അധ്യായം 10

നിങ്ങളു​ടെ മാതാ​പി​താ​ക്കളെ നിങ്ങൾ എങ്ങനെ വീക്ഷി​ക്കു​ന്നു?

1-3. (എ) മാതാ​പി​താ​ക്ക​ളോ​ടു​ളള ഒരുവന്റെ മനോ​ഭാ​വം അവനെ സംബന്ധിച്ച്‌ എന്തു വെളി​പ്പെ​ടു​ത്തു​ന്നു? (ബി) നിങ്ങളു​ടെ അറിവിൽപ്പെട്ട യുവജ​ന​ങ്ങൾക്ക്‌ തങ്ങളുടെ മാതാ​പി​താ​ക്ക​ളോ​ടു​ളള മനോ​ഭാ​വം എന്താണ്‌? നിങ്ങൾ അവരോട്‌ യോജി​ക്കു​ന്നു​വോ? (സി) ഏതുത​ര​ത്തി​ലു​ളള പരിശീ​ല​ന​മാണ്‌ മാതാ​പി​താ​ക്കളെ ആദരി​ക്കാൻ ഒരു യുവാ​വി​നെ സഹായി​ക്കു​ന്നത്‌, എന്തു​കൊണ്ട്‌?

 മററു​ള​ളവർ അവരുടെ മാതാ​പി​താ​ക്കൻമാ​രേ​പ്പ​ററി എന്തു വിചാ​രി​ക്കു​ന്നു എന്നു നിങ്ങ​ളോ​ടു പറയു​മ്പോൾ അവർ അവരെ​പ്പ​റ​റി​യും ചിലത്‌ നിങ്ങ​ളോട്‌ പറയു​ക​യാണ്‌. അതെ, നിങ്ങൾ നിങ്ങളു​ടെ മാതാ​പി​താ​ക്കൻമാ​രോട്‌ പറയു​ന്ന​തും ചെയ്യു​ന്ന​തു​മായ കാര്യങ്ങൾ നിങ്ങളു​ടെ മനസ്സി​ലും ഹൃദയ​ത്തി​ലും എന്താണു​ള​ളത്‌ എന്ന്‌ വെളി​പ്പെ​ടു​ത്തു​ന്നു. ഇപ്പോൾത്തന്നെ നിങ്ങൾ ഏതുതരം വ്യക്തി​യാ​ണെന്ന്‌ അത്‌ ഒട്ടേറെ വെളി​പ്പെ​ടു​ത്തു​ന്നു. നിങ്ങൾ ഭാവി​യിൽ ഏതുതരം വ്യക്തി​യാ​യി​ത്തീർന്നേ​ക്കാം എന്നതി​നു​ളള വ്യക്തമായ ഒരു സൂചന​യും അതു നൽകുന്നു. നിങ്ങളു​ടെ ഭവനത്തിൽ നിങ്ങൾ വളർത്തി​യെ​ടു​ക്കുന്ന പെരു​മാ​ററ രീതികൾ ക്രമേണ നിങ്ങളു​ടെ ഒരു ഭാഗമാ​യി​ത്തീ​രു​ന്നു എന്നുള​ള​തി​നാ​ലാണ്‌ ഇത്‌ അപ്രകാ​ര​മാ​യി​രി​ക്കു​ന്നത്‌.

² ചില യുവജ​നങ്ങൾ തങ്ങളുടെ മാതാ​പി​താ​ക്ക​ളോട്‌ മിക്കവാ​റും എല്ലാ കാര്യ​ങ്ങ​ളി​ലും ഒരു നിഷേ​ധാ​ത്മ​ക​മായ മനോ​ഭാ​വം വളർത്തു​ന്നു. തങ്ങളുടെ മാതാ​പി​താ​ക്കൾക്ക്‌ തങ്ങളെ മനസ്സി​ലാ​കു​ന്നില്ല, മനസ്സി​ലാ​ക്കാൻ അവർ ശ്രമി​ക്കു​ന്നു​മില്ല എന്നാണ്‌ ചിലർ കരുതു​ന്നത്‌. മാതാ​പി​താ​ക്കൾ ആശയറ​റ​വണ്ണം പഴഞ്ചൻമാ​രും ത്വരി​ത​ഗ​മനം ചെയ്‌തു​കൊ​ണ്ടി​രി​ക്കുന്ന ഈ ലോക​ത്തിൽ പ്രയോ​ജ​ന​ക​ര​മായ എന്തെങ്കി​ലും മാർഗ്ഗ​നിർദ്ദേശം നൽകാൻ അപ്രാ​പ്‌ത​രു​മാ​ണെന്ന്‌ ഇവർ വിചാ​രി​ക്കു​ന്നു. ഈ ചിന്ത പെട്ടെ​ന്നു​തന്നെ എല്ലാത്തി​ലും മത്സരി​ക്കുന്ന ഒരു ഗതിയി​ലേക്കു വളരുന്നു. നിയ​ന്ത്രി​ക്ക​പ്പെ​ടു​ന്നി​ല്ലെ​ങ്കിൽ എളുപ്പ​ത്തിൽ അത്‌ ഒരു ശീലമാ​യി മാറുന്നു. കുടും​ബ​വൃ​ത്ത​ത്തി​നു പുറത്തു​ള​ള​വ​രോ​ടു​ളള പെരു​മാ​റ​റ​ത്തി​ലും അതു പ്രകട​മാ​കു​ന്നു. നിങ്ങൾ എവിടെ എത്തി നിൽക്കു​ന്നു എന്നു തിരി​ച്ച​റി​യും മുമ്പേ അതു ഒരു മനുഷ്യ​സ​മു​ദാ​യ​ത്തി​ന്റെ സംരക്ഷ​ണ​ത്തി​നും പ്രയോ​ജ​ന​ത്തി​നു​മാ​യി നിർമ്മി​ച്ചി​രി​ക്കുന്ന നിയമങ്ങൾ അനുസ​രി​ക്കാ​നു​ളള വിമുഖത  നിമിത്തം നിങ്ങളെ ഗൗരവ​മായ കുഴപ്പ​ത്തി​ലേക്കു നയി​ച്ചേ​ക്കാം.

³ എന്നാൽ അത്തരത്തിൽ വിചാ​രി​ക്കു​ക​യും പ്രവർത്തി​ക്കു​ക​യും ചെയ്യാത്ത മററു​ള​ള​വ​രുണ്ട്‌. അവർ വളരു​മ്പോൾ മാതാ​പി​താ​ക്കളെ ആദര​വോ​ടെ വീക്ഷി​ക്കു​ന്നു. ലോകം ഇത്രമാ​ത്രം കുഴപ്പ​ത്തി​ലാ​യി​രി​ക്കു​ന്നത്‌ എന്തു​കൊ​ണ്ടെ​ന്നും ഭാവി എങ്ങനെ​യു​ള​ള​താ​യി​രി​ക്കു​മെ​ന്നും ഈ യുവജ​ന​ങ്ങൾക്ക​റി​യാം. അതു​കൊണ്ട്‌ മററു​ള​ള​വ​രു​ടെ നിഷേ​ധാ​ത്മ​ക​മായ മനോ​ഭാ​വ​ത്തോ​ടൊ​ത്തു പോകു​ന്ന​തി​നു​ളള സമ്മർദ്ദ​ങ്ങൾക്ക്‌ അവർ കീഴ്‌പ്പെ​ടു​ന്നില്ല. നിശ്വ​സ്‌ത​ത​യിൽ എഴുത​പ്പെട്ട ദൈവ​വ​ച​ന​ത്തിൽ കാണ​പ്പെ​ടുന്ന മാനു​ഷ​പെ​രു​മാ​റ​റത്തെ സംബന്ധിച്ച അത്യു​ത്ത​മ​മായ തത്വങ്ങ​ളോ​ടു​ളള ആദരവ്‌ തങ്ങളുടെ മാതാ​പി​താ​ക്കൾ തങ്ങളിൽ വളർത്തി​യി​രി​ക്കു​ന്ന​തിൽ അവർ വിലമ​തി​പ്പു​ള​ള​വ​രാണ്‌. ബൈബിൾ ബുദ്ധി​യു​പ​ദേ​ശി​ക്കു​ന്ന​പ്ര​കാ​രം​തന്നെ, “പിതാ​ക്കൻമാ​രേ, നിങ്ങളു​ടെ മക്കളെ പ്രകോ​പി​പ്പി​ക്കാ​തെ യഹോ​വ​യു​ടെ ശിക്ഷണ​ത്തി​ലും മാനസിക ക്രമവൽക്ക​ര​ണ​ത്തി​ലും അവരെ പോററി വളർത്തു​വിൻ.” ഈ യുവജ​നങ്ങൾ ഇത്തരം പരിശീ​ല​ന​ത്തോട്‌ നന്നായി പ്രതി​വർത്തി​ക്കു​ക​യും മനസ്സോ​ടെ അവരുടെ പങ്ക്‌ വഹിക്കു​ക​യും ചെയ്‌തി​രി​ക്കു​ന്നു. തൽഫല​മാ​യി, കുടും​ബ​ക്ര​മീ​ക​ര​ണ​ത്തി​ലെ അവരുടെ സ്ഥാനം അവർ വിലമ​തി​ക്കു​ന്നു. കുടും​ബ​ത​ല​ത്തിൽ നല്ല ബന്ധങ്ങൾ നിലനിൽക്കു​ക​യും ചെയ്യുന്നു.—എഫേസ്യർ 6:4.

മാതാ​പി​താ​ക്ക​ളോട്‌ കടപ്പെ​ട്ടി​രി​ക്കുന്ന അനുസ​ര​ണം

4-6. (എ) ഇന്നോ​ള​മു​ളള ജീവി​ത​ത്തിൽ നിങ്ങളു​ടെ മാതാ​പി​താ​ക്കൻമാർ നിങ്ങൾക്കു​വേണ്ടി എന്തു ചെയ്‌തി​രി​ക്കു​ന്നു? (ബി) നിങ്ങൾ അതു വിലമ​തി​ക്കു​ന്നു എന്ന്‌ നിങ്ങൾക്കെ​ങ്ങനെ പ്രകട​മാ​ക്കാൻ കഴിയും? (എഫേസ്യർ 6:1, 2)

⁴ എന്നാൽ ബൈബിൾ തത്വങ്ങൾ പഠിപ്പി​ക്കാൻ മാതാ​പി​താ​ക്കൾ യാതൊ​രു ശ്രമവും ചെയ്യാത്ത കുട്ടി​കളെ സംബന്ധി​ച്ചെന്ത്‌? അവർ തങ്ങളുടെ മാതാ​പി​താ​ക്കൻമാ​രോട്‌ ബഹുമാ​നം കാണി​ക്കു​ക​യും അവരെ അനുസ​രി​ക്കു​ക​യും ചെയ്യേ​ണ്ട​തില്ല എന്നർത്ഥ​മു​ണ്ടോ? മാതാ​പി​താ​ക്ക​ളിൽ നിന്നുളള മാർഗ്ഗ​നിർദ്ദേശം ദൈവിക നിലവാ​ര​ത്തിൽനിന്ന്‌ അകന്നക​ന്നു​പോ​കു​മ്പോൾ അതിന്റെ മേൻമ കുറയു​മെ​ന്നി​രു​ന്നാൽതന്നെ അതു യുവജ​നങ്ങൾ തങ്ങളുടെ മാതാ​പി​താ​ക്ക​ളോട്‌ ശരിയായ മനോ​ഭാ​വം വളർത്തു​ന്ന​തി​ന്റെ ആവശ്യ​ക​തയെ ഒരു തരത്തി​ലും കുറയ്‌ക്കു​ന്നില്ല. എന്തു​കൊണ്ട്‌? പലേകാ​ര​ണ​ങ്ങ​ളു​മുണ്ട്‌.

⁵ നിങ്ങൾ ഒരിക്ക​ലും ഉത്തരവാ​ദി​ത്ത​ത്തോ​ടെ കഴിഞ്ഞു​കൂ​ടി​യി​ട്ടി​ല്ലാത്ത സ്ഥിതിക്ക്‌ നിങ്ങളു​ടെ മാതാ​പി​താ​ക്കൾ നിങ്ങൾക്കു​വേണ്ടി  ചെയ്‌തി​ട്ടു​ള​ള​തി​നെ നിങ്ങൾ പൂർണ്ണ​മാ​യി വിലമ​തി​ക്കാ​തി​രു​ന്നേ​ക്കാം. എന്നാൽ ഒരു നിമിഷം നിന്നു ചിന്തി​ക്കുക: നിങ്ങളു​ടെ പിതാ​വും മാതാ​വും നിങ്ങളു​ടെ ജനനം മുതൽ നിത്യേന നിങ്ങളെ പരിച​രി​ച്ചി​ട്ടുണ്ട്‌. അവർ നിങ്ങൾക്ക്‌ ആഹാര​വും വസ്‌ത്ര​വും വസിക്കാൻ ഒരു ഭവനവും നൽകി​യി​രി​ക്കു​ന്നു; നിങ്ങളു​ടെ വിദ്യാ​ഭ്യാ​സ​ത്തി​നു വേണ്ട ഏർപ്പാട്‌ ചെയ്‌തി​രി​ക്കു​ന്നു.

⁶ നിങ്ങളു​ടെ മാതാ​പി​താ​ക്കൾ നിങ്ങൾക്കു​വേണ്ടി ചെയ്‌ത സേവന​ങ്ങ​ളെ​ല്ലാം ചെയ്യാൻ നിങ്ങൾ ആരെ​യെ​ങ്കി​ലും കൂലിക്ക്‌ എടു​ക്കേ​ണ്ടി​യി​രു​ന്നെ​ങ്കിൽ അതിന്‌ വളരെ ധനം വ്യയം ചെയ്യേ​ണ്ടി​വ​രു​മാ​യി​രു​ന്നു. ഇതി​നെ​ല്ലാം നിങ്ങളു​ടെ മാതാ​പി​താ​ക്കൾ ആദരവ്‌ അർഹി​ക്കു​ന്നു. പിൽക്കാ​ലത്ത്‌ നിങ്ങൾ വിവാ​ഹി​ത​രാ​വു​ക​യും ഒരു പിതാ​വോ മാതാ​വോ ആകുക​യും ചെയ്യു​മ്പോൾ നിങ്ങളു​ടെ മാതാ​പി​താ​ക്കൾ നിങ്ങൾക്കു​വേണ്ടി ചെയ്‌ത​തി​നെ കൂടുതൽ വിലമ​തി​ക്കാൻ നിങ്ങൾക്കു കഴിയും. എന്നാൽ എന്തു​കൊണ്ട്‌ ഇപ്പോൾത്തന്നെ വിലമ​തിപ്പ്‌ കാണി​ച്ചു​കൂ​ടാ? നിങ്ങൾ മാതാ​പി​താ​ക്ക​ളോട്‌ കടപ്പെ​ട്ടി​രി​ക്കുന്ന സ്‌നേഹം നിങ്ങളു​ടെ ആദരവി​നാ​ലും അനുസ​ര​ണ​ത്താ​ലും മടക്കി​ക്കൊ​ടു​ക്കു​ന്നു​വെ​ങ്കിൽ നിങ്ങൾ നിങ്ങൾക്കു നൻമ​ചെ​യ്യു​ന്ന​വരെ വിലമ​തി​ക്കുന്ന, സുബോ​ധ​മു​ളള ഒരാളാ​യി പക്വത​യി​ലേക്കു വളരു​ക​യാ​ണെന്നു പ്രകട​മാ​ക്കും.

7-12. (എ) ഒരു യുവാ​വോ യുവതി​യോ തങ്ങളുടെ മാതാ​പി​താ​ക്ക​ളു​ടെ ഭാഗത്തെ തെററു​കളെ എങ്ങനെ വീക്ഷി​ക്കണം? (മത്തായി 6:14, 15) (ബി) ബൈബി​ളിൽ കാണ​പ്പെ​ടും പ്രകാരം മാതാ​പി​താ​ക്കൾക്കു ദൈവം എന്തു സ്ഥാനമാണ്‌ നൽകി​യി​രി​ക്കു​ന്നത്‌? (സദൃശ​വാ​ക്യ​ങ്ങൾ 6:20) ഇത്‌ ഒരു അത്യാ​വശ്യ ക്രമീ​ക​ര​ണ​മാ​യി​രി​ക്കു​ന്ന​തെ​ന്തു​കൊണ്ട്‌? (സി) ഒരുവന്റെ മാതാ​പി​താ​ക്കളെ അനുസ​രി​ക്കാ​തി​രി​ക്കു​ന്നത്‌ എത്രമാ​ത്രം ഗൗരവ​മു​ളള ഒരു സംഗതി​യാണ്‌?

⁷ ഇതിനാൽ നിങ്ങളു​ടെ മാതാ​പി​താ​ക്കൾ യാതൊ​രു കുറവു​മി​ല്ലാ​ത്ത​വ​രാണ്‌ എന്നു പറയു​കയല്ല. തീർച്ച​യാ​യും അവർക്കും പിശകു​കൾ സംഭവി​ക്കും. എന്നാൽ നിങ്ങൾക്കും സംഭവി​ക്കും. അവരോ​ടൊ​പ്പം പരിചയം നിങ്ങൾക്കി​ല്ലാ​ത്ത​തി​നാൽ ഒരുപക്ഷേ നിങ്ങൾക്ക്‌ അതിൽ കൂടുതൽ പിശകു​കൾ സംഭവി​ക്കു​ന്നു. നിങ്ങളു​ടെ മാതാ​പി​താ​ക്ക​ളു​ടെ തെററു​കൾ സംബന്ധിച്ച്‌ നിങ്ങൾ അവരെ കുററ​പ്പെ​ടു​ത്തു​ക​യും എന്നാൽ നിങ്ങളു​ടെ തെററു​കൾ സംബന്ധിച്ച്‌ അവർ യാതൊ​ന്നും പറയാ​തി​രി​ക്കാൻ പ്രതീ​ക്ഷി​ക്കു​ക​യും ചെയ്യു​മോ? എന്നാൽ പരസ്‌പര വൈരു​ദ്ധ്യ​മി​ല്ലാ​തി​രി​ക്കു​ന്ന​തിന്‌ നിങ്ങളു​ടെ അനേകം തെററു​കളെ അവർ ക്ഷമിക്കു​ന്ന​തു​പോ​ലെ അവരുടെ തെററു​കളെ ക്ഷമിക്കാൻ നിങ്ങളും പഠി​ക്കേ​ണ്ട​താണ്‌. നിങ്ങൾക്കു​ള​ള​തി​നേ​ക്കാൾ വളരെ കൂടിയ ഉത്തരവാ​ദി​ത്വ​ങ്ങൾ അവർക്കു​ള​ള​തു​കൊണ്ട്‌ അവർക്ക്‌ ചില പരാജ​യങ്ങൾ നേരി​ട്ടാൽ  അതു മനസ്സി​ലാ​ക്കാ​വു​ന്ന​തേ​യു​ളളു. ഈ ബൈബിൾ തത്വം അന്വർത്ഥ​മാണ്‌: “കരുണ കാണി​ക്കാ​ത്ത​വന്‌ കരുണ​യി​ല്ലാത്ത ന്യായ​വി​ധി ഉണ്ടാകും, കരുണ ന്യായ​വി​ധി​യെ ജയിച്ചു പ്രശം​സി​ക്കു​ന്നു.”—യാക്കോബ്‌ 2:13.

⁸ എന്നാൽ മാതാ​പി​താ​ക്ക​ളു​ടെ ഭാഗത്തെ ഒരു തെററാ​യി നിങ്ങൾ വിചാ​രി​ക്കു​ന്നത്‌ ചില​പ്പോൾ നിങ്ങളു​ടേ​തിൽ നിന്ന്‌ വ്യത്യ​സ്‌ത​മായ ഒരു കാഴ്‌ച​പ്പാ​ടി​നെ​യാ​യി​രി​ക്കും. ഇപ്രകാ​ര​മാ​യി​രി​ക്കു​ക​യും മാതാ​പി​താ​ക്കൾ ആ കാര്യം സംബന്ധിച്ച്‌ വ്യക്തമായ ഒരു നിലപാട്‌ സ്വീക​രി​ക്കു​ക​യും ചെയ്‌തി​രി​ക്കു​മ്പോൾ നിങ്ങൾ എന്തു ചെയ്യണം?

⁹ മാതാ​പി​താ​ക്ക​ളു​ടെ സ്ഥാനം നിങ്ങളു​ടേ​തിന്‌ സമമല്ല എന്ന്‌ നിങ്ങൾ മനസ്സിൽ പിടി​ക്കേ​ണ്ട​തുണ്ട്‌. ദൈവിക ക്രമീ​ക​ര​ണ​ത്തിൽ ഒരു പിതാ​വോ മാതാ​വോ നിങ്ങളു​ടേ​തി​നേ​ക്കാൾ അല്‌പം കൂടി ഉയർന്ന ഒരു സ്ഥാനത്താണ്‌. നിങ്ങൾക്ക്‌ ഇപ്പോ​ഴും ഇല്ലാത്ത അധികാ​ര​വും ഉത്തരവാ​ദി​ത്വ​വും ദൈവം നിങ്ങളു​ടെ മാതാ​പി​താ​ക്കളെ ഏൽപ്പി​ച്ചി​രി​ക്കു​ന്നു. അതു​കൊണ്ട്‌  നിങ്ങളെ ബാധി​ക്കുന്ന കാര്യങ്ങൾ സംബന്ധി​ച്ചു​ളള അന്തിമ തീരു​മാ​നം എടുക്കാ​നു​ളള അവകാശം അവരു​ടേ​താണ്‌. അതു​കൊ​ണ്ടാണ്‌ ദൈവ​വ​ചനം ഇപ്രകാ​രം ബുദ്ധി​യു​പ​ദേ​ശി​ക്കു​ന്നത്‌: “മക്കളേ, നിങ്ങളു​ടെ അമ്മയപ്പൻമാ​രെ സകലത്തി​ലും അനുസ​രി​പ്പിൻ, അതു കർത്താ​വി​ന്റെ ശിഷ്യൻമാ​രിൽ കണ്ടാൽ പ്രസാ​ദ​ക​ര​മ​ല്ലോ.” തീർച്ച​യാ​യും ഇതിന്റെ അർത്ഥം ദൈവിക നിയമ​ത്തി​ന്റെ ലംഘന​മാ​കാത്ത എല്ലാ കാര്യ​ങ്ങ​ളി​ലും മാതാ​പി​താ​ക്കൾ നിങ്ങ​ളോട്‌ ആവശ്യ​പ്പെ​ടു​ന്നത്‌ നിങ്ങൾ ചെയ്യണം എന്നാണ്‌.—കൊ​ലോ​സ്യർ 3:20.

¹⁰ മാനുഷ സമൂഹ​ത്തിൽ ഒരു ക്രമം ഉണ്ടായി​രി​ക്കേ​ണ്ട​താണ്‌, അല്ലേ? ക്രമമി​ല്ലാ​ഞ്ഞാൽ കുഴപ്പ​ങ്ങ​ളും അരാജ​ക​ത്വം പോലു​മോ ആയിരു​ന്നേ​ക്കാം ഫലം. ഉദാഹ​ര​ണ​ത്തിന്‌, ഒരു കപ്പലിലെ കാര്യങ്ങൾ എങ്ങനെ നടത്തണ​മെന്ന്‌ ഒരു ജോലി​ക്കാ​രൻ കപ്പിത്താ​നോട്‌ കല്‌പി​ക്കു​ന്നില്ല. അല്ലെങ്കിൽ ഒരു പന്തുക​ളി​ക്കാ​രൻ ക്ലബ്ബിന്റെ മാനേ​ജ​രോട്‌ ക്ലബ്ബിന്റെ കാര്യങ്ങൾ എങ്ങനെ നടത്തണ​മെന്ന്‌ നിർദ്ദേ​ശി​ക്കാ​റില്ല. ഒരു നല്ല ക്യാപ്‌റ​റ​നോ മാനേ​ജ​രോ തന്റെ കീഴി​ലു​ള​ള​വ​രിൽനി​ന്നു​ളള അഭി​പ്രാ​യങ്ങൾ സ്വാഗതം ചെയ്യു​ക​യും വാസ്‌ത​വ​ത്തിൽ അത്തരം അഭി​പ്രാ​യങ്ങൾ പറയാൻ അവരെ പ്രോ​ത്സാ​ഹി​പ്പി​ക്കു​ക​യും ചെയ്യും എന്നത്‌ സത്യം തന്നെ. എന്നാൽ മററു​ള​ളവർ അവർക്ക്‌ ഉത്തരവു​കൾ നൽകാ​നും എന്തു​ചെ​യ്യണം എന്ന്‌ കല്‌പി​ക്കാ​നും അവർ അനുവ​ദി​ച്ചു​കൊ​ടു​ക്കു​ന്നു​വെ​ങ്കിൽ അവരുടെ അധികാ​രം തകരും. അതിന്റെ ഫലമോ കുഴപ്പ​ങ്ങ​ളും ക്രമ​ക്കേ​ടു​ക​ളും ആയിരി​ക്കും എന്നതി​നോട്‌ നിങ്ങൾക്ക്‌ യോജി​ക്കാൻ കഴിയു​ന്നി​ല്ലേ?

¹¹ അതു​പോ​ലെ​തന്നെ കുടും​ബ​വൃ​ത്ത​ത്തി​ലും ക്രമമു​ണ്ടാ​യി​രി​ക്കേ​ണ്ട​തുണ്ട്‌. അവിടെ പിതാ​വി​നെ ശിരസ്സാ​യും മാതാവ്‌ പിതാ​വി​നോട്‌ അടുത്തു സഹകരി​ക്കാ​നും ദൈവം നിയോ​ഗി​ച്ചി​രി​ക്കു​ന്നു. പിതാ​വും മാതാ​വും മക്കളുടെ മേൽനോ​ട്ടം വഹിക്കാൻ നിയമി​ക്ക​പ്പെ​ട്ടി​രി​ക്കു​ന്നു. അതു​കൊണ്ട്‌ നിങ്ങൾ വൈകിട്ട്‌ എപ്പോൾ വീട്ടി​ലെ​ത്ത​ണ​മെ​ന്നും ഏതുതരം ആളുക​ളു​മാ​യി സഹവസി​ക്ക​ണ​മെ​ന്നും നിങ്ങളു​ടെ ചമയങ്ങൾ ഏതുത​ര​ത്തി​ലു​ള​ള​താ​യി​രി​ക്ക​ണ​മെ​ന്നും മററും സംബന്ധിച്ച്‌ നിങ്ങളു​ടെ മാതാ​പി​താ​ക്കൾ ചില നിബന്ധ​നകൾ വയ്‌ക്കു​ക​യും നിങ്ങൾ അതു അനുസ​രി​ക്കു​ക​യും ചെയ്യു​മ്പോൾ നിങ്ങൾ ദൈവിക ക്രമീ​ക​ര​ണത്തെ ആദരി​ക്കു​ക​യാണ്‌ ചെയ്യു​ന്നത്‌. നിങ്ങൾ മാതാ​പി​താ​ക്കളെ അനുസ​രി​ക്കാ​ത്ത​പ്പോൾ നിങ്ങൾ ദൈവിക ക്രമീ​ക​ര​ണ​ത്തെ​യാണ്‌ ആദരി​ക്കാ​ത്തത്‌. നിങ്ങളു​ടെ​യും നിങ്ങളു​ടെ മാതാ​പി​താ​ക്ക​ളു​ടെ​യും സ്രഷ്ടാ​വായ ദൈവ​ത്തോട്‌ മത്സരി​ക്കുക എന്നാണ്‌ അതിന്റെ അർത്ഥം! അവിടെ ആരായി​രി​ക്കും പരാജ​യ​പ്പെ​ടുക എന്നു നിങ്ങൾക്ക​റി​യാം. അതു​കൊണ്ട്‌ നിങ്ങളു​ടെ മാതാ​പി​താ​ക്ക​ളു​ടെ മാർഗ്ഗ​നിർദ്ദേ​ശ​ങ്ങ​ളോട്‌ നിങ്ങൾ എങ്ങനെ പ്രതി​വർത്തി​ക്കു​ന്നു  എന്നത്‌ അവരെ​ക്കാൾ ഉന്നതനായ, അവർ അനുസ​രി​ക്കാൻ കടപ്പെട്ട യഹോ​വ​യാം ദൈവത്തെ നിങ്ങൾ എങ്ങനെ കരുതു​ന്നു എന്നതിനെ പ്രതി​ഫ​ലി​പ്പി​ക്കും.

¹² അതു​കൊ​ണ്ടാണ്‌ ദൈവ​വ​ചനം ഇപ്രകാ​രം പറയു​ന്നത്‌: “അപ്പനെ പരിഹ​സി​ക്ക​യും അമ്മയെ അനുസ​രി​ക്കാ​തി​രി​ക്കു​ക​യും ചെയ്യുന്ന കണ്ണിനെ തോട്ട​രി​കത്തെ കാക്ക കൊത്തി​പ്പ​റി​ക്കു​ക​യും കഴുകൻ കുഞ്ഞുങ്ങൾ തിന്നു​ക​യും ചെയ്യും.” അതെ, മാതാ​പി​താ​ക്ക​ളോ​ടു​ളള തെററായ മനോ​ഭാ​വം യുവജ​ന​ങ്ങൾക്ക്‌ അവരുടെ ജീവ നഷ്ടത്തിന്‌ ഇടയാ​ക്കി​യേ​ക്കാം.—സദൃശ​വാ​ക്യ​ങ്ങൾ 30:17.

കീഴ്‌പ്പെ​ട​ലിൽനിന്ന്‌ പഠിക്കുന്ന പാഠങ്ങൾ

13-17. (എ) നിങ്ങളു​ടെ മാതാ​പി​താ​ക്കളെ ബഹുമാ​നി​ക്കാ​നും അനുസ​രി​ക്കാ​നും പഠിക്കു​ന്നത്‌ എപ്രകാ​ര​മാണ്‌ നിങ്ങൾ മാതാ​പി​താ​ക്ക​ളാ​കു​മ്പോൾ നിങ്ങൾക്ക്‌ സഹായ​ക​മാ​യി​രു​ന്നേ​ക്കാ​വു​ന്നത്‌? (ബി) നിങ്ങൾ സ്‌കൂ​ളി​ലാ​യി​രി​ക്കു​മ്പോ​ഴും ഏതെങ്കി​ലും തൊഴി​ലു​ട​മ​ക്കു​വേണ്ടി പണി​യെ​ടു​ക്കു​മ്പോ​ഴും എപ്രകാ​ര​മാണ്‌ അത്തരം പഠനത്തിന്‌ നിങ്ങളെ സഹായി​ക്കാൻ കഴിയു​ന്നത്‌? (സി) അതിലും പ്രധാ​ന​മാ​യി അതു ദൈവ​വു​മാ​യു​ളള നിങ്ങളു​ടെ നിലയെ ബാധി​ക്കു​ന്ന​തെ​ങ്ങനെ?

¹³ ഒരു കാലത്ത്‌ നിങ്ങൾക്ക്‌ പ്രായ​പൂർത്തി​യാ​യി ഒരുപക്ഷേ സ്വന്തമാ​യൊ​രു കുടും​ബ​മു​ണ്ടാ​യി​രി​ക്കു​മ്പോൾ നിങ്ങളു​ടെ കുട്ടികൾ നിങ്ങളെ ബഹുമാ​നി​ക്കാ​നും അനുസ​രി​ക്കാ​നും നിങ്ങൾ ആഗ്രഹി​ക്കു​ക​യി​ല്ലേ? എന്നാൽ നിങ്ങളു​ടെ മാതാ​പി​താ​ക്ക​ളോട്‌ അതു ചെയ്യാൻ നിങ്ങൾ പഠിച്ചി​ട്ടി​ല്ലെ​ങ്കിൽ നിങ്ങൾ നിങ്ങളു​ടെ കുട്ടി​കളെ അത്തരം ബഹുമാ​നം നൽകു​ന്ന​തിൽ പരിശീ​ലി​പ്പി​ക്കും എന്നു കരുതാൻ ന്യായ​മു​ണ്ടോ? നിങ്ങൾ വിതയ്‌ക്കു​ന്നതു നിങ്ങൾ കൊയ്യും എന്ന്‌ ബൈബിൾ പറയുന്നു. (ഗലാത്യർ 6:7) അനുസ​രി​ക്കാൻ കടപ്പാ​ടു​ളള ഇപ്പോ​ഴത്തെ അവസ്ഥയിൽ എങ്ങനെ പെരു​മാ​റ​ണ​മെന്ന്‌ പഠിക്കുക. അതു പിൽക്കാ​ലത്ത്‌ പ്രായ​പൂർത്തി​യി​ലെ​ത്തു​മ്പോൾ, നിങ്ങൾ ഒരു പിതാ​വോ മാതാ​വോ ആയിരി​ക്കു​മ്പോൾ ഉളള കൂടു​ത​ലായ ഉത്തരവാ​ദി​ത്വ​ങ്ങൾ വഹിക്കാൻ നിങ്ങളെ സഹായി​ക്കും.

¹⁴ കൂടാതെ, നിങ്ങൾ മാതാ​പി​താ​ക്കൻമാ​രോട്‌ ഒരു നിഷേ​ധാ​ത്മക മനോ​ഭാ​വം വളർത്തി​യെ​ടു​ക്കു​ന്നു​വെ​ങ്കിൽ പിൽക്കാ​ലത്തു നിങ്ങൾ ചെയ്യുന്ന മററു കാര്യ​ങ്ങ​ളി​ലും അതു പ്രകട​മാ​കും. ഉദാഹ​ര​ണ​ത്തിന്‌, നിങ്ങൾ ഒരു തൊഴി​ലു​ട​മ​ക്കു​വേണ്ടി ജോലി ചെയ്യു​ന്നു​വെ​ങ്കിൽ അദ്ദേഹ​ത്തി​നു നിങ്ങളു​ടെ മേലുളള അധികാ​ര​ത്തോട്‌ നിങ്ങൾക്ക്‌ എല്ലായ്‌പ്പോ​ഴും അമർഷം തോന്നു​മോ? അദ്ദേഹം എന്തെങ്കി​ലും ജോലി നിർദ്ദേ​ശി​ക്കു​മ്പോൾ അനുസ​രി​ക്കു​ന്നത്‌ ബുദ്ധി​മു​ട്ടാ​ണെന്ന്‌ നിങ്ങൾ കണ്ടെത്തു​മോ? നിങ്ങൾ ചെയ്യേ​ണ്ടി​യി​രി​ക്കുന്ന ജോലി​യെ​ക്കു​റിച്ച്‌ നിങ്ങൾ നിരന്തരം പരാതി​പ്പെ​ടു​മോ? സഹജോ​ലി​ക്കാ​രോ​ടു​ളള  നിങ്ങളു​ടെ മനോ​ഭാ​വം സംബന്ധി​ച്ചെന്ത്‌? അവർ നിങ്ങൾക്കു വേണ്ടി ചെയ്യുന്ന കാര്യ​ങ്ങൾക്കൊ​ന്നും നന്ദിയി​ല്ലാ​ത്ത​വ​രാ​യി എല്ലായ്‌പ്പോ​ഴും അവർക്കെ​തി​രെ നിങ്ങൾ പിറു​പി​റു​ക്കു​ന്ന​താ​യി നിങ്ങൾ കണ്ടെത്തി​യേ​ക്കാം. അല്ലെങ്കിൽ നിങ്ങൾ തൊഴിൽ പരിശീ​ല​ന​ത്തി​നു​ളള ഒരു സ്‌കൂ​ളിൽ പോകു​ക​യോ ഏതെങ്കി​ലും പ്രത്യേക ജോലി​യിൽ പരിശീ​ലനം നേടു​ക​യോ ആണെങ്കിൽ ഏതാനും ആഴ്‌ചകൾ കഴിയു​മ്പോൾ നിങ്ങൾക്കു നിങ്ങളെ പരിശീ​ലി​പ്പി​ക്കുന്ന ആളി​നേ​ക്കാൾ കൂടുതൽ അറിയാം എന്ന്‌ നിങ്ങൾക്കു തോന്നി​ത്തു​ട​ങ്ങി​യേ​ക്കാം. ഈ മനോ​ഭാ​വ​ങ്ങ​ളെ​ല്ലാം നിങ്ങൾക്ക്‌ വളരെ​യേറെ സങ്കടത്തി​നും ക്ലേശത്തി​നും ഇടയാ​ക്കി​യേ​ക്കാം. അത്‌ ആദ്യം​തന്നെ നിങ്ങളു​ടെ മാതാ​പി​താ​ക്ക​ളോട്‌ തെററായ മനോ​ഭാ​വം വളർത്തി​ക്കൊ​ണ്ടു വന്നതിന്റെ ഫലമാ​യി​രി​ക്കാം.

¹⁵ അതു​കൊണ്ട്‌ കുടും​ബ​ക്ര​മീ​ക​ര​ണ​ത്തി​ന്റെ യാഥാർത്ഥ്യ​ങ്ങ​ളെ​യും നിങ്ങൾക്ക്‌ അതിലു​ളള സ്ഥാന​ത്തെ​യും അംഗീ​ക​രി​ക്കുക. അത്‌ ദൈവ​ത്തി​ന്റെ വഴിയാ​ണെ​ന്നും അതാണ്‌ ഏററവും മെച്ചമാ​യി​ട്ടു​ള​ള​തെ​ന്നും വിലമ​തി​ക്കുക.

¹⁶ എന്നാൽ യൗവന​ത്തിൽ കുടും​ബ​ക്ര​മീ​ക​ര​ണ​ത്തി​ലെ നിങ്ങളു​ടെ യഥാർത്ഥ സ്ഥാനം അംഗീ​ക​രി​ക്കാൻ നിങ്ങൾ വിസമ്മ​തി​ക്കു​ന്നു​വെ​ങ്കിൽ നിങ്ങൾ കുഴപ്പങ്ങൾ ക്ഷണിച്ചു​വ​രു​ത്തു​ക​യാ​യി​രി​ക്കും. അതു മാതാ​പി​താ​ക്ക​ളോ​ടും മററു​ള​ള​വ​രോ​ടും ഉളള നിങ്ങളു​ടെ ബന്ധത്തെ​യും നിങ്ങളു​ടെ പിൽക്കാല ജീവി​ത​ത്തെ​യും ബാധി​ക്കുക മാത്രമല്ല അതിലും പ്രധാ​ന​മാ​യി അതു ദൈവ​വു​മാ​യു​ളള നിങ്ങളു​ടെ നില മോശ​മാ​ക്കു​ക​യും ചെയ്യും. ദൈവ​ത്തി​ന്റെ നൂതന​ക്ര​മ​ത്തിൽ നിങ്ങൾ നിത്യ​കാ​ലം ജീവി​ക്കു​മോ അതോ പെട്ടെ​ന്നു​തന്നെ ഈ ദുഷ്ടവ്യ​വ​സ്ഥി​തി നശിപ്പി​ക്ക​പ്പെ​ടു​മ്പോൾ നിങ്ങൾ ആസ്‌തി​ക്യ​ത്തിൽനിന്ന്‌ നീങ്ങി​പ്പോ​കു​മോ എന്ന്‌ നിശ്ചയി​ക്കു​ന്നത്‌ അവനാണ്‌. ഈ ആഹ്വാനം അനുസ​രിച്ച്‌ പ്രവർത്തി​ക്കുക: “മകനെ, എന്റെ ഉപദേശം മറക്കരുത്‌, നിന്റെ ഹൃദയം എന്റെ കല്‌പ​ന​കളെ കാത്തു​കൊ​ള​ളട്ടെ. അവ ദീർഘാ​യു​സ്സും ജീവകാ​ല​വും സമാധാ​ന​വും നിനക്കു വർദ്ധി​പ്പി​ച്ചു തരും.”—സദൃശ​വാ​ക്യ​ങ്ങൾ 3:1, 2.

¹⁷ നമ്മുടെ സ്വർഗ്ഗീയ പിതാ​വി​ന്റെ നിയമ​ങ്ങളെ മറന്നു​ക​ള​യാ​തെ അവന്റെ കല്‌പ​ന​കളെ അനുസ​രി​ക്കു​ന്ന​വർക്കു ലഭിക്കുന്ന പ്രതി​ഫ​ല​ത്തെ​പ്പ​ററി ഒന്നു ചിന്തി​ച്ചു​നോ​ക്കുക. പ്രതി​ഫലം “ദീർഘാ​യു​സ്സും ജീവകാ​ല​വും സമാധാ​നവു”മാണ്‌. അതാണോ നിങ്ങളാ​ഗ്ര​ഹി​ക്കു​ന്നത്‌? ദീർഘ​കാ​ലം ജീവി​ക്കു​ന്ന​തി​നും സമാധാ​ന​പൂർവ്വ​ക​വും സന്തുഷ്ട​വു​മായ ജീവിതം ആസ്വദി​ക്കു​ന്ന​തി​നും നിങ്ങളാ​ഗ്ര​ഹി​ക്കു​ന്നു​വോ? എങ്കിൽ, മാതാ​പി​താ​ക്ക​ളോട്‌ അനുസ​ര​ണ​മു​ള​ള​വ​രാ​യി​രി​ക്കാ​നു​ളള ദൈവ​ത്തി​ന്റെ പ്രോ​ത്സാ​ഹ​ന​ത്തിന്‌ ശ്രദ്ധ കൊടു​ത്തു​കൊണ്ട്‌ നിങ്ങളത്‌ ആഗ്രഹി​ക്കു​ന്നു​വെന്ന്‌ തെളി​യി​ക്കുക.

[അധ്യയന ചോദ്യ​ങ്ങൾ]

[76-ാം പേജിലെ ചിത്രം]

നിങ്ങൾ മാതാ​പി​താ​ക്കൾക്ക്‌ അവർ അർഹി​ക്കുന്ന ആദരവ്‌ നൽകു​ന്നു​ണ്ടോ?