഉപയോ​ഗി​ച്ചു:

•   ഭക്ഷണവും വെള്ളവും വാങ്ങി

•   ഇന്ധനവും ശുചീ​ക​ര​ണ​ത്തി​നുള്ള സാധന​ങ്ങ​ളും മരുന്നു​ക​ളും വാങ്ങി

•   തകർന്നു​പോയ വീടുകൾ പുനർനിർമി​ച്ചു

 ഈ ദുരന്തം കാരണം ഒരു കുടും​ബ​ത്തി​നു തങ്ങളുടെ വീടും ബിസി​നെ​സ്സും എല്ലാം നഷ്ടപ്പെട്ടു. അത്‌ അവരെ തകർത്തു​ക​ളഞ്ഞു. അവർക്ക്‌ വരുമാ​ന​മാർഗം ഇല്ലാതാ​യി. വീട്‌ ഇരുന്ന സ്ഥലം ശൂന്യ​മാ​യി കിടക്കു​ന്നതു കണ്ടപ്പോൾ ആദ്യദി​വ​സ​ങ്ങ​ളി​ലൊ​ന്നും അവർക്ക്‌ അതു താങ്ങാ​നാ​യില്ല. എന്നാൽ തങ്ങളുടെ വീടിന്റെ പുനർനിർമാണ ജോലി​ക​ളെ​ല്ലാം പുരോ​ഗ​മി​ക്കു​ന്നതു കണ്ടപ്പോൾ അവർക്കു തെല്ലൊ​രു ആശ്വാ​സ​മാ​യി. സന്നദ്ധ​സേ​വ​ക​രു​ടെ സ്‌നേ​ഹ​വും കരുത​ലും പിടി​ച്ചു​നിൽക്കാൻ അവരെ സഹായി​ച്ചു. ആ സ്‌നേഹം അവരെ ശരിക്കും സ്‌പർശി​ച്ച​തു​കൊണ്ട്‌ മറ്റൊരു സഹോ​ദ​രന്റെ വീടു പുനർനിർമി​ക്കാൻ ഈ കുടും​ബം സന്നദ്ധ​സേ​വ​ക​രോ​ടൊ​പ്പം കൂടി.

 പല സഹോ​ദ​ര​ങ്ങ​ളും ദുരി​താ​ശ്വാ​സ​പ്ര​വർത്ത​ന​ങ്ങളെ വിലമ​തി​പ്പോ​ടെ​യാ​ണു കണ്ടത്‌. ഒരു സഹോ​ദരൻ പറഞ്ഞു: “ദുരി​താ​ശ്വാ​സ കമ്മിറ്റി​കൾ യഹോ​വ​യു​ടെ വലി​യൊ​രു ക്രമീ​ക​ര​ണ​മാണ്‌. ദുരന്തം നടന്ന അടുത്ത ദിവസം​തന്നെ അവർ അത്യാ​വശ്യ സാധന​ങ്ങ​ളു​മാ​യി സ്ഥലത്ത്‌ എത്തി. ലോക​മെ​ങ്ങും നടക്കുന്ന ദുരി​താ​ശ്വാ​സ​പ്ര​വർത്ത​ന​ങ്ങ​ളെക്കു​റിച്ച്‌ വായി​ക്കു​ന്നത്‌ നമ്മളെ പ്രോ​ത്സാ​ഹി​പ്പി​ക്കു​ന്നു. എന്നാൽ അത്തരം സംഭവങ്ങൾ സ്വന്തം ജീവി​ത​ത്തിൽ നടക്കു​മ്പോൾ അത്‌ വേറി​ട്ടൊ​രു അനുഭ​വ​മാണ്‌, സംഘട​നയെ നമ്മൾ കൂടുതൽ വിലമ​തി​ക്കും. സഹോ​ദ​രങ്ങൾ യഹോ​വ​യു​ടെ ഗുണങ്ങൾ എത്ര നന്നായാണ്‌ പ്രകടി​പ്പി​ക്കു​ന്നത്‌! നമ്മുടെ ആത്മീയ​വും ഭൗതി​ക​വും വൈകാ​രി​ക​വും ആയ കാര്യ​ങ്ങ​ളിൽ അവർ എത്രമാ​ത്രം താത്‌പ​ര്യ​മാണ്‌ എടുക്കു​ന്നത്‌. സത്യം​പ​റ​ഞ്ഞാൽ ഞങ്ങൾ യഹോ​വ​യു​ടെ സ്‌നേഹം അനുഭ​വി​ച്ച​റി​ഞ്ഞു.”

 ഈ വ്യവസ്ഥി​തി അവസാ​ന​ത്തോട്‌ അടുക്കു​മ്പോൾ ദുരന്തങ്ങൾ കൂടി​ക്കൂ​ടി വരും. (ലൂക്കോസ്‌ 21:10, 11) എങ്കിലും സ്‌നേ​ഹ​മുള്ള നമ്മുടെ രാജാ​വായ യേശു​ക്രി​സ്‌തു “വ്യവസ്ഥി​തി​യു​ടെ അവസാ​ന​കാ​ലം​വരെ” എന്നും നമ്മു​ടെ​കൂ​ടെ ഉണ്ടായി​രി​ക്കു​മെന്നു വാക്കു തന്നിട്ടുണ്ട്‌. ക്രിസ്‌തീ​യസഭ എന്ന ക്രമീ​ക​ര​ണ​ത്തി​ലൂ​ടെ നമ്മൾ ഇന്ന്‌ അതു കാണുന്നു. (മത്തായി 28:20) ലോക​വ്യാ​പ​ക​പ്ര​വർത്ത​ന​ങ്ങൾക്കാ​യി donate.dan124.com വഴിയും മറ്റു വിധങ്ങ​ളി​ലും നിങ്ങൾ കൊടു​ക്കുന്ന ഉദാര​മായ സംഭാ​വ​ന​ക​ളും അതോ​ടൊ​പ്പം​തന്നെ നിങ്ങൾ ചെലവ​ഴി​ക്കുന്ന സമയവും ഊർജ​വും ദൈവ​രാ​ജ്യ​ത്തെ​യും അതിന്റെ രാജാ​വി​നെ​യും നിങ്ങൾ പിന്തു​ണ​യ്‌ക്കു​ന്നു എന്നാണ്‌ കാണി​ക്കു​ന്നത്‌. നിങ്ങൾ തുടർച്ച​യാ​യി കാണി​ക്കുന്ന ഈ ഉദാര​ത​യ്‌ക്ക്‌ ഒരുപാ​ടു നന്ദി.