അധ്യായം 18

ലൈം​ഗിക സദാചാ​രം അർത്ഥമു​ള​ള​തോ?

1-3. വിവാ​ഹ​ത്തി​നു മുൻപേ​യു​ളള ലൈം​ഗിക ബന്ധങ്ങളെ സംബന്ധിച്ച്‌ ലോക​ത്തി​ലു​ളള അനേകം ആളുകൾ എന്തു വിചാ​രി​ക്കു​ന്നു?

 വിവാ​ഹ​ത്തിന്‌ മുമ്പ്‌, ലൈം​ഗിക ബന്ധങ്ങളിൽ ഏർപ്പെ​ടാ​നു​ളള സമ്മർദ്ദങ്ങൾ ഇന്ന്‌ പലേട​ങ്ങ​ളി​ലും ശക്തമാണ്‌. വാസ്‌ത​വ​ത്തിൽ ലോകം ഇന്നൊരു “ലൈം​ഗിക വിപ്ലവ”ത്തിന്റെ പിടി​യി​ലാണ്‌. ന്യൂ​യോർക്ക്‌ ഡെയ്‌ലി ന്യൂസ്‌ വിശദീ​ക​രി​ക്കു​ന്നു: “വിവാഹം കൂടാ​തെ​യു​ളള ലൈം​ഗി​ക​ബ​ന്ധങ്ങൾ ഇന്ന്‌ മാതാ​പി​താ​ക്കൻമാ​രാ​ലും കലാല​യാ​ധി​കൃ​ത​രാ​ലും പൊതു​ജ​ന​ങ്ങ​ളാ​ലും പരക്കെ അംഗീ​ക​രി​ക്ക​പ്പെ​ട്ടി​രി​ക്കു​ന്നു. അപ്രതി​രോ​ധ്യ​മായ വേലി​യേ​റ​റത്തെ തടയാൻ ശ്രമി​ക്കു​ന്നത്‌ പ്രയോ​ജ​ന​ര​ഹി​ത​മാ​ണെന്ന മട്ടിൽ ഇന്ന്‌ അധാർമ്മി​ക​ത​യോട്‌ ആളുകൾ ഒരുതരം സഹിഷ്‌ണുത പുലർത്തു​ക​യാണ്‌.”

² തങ്ങൾ ഇഷ്ടപ്പെ​ടുന്ന ആരുമാ​യും തങ്ങൾക്കി​ഷ്ട​പ്പെട്ട വിധങ്ങ​ളി​ലും ലൈം​ഗി​ക​ബ​ന്ധ​ങ്ങ​ളി​ലേർപ്പെ​ടാ​നു​ളള അവകാ​ശ​ത്തി​നാ​യി ഇന്ന്‌ അനേകർ മുറവി​ളി കൂട്ടു​ക​യാണ്‌. അത്തരം മനോ​ഭാ​വങ്ങൾ പലരേ​യും അനിശ്ചി​ത​ത്വ​ത്തി​ലേക്ക്‌ തളളി​വി​ട്ടി​രി​ക്കു​ന്നു. ഒരു ഡെയി​റ​റിം​ഗിൽ തനിക്കു നേരി​ടേണ്ടി വന്നതും മററു​ള​ള​വർക്കും അനുഭ​വ​പ്പെ​ടാ​നി​ട​യു​ള​ള​തു​മായ ഒരു പ്രശ്‌ന​ത്തെ​പ്പ​ററി ഒരു കോ​ളേജ്‌ വിദ്യാർത്ഥി​നി പറയുന്നു: “എന്തു​കൊ​ണ്ടാ​യി​കൂ​ടാ? എന്നയാൾ ചോദി​ക്കു​മാ​യി​രു​ന്നു. ധാർമ്മി​ക​ശു​ദ്ധി​യു​ടെ പ്രാധാ​ന്യം അയാൾക്ക്‌ വിവരി​ച്ചു​കൊ​ടു​ക്കാൻ ഡെയി​റ​റിം​ഗി​ന്റെ പകുതി സമയം ഞാൻ ചെലവ​ഴി​ക്കു​മാ​യി​രു​ന്നു. എന്നാൽ അതിനു​ശേഷം എന്തു​കൊ​ണ്ടാ​യി​കൂ​ടാ? എന്ന്‌ ഞാൻ എന്നോടു തന്നെ ചോദി​ക്കു​മാ​യി​രു​ന്നു.” “എന്തു​കൊ​ണ്ടാ​യി​ക്കൂ​ടാ?” എന്ന്‌ നിങ്ങളും ചിന്തി​ച്ചി​ട്ടു​ണ്ടാ​യി​രി​ക്കു​മോ? ലൈം​ഗിക സദാചാ​രം യഥാർത്ഥ​ത്തിൽ അർത്ഥവ​ത്താ​ണോ?

³ ലൈം​ഗിക ബന്ധങ്ങളിൽ ഏർപ്പെ​ടു​ന്ന​തിന്‌ തങ്ങൾക്ക്‌ കായി​ക​മായ പ്രാപ്‌തി​യു​ള​ള​തി​നാ​ലും പറഞ്ഞു​കേൾവി​യ​നു​സ​രിച്ച്‌ അതു ‘വളരെ രസകര’മാണെ​ന്നു​ള​ള​തി​നാ​ലും അവർക്ക്‌ അതിൽ ഏർപ്പെ​ടാ​മെന്ന്‌ യുവജ​നങ്ങൾ പൊതു​വെ വിശ്വ​സി​ക്കു​ന്നു. എന്നാൽ യഥാർത്ഥ​ത്തിൽ അങ്ങനെ തന്നെയാ​ണോ? വിവാ​ഹ​ത്തി​നു മുൻപു​ളള ലൈം​ഗി​കത ഉചിത​മാ​ണോ? ജീവിതം വില​പ്പെ​ട്ട​താ​ക്കി​ത്തീർക്കാൻ അതു സഹായി​ക്കു​മോ?

 നല്ല ഫലങ്ങളോ ചീത്തയോ?

4-7. (എ) വിവാ​ഹ​ത്തി​നു മുൻപേ ലൈം​ഗിക ബന്ധങ്ങളി​ലേർപ്പെ​ടു​ന്ന​തി​നാ​ലു​ണ്ടാ​കാ​വുന്ന സാധാരണ ഫലങ്ങളിൽ ചിലത്‌ ഏവ? (ബി) ലൈം​ഗി​ക​മായ അയഞ്ഞ നടത്ത ഒരു “പുതിയ” ധാർമ്മി​ക​തയല്ല എന്ന്‌ എന്തു പ്രകട​മാ​ക്കു​ന്നു? (ന്യായാ​ധി​പൻമാർ 19:22-25; യൂദാ 7) (സി) 1 കൊരി​ന്ത്യർ 6:18-ലെ ബുദ്ധി​യു​പ​ദേശം വളരെ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌? (പ്രവൃ​ത്തി​കൾ 15:28, 29; 1 തെസ്സ​ലോ​നീ​ക്യർ 4:3, 7, 8).

⁴ ലൈം​ഗിക സ്വാത​ന്ത്ര്യം വ്യക്തി​കൾക്ക്‌ കൂടുതൽ സന്തോഷം കൈവ​രു​ത്തു​ന്നു, അതു ‘വളരെ രസകര​മാണ്‌’ എന്നുളള ചിലരു​ടെ അവകാ​ശ​വാ​ദം സംബന്ധി​ച്ചെന്ത്‌? വിവാ​ഹ​ത്തി​നു മുൻപ്‌ പലേ പെൺകു​ട്ടി​ക​ളു​മാ​യി ലൈം​ഗി​ക​മാ​യി ബന്ധത്തി​ലേർപ്പെ​ട്ടി​രുന്ന ഒരു യുവാ​വി​ന്റെ നിഗമനം ദി ജേർണൽ ഓഫ്‌ ദി അമേരി​ക്കൻ മെഡിക്കൽ അസോ​സി​യേഷൻ റിപ്പോർട്ടു ചെയ്‌തു: “ഇത്‌ എനിക്ക്‌ സന്തോഷം കൈവ​രു​ത്തി​യില്ല എന്ന്‌ ഞാൻ പഠിച്ചി​രി​ക്കു​ന്നു.” പെൺകു​ട്ടി​കൾ വിവാ​ഹ​ത്തി​നു മുൻപേ​യു​ളള ലൈം​ഗി​ക​ബ​ന്ധ​ങ്ങ​ളിൽ നിന്ന്‌ സന്തോഷം അനുഭ​വി​ക്കാ​നു​ളള സാദ്ധ്യത ഇതിലും കുറവാണ്‌. അത്തര​മൊ​ര​നു​ഭ​വ​ത്തെ​പ്പ​ററി ചെറു​പ്പ​ക്കാ​രി​യായ ഒരു കോ​ളേജ്‌ വിദ്യാർത്ഥി​നി കണ്ണുനീർ വാർത്തു​കൊ​ണ്ടു പറഞ്ഞു: “അതു തീർച്ച​യാ​യും വിലയു​ള​ള​താ​യി​രു​ന്നില്ല—അതു രസകര​വു​മാ​യി​രു​ന്നില്ല, അന്നു മുതൽ ഞാൻ വളരെ മനഃപീഡ അനുഭ​വി​ക്കു​ക​യു​മാണ്‌.”

⁵ അത്തരം മനഃപീ​ഡ​യ്‌ക്ക്‌ മിക്ക​പ്പോ​ഴും പലേ കാരണ​ങ്ങ​ളും ഉണ്ടാകാം. ഒരു കാരണം ചൂണ്ടി​ക്കാ​ട്ടി​ക്കൊണ്ട്‌ ആരോഗ്യ വകുപ്പി​ലെ ഒരു ഉദ്യോ​ഗസ്ഥൻ പറഞ്ഞത്‌ അഞ്ചു വർഷത്തി​നകം ഐക്യ​നാ​ടു​ക​ളി​ലെ യുവജ​ന​ങ്ങ​ളിൽ അൻപതു ശതമാ​ന​ത്തെ​യും ഗൊ​ണോ​റിയ ബാധി​ക്കാം എന്ന ഭീഷണി നിലവി​ലുണ്ട്‌ എന്നാണ്‌! മുഖ്യ ലൈം​ഗിക രോഗ​ങ്ങ​ളായ ഗൊ​ണോ​റി​യ​യു​ടെ​യും സിഫി​ലി​സി​ന്റെ​യും വളർച്ച തടയു​ന്ന​തിൽ ആധുനിക ഔഷധങ്ങൾ നിഷ്‌ഫ​ല​മെന്ന്‌ തെളി​ഞ്ഞി​രി​ക്കു​ന്ന​താ​യി വൈദ്യ​ശാ​സ്‌ത്ര​രം​ഗത്തെ പ്രാമാ​ണി​കർ പറയുന്നു. മിക്ക​പ്പോ​ഴും തങ്ങളുടെ ശരീര​ത്തിന്‌ പരിഹ​രി​ക്കാ​നാ​വാത്ത തകരാറു സംഭവി​ക്കു​ന്ന​തി​നെ തടയാ​നാ​വാ​ത്ത​വണ്ണം അത്ര വൈകി​യാണ്‌ രോഗ​ബാ​ധി​തർ അതു തിരി​ച്ച​റി​യു​ന്നത്‌. അധാർമ്മി​ക​ത​യു​ടെ ഫലമായി ഒരുപക്ഷേ വന്ധ്യത​യോ അന്ധതയോ പോലു​ളള സ്ഥായി​യായ തകരാ​റു​ണ്ടാ​ക​ത്ത​ക്ക​വണ്ണം നിങ്ങ​ളെ​ത്തന്നെ അപകട​പ്പെ​ടു​ത്തു​ന്നത്‌ ബുദ്ധി​പൂർവ്വ​ക​മായ നടപടി​യാ​യി​രി​ക്കു​മോ?

⁶ കൂടാതെ ഗർഭധാ​ര​ണ​ത്തി​നു​ളള വലിയ സാദ്ധ്യ​ത​യും നിലനിൽക്കു​ന്നു. അവിവാ​ഹി​ത​രായ ദശലക്ഷ​ക്ക​ണ​ക്കിന്‌ പെൺകു​ട്ടി​കൾക്ക്‌ അങ്ങനെ സംഭവി​ക്കു​ന്നു. അവരി​ല​നേകർ ഗർഭച്ഛി​ദ്ര​ത്തി​ന്റെ അപകട​ത്തി​ലൂ​ടെ​യും ആകുല​ത​യി​ലൂ​ടെ​യും  കടന്നു​പോ​കേ​ണ്ടി​വ​രു​ന്നു. മററു ചിലർ അസന്തു​ഷ്‌ട​മായ വിവാ​ഹ​ജീ​വി​തം നയിക്കാൻ നിർബ​ന്ധി​ത​രാ​കു​ന്നു. ഇനിയും ചിലർ ഒരു ജാരസ​ന്ത​തി​യെ വളർത്തി​ക്കൊ​ണ്ടു​വ​രു​ന്ന​തിന്‌ അസന്തു​ഷ്ട​വും ദീർഘ​വു​മായ ഒരു പോരാ​ട്ടം​തന്നെ നടത്തേ​ണ്ടി​വ​രു​ന്നു. അതു​കൊണ്ട്‌ യുവജ​ന​ങ്ങൾക്ക്‌ ഗർഭനി​രോ​ധന മാർഗ്ഗങ്ങൾ കൂടുതൽ കൂടുതൽ എളുപ്പ​ത്തിൽ ലഭ്യമാ​ണെ​ങ്കി​ലും അവയൊ​ന്നും ഗർഭധാ​ര​ണ​ത്തിൽ നിന്ന്‌ “ഉറപ്പുളള” സ്വാത​ന്ത്ര്യം നൽകു​ന്നില്ല എന്ന്‌ കാണുക എളുപ്പ​മാണ്‌.

⁷ വാസ്‌ത​വ​ത്തിൽ ലൈം​ഗിക ദുർന്ന​ട​ത്ത​യിൽ “ആധുനിക”മോ പുതി​യ​തോ ആയി ഒന്നുമില്ല. അതു പണ്ടു മുത​ലേ​യുണ്ട്‌. യേശു​വി​ന്റെ ജനനത്തിന്‌ രണ്ടായി​രം വർഷങ്ങൾക്കു മുൻപ്‌ സോ​ദോ​മി​ലെ​യും ഗൊ​മോ​റ​യി​ലെ​യും ആളുകൾ അത്തരം നടത്തയു​ള​ള​വ​രാ​യി​രു​ന്നു. നിങ്ങൾ പുരാതന റോമൻ സാമ്രാ​ജ്യ​ത്തി​ന്റെ ചരിത്രം വായി​ക്കു​ന്നു​വെ​ങ്കിൽ ഇന്നു നടപ്പുളള ലൈം​ഗിക ദുർന്ന​ട​ത്ത​യെ​ല്ലാം അതി​ന്റെ​യും സവി​ശേ​ഷ​ത​യാ​യി​രു​ന്നു എന്ന്‌ നിങ്ങൾ കണ്ടെത്തും. വാസ്‌ത​വ​ത്തിൽ അതിന്റെ വീഴ്‌ച മുഖ്യ​മാ​യും അതിന്റെ ധാർമ്മി​കാ​ധഃ​പ​ത​ന​ത്തി​ന്റെ ഫലമാ​യി​ട്ടാണ്‌ സംഭവി​ച്ചത്‌. തീർച്ച​യാ​യും “ദുർന്ന​ടപ്പ്‌ വിട്ടോ​ടു​വിൻ” എന്നുളള ബൈബി​ളി​ന്റെ കല്‌പ​നക്ക്‌ ശ്രദ്ധ​കൊ​ടു​ക്കു​ന്നത്‌ ബുദ്ധി​പൂർവ്വ​ക​മായ ഒരു നടപടി​യാ​യി​രി​ക്കും.—1 കൊരി​ന്ത്യർ 6:18.

ധാർമ്മി​കത ബലഹീ​ന​ത​യു​ടെ ലക്ഷണമോ?

8-11. (എ) വിവാ​ഹ​ത്തി​നു മുൻപു​ളള ലൈം​ഗി​ക​ത​യിൽനിന്ന്‌ ഒഴിഞ്ഞു നിൽക്കു​ന്ന​തിന്‌ ധാർമ്മി​ക​മായ ശക്തി ആവശ്യ​മാ​യി​രി​ക്കു​ന്ന​തെ​ന്തു​കൊണ്ട്‌? (ബി) സദൃശ​വാ​ക്യ​ങ്ങൾ ഏഴാം അദ്ധ്യാ​യ​ത്തിൽ വിവരി​ക്ക​പ്പെ​ട്ടി​രി​ക്കു​ന്ന​ത​നു​സ​രിച്ച്‌ അധാർമ്മിക ബന്ധത്തിൽ കുടു​ങ്ങിയ യുവാ​വിന്‌ നല്ല ആന്തരമി​ല്ലാ​യി​രു​ന്നു എന്ന്‌ എന്ത്‌ പ്രകട​മാ​ക്കു​ന്നു? (സി) ശരിയായ തത്വങ്ങൾക്കു​വേ​ണ്ടി​യു​ളള ശൂലേമ്യ കന്യക​യു​ടെ ഭാഗത്തെ ഉറച്ച നിലപാട്‌ പ്രകട​മാ​ക്ക​പ്പെ​ട്ടി​രി​ക്കു​ന്ന​തെ​ങ്ങനെ?

⁸ എന്നാൽ, പരസം​ഗ​ത്തി​ലേർപ്പെ​ടാൻ ആളുകൾ നിങ്ങളെ വെല്ലു​വി​ളി​ച്ചേ​ക്കാം. നിങ്ങൾ വിസമ്മ​തി​ക്കു​ന്നു​വെ​ങ്കിൽ നിങ്ങൾക്ക്‌ അതിനു​ളള തന്റേടം ഇല്ല എന്നു പറഞ്ഞ്‌ ആളുകൾ നിങ്ങളെ കുററ​പ്പെ​ടു​ത്തി​യേ​ക്കാം. ചില സ്ഥലങ്ങളിൽ പരസംഗം അംഗീ​കാ​രം നേടിയ ഒരു നടപടി​യാ​യി​ത്തീർന്നി​രി​ക്കു​ന്നു. മെഡിക്കൽ ആസ്‌പെ​ക്‌റ​റ്‌സ്‌ ഓഫ്‌ ഹ്യൂമൻ സെക്‌ഷ്വാ​ലി​ററി എന്ന തങ്ങളുടെ പുസ്‌ത​ക​ത്തിൽ രണ്ടു ഡോക്‌ടർമാർ ഇപ്രകാ​രം അഭി​പ്രാ​യ​പ്പെ​ട്ടി​രി​ക്കു​ന്നു: “ലൈം​ഗിക ബന്ധങ്ങളിൽ ഏർപ്പെ​ടാൻ വിസമ്മ​തി​ച്ച​തി​ന്റെ പേരിൽ കുററ​ബോ​ധം അനുഭ​വ​പ്പെ​ട്ടി​ട്ടു​ളള യുവജ​ന​ങ്ങ​ളുണ്ട്‌. അതു​പോ​ലെ ഇരുപ​ത്തി​യഞ്ചു വയസ്സാ​യി​ട്ടും കന്യക​മാ​രാ​യി തുട​രേ​ണ്ടി​വ​ന്ന​തിൽ യുവതി​കൾ ലജ്ജിക്കു​ന്ന​താ​യി പറഞ്ഞ അനുഭ​വ​ങ്ങ​ളു​മുണ്ട്‌.” വിവാ​ഹ​ത്തി​നു മുൻപ്‌ ലൈം​ഗിക  ബന്ധങ്ങളിൽ ഏർപ്പെ​ടാൻ വിസമ്മ​തി​ക്കു​ന്നത്‌ ബലഹീ​ന​ത​യു​ടെ ലക്ഷണമാ​ണോ? കൊള​ളാം, ഏതിനാണ്‌ കൂടുതൽ ബലം ആവശ്യ​മാ​യി​രി​ക്കു​ന്നത്‌—കാമവി​കാ​ര​ങ്ങൾക്ക്‌ അടിമ​പ്പെ​ടു​ന്ന​തോ അതിനെ അടക്കു​ന്ന​തി​നോ?

⁹ വാസ്‌ത​വ​ത്തിൽ, ഏതു ചപലനും കാമത്തിന്‌ അടിമ​പ്പെ​ടാൻ കഴിയും. എന്നാൽ വിവാ​ഹ​ത്തിൽ ഒരു ഇണയെ നേടു​ന്ന​തു​വരെ ആ വികാരം നിയ​ന്ത്രി​ച്ചു​നിർത്താൻ ഒരു യഥാർത്ഥ “പുരു​ഷ​നോ” “സ്‌ത്രീ​യ്‌ക്കോ” മാത്രമേ കഴിയു​ക​യു​ളളു. ഇന്ന്‌ ആഗോ​ള​വ്യാ​പ​ക​മാ​യി ചായ്‌വ്‌ മറിച്ചാ​യി​രി​ക്കു​മ്പോൾ അപ്രകാ​രം ചെയ്യു​ന്ന​തിന്‌ കൂടുതൽ ശക്തി ആവശ്യ​മാണ്‌. കാരണം അതു ഒഴുക്കി​നെ​തി​രെ നീന്തു​ന്ന​തു​പോ​ലെ​യാണ്‌.

¹⁰ സദൃശ​വാ​ക്യ​ങ്ങൾ എന്ന ബൈബിൾ പുസ്‌തകം ഈ ആശയം വ്യക്തമാ​ക്കുന്ന ഒരു വിവരണം നൽകുന്നു. ലോക “പരിച​യ​മി​ല്ലാ​ത്ത​വ​നും” നല്ല ആന്തരമി​ല്ലാ​ത്ത​വ​നു​മായ ഒരു യുവാവ്‌ തെരു​വി​ലേക്ക്‌ ഇറങ്ങി​ച്ചെ​ല്ലു​ന്ന​തും ഒരു വേശ്യ അയാളെ സമീപി​ക്കു​ന്ന​തു​മാണ്‌ അവിടെ വിവരി​ച്ചി​രി​ക്കു​ന്നത്‌. അവളുടെ വശീക​ര​ണ​ത്തി​നു വഴങ്ങി പെട്ടെ​ന്നു​തന്നെ “അറക്കു​ന്നി​ട​ത്തേക്കു കാള ചെല്ലു​ന്ന​തു​പോ​ലെ​യും ഒരു മൂഢന്റെ ശിക്ഷണ​ത്തി​നു ചങ്ങലയി​ട്ട​തു​പോ​ലെ​യും അവൻ അവളുടെ പിന്നാലെ പോകു​ന്നു.” (സദൃശ​വാ​ക്യ​ങ്ങൾ 7:6-23) ചെറുത്തു നിൽക്കാ​നു​ളള ധാർമ്മി​ക​ശക്തി അവനി​ല്ലാ​യി​രു​ന്നു.

¹¹ എന്നാൽ ഈ പ്രസി​ദ്ധീ​ക​ര​ണ​ത്തിൽ നേരത്തെ നാം സുന്ദരി​യായ ശൂലേ​മ്യ​ക​ന്യ​കയെ സംബന്ധിച്ച്‌ വായിച്ചു, താൻ വിവാഹം കഴിക്കാൻ പ്രതീ​ക്ഷി​ച്ചി​രുന്ന യുവ ഇടയ​നോട്‌ വിശ്വ​സ്‌ത​യാ​യി​രി​ക്കാൻ കൂടു​ത​ലി​ഷ്ട​പ്പെ​ട്ടു​കൊണ്ട്‌ ധനവാ​നായ ശലോ​മോൻ വച്ചുനീ​ട്ടിയ എല്ലാ പ്രലോ​ഭ​ന​ങ്ങ​ളെ​യും അവൾ ചെറു​ത്തു​നി​ന്നു. തളളി​യാൽ തുറന്നു​പോ​കുന്ന ഒരു “വാതിൽ” പോ​ലെ​യാ​യി​രി​ക്കാ​തെ താൻ കാത്തി​രി​ക്കുന്ന പുരു​ഷ​നു​വേണ്ടി തന്റെ കന്യകാ​ത്വം കാത്തു​സൂ​ക്ഷി​ക്കു​ന്നതു സംബന്ധിച്ച അവളുടെ ദൃഢനി​ശ്ച​യ​ത്തിൽ അവൾ ഒരു “മതിൽ”പോലെ ഉറപ്പു​ള​ള​വ​ളാ​ണെന്ന്‌ തന്റെ മൂത്ത സഹോ​ദ​രൻമാ​രു​ടെ മുൻപിൽ അവൾ തെളി​യി​ച്ചു.—ഉത്തമഗീ​തം 8:8-10.

ലൈം​ഗിക സദാചാ​രം അർത്ഥവ​ത്താ​യി​രി​ക്കു​ന്ന​തി​ന്റെ കാരണം

12-14. (എ) ലൈം​ഗി​കത സംബന്ധി​ച്ചു​ളള ദൈവ​ത്തി​ന്റെ നിയമങ്ങൾ അനുസ​രി​ക്കു​ന്നത്‌ അർത്ഥവ​ത്താ​യി​രി​ക്കു​ന്ന​തെ​ന്തു​കൊണ്ട്‌? (ബി) പരസം​ഗ​ക്കാർക്ക്‌ എന്ത്‌ ഭാവി​യു​ണ്ടെ​ന്നാണ്‌ എബ്രായർ 13:4-ലും 1 കൊരി​ന്ത്യർ 6:9,10-ലും പറഞ്ഞി​രി​ക്കു​ന്നത്‌? പരസംഗം എന്നതി​നാൽ എന്താണ്‌ അർത്ഥമാ​ക്ക​പ്പെ​ട്ടി​രി​ക്കു​ന്നത്‌?

¹² ലൈം​ഗിക സദാചാ​രം അർത്ഥവ​ത്താ​യി​രി​ക്കു​ന്ന​തി​ന്റെ മുഖ്യ​കാ​രണം മനുഷ്യ​രു​ടെ സന്തോ​ഷ​ത്തെ​പ്പ​ററി ഏററവും  അധികം അറിയാ​വുന്ന യഹോ​വ​യാം ദൈവം നിർദ്ദേ​ശി​ച്ചി​രി​ക്കുന്ന വഴിയാ​ണത്‌ എന്നതാണ്‌. അതേപ്പ​ററി ചിന്തി​ക്കുക. ലൈം​ഗി​ക​ബ​ന്ധ​ങ്ങ​ളി​ലൂ​ടെ ജീവൻ നിലനിർത്തു​ന്ന​തിന്‌ യഹോ​വ​യാം ദൈവം സ്‌നേ​ഹ​പൂർവ്വം കരുതൽ ചെയ്‌തി​രി​ക്കു​ന്നു. ഇത്‌ അത്യന്തം അത്ഭുത​ക​ര​വും വിശു​ദ്ധ​വു​മാണ്‌. നാം എല്ലാം ഇതിന്റെ പ്രയോ​ജനം അനുഭ​വി​ച്ചി​ട്ടുണ്ട്‌. കാരണം നാം ഇന്ന്‌ ജീവ​നോ​ടി​രി​ക്കു​ന്നു. നാം അതിന്റെ പ്രയോ​ജനം അനുഭ​വി​ക്കു​ന്നെ​ങ്കിൽ അതു ദൈവ​ത്തി​ന്റെ മുഴു കരുത​ലും സംബന്ധിച്ച നിബന്ധ​ന​ക​ള​നു​സ​രി​ക്കാൻ നമ്മെ കടപ്പാ​ടു​ള​ള​വ​രാ​ക്കി​ത്തീർക്കു​ന്നി​ല്ലേ? നമ്മുടെ ജീവദാ​താവ്‌ എന്ന നിലയിൽ ജീവൻ നൽകാ​നു​ളള പ്രാപ്‌തി​യോ​ടു​കൂ​ടിയ നമ്മുടെ ജനനേ​ന്ദ്രി​യ​ങ്ങ​ളു​ടെ ഉപയോ​ഗം സംബന്ധിച്ച പെരു​മാ​ററ ചട്ടങ്ങൾ വയ്‌ക്കാൻ യഹോ​വ​യാം ദൈവ​ത്തിന്‌ തീർച്ച​യാ​യും അവകാ​ശ​മുണ്ട്‌.

¹³ പൗലോസ്‌ അപ്പോ​സ്‌ത​ല​നി​ലൂ​ടെ ദൈവം നമ്മോടു പറയുന്നു: “വിവാഹം എല്ലാവർക്കും മാന്യ​വും വിവാ​ഹശയ്യ നിർമ്മ​ല​വും ആയിരി​ക്കട്ടെ; എന്നാൽ ദുർന്ന​ട​പ്പു​കാ​രെ​യും വ്യഭി​ചാ​രി​ക​ളെ​യും ദൈവം വിധി​ക്കും.” (എബ്രായർ 13:4) ആരുമാ​യും ഉളള വിവേ​ച​നാ​ര​ഹി​ത​മായ ലൈം​ഗി​ക​വേഴ്‌ച മാത്രമല്ല വിവാ​ഹ​സ​മ്മതം നടത്തി​യ​വ​രെ​ങ്കി​ലും വിവാ​ഹ​ത്തിന്‌ മുമ്പ്‌ ലൈം​ഗിക ബന്ധത്തി​ലേർപ്പെ​ടു​ന്ന​വ​രു​ടെ നടപടി​യും പരസം​ഗ​ത്തിൽ ഉൾപ്പെ​ടു​ന്നു.

¹⁴ പരസം​ഗ​ത്തെ​യും മററ്‌ അയഞ്ഞ നടത്ത​യെ​യും കുററം​വി​ധി​ക്കുന്ന കാര്യ​ത്തിൽ ദൈവ​വ​ചനം വളരെ അസന്ദി​ഗ്‌ദ്ധ​മാണ്‌. അത്തരം കാര്യങ്ങൾ ചെയ്‌തു​കൊ​ണ്ടി​രി​ക്കു​ന്ന​വർക്ക്‌ ദൈവ​രാ​ജ്യ​ത്തിൽ പങ്കുണ്ടാ​യി​രി​ക്ക​യില്ല എന്ന്‌ അതു പറയുന്നു. ബൈബിൾ പറയുന്നു: “വഞ്ചിക്ക​പ്പെ​ടാ​തി​രി​പ്പിൻ. ദുർന്ന​ട​പ്പു​കാർ, വിഗ്ര​ഹാ​രാ​ധി​കൾ, വ്യഭി​ചാ​രി​കൾ, അസ്വാ​ഭാ​വിക ഉപയോ​ഗ​ത്തി​നാ​യി സൂക്ഷി​ക്ക​പ്പെ​ട്ടി​രി​ക്കു​ന്നവർ, പുരു​ഷൻമാ​രോ​ടു​കൂ​ടി ശയിക്കുന്ന പുരു​ഷൻമാർ, കളളൻമാർ, അത്യാ​ഗ്ര​ഹി​കൾ, മദ്യപൻമാർ, വാവി​ഷ്‌ഠാ​ണ​ക്കാർ, പിടി​ച്ചു​പ​റി​ക്കാർ എന്നിവർ ദൈവ​രാ​ജ്യം അവകാ​ശ​മാ​ക്കു​ക​യില്ല.”—1 കൊരി​ന്ത്യർ 6:9, 10.

15-19. (എ) ലൈം​ഗിക അധാർമ്മി​ക​തയെ നാം യഥാർത്ഥ​ത്തിൽ വെറു​ക്കേ​ണ്ട​തെ​ന്തു​കൊണ്ട്‌? (സങ്കീർത്തനം 97:10) (ബി) അത്തരം ഉചിത​മായ വെറുപ്പ്‌ വളർത്തി​യെ​ടു​ക്കാൻ എന്തിന്‌ നമ്മെ സഹായി​ക്കാൻ കഴിയും?

¹⁵ ദൈവ​നി​യ​മ​ത്തി​ന്റെ ഈ അസന്ദി​ഗ്‌ദ്ധത നമ്മുടെ നൻമയ്‌ക്കു​വേ​ണ്ടി​യാണ്‌. ലൈം​ഗി​ക​മായ ആഗ്രഹങ്ങൾ വളരെ ശക്തമാ​യി​രി​ക്കാ​വു​ന്ന​താണ്‌. മിക്കവ​രു​ടെ​യും ജീവി​ത​ത്തിൽ പ്രലോ​ഭ​ന​ങ്ങ​ളു​ടെ സമ്മർദ്ദ​ങ്ങൾക്ക്‌ കീഴ്‌പ്പെ​ടുക എളുപ്പ​മാ​യി​രി​ക്കാ​വുന്ന അവസരങ്ങൾ ഉണ്ടാ​യേ​ക്കാം. ഇക്കാര്യം സംബന്ധിച്ച  ദൈവ​നി​യമം അവ്യക്ത​മോ ബലഹീ​ന​മോ ആയിരു​ന്നെ​ങ്കിൽ അതു അത്തരം സാഹച​ര്യ​ങ്ങ​ളിൽ നമുക്കു സഹായ​ക​മാ​ക​യി​ല്ലാ​യി​രു​ന്നു. എന്നാൽ അതു വളരെ വ്യക്തവും ശക്തവും ആയിരി​ക്കു​ന്ന​തി​നാൽ നമ്മേ സുബോ​ധ​മു​ള​ള​വ​രാ​യി നിർത്തു​ന്ന​തി​നു നമ്മുടെ ധാർമ്മിക ശക്തി​ക്കൊ​രു പിൻബലം കൊടു​ക്കു​ന്ന​തി​നും അതിലും പ്രധാ​ന​മാ​യി, തെററായ ഗതിയെ ദ്വേഷി​ക്കാൻ പഠിക്കു​ന്ന​തി​നും അതു നമ്മെ സഹായി​ക്കു​ന്നു. നിങ്ങൾ വാസ്‌ത​വ​ത്തിൽ ലൈം​ഗി​ക​മായ അധാർമ്മിക ഗതിയെ ദ്വേഷി​ക്കു​ന്നു​വോ? നിങ്ങൾ അപ്രകാ​രം ചെയ്യേ​ണ്ട​തെ​ന്തു​കൊ​ണ്ടാണ്‌?

¹⁶ അത്തര​മൊ​രു ഗതി ചില​പ്പോൾ ആകർഷ​ക​മാ​യി തോന്നു​ന്നു​വെ​ങ്കിൽ നിങ്ങ​ളോ​ടു​തന്നെ ചോദി​ക്കുക: ‘എന്റെ സ്വന്തം കുടും​ബ​ത്തിൽപ്പെ​ട്ടവർ, എന്റെ മാതാ​പി​താ​ക്ക​ളോ എന്റെ സഹോ​ദ​രൻമാ​രോ സഹോ​ദ​രി​ക​ളോ, അങ്ങനെ​യൊ​രു ഗതിയി​ലുൾപ്പെ​ടാൻ ഞാൻ ആഗ്രഹി​ക്കു​മോ? അവർക്ക്‌ ജാരസ​ന്ത​തി​ക​ളു​ണ്ടാ​യി​രി​ക്കാൻ ഞാൻ ആഗ്രഹി​ക്കു​മോ? അതു അവരോ​ടു​ളള എന്റെ സ്‌നേ​ഹ​വും ബഹുമാ​ന​വും വർദ്ധി​പ്പി​ക്കു​മോ?’ ഇല്ലെങ്കിൽ അതു ഞാൻ ദ്വേഷി​ക്കേണ്ട ഒരു ഗതിയല്ലേ? ഏതൊരു സ്‌ത്രീ​ക്കും പുരു​ഷ​നും അധാർമ്മി​ക​ത​കൊണ്ട്‌ തങ്ങളുടെ കൈ തുടയ്‌ക്കാൻ പൊതു ഉപയോ​ഗ​ത്തി​നി​ട്ടി​രി​ക്കുന്ന ഒരു ടവ്വൽ പോ​ലെ​യാ​യി​രി​ക്കാൻ തീർച്ച​യാ​യും നിങ്ങൾ ആഗ്രഹി​ക്ക​യില്ല.

¹⁷ അത്തരം അധാർമ്മിക ഗതിയിൽനിന്ന്‌ ജനിക്കുന്ന കുട്ടി​കളെ സംബന്ധി​ച്ചെന്ത്‌? നിങ്ങൾ ഒരു പെൺകു​ട്ടി​യാ​ണെ​ങ്കിൽ നിങ്ങൾതന്നെ അത്തര​മൊ​രു കുഞ്ഞിന്‌ ജൻമം നൽകി​യെന്നു വിചാ​രി​ക്കുക. അതിനെ വളർത്തി​ക്കൊ​ണ്ടു​വ​രു​വാൻ ആരുണ്ട്‌? നിങ്ങളു​ടെ മാതാ​പി​താ​ക്ക​ളോ? അതോ നിങ്ങൾ തന്നെയോ? നിങ്ങൾ എപ്രകാ​രം അതു ചെയ്യും? കൂടാതെ കുട്ടി വളരു​ക​യും താൻ ജനിക്കാ​നി​ട​യാ​യത്‌ എങ്ങനെ​യാണ്‌ എന്നറി​ക​യും ചെയ്യു​മ്പോൾ ആ കുട്ടി​തന്നെ എന്തു വിചാ​രി​ക്കും? അല്ലെങ്കിൽ നിങ്ങൾ ആ ഉത്തരവാ​ദി​ത്വം ഏറെറ​ടു​ക്കാൻ വിസമ്മ​തി​ക്കു​ക​യും കുട്ടിയെ ദത്തെടു​ക്കാൻ ആർക്കെ​ങ്കി​ലും വിട്ടു​കൊ​ടു​ക്കു​ക​യു​മാ​ണെ​ങ്കിൽ  മററു​ള​ളവർ നിങ്ങ​ളെ​പ്പ​ററി എന്തു വിചാ​രി​ക്കും? നിങ്ങൾക്കു​തന്നെ നിങ്ങ​ളെ​പ്പ​ററി എന്തു തോന്നും? കുട്ടി​യു​ടെ ജനനം രഹസ്യ​മാ​യി വയ്‌ക്കു​ക​യും കുട്ടിയെ ദത്തെടു​ക്കാൻ വിട്ടു​കൊ​ടു​ത്തു​കൊണ്ട്‌ നിങ്ങളിൽ നിന്ന്‌ അകററി നിങ്ങൾ ഉത്തരവാ​ദി​ത്വ​ത്തിൽ നിന്നും അപമാ​ന​ത്തിൽനി​ന്നും ഒളി​ച്ചോ​ടാൻ ശ്രമി​ക്കു​ക​യും ചെയ്‌തേ​ക്കാം. എന്നാൽ നിങ്ങൾക്ക്‌ നിങ്ങളിൽനി​ന്നു​തന്നെ ഒളി​ച്ചോ​ടാൻ സാദ്ധ്യമല്ല. ഉവ്വോ?

¹⁸ ഒരു പുരു​ഷ​നെ​ന്ന​നി​ല​യിൽ നിങ്ങൾ ഒരു ജാര സന്തതിക്ക്‌ ജൻമം നൽകി​യെ​ങ്കിൽ നിങ്ങളു​ടെ മനഃസാ​ക്ഷി സ്വസ്ഥമാ​യി​രി​ക്കു​മോ? അമ്മയുടെ മേലും നിങ്ങളു​ടെ കുഞ്ഞി​ന്റെ​മേ​ലും അത്തര​മൊ​രവസ്ഥ വരുത്തി​വ​യ്‌ക്കുന്ന ബുദ്ധി​മു​ട്ടു​ക​ളെ​യും അപമാ​ന​ത്തെ​യും​പ​ററി ചിന്തി​ക്കുക. തീർച്ച​യാ​യും അതു ഒഴിവാ​ക്ക​പ്പെ​ടേ​ണ്ട​തു​ത​ന്നെ​യാണ്‌.

¹⁹ വാസ്‌ത​വ​ത്തിൽ ലൈം​ഗിക അധാർമ്മി​ക​ത​യിൽ നിന്ന്‌ എന്തു നൻമയാണ്‌ എന്നെങ്കി​ലും കൈവ​ന്നി​ട്ടു​ള​ളത്‌? അംഗ​വൈ​ക​ല്യം വരുത്തുന്ന ലൈം​ഗിക രോഗങ്ങൾ, ഗർഭച്ഛി​ദ്രങ്ങൾ, ജാരശ​ങ്ക​യിൽ നിന്നു​ള​വാ​കുന്ന ഏററു​മു​ട്ട​ലു​കൾ, കൊല​പാ​ത​കങ്ങൾ തുടങ്ങി ആരും ആഗ്രഹി​ക്കാത്ത അനേകം കാര്യങ്ങൾ അതി​നോട്‌ ബന്ധപ്പെ​ട്ടി​രി​ക്കു​ന്ന​തെ​ന്തു​കൊ​ണ്ടാണ്‌? വലിയ ലൈം​ഗിക “സ്വാത​ന്ത്ര്യം” അനുവ​ദി​ച്ചി​രി​ക്കുന്ന രാജ്യ​ങ്ങ​ളിൽ വിവാ​ഹ​മോ​ച​ന​നി​രക്ക്‌ ലോക​ത്തി​ലെ ഏററവും ഉയർന്ന​താ​യി​രി​ക്കു​ന്ന​തെ​ന്തു​കൊണ്ട്‌? വിവാ​ഹ​മോ​ചനം വിജയ​ത്തി​ന്റെ സൂചന​യാ​ണോ അതോ പരാജ​യ​ത്തി​ന്റെ തെളി​വാ​ണോ? അതു യഥാർത്ഥ സന്തോ​ഷ​ത്തി​ന്റെ ലക്ഷണമാ​ണോ അതോ സന്താപ​ത്തി​ന്റെ​യും അസന്തു​ഷ്ടി​യു​ടെ​യും ലക്ഷണമാ​ണോ?

20, 21. ലൈം​ഗി​ക​മായ അധാർമ്മി​ക​ത​യു​ടെ ഒഴിവാ​ക്കൽ വിജയ​ക​ര​മായ വിവാഹ ജീവി​ത​ത്തി​നു​ളള നിങ്ങളു​ടെ സാദ്ധ്യത മെച്ച​പ്പെ​ടു​ത്താ​വു​ന്ന​തെ​ങ്ങനെ?

²⁰ നേരെ മറിച്ച്‌, ലൈം​ഗിക സദാചാ​രം അർത്ഥവ​ത്താണ്‌. കാരണം അതു മുറുകെ പിടി​ക്കു​ന്ന​വർക്ക്‌ വിജയ​ക​ര​മായ വിവാ​ഹ​ജീ​വി​ത​ത്തിന്‌ വളരെ മെച്ചപ്പെട്ട സാദ്ധ്യ​ത​ക​ളാ​ണു​ള​ളത്‌. ദൈവ​ത്തി​ന്റെ ക്രമീ​ക​ര​ണ​ത്തെ​യും തങ്ങളുടെ ഭാവി വിവാഹ ഇണയെ​യും വിവാ​ഹ​ത്തിൽ ശുദ്ധി​യു​ളള ഇണകളെ ലഭിക്കാ​നു​ളള ഇരുവ​രു​ടെ​യും അവകാ​ശ​ത്തെ​യും മാനി​ച്ചു​കൊണ്ട്‌ അവർ വിവാ​ഹ​ത്തോട്‌ വിലമ​തി​പ്പു​ള​ള​വ​രാ​യി​രി​ക്കു​ന്ന​തി​നാ​ലാണ്‌ അപ്രകാ​ര​മാ​യി​രി​ക്കു​ന്നത്‌.

²¹ വാസ്‌ത​വ​ത്തിൽ, പ്രേമാ​ഭ്യർത്ഥന നടത്തു​മ്പോ​ഴും വിവാ​ഹ​വാ​ഗ്‌ദാ​നം ചെയ്‌ത​തി​നു ശേഷമു​ളള കാലത്തും അമിത സ്വാത​ന്ത്ര്യ​വും അയഞ്ഞ നടത്തയും ഒഴിവാ​ക്കാൻ നിങ്ങൾ എത്രമാ​ത്രം  ശ്രദ്ധവ​യ്‌ക്കു​ന്നു​വോ അത്രകണ്ട്‌ നിങ്ങളു​ടെ വിവാ​ഹ​ജീ​വി​തം വിജയ​പ്ര​ദ​മാ​യി​ത്തീ​രാൻ കൂടിയ സാദ്ധ്യ​ത​യാ​ണു​ള​ളത്‌. അപ്പോൾ നിങ്ങൾക്കോ നിങ്ങളു​ടെ വിവാഹ ഇണയ്‌ക്കോ, ലൈം​ഗി​ക​ത​യാ​യി​രു​ന്നു മറേറ​യാൾ വിവാ​ഹ​ത്തി​ലേർപ്പെ​ടു​ന്ന​തി​നു​ളള ഏക​പ്രേരണ എന്നു വിചാ​രിച്ച്‌ മറേറ​യാ​ളു​ടെ സ്‌നേ​ഹ​ത്തി​ന്റെ ആത്മാർത്ഥ​തയെ സംശയി​ക്കു​ന്ന​തി​ന്റെ ശല്യം അനുഭ​വി​ക്കേ​ണ്ടി​വ​രി​ക​യില്ല. കാരണം വിവാഹം എന്നത്‌ രണ്ടു ശരീര​ങ്ങ​ളു​ടെ മാത്രം ബന്ധിപ്പി​ക്കലല്ല. അതു രണ്ടു വ്യക്തികൾ തമ്മിലു​ളള ബന്ധമാണ്‌. വിവാഹം നിലനിൽക്കുന്ന സന്തോഷം കൈവ​രു​ത്ത​ണ​മെ​ങ്കിൽ വ്യക്തി​കൾക്ക്‌ പരസ്‌പരം ബഹുമാ​ന​വും സ്‌നേ​ഹ​വും ഉണ്ടായി​രി​ക്കണം.

ജ്ഞാനപൂർവ്വ​ക​മായ തെര​ഞ്ഞെ​ടുപ്പ്‌

22-24. (എ) അമ്‌നോ​നെ​യും താമാ​റി​നെ​യും സംബന്ധിച്ച ബൈബിൾ വിവര​ണ​ത്തിൽനിന്ന്‌ ഒരു യുവതിക്ക്‌ സഹായ​ക​മായ എന്തു പാഠം പഠിക്കാൻ കഴിയും? (ബി) പോത്തി​ഫ​റി​ന്റെ ഭാര്യ പ്രകട​മാ​ക്കിയ വികാരം സ്ഥായി​യായ സ്‌നേ​ഹ​മാ​യി​രു​ന്നി​ല്ലെന്ന്‌ തെളി​യി​ക്കു​ന്ന​തെന്ത്‌?

²² വികാ​ര​ങ്ങളെ മാത്രം അടിസ്ഥാ​ന​മാ​ക്കി​യു​ളള സ്‌നേഹം നിലനിൽക്കുന്ന സ്‌നേ​ഹമല്ല. അതു സ്വാർത്ഥ​പ​ര​വും അത്യാ​ഗ്ര​ഹ​ത്തോ​ടു​കൂ​ടി​യ​തു​മായ സ്‌നേ​ഹ​മാണ്‌. ദാവീ​ദി​ന്റെ പുത്രൻമാ​രിൽ ഒരുവ​നാ​യി​രുന്ന അമ്‌നോ​ന്റെ സംഗതി​യിൽ ഇത്തരത്തി​ലു​ളള സ്‌നേ​ഹ​ത്തെ​യാണ്‌ ബൈബി​ളിൽ ചിത്രീ​ക​രി​ച്ചി​രി​ക്കു​ന്നത്‌. അവന്‌ സുന്ദരി​യാ​യി​രുന്ന തന്റെ അർദ്ധസ​ഹോ​ദരി താമാ​റിൽ “പ്രേമം ജനിച്ചു,” അവൻ ഉപായം പ്രയോ​ഗിച്ച്‌ ബലാൽക്കാ​രേണ അവളു​മാ​യി ലൈം​ഗിക ബന്ധത്തി​ലേർപ്പെട്ടു. എന്നാൽ അതിനു​ശേഷം എന്ത്‌? രേഖ പറയുന്നു: “പിന്നെ അമ്‌നോൻ അവളെ അത്യന്തം വെറുത്തു; അവളെ സ്‌നേ​ഹിച്ച സ്‌നേ​ഹ​ത്തെ​ക്കാൾ അവളെ വെറുത്ത വെറുപ്പ്‌ വലുതാ​യി​രു​ന്നു.” അവൻ അവളെ പുറത്ത്‌ തെരു​വി​ലേക്ക്‌ ഇറക്കി വിട്ടു​ക​ളഞ്ഞു. (2 ശമുവേൽ 13:1-19) ഇപ്പോൾ നിങ്ങ​ളൊ​രു യുവതി​യാ​ണെ​ങ്കിൽ, ഏതെങ്കി​ലു​മൊ​രു ചെറു​പ്പ​ക്കാ​രൻ തീവ്ര​മായ പ്രേമം പ്രകട​മാ​ക്കു​ക​യും നിങ്ങളു​മാ​യി ലൈം​ഗിക ബന്ധത്തി​ലേർപ്പെ​ടാൻ ആഗ്രഹി​ക്കു​ക​യും ചെയ്യു​ന്ന​തി​നാൽ അയാൾ നിങ്ങളെ ആത്മാർത്ഥ​മാ​യി സ്‌നേ​ഹി​ക്കു​ന്നു​ണ്ടെന്ന്‌ വെറും ശുദ്ധഗ​തി​യിൽ നിങ്ങൾ വിചാ​രി​ക്ക​ണ​മോ? അയാൾ അമ്‌നോ​നെ​പ്പോ​ലെ തന്നെയാ​ണന്ന്‌ തെളി​ഞ്ഞേ​ക്കാം.

²³ ഈജി​പ്‌റ​റി​ലെ ഒരു​ദ്യോ​ഗ​സ്ഥ​നാ​യി​രുന്ന പോത്തീ​ഫ​റി​ന്റെ ഭാര്യ​യ്‌ക്കു അവളുടെ വീട്ടു വേലക്കാ​ര​നാ​യി​രുന്ന യുവാ​വായ യോ​സേ​ഫി​നോട്‌ ഇത്തരത്തി​ലു​ളള താൽപ​ര്യം തോന്നി​യെന്ന്‌  ബൈബിൾ നമ്മോട്‌ പറയുന്നു. തന്നെ വശീക​രി​ക്കാ​നു​ളള എല്ലാ ശ്രമങ്ങ​ളെ​യും അവൻ ചെറു​ത്ത​പ്പോൾ അവൾ തന്റെ തനിനി​റം കാണിച്ചു. യോ​സേ​ഫി​നെ അന്യാ​യ​മാ​യി കാരാ​ഗൃ​ഹ​ത്തിൽ അടയ്‌ക്കു​വാൻ തക്കവണ്ണം അവൾ ഹീനമായ രീതി​യിൽ തന്റെ ഭർത്താ​വി​നോട്‌ യോ​സേ​ഫി​നെ​പ്പ​ററി കളളം പറഞ്ഞു.—ഉൽപ്പത്തി 39:7-20.

²⁴ അതെ, ലൈം​ഗിക “സ്വാത​ന്ത്ര്യ”മെന്ന്‌ വിളി​ക്ക​പ്പെ​ടു​ന്നത്‌ ശുദ്ധവും സന്തോ​ഷ​ദാ​യ​ക​വു​മാ​യി​രി​ക്കേ​ണ്ട​തി​നെ വില കുറഞ്ഞ​തും വെറു​ക്ക​ത്ത​ക്ക​തു​മാ​ക്കി മാററു​ന്നു. അതു​കൊണ്ട്‌, നിങ്ങൾ എന്താണാ​ഗ്ര​ഹി​ക്കു​ന്നത്‌? ഉൾപ്പെ​ട്ടി​രി​ക്കുന്ന എല്ലാ പ്രശ്‌ന​ങ്ങ​ളും അപകട​ങ്ങ​ളും സഹിതം വല്ലപ്പോ​ഴും അല്‌പ​നേ​ര​ത്തേ​യ്‌ക്കു​ളള നിയമ​വി​രു​ദ്ധ​മായ ലൈം​ഗിക ഉത്തേജ​ന​മോ അതോ ജീവി​ത​കാ​ലം മുഴുവൻ ദൈവ​ത്തി​ന്റെ​യും മനുഷ്യ​ന്റെ​യും മുൻപാ​കെ ഒരു ശുദ്ധമ​നഃ​സാ​ക്ഷി ഉണ്ടായി​രി​ക്കു​ന്ന​തി​ന്റെ സംതൃ​പ്‌തി​യോ?

25, 26. ലൈം​ഗിക അധാർമ്മി​ക​ത​യിൽ ഉൾപ്പെ​ടു​ന്നത്‌ ഒഴിവാ​ക്കു​ന്ന​തിന്‌ എന്തു സംഗതി​കൾ നമ്മെ സഹായി​ക്കും? (എഫേസ്യർ 5:3, 4; ഫിലി​പ്യർ 4:8)

²⁵ അധാർമ്മി​ക​ത​യിൽനിന്ന്‌ അകന്നു നിൽക്കാൻ നിങ്ങൾ ആഗ്രഹി​ക്കു​ന്നു​വെ​ങ്കിൽ അതി​ലേക്കു നയിക്കുന്ന കാര്യ​ങ്ങ​ളിൽനിന്ന്‌ അകന്നു നിൽക്കുക; അതായത്‌, വിപരീത ലിംഗ​വർഗ്ഗ​ത്തിൽപ്പെ​ട്ട​വരെ ചുററി​പ്പ​റ​റി​യു​ളള സംസാരം, അതു​പോ​ലെ ലൈം​ഗി​ക​മാ​യി ഉത്തേജി​പ്പി​ക്കുക എന്ന ഏകലക്ഷ്യ​ത്തോ​ടു​കൂ​ടിയ ചിത്ര​ങ്ങ​ളും സാഹി​ത്യ​ങ്ങ​ളും. അപമാ​ന​വും ഹൃദയ​വേ​ദ​ന​യും അവശേ​ഷി​പ്പി​ക്കാ​ത്ത​തും നിലനിൽക്കുന്ന പ്രയോ​ജ​നങ്ങൾ കൈവ​രു​ത്തു​ന്ന​തു​മായ വിലപ്പെട്ട ലക്ഷ്യങ്ങൾ സാധി​ക്കു​ന്ന​തി​നു​വേണ്ടി പണി​യെ​ടു​ത്തു​കൊണ്ട്‌ നിങ്ങളു​ടെ മനസ്സും കണ്ണുക​ളും നാവും ശുദ്ധവും പ്രയോ​ജ​ന​ക​ര​വു​മായ കാര്യ​ങ്ങൾകൊണ്ട്‌ നിറക്കുക.

²⁶ എല്ലാറ​റി​ലു​മു​പരി, യഹോ​വ​യാം ദൈവ​ത്തെ​യും അവന്റെ വഴിക​ളു​ടെ ന്യായ​യു​ക്ത​ത​യെ​യും ജ്ഞാന​ത്തെ​യും കുറി​ച്ചു​ളള നിങ്ങളു​ടെ അറിവും വിലമ​തി​പ്പും ശക്തി​പ്പെ​ടു​ത്തുക. പ്രാർത്ഥ​ന​യിൽ അവനി​ലേക്കു തിരി​യു​ക​യും അവനെ സേവി​ക്കു​ന്ന​വർക്കാ​യി അവൻ വാഗ്‌ദാ​നം ചെയ്‌തി​രി​ക്കുന്ന കാര്യ​ങ്ങ​ളിൽ നിങ്ങളു​ടെ ഹൃദയം ഉറപ്പി​ക്കു​ക​യും ചെയ്യുക. നിങ്ങൾ യഥാർത്ഥ​ത്തിൽ ആഗ്രഹി​ക്കു​ന്നെ​ങ്കിൽ നിങ്ങൾക്ക്‌ ലൈം​ഗിക സദാചാ​ര​ത്തി​ന്റെ ഒരു ഗതി​യോട്‌ മുറുകെ പററി നിൽക്കാൻ കഴിയും. കാരണം യഹോ​വ​യാം ദൈവ​വും അവന്റെ പുത്ര​നും അതിനാ​വ​ശ്യ​മായ ശക്തി നിങ്ങൾക്കു തരും.

[അധ്യയന ചോദ്യ​ങ്ങൾ]