അധ്യായം 3

പുരു​ഷ​പ്രാ​പ്‌തി​യി​ലേ​ക്കു​ളള വളർച്ച

1-6. നമ്മുടെ ജനനം വരെയു​ളള കാലഘ​ട്ടത്തെ നമ്മുടെ വളർച്ചയെ സംബന്ധി​ക്കുന്ന ചില അത്ഭുത​ക​ര​ങ്ങ​ളായ വസ്‌തു​തകൾ ഏവ? ഇതി​ന്റെ​യെ​ല്ലാം ബഹുമതി അർഹി​ക്കുന്ന ആരെങ്കി​ലു​മു​ണ്ടോ? (സങ്കീർത്തനം 139:13-18)

 വ്യക്തി​ക​ളെന്ന നിലയിൽ നാം ഓരോ​രു​ത്ത​രു​ടെ​യും തുടക്കം എങ്ങനെ​യാ​യി​രു​ന്നു എന്ന്‌ നോക്കു​ന്ന​തിൽ നിന്ന്‌ നമുക്ക്‌ പ്രയോ​ജനം അനുഭ​വി​ക്കാൻ കഴിയും. ഇതേപ്പ​ററി ചിന്തി​ക്കുക: ഏതാനും വർഷങ്ങൾക്കു മുൻപ്‌ നിങ്ങൾ, ഈ വാചക​ത്തി​ന്റെ അവസാ​ന​ത്തിൽ കാണുന്ന വിരാമ ചിഹ്ന​ത്തേ​ക്കാൾ ചെറിയ ഒരു ഏകകോശ ഭ്രൂണം മാത്ര​മാ​യി​രു​ന്നു. ആ ചെറിയ തുടക്ക​ത്തിൽനിന്ന്‌ നിങ്ങൾ നിങ്ങളു​ടെ അമ്മയുടെ ഗർഭാ​ശ​യ​ത്തി​നു​ള​ളിൽ വളരു​വാൻ തുടങ്ങി. ക്രമേണ, ചിന്തി​ക്കാൻ മസ്‌തി​ഷ്‌ക്കം, കാണാൻ കണ്ണുകൾ, കേൾക്കാൻ കാതുകൾ, അതു​പോ​ലെ അത്ഭുത​ക​ര​ങ്ങ​ളായ മററ​നേകം അവയവങ്ങൾ സഹിതം നിങ്ങളു​ടെ ശരീരം പൂർത്തി​യാ​ക്ക​പ്പെട്ടു. ഈ അത്ഭുതാ​വ​ഹ​മായ വളർച്ച എങ്ങനെ​യു​ണ്ടാ​യി?

² നിങ്ങളെ നിർമ്മി​ക്കാ​നൊ​രു രൂപരേഖ നിങ്ങളു​ടെ മാതാ​പി​താ​ക്കൻമാർ തയ്യാറാ​ക്കി​യില്ല. മറിച്ച്‌, നിങ്ങളു​ടെ പിതാ​വിൽ നിന്നുളള ഒരു ബീജ​കോ​ശം മാതാ​വി​ന്റെ ഗർഭാ​ശ​യ​ത്തി​നു​ള​ളി​ലെ ഒരു അണ്ഡകോ​ശ​വു​മാ​യി സംയോ​ജി​ച്ചു​ണ്ടായ ഭ്രൂണ​ത്തി​ലാണ്‌ ഇതൊ​ക്കെ​യും നിർവ്വ​ഹി​ക്ക​പ്പെ​ട്ടത്‌. നിങ്ങളാ​യി​ത്തീർന്ന ആ പുത്തൻ വ്യക്തി​ക്കു​വേണ്ടി മിനി​റ​റു​കൾക്കകം ആ ചെറിയ കോശ​ത്തിൽ രൂപ​രേ​ഖകൾ തയ്യാറാ​ക്ക​പ്പെട്ടു!

³ നിങ്ങളെ രൂപ​പ്പെ​ടു​ത്തു​ന്ന​തി​നാ​വ​ശ്യ​മായ എല്ലാ വിവര​ങ്ങ​ളും ആ ചെറിയ ഏകകോശ ഭ്രൂണ​ത്തി​ലെ DNA a-യിൽ കാണ​പ്പെ​ടു​ന്നു. ഓരോ കോശ​ത്തി​ലും കാണ​പ്പെ​ടുന്ന പതിനാ​യി​ര​ക്ക​ണ​ക്കി​നു ജീനു​ക​ളി​ലെ (പാരമ്പ​ര്യ​വാ​ഹി​ക​ളി​ലെ) അടിസ്ഥാന വസ്‌തു DNA യാണ്‌. ഈ ജീനുകൾ ഇരുപ​ത്തി​മൂ​ന്നു ഗണം ക്രോ​മോ​സോ​മു​ക​ളാ​യി (മർമ്മത​ന്തു​ക്ക​ളാ​യി) ഇണച്ചു ചേർക്ക​പ്പെ​ട്ടി​രി​ക്കു​ന്നു. ഒരു കോശ​ത്തിൽ ശേഖരി​ച്ചു വയ്‌ക്ക​പ്പെ​ട്ടി​രി​ക്കുന്ന വിവരങ്ങൾ മാനുഷ ഭാഷയിൽ എഴുതാൻ ഒരു മുറി നിറയേ പുസ്‌ത​കങ്ങൾ വേണ്ടി​വ​രും. ഈ വിശദ​വി​വ​ര​ങ്ങ​ളെ​ല്ലാം  ശരീര​ത്തി​ലെ ഓരോ പുതിയ കോശ​ത്തി​ലേ​ക്കും എത്തിച്ചു​കൊ​ടു​ക്ക​പ്പെ​ടു​ന്നു എന്നതാണ്‌ ഒരുപക്ഷേ അതി​ലേറെ അതിശ​യ​ക​ര​മായ സംഗതി. അതു​കൊണ്ട്‌ ആദ്യ​കോ​ശ​ത്തി​ലു​ണ്ടാ​യി​രുന്ന അതേ വിവരങ്ങൾ ഓരോ പുതിയ കോശ​ത്തി​നും ലഭ്യമാണ്‌!

⁴ എന്നാൽ നിങ്ങൾ ചോദി​ച്ചേ​ക്കാം: ഒരു മമനു​ഷ്യ​ന്റെ ഓരോ വ്യത്യസ്‌ത ശരീര​ഭാ​ഗ​ങ്ങ​ളും നിർമ്മി​ക്കു​ന്ന​തി​നാ​വ​ശ്യ​മായ വിവരങ്ങൾ മാത്രം, അത്‌ ആവശ്യ​മു​ള​ള​പ്പോൾമാ​ത്രം തെര​ഞ്ഞെ​ടു​ത്തു​പ​യോ​ഗി​ക്കാൻ DNA യ്‌ക്കു എങ്ങനെ​യാണ്‌ കഴിയുക? ഉദാഹ​ര​ണ​ത്തിന്‌, ഒരു കണ്ണു നിർമ്മി​ക്കു​ന്ന​തി​നാ​വ​ശ്യ​മായ നിർദ്ദേ​ശങ്ങൾ മാത്രം തെര​ഞ്ഞെ​ടു​ക്കാൻ അതി​നെ​ങ്ങ​നെ​യാണ്‌ കഴിയുക? അത്‌ ഒരു കണ്ണു നിർമ്മി​ച്ചു​കൊ​ണ്ടി​രി​ക്കു​മ്പോൾ കാതു​ക​ളും വൃക്കക​ളും കരളും മററും നിർമ്മി​ക്കു​ന്ന​തി​നാ​വ​ശ്യ​മായ വിവര​ങ്ങളെ ഒഴിച്ചു നിർത്തു​ന്ന​തെ​ങ്ങ​നെ​യാണ്‌?

⁵ അത്‌ ഒരു രഹസ്യ​മാണ്‌. മനുഷ്യർക്ക്‌ അതു കണ്ടുപി​ടി​ക്കാൻ കഴിഞ്ഞി​ട്ടില്ല. ശ്രേഷ്‌ഠ​ത​യു​ളള ഒരു സ്രഷ്‌ടാ​വി​ന്റെ ആസൂ​ത്ര​ണ​മാ​ണത്‌! ബൈബി​ളെ​ഴു​ത്തു​കാ​രിൽ ഒരാൾ തനിക്ക്‌ മനുഷ്യ​ശ​രീ​ര​ത്തെ​പ്പ​ററി അറിയാ​വു​ന്ന​തു​വ​ച്ചു​കൊണ്ട്‌ ദൈവ​ത്തോ​ടി​ങ്ങനെ പറഞ്ഞു: “ഭയജന​ക​മായ ഒരു രീതി​യിൽ അത്‌ഭു​ത​ക​ര​മാ​യി എന്നെ സൃഷ്‌ടി​ച്ചി​രി​ക്ക​യാൽ ഞാൻ നിന്നെ സ്‌തു​തി​ക്കു​ന്നു. എന്റെ ദേഹി നന്നായി അറിയു​ന്ന​തു​പോ​ലെ നിന്റെ പ്രവൃ​ത്തി​കൾ അത്‌ഭു​ത​ക​ര​ങ്ങ​ളാ​കു​ന്നു.” (സങ്കീർത്തനം 139:14) നിങ്ങൾക്ക്‌ തോന്നു​ന്നത്‌ അങ്ങനെ​യാ​ണോ?

⁶ വെറും ഒൻപതു മാസം കൊണ്ട്‌, ഒരു ഏകകോശ ഭ്രൂണ​മാ​യി ആരംഭിച്ച നിങ്ങൾ ഏതാണ്ട്‌ 20 കോടി കോശ​ങ്ങ​ള​ട​ങ്ങിയ സങ്കീർണ്ണ​മായ ഒരു രൂപകൽപ്പ​ന​യാ​യി, പൂർണ്ണ വളർച്ച പ്രാപിച്ച ഒരു ശിശു​വാ​യി​ത്തീർന്നു. നിങ്ങളു​ടെ വളർച്ച പിന്നീട്‌ ഒരിക്ക​ലും അത്ര ദ്രുത​ഗ​തി​യി​ലാ​യി​രി​ക്ക​യില്ല. എന്നാൽ നിങ്ങളു​ടെ ജനനത്തി​നു  ഏതാണ്ട്‌ പതിമൂ​ന്നോ പതിനാ​ലോ വർഷങ്ങൾക്കു​ശേഷം പൊടു​ന്ന​നേ​യു​ളള വളർച്ച​യു​ടെ മറെറാ​രു ഘട്ടം ആരംഭി​ക്കു​ന്നു. ആ പ്രത്യേക ഘട്ടത്തിൽ നിങ്ങൾ കൗമാ​ര​ദ​ശ​യിൽ നിന്ന്‌ ഒരു പുരുഷനായി b മാറാൻ തുടങ്ങു​ന്നു. യൗവനം എന്നു വിളി​ക്ക​പ്പെ​ടുന്ന, പരിവർത്ത​ന​ത്തി​ന്റെ ഈ ഘട്ടം കുറെ വർഷങ്ങൾ നീണ്ടു നിൽക്കു​ന്നു. നിങ്ങൾ ശാരീ​രിക പക്വത​യി​ലെ​ത്തു​മ്പോൾ, സാധാ​ര​ണ​യാ​യി ഇരുപതു വയസ്സി​നും ഇരുപ​ത്തി​മൂ​ന്നു വയസ്സി​നു​മി​ട​യ്‌ക്കു അത്‌ അവസാ​നി​ക്കു​ന്നു. ഇതു നിങ്ങളു​ടെ ജീവി​ത​ത്തി​ലെ ഏററം എളുപ്പ​മു​ളള കാലഘ​ട്ടമല്ല, എന്നാൽ അതു വളരെ വളരെ പ്രധാ​ന​പ്പെ​ട്ട​താണ്‌. നിങ്ങളു​ടെ ഭാവി വളർച്ചയെ സംബന്ധി​ച്ചി​ട​ത്തോ​ളം ഇതു ഒരു പരീക്ഷ​ണ​ഘട്ടം തന്നെയാണ്‌.

താരു​ണ്യ​ത്തി​ലെ മാററങ്ങൾ

7-12. (എ) താരു​ണ്യ​ത്തിൽ ഒരു ആൺകു​ട്ടി​യിൽ എന്തു മാററങ്ങൾ ഉണ്ടാകു​ന്നു? ഈ മാററങ്ങൾ സംബന്ധിച്ച്‌ ഉൽക്കണ്‌ഠ​പ്പെ​ടേ​ണ്ട​യാ​വ​ശ്യ​മു​ണ്ടോ? (ബി) ഒരു യുവാ​വിന്‌ താൻ ഒരു പിതാ​വാ​കാൻ തക്കവണ്ണം തന്റെ ലൈം​ഗി​കാ​വ​യവം വളർച്ച​യി​ലെ​ത്തി​യി​രി​ക്കു​ന്നു എന്ന്‌ എങ്ങനെ തിരി​ച്ച​റി​യാൻ കഴിയും?

⁷ യൗവന​ത്തി​ന്റെ ആദ്യഘ​ട്ട​മാണ്‌ താരു​ണ്യം. കൃത്യ​മാ​യി​പ്പ​റ​ഞ്ഞാൽ ലൈം​ഗിക പക്വത​യു​ടെ ലക്ഷണങ്ങൾ പ്രത്യ​ക്ഷ​മാ​കുന്ന പ്രായം. ഇതു സാധാ​ര​ണ​യാ​യി ആൺകു​ട്ടി​കൾക്കു പതിന്നാ​ലു വയസ്സും പെൺകു​ട്ടി​കൾക്ക്‌ പന്ത്രണ്ടു വയസ്സു​മാ​യി കണക്കാ​ക്ക​പ്പെ​ട്ടി​രി​ക്കു​ന്നു. എന്നാൽ സാധാരണ ഗതിയിൽപോ​ലും ഇതിന്‌ വിപു​ല​മായ വ്യതി​യാ​നങ്ങൾ ഉണ്ടാകാ​റുണ്ട്‌. പതി​നൊ​ന്നാ​മ​ത്തെ​യോ പന്ത്രണ്ടാ​മ​ത്തെ​യോ വയസ്സിൽ നിങ്ങളു​ടെ താരു​ണ്യം ആരംഭി​ച്ചി​രി​ക്കാം, അല്ലെങ്കിൽ പതിന​ഞ്ചോ പതിനാ​റോ വയസ്സാ​യി​ട്ടും ലൈം​ഗിക പക്വത പ്രാപി​ക്കാൻ തുടങ്ങി​യി​ട്ടി​ല്ലാ​യി​രി​ക്കാം. നേര​ത്തെ​യോ, താമസി​ച്ചോ പക്വത പ്രാപി​ക്കു​ന്നത്‌ അസാധാ​ര​ണമല്ല. അതിനാൽ അതു സംബന്ധിച്ച്‌ ഉൽക്കണ്‌ഠ​പ്പെ​ടേ​ണ്ട​യാ​വ​ശ്യ​മില്ല. താരു​ണ്യ​ത്തിൽ നിങ്ങൾക്ക്‌ പ്രതീ​ക്ഷി​ക്കാ​വുന്ന ചില പ്രശ്‌നങ്ങൾ എന്തൊ​ക്കെ​യാണ്‌?

⁸ നിങ്ങൾക്ക്‌ ഒരുതരം വിലക്ഷ​ണ​ത​യും സമീക​ര​ണ​മി​ല്ലാ​യ്‌മ​യും അനുഭ​വ​പ്പെ​ട്ടേ​ക്കാം എന്നതാണ്‌ ഒരു സംഗതി. നിങ്ങളു​ടെ അസ്ഥികൾക്ക്‌ ദൈർഘ്യം വർദ്ധി​ക്കു​ന്ന​തി​നൊ​പ്പം നിങ്ങളു​ടെ മാംസ​പേ​ശി​കൾക്ക്‌ വലിവ്‌ അനുഭ​വ​പ്പെ​ടു​ന്ന​താണ്‌ അതിനു​കാ​രണം. ചില ശരീര ഭാഗങ്ങ​ളു​ടെ വളർച്ച വളരെ വേഗത്തി​ലും മററു ചിലവ​യു​ടേത്‌ സാവധാ​ന​ത്തി​ലു​മാ​ണെന്ന്‌  തോന്നി​യേ​ക്കാം. എന്നാൽ അതിന്റെ ഫലമാ​യു​ണ്ടാ​കുന്ന വിലക്ഷണത പെട്ടെ​ന്നു​തന്നെ മാറും. ഇതിൽ ഉൽക്കണ്‌ഠ​പ്പെ​ടാ​നൊ​ന്നു​മില്ല. എന്നാൽ ഒരുപക്ഷേ ചില അപകടങ്ങൾ മൂലം ഉണ്ടാകുന്ന ഉപദ്ര​വ​ങ്ങ​ളിൽനിന്ന്‌ നിങ്ങ​ളെ​ത്തന്നെ രക്ഷിക്കു​ന്ന​തിന്‌ നിങ്ങൾ കൂടു​ത​ലായ ശ്രദ്ധ കൊടു​ക്കു​ന്നത്‌ പ്രയോ​ജ​ന​പ്ര​ദ​മാണ്‌.

⁹ ദൈർഘ്യം വർദ്ധി​ക്കുന്ന ശരീര​ഭാ​ഗ​ങ്ങ​ളിൽ സ്വനത​ന്തു​ക്ക​ളും ഉൾപ്പെ​ടു​ന്നു. തന്തുക്ക​ളു​ടെ കൂടു​ത​ലായ നീളം നിങ്ങളു​ടെ സ്വരം ഘനമു​ള​ള​താ​യി​ത്തീ​രാൻ ഇടയാ​ക്കു​ന്നു, എന്നാൽ വളർച്ച​യു​ടെ ഈ ഘട്ടത്തിൽ നിങ്ങളു​ടെ സ്വരം പലപ്പോ​ഴും അപ്രതീ​ക്ഷി​ത​മാ​യി ഉച്ചസ്ഥാ​യി​യി​ലെ​ത്തു​ക​യും നിങ്ങൾ ഒരുതരം “പൊട്ട​സ്വ​രം” പുറ​പ്പെ​ടു​വി​ക്കു​ക​യും ചെയ്‌തേ​ക്കാം. ഇതും താരു​ണ്യ​ത്തി​ലെ “വളർച്ച​യു​ടെ അസുഖ​ക​ര​മായ” അനുഭ​വ​ങ്ങ​ളു​ടെ ഭാഗമാണ്‌. അതു​കൊണ്ട്‌ അപ്രകാ​രം സംഭവി​ക്കു​ക​യും മററു​ള​ള​വർക്ക്‌ അതു രസകര​മാ​യി തോന്നു​ക​യും ചെയ്യു​മ്പോൾ അവരോ​ടൊ​പ്പം ചിരി​ക്കുക. അപ്പോൾ നിങ്ങളു​ടെ സംഭ്രമം പെട്ടെന്നു തന്നെ മാറി​ക്കൊ​ള​ളും.

¹⁰ ഈ ശാരീ​രിക വ്യതി​യാ​ന​ങ്ങൾക്ക്‌ പിന്നി​ലു​ള​ളത്‌ നിങ്ങളു​ടെ ശരീര​ത്തി​ലെ കൃകപി​ണ്ഡ​ഗ്രന്ഥി, വൃക്ക​ഗ്രന്ഥി, ബീജ​ഗ്രന്ഥി എന്നിവ​യുൾപ്പെ​ടെ​യു​ളള ഗ്രന്ഥി​ക​ളാണ്‌. അവ ഇനിയും പലേ മാററ​ങ്ങൾക്കും ഇടയാ​ക്കു​ന്നു. ജനനേ​ന്ദ്രി​യ​ത്തി​നു ചുററി​ലും കക്ഷത്തി​ലും മാർവ്വി​ലും രോമം വളരു​ന്ന​താണ്‌ അതി​ലൊന്ന്‌. ഇത്‌ വ്യത്യസ്‌ത വ്യക്തി​ക​ളിൽ വ്യത്യസ്‌ത തോതി​ലാ​യി​രു​ന്നേ​ക്കാം. ഇത്‌ ഒരു പ്രകാ​ര​ത്തി​ലും നിങ്ങളു​ടെ “പുരു​ഷത്വ”ത്തിന്റെ അളവു​കോ​ലാ​യി​രി​ക്കു​ന്നില്ല. നിങ്ങളു​ടെ മുഖത്തും രോമം പ്രത്യ​ക്ഷ​മാ​കു​ന്നു. അത്‌ അപ്പോ​ഴും വെറും “പൊടി​മീശ” മാത്ര​മാ​ണെ​ങ്കി​ലും ആദ്യമാ​യി മുഖം വടിക്കുന്ന ആ അനുഭവം അടുത്തു​വ​രി​ക​യാണ്‌.

¹¹ പുരു​ഷ​ത്വ​ത്തി​ലേക്കു വളരുന്ന ആൺകു​ട്ടി​കളെ സംബന്ധി​ച്ചി​ട​ത്തോ​ളം ഒരുപക്ഷേ അവരെ ഏററം കുഴക്കുന്ന മാററം അവരുടെ ജനനേ​ന്ദ്രി​യ​ങ്ങളെ അഥവാ ലൈം​ഗി​കാ​വ​യ​വ​ങ്ങളെ സംബന്ധി​ക്കു​ന്ന​താണ്‌. താരു​ണ്യ​ത്തിൽ അവ പൂർണ്ണ​വ​ളർച്ച​യി​ലെ​ത്തു​ന്നു എന്നു മാത്രമല്ല പ്രവർത്ത​ന​ക്ഷമം ആകുക​യും ചെയ്യുന്നു. ബൈബിൾ ലേവ്യാ​പു​സ്‌തകം 15:16, 17-ലെ  ‘ബീജസ്‌ഖ​ല​നത്തെ’ പരാമർശി​ക്കു​ന്നു. നിങ്ങളു​ടെ മാതാ​പി​താ​ക്കൾ ഈ കാര്യം സംബന്ധിച്ച്‌ നേരത്തെ നിങ്ങ​ളോട്‌ സംസാ​രി​ച്ചി​ട്ടി​ല്ലെ​ങ്കിൽ ആദ്യത്തെ ബീജസ്‌ഖ​ലനം നിങ്ങളെ അല്‌പം വിഷമി​പ്പി​ക്കുന്ന ഒരു അനുഭ​വ​മാ​യി​രു​ന്നേ​ക്കാം. എന്നാൽ അത്തരം സ്‌ഖല​ന​ത്തിന്‌ ഇടയാ​ക്കു​ന്നതു എന്താണ്‌?

¹² നിങ്ങൾ ഒരു പിതാ​വാ​കാൻ തക്ക വളർച്ച​യി​ലെ​ത്തു​മ്പോൾ നിങ്ങളു​ടെ ലൈം​ഗി​കാ​വ​യവം ബീജം എന്നറി​യ​പ്പെ​ടുന്ന ഒരു ദ്രാവകം സ്രവി​പ്പി​ക്കാൻ തുടങ്ങു​ന്നു. അതിന്‌ ജലത്തേ​ക്കാൾ സാന്ദ്രത കൂടു​ത​ലാണ്‌. അത്‌ അധിക​മി​ല്ലെ​ങ്കി​ലും അതിൽ ലക്ഷക്കണ​ക്കിന്‌ അതിസൂ​ക്ഷ്‌മ​ങ്ങ​ളായ ബീജ​കോ​ശങ്ങൾ അടങ്ങി​യി​രി​ക്കു​ന്നു. ഇതിൽ ഏതെങ്കി​ലും ഒരു കോശ​ത്തിന്‌ ഒരു സ്‌ത്രീ​യു​ടെ അണ്ഡകോ​ശ​വു​മാ​യി സംയോ​ജിച്ച്‌ അത്‌ ഒരു കുട്ടി​യാ​യി വളർന്നു​വ​രാൻ ഇടയാ​ക്കാൻ കഴിയും. ഇടയ്‌ക്കി​ട​യ്‌ക്കു ഏതാണ്ട്‌ ക്രമമാ​യി​ത്തന്നെ നിങ്ങളു​ടെ ശരീരം ഇത്തരം ബീജം നിർഗ്ഗ​മി​പ്പി​ക്കു​ന്നു. ഇതു സാധാ​ര​ണ​യാ​യി ഉറക്കത്തിൽ നിങ്ങൾ സ്വപ്‌നം കാണു​മ്പോ​ഴാണ്‌ സംഭവി​ക്കുക.

ലൈം​ഗി​ക​ത​യു​ടെ ഉദ്ദേശ്യം

13-15. (എ) എന്തു​ദ്ദേ​ശ്യ​ത്തി​ലാണ്‌ ദൈവം മനുഷ്യന്‌ ലൈം​ഗിക താല്‌പ​ര്യം നല്‌കി​യി​രി​ക്കു​ന്നത്‌? അതു നിയ​ന്ത്രി​ക്കാൻ ദൈവം നിയമങ്ങൾ വെച്ച​തെ​ന്തു​കൊണ്ട്‌? (എബ്രായർ 13:4) (ബി) ലൈം​ഗിക കാര്യങ്ങൾ സംബന്ധിച്ച്‌ വിശ്വ​സ​നീ​യ​മായ വിവരം ലഭിക്കാ​വു​ന്നത്‌ മിക്കവാ​റും എവിടെ നിന്നാണ്‌? (സദൃശ​വാ​ക്യ​ങ്ങൾ 6:20)

¹³ ഒരു പുരു​ഷന്‌ ഒരു സ്‌ത്രീ​യോട്‌ ആഴമായ സ്‌നേഹം പ്രകട​മാ​ക്കാൻ കഴി​യേ​ണ്ട​തി​നും അയാൾ അവരുടെ മക്കളുടെ പിതാ​വാ​യി​രി​ക്കേ​ണ്ട​തി​നും വേണ്ടി​യാണ്‌ നമ്മുടെ സ്രഷ്ടാവ്‌ ലൈം​ഗിക താൽപ​ര്യ​ത്തോ​ടു​കൂ​ടി നമ്മെ സൃഷ്ടി​ച്ചി​രി​ക്കു​ന്നത്‌. എന്നാൽ പരസ്‌പരം വിവാഹ ബന്ധത്തി​ലാ​യി​രി​ക്കുന്ന സ്‌ത്രീ​യും പുരു​ഷ​നും തമ്മിൽ മാത്രമേ ലൈം​ഗി​ക​ബന്ധം പാടു​ളളു എന്നു വ്യക്തമാ​ക്കാൻ ദൈവം അതു സംബന്ധി​ച്ചു നിയമങ്ങൾ വച്ചു. ഭൂമി​യിൽ ജനിക്കുന്ന ഓരോ ശിശു​വി​നും അതിനെ പോറ​റി​പ്പു​ലർത്താ​നു​ളള മുഴു ഉത്തരവാ​ദി​ത്വ​വും വഹിക്കാൻ ഒരു പിതാ​വും മാതാ​വും ഉണ്ടായി​രി​ക്കണം എന്ന്‌ ദൈവം ഉദ്ദേശി​ച്ച​തി​നാ​ലാണ്‌ അങ്ങനെ ചെയ്‌തത്‌. അതു​കൊണ്ട്‌ അവിവാ​ഹി​ത​രായ ആളുകൾ ലൈം​ഗി​ക​ബ​ന്ധ​ത്തിൽ ഏർപ്പെ​ടു​ന്നത്‌ ദൈവ​ദൃ​ഷ്ടി​യിൽ തെററാണ്‌.

¹⁴ മറിച്ച്‌, വിവാ​ഹി​തർക്ക്‌ ലൈം​ഗിക ബന്ധം പരസ്‌പ​ര​സ്‌നേഹം പ്രകട​മാ​ക്കാ​നു​ളള വിസ്‌മ​യാ​വ​ഹ​മായ ഒരു മാർഗ്ഗ​മാണ്‌. തന്റെ ലൈം​ഗി​കാ​വ​യവം സ്വാഭാ​വി​ക​മാ​യും ഭാര്യ​യു​ടെ ജനനേ​ന്ദ്രി​യ​ത്തിൽ കടത്താൻ തക്കവണ്ണം ഭർത്താവ്‌ ഭാര്യ​യോട്‌ പററി​ച്ചേർന്നു കിടക്കു​ന്നു. അത്‌ ഇരുവർക്കും വളരെ​യേറെ  സുഖം നൽകുന്നു. ഈ പ്രക്രി​യ​യിൽ ഭർത്താ​വി​ന്റെ ശരീര​ത്തിൽനിന്ന്‌ ബീജ​കോ​ശങ്ങൾ ലിംഗ​ത്തി​ലൂ​ടെ കടന്ന്‌ ഭാര്യ​യു​ടെ ജനനേ​ന്ദ്രി​യ​ത്തിൽ എത്തി​ച്ചേ​രു​ന്നു. ഈ കോശങ്ങൾ ജനനനാ​ള​ത്തി​ലൂ​ടെ മുൻപോ​ട്ടു നീങ്ങുന്നു. ഭാര്യ​യിൽ പാകമായ ഒരു അണ്ഡകോ​ശ​മു​ണ്ടെ​ങ്കിൽ പുരു​ഷ​കോ​ശ​ത്തി​ലൊ​ന്നു അതുമാ​യി സന്ധിക്കു​ക​യും അങ്ങനെ പരിപു​ഷ്ടി​പ്പെ​ടു​ത്ത​പ്പെട്ട അണ്ഡം ഒരു ശിശു​വാ​യി വളരാ​നാ​രം​ഭി​ക്കു​ക​യും ചെയ്‌തേ​ക്കാം. കണ്ടോ, ജീവൻ നിലനിർത്തു​ക​യെന്ന പവി​ത്ര​മായ ഉദ്ദേശ്യ​ത്തോ​ടെ​യാണ്‌ ദൈവം ലൈം​ഗി​കാ​വ​യ​വങ്ങൾ രൂപ​പ്പെ​ടു​ത്തി​യത്‌. അതു​കൊ​ണ്ടാണ്‌ അവ ദൈവിക നിയമ​ങ്ങൾക്ക്‌ അനുസൃ​ത​മാ​യി ഉപയോ​ഗി​ക്ക​പ്പെ​ടു​ന്നത്‌ ഉചിത​മാ​യി​രി​ക്കു​ന്നത്‌.

¹⁵ ലൈം​ഗി​ക​മായ വളർച്ചയെ സംബന്ധിച്ച നിങ്ങളു​ടെ ചോദ്യ​ങ്ങൾക്ക്‌ ഉത്തരം ലഭിക്കാ​നു​ളള ഏററം മെച്ചമായ മാർഗ്ഗം നിങ്ങളു​ടെ മാതാ​പി​താ​ക്ക​ളോട്‌, പ്രത്യേ​കി​ച്ചും പിതാ​വി​നോട്‌ ചോദി​ക്കുക എന്നതാണ്‌. നിങ്ങൾക്ക്‌ അനുഭ​വ​വേ​ദ്യ​മാ​യ​തെ​ന്തും, അതിൽ വളരെ​യ​ധി​ക​വും, നിങ്ങളു​ടെ പിതാ​വിന്‌ ഇതി​നോ​ടകം അനുഭ​വി​ക്കാൻ കഴിഞ്ഞി​ട്ടുണ്ട്‌. കൂടാതെ, മററു യുവജ​നങ്ങൾ നിങ്ങൾക്കു നൽകുന്ന അറിവ്‌ അർദ്ധസ​ത്യ​ങ്ങൾ മാത്ര​മാ​യി​രു​ന്നേ​ക്കാം, കുറെ വസ്‌തു​ത​ക​ളും അതി​ലേറെ കെട്ടു​ക​ഥ​ക​ളും. എന്നാൽ നിങ്ങൾക്കു സഹായ​ക​മാ​യ​തും നിങ്ങളു​ടെ നൻമയ്‌ക്കു ഉതകു​ന്ന​തു​മായ വിലപ്പെട്ട വിവരങ്ങൾ നൽകാൻ നിങ്ങളു​ടെ പിതാ​വിന്‌ കഴി​യേ​ണ്ട​താണ്‌. ദൈവ​വ​ച​നത്തെ അടിസ്ഥാ​ന​മാ​ക്കി​യു​ളള വിവര​ങ്ങ​ളോ ഉപദേ​ശ​മോ പറഞ്ഞു​ത​രാൻ പററിയ അവസ്ഥയി​ലല്ല നിങ്ങളു​ടെ പിതാ​വെ​ങ്കിൽ, ദൈവ​വ​ചനം എന്തു പറയുന്നു എന്നറി​യു​ന്നത്‌ സുപ്ര​ധാ​ന​മാണ്‌. യഹോ​വ​യു​ടെ സാക്ഷി​ക​ളു​ടെ ഏതെങ്കി​ലും സഭയിലെ മൂപ്പൻമാർ നിങ്ങളെ സഹായി​ക്കാൻ കഴിയു​ന്ന​തിൽ സന്തോ​ഷ​മു​ള​ള​വ​രാ​ണെന്ന്‌ നിങ്ങൾ കണ്ടെത്തും.

നിങ്ങ​ളെ​ത്തന്നെ ഉത്തരവാ​ദി​ത്വ​മു​ള​ള​വ​രെന്ന്‌ തെളി​യി​ക്കു​ക

16-18. (എ) ഏതു വിധങ്ങ​ളി​ലാണ്‌ നിങ്ങളു​ടെ മാതാ​പി​താ​ക്കൻമാർ ഒരളവു​വ​രെ​യു​ളള സ്വാത​ന്ത്ര്യം അനുഭ​വി​ക്കാൻ നിങ്ങളെ പ്രോ​ത്സാ​ഹി​പ്പി​ച്ചി​ട്ടു​ള​ളത്‌? അത്തരം പദവി​കളെ നിങ്ങൾ ഉപയോ​ഗി​ക്കുന്ന വിധം നിങ്ങളു​ടെ ഭാവി അവസര​ങ്ങളെ ബാധി​ച്ചേ​ക്കാ​വു​ന്ന​തെ​ങ്ങനെ? (ബി) പല ചെറു​പ്പ​ക്കാ​രും “സംഘം” ചേരു​ന്ന​തെ​ന്തിന്‌? ഇത്‌ എന്തി​ലേക്കു നയി​ച്ചേ​ക്കാം? (1 കൊരി​ന്ത്യർ 15:33)

¹⁶ നിങ്ങൾ പുരു​ഷ​പ്രാ​പ്‌തി​യോ​ട​ടു​ക്കു​മ്പോൾ, നിങ്ങൾ സ്വന്തമാ​യി സവി​ശേ​ഷ​ത​ക​ളു​ളള ഒരു വ്യക്തി​യാ​ണെന്ന്‌ വിചാ​രി​ക്കു​ന്ന​തും അതു മററു​ള​ള​വ​രാൽ അംഗീ​ക​രി​ക്ക​പ്പെ​ടാൻ ആഗ്രഹി​ക്കു​ന്ന​തും സ്വാഭാ​വി​ക​മാണ്‌. ഒരു പരിധി​വ​രെ​യു​ളള  സ്വാത​ന്ത്ര്യം ഉണ്ടായി​രി​ക്കാൻ ആഗ്രഹി​ക്കുക എന്നതും സ്വാഭാ​വി​കം മാത്രം. നിങ്ങൾ തികച്ചും സ്വത​ന്ത്ര​രാ​യി​രി​ക്കാ​വുന്ന ഒരു സമയ​ത്തേക്ക്‌ നിങ്ങളെ ഒരുക്കു​ന്ന​തി​നും നിങ്ങളു​ടെ മാതാ​പി​താ​ക്കൾ തുടക്ക​മി​ട്ടേ​ക്കാം. എങ്ങനെ?

¹⁷ നിങ്ങൾ ചെയ്യാ​നു​ളള കാര്യ​ങ്ങളെ സംബന്ധിച്ച്‌ ചില തീരു​മാ​നങ്ങൾ എടുക്കു​ന്ന​തിൽ പങ്കുപ​റ​റാൻ കൂടു​ത​ലായ പദവി​യും ഉത്തരവാ​ദി​ത്വ​വും നിങ്ങൾക്ക്‌ ക്രമേണ നൽകു​ന്ന​തി​നാൽതന്നെ. സ്‌കൂ​ളിൽ പഠിക്കാ​നു​ളള ചില വിഷയ​ങ്ങളെ സംബന്ധിച്ച്‌ നിങ്ങളു​ടെ താല്‌പ​ര്യം പ്രകട​മാ​ക്കാൻ അവർ നിങ്ങളെ ക്ഷണി​ച്ചേ​ക്കാം. അല്ലെങ്കിൽ ഒരു അംശകാല ജോലി ചെയ്യാൻ അവർ നിങ്ങളെ അനുവ​ദി​ച്ചേ​ക്കാം. നിങ്ങളു​ടെ സ്വന്തം ആവശ്യ​ത്തി​നു​ളള ചില സാധനങ്ങൾ വാങ്ങാൻ സമ്മതി​ച്ചേ​ക്കാം. ഈ കാര്യ​ത്തിൽ എന്തുതന്നെ ഉചിതം എന്ന്‌ നിങ്ങളു​ടെ മാതാ​പി​താ​ക്കൾ കരുതി​യാ​ലും നിങ്ങൾ ഉത്തരവാ​ദി​ത്വ​ങ്ങൾ വഹിക്കാൻ അർഹനാണ്‌ എന്ന്‌ തെളി​യി​ക്കേ​ണ്ടത്‌ നിങ്ങളാണ്‌. നിങ്ങൾ തികച്ചും ബാലി​ശ​മാ​യി പെരു​മാ​റു​ക​യോ “തലക്കനം” ഭാവി​ക്കു​ക​യോ ചെയ്‌താൽ നിങ്ങൾ കുറച്ചു​കൂ​ടി പക്വത പ്രകട​മാ​ക്കു​ന്ന​തു​വരെ നിങ്ങളു​ടെ സ്വാത​ന്ത്ര്യം അവർ കുറവു ചെയ്യേ​ണ്ടത്‌ ആവശ്യ​മാ​യി വന്നേക്കാം.

¹⁸ സ്വന്തം വ്യക്തി​ത്വം അംഗീ​ക​രി​ക്ക​പ്പെ​ടു​ന്ന​തി​നും കൂടു​ത​ലായ സ്വാത​ന്ത്ര്യ​ത്തി​നും ഉളള ആഗ്രഹ​ത്തോ​ടൊ​പ്പം സ്വാഭാ​വി​ക​മായ മററു ചില ആഗ്രഹ​ങ്ങ​ളും ഉണ്ടാകു​ന്നു. നിങ്ങളു​ടെ കഴിവു​ക​ളെ​യും നേട്ടങ്ങ​ളെ​യും മററു​ള​ളവർ വിലമ​തി​ക്കേണ്ട ആവശ്യം നിങ്ങൾക്ക്‌ അനുഭ​വ​പ്പെ​ടു​ന്നു. തങ്ങളുടെ വ്യക്തി​ത്വം അംഗീ​ക​രി​പ്പി​ക്കു​ന്ന​തി​നും ‘തങ്ങളും എന്തി​ന്റെ​യെ​ങ്കി​ലും ഭാഗമാ​യി​രി​ക്കു​ന്ന​തി​നും’ ആഗ്രഹി​ക്കു​ന്ന​തി​നാൽ ചില യുവാക്കൾ ഒത്തു​ചേർന്ന്‌ “സംഘങ്ങൾ” ഉണ്ടാക്കു​ന്നു. അങ്ങനെ​യു​ളള സംഘങ്ങൾ സാധാ​ര​ണ​യാ​യി അവരുടെ സ്വന്തം പെരു​മാ​ററ ചട്ടങ്ങൾ നിർമ്മി​ക്കു​ന്നു. അവ മിക്ക​പ്പോ​ഴും തെററായ ഗതിയി​ലേ​ക്കും ചില​പ്പോൾ ഗൗരവ​മായ കുററ​കൃ​ത്യ​ങ്ങ​ളി​ലേ​ക്കും നയിക്കു​ന്നു എന്നാണ്‌ വസ്‌തു​തകൾ വ്യക്തമാ​ക്കു​ന്നത്‌. യുവജ​നങ്ങൾ കുഴപ്പ​ത്തിൽ ചാടു​മ്പോൾ മിക്കവാ​റും മറേറ​തൊ​രു ഘടക​ത്തേ​ക്കാ​ളും ചീത്ത കൂട്ടു​കെ​ട്ടാണ്‌ അതിന്റെ മൂലകാ​രണം.

19, 20. നിങ്ങളു​ടെ മാതാ​പി​താ​ക്കൻമാ​രു​മാ​യി ഒരു നല്ല ബന്ധം ഉണ്ടായി​രി​ക്കു​ന്നത്‌ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌? എന്തിന്‌ അതിനെ നശിപ്പി​ക്കാൻ കഴിയും? (സദൃശ​വാ​ക്യ​ങ്ങൾ 23:24, 25)

¹⁹ പ്രായ​പൂർത്തി​യാ​കു​മ്പോൾ നിങ്ങൾ കാഴ്‌ച​യ്‌ക്കു എങ്ങനെ​യി​രി​ക്കും എന്നതിന്റെ ഏകദേ​ശ​രൂ​പം ഈ ഘട്ടത്തിൽ വ്യക്തമാ​യി വരുന്നു. എന്നാൽ അകമേ നിങ്ങൾ എങ്ങനെ​യു​ളള ഒരാളാ​യി​രി​ക്കും എന്നും ഇപ്പോൾ കൂടുതൽ കൂടുതൽ  ചിന്തിച്ചു തുടങ്ങണം. ബൈബിൾ അതിനെ “ഹൃദയ​ത്തി​ന്റെ ഗൂഢമ​നു​ഷ്യൻ” എന്നു വിളി​ക്കു​ന്നു. (1 പത്രോസ്‌ 3:4) കൂടു​ത​ലായ സ്വാത​ന്ത്ര്യ​ത്തി​നു വേണ്ടി​യു​ളള താല്‌പ​ര്യം നിങ്ങളെ മാതാ​പി​താ​ക്ക​ളിൽ നിന്നും മററു കുടും​ബാം​ഗ​ങ്ങ​ളിൽനി​ന്നും ഏതെങ്കി​ലും വിധത്തിൽ വേർപെ​ടു​ത്താൻ ഈ ഘട്ടത്തിൽ അനുവ​ദി​ച്ചു​കൂ​ടാ. താരു​ണ്യ​ത്തിൽ നിങ്ങൾക്ക്‌ അനുഭ​വ​വേ​ദ്യ​മാ​കുന്ന മാററ​ങ്ങ​ളും നിങ്ങൾക്ക്‌ അനുഭ​വ​പ്പെ​ടു​ന്ന​തും നിങ്ങൾ നിയ​ന്ത്രി​ക്കാൻ പഠി​ക്കേ​ണ്ട​തു​മായ പ്രേര​ണ​ക​ളും വാസ്‌ത​വ​ത്തിൽ നിങ്ങൾക്ക്‌ മാതാ​പി​താ​ക്കൻമാ​രു​ടെ സ്‌നേ​ഹ​വും നിങ്ങളെ നേർവ​ഴി​ക്കു നടത്താൻ അവരുടെ സ്വാധീ​ന​വും കൂടുതൽ ആവശ്യ​മാ​ക്കി​ത്തീർക്കു​ന്നു.

²⁰ അതു​കൊണ്ട്‌ നിങ്ങൾ പുരു​ഷ​പ്രാ​പ്‌തി​യി​ലേക്കു വളരു​മ്പോൾ മാതാ​പി​താ​ക്ക​ളിൽനി​ന്നും അകന്നു​മാ​റി നിങ്ങൾക്കും അവർക്കു​മി​ട​യ്‌ക്കു ഒരു വിടവ്‌ വളരാൻ അനുവ​ദി​ക്കു​ന്ന​തി​നു പകരം അവരോട്‌ കൂടുതൽ അടുത്ത്‌ അവരിൽ നിന്ന്‌ പരമാ​വധി പഠിക്കാൻ ശ്രമി​ക്കുക. ഇതേപ്പ​ററി നിങ്ങൾ ഒരിക്ക​ലും ഖേദി​ക്കേണ്ടി വരിക​യില്ല. നിങ്ങൾ അവർക്ക്‌ യഥാർത്ഥ സന്തോ​ഷ​വും നിങ്ങ​ളെ​പ്പോ​ലെ ഒരാൾ പുത്ര​നാ​യി ഉണ്ടായി​രി​ക്കു​ന്ന​തിൽ അഭിമാ​ന​വും കൈവ​രു​ത്തും.

[അടിക്കു​റി​പ്പു​കൾ]

[അധ്യയന ചോദ്യ​ങ്ങൾ]

[19-ാം പേജിലെ ചിത്രം]

വെറും ഒൻപതു മാസം​കൊണ്ട്‌ ഒരൊററ കോശം ഒരു ശിശു​വാ​യി​ത്തീ​രു​ന്നു