അധ്യായം 13

ശിക്ഷണത്തെ നിങ്ങൾ എങ്ങനെ വീക്ഷി​ക്കു​ന്നു?

1-4. (എ) നാമെ​ല്ലാം തെററു​ചെ​യ്യാൻ ചായ്‌വു​ളള​വ​രാ​യി​രി​ക്കു​ന്ന​തെ​ന്തു​കൊണ്ട്‌? (ബി) അറിവി​ന്റെ അഭാവത്തെ കൂടാതെ മറെറ​ന്തു​കൂ​ടി തെററു​കൾക്കി​ട​യാ​ക്കു​ന്നു?

 താൻ ഒരു തെററു ചെയ്‌തു​വെ​ന്നോ തനിക്ക്‌ ഒരു പിശകു പററി​യെ​ന്നോ ഒരിക്ക​ലും സമ്മതി​ക്കാത്ത ഒരു വിദ്യാർത്ഥി​യെ​യോ ഒരു അദ്ധ്യാ​പ​ക​നെ​പ്പോ​ലു​മോ ഒരുപക്ഷേ നിങ്ങൾക്ക​റി​യാ​മാ​യി​രി​ക്കും. അങ്ങനെ​യു​ളള ഒരാ​ളെ​പ്പ​ററി നിങ്ങ​ളെന്തു വിചാ​രി​ക്കു​ന്നു? ഒരു ദിവസം അയാൾ വന്നു, “എനിക്കു ഖേദമുണ്ട്‌; എനിക്കു തെററു​പ​ററി എന്നു ഞാൻ മനസ്സി​ലാ​ക്കു​ന്നു” എന്നു പറഞ്ഞാൽ നിങ്ങൾക്ക്‌ അയാ​ളെ​പ്പ​റ​റി​യു​ളള അഭി​പ്രാ​യം മെച്ച​പ്പെ​ടു​മോ ഒന്നും​കൂ​ടി മോശ​മാ​വു​മോ?

² യഥാർത്ഥ​ത്തിൽ നാം എല്ലാവ​രും തെററു വരുത്തു​ന്നു, അല്ലേ? നമ്മിലാ​രും​തന്നെ പൂർണ്ണ​രോ കുററ​മ​റ​റ​വ​രോ അല്ല. ബൈബിൾ അതു നമ്മോടു പറയുന്നു. നമ്മുടെ ആദ്യ പിതാ​വായ ആദാമി​ന്റെ അനുസ​ര​ണ​ക്കേ​ടു​മൂ​ലം എല്ലാ മനുഷ്യ​രും അവകാ​ശ​പ്പെ​ടു​ത്ത​പ്പെട്ട അപൂർണ്ണ​ത​യോ​ടു​കൂ​ടി, പാപ​ത്തോ​ടു​കൂ​ടി ജനിക്കു​ന്നു എന്ന്‌ അതു പ്രകട​മാ​ക്കു​ന്നു. “ഏക മനുഷ്യ​നാൽ [ആദം] പാപവും പാപത്താൽ മരണവും ലോക​ത്തിൽ കടന്നു; ഇങ്ങനെ എല്ലാവ​രും പാപം ചെയ്‌ക​യാൽ മരണം സകല മനുഷ്യ​രി​ലും പരന്നി​രി​ക്കു​ന്നു” എന്ന്‌ ബൈബിൾ വിശദീ​ക​രി​ക്കു​ന്നു.—റോമർ 5:12

³ ചില തെററു​കൾ ‘അറിവി​ല്ലായ്‌മ’യിൽ നിന്ന്‌ വരുന്നു. എന്നാൽ എല്ലാം അങ്ങനെയല്ല. അനേകം തെററു​കൾ അശ്രദ്ധ​യിൽ നിന്നാണ്‌ വരുന്നത്‌. ഉദാഹ​ര​ണ​ത്തിന്‌ ഒരു വിമാ​ന​യാ​ത്ര​ക്കാ​രൻ വിമാ​ന​ത്തി​ലെ വിചാ​രി​പ്പു​കാ​രി ലൈഫ്‌ ജാക്കറ​റി​ന്റെ​യോ ഓക്‌സി​ജൻ സപ്‌​ളൈ​യു​ടെ​യോ ഉപയോ​ഗത്തെ സംബന്ധിച്ച്‌ വിവരി​ക്കു​മ്പോൾ ശ്രദ്ധ കൊടു​ക്കാ​തി​രു​ന്നേ​ക്കാം. അതിന്റെ ഫലമായി ഒരു അടിയ​ന്തിര ഘട്ടത്തിൽ ഈ കരുത​ലു​കൾ ഉപയോ​ഗി​ക്കു​ന്ന​തിൽ ആ യാത്ര​ക്കാ​രൻ പരാജ​യ​പ്പെ​ടു​ക​യും ജീവൻ നഷ്ടമാ​വു​ക​യും ചെയ്യു​ന്നു​വെ​ങ്കിൽ അത്‌ അയാൾക്ക്‌ അറിവി​ല്ലാ​ത്ത​തു​കൊണ്ട്‌ മാത്ര​മാ​യി​രു​ന്നില്ല. അറിയാൻ അയാൾ കൂട്ടാ​ക്കാ​ഞ്ഞ​തു​കൊ​ണ്ടാ​യി​രു​ന്നു.

⁴ അതു​കൊണ്ട്‌ എല്ലാ തെററു​ക​ളും പിശകു​ക​ളാ​ണെന്ന്‌ പറഞ്ഞു​കൂ​ടാ.  പലപ്പോ​ഴും മനഃപൂർവ്വ​മായ അറിവി​ല്ലാ​യ്‌മ​യാണ്‌ കാരണം. അതിലും മോശ​മാ​യി ഒരുവൻ ചില​പ്പോൾ ഒന്നല്ലെ​ങ്കിൽ മറെറാ​രു കാരണ​ത്തിന്‌ തന്നെത്തന്നെ ന്യായീ​ക​രി​ച്ചു​കൊണ്ട്‌ തെററാ​ണെന്ന്‌ തനിക്ക്‌ അറിവു​ള​ളത്‌ ചെയ്‌തേ​ക്കാം.

5, 6. (എ) യുവാ​ക്കൾക്കും പ്രായ​മാ​യ​വർക്കും തിരുത്തൽ പ്രയോ​ജ​ന​പ്ര​ദ​മാ​യി​രി​ക്കു​ന്ന​തെ​ന്തു​കൊണ്ട്‌? (ബി) ശിക്ഷണ​ത്തി​ന്റെ ലക്ഷ്യ​മെ​ന്താണ്‌? (സദൃശ​വാ​ക്യ​ങ്ങൾ 1:1-4)

⁵ ഇതെല്ലാം തിരുത്തൽ ഉൾപ്പെ​ടുന്ന ശിക്ഷണ​ത്തി​ന്റെ ആവശ്യം പ്രകട​മാ​ക്കു​ന്നു. നാം യുവാ​ക്ക​ളോ വൃദ്ധരോ ആയിരു​ന്നാ​ലും നമു​ക്കെ​ല്ലാം തിരു​ത്ത​ലു​കൾ ആവശ്യ​മാണ്‌. വാസ്‌ത​വ​ത്തിൽ, ശിക്ഷണം അല്ലെങ്കിൽ തിരുത്തൽ ഇല്ലായി​രു​ന്നെ​ങ്കിൽ മനുഷ്യ​ജീ​വി​ത​ത്തി​ന്റെ ഒരു രംഗത്തും പുരോ​ഗതി ഉണ്ടാകു​മാ​യി​രു​ന്നില്ല. അറിവി​ലോ പ്രാപ്‌തി​യി​ലോ ഒരു പുരോ​ഗ​തി​യും നേടാതെ മനുഷ്യർ ഒരേ തെററായ ആശയങ്ങൾ വിശ്വ​സി​ച്ചു​കൊണ്ട്‌ ഒരേ തെററു​കൾ ആവർത്തി​ക്കു​ന്ന​തിൽ തുടരു​മാ​യി​രു​ന്നു.

⁶ എന്നാൽ ശിക്ഷണം വെറും തിരു​ത്ത​ലി​നേ​ക്കാൾ കൂടുതൽ അർത്ഥമാ​ക്കു​ന്നു എന്നു നിങ്ങൾക്ക​റി​യാ​മാ​യി​രു​ന്നോ? അതു രൂപ​പ്പെ​ടു​ത്തു​ന്ന​തും ശക്തി​പ്പെ​ടു​ത്തു​ന്ന​തും മെച്ച​പ്പെ​ടു​ത്തു​ന്ന​തു​മായ പരിശീ​ല​ന​വു​മാ​കാം. ഉചിത​മാ​യും ശിക്ഷണം നൽക​പ്പെ​ടു​ന്നത്‌ തിരു​ത്തു​ന്ന​തി​നും ഭാവി മെച്ച​പ്പെ​ടു​ത്തു​ന്ന​തി​നും വേണ്ടി​യാണ്‌.

സ്വീക​രി​ക്കാൻ പ്രയാ​സ​മാ​യി​രി​ക്കു​ന്ന​തെ​ന്തു​കൊണ്ട്‌

7-9. (എ) ശിക്ഷണം സ്വീക​രി​ക്കു​ന്നത്‌ പലപ്പോ​ഴും പ്രയാ​സ​മാ​യി​രി​ക്കു​ന്ന​തെ​ന്തു​കൊണ്ട്‌? (ബി) ഇതിനെ എങ്ങനെ കീഴ്‌പ്പെ​ടു​ത്താൻ കഴിയും?

⁷ എന്നാൽ ശിക്ഷണം ഇത്ര പ്രയോ​ജ​ന​ക​ര​മാ​ണെ​ങ്കിൽ മിക്കവർക്കും അതു സ്വീക​രി​ക്കു​ന്നത്‌ വളരെ പ്രയാ​സ​മാ​യി​രി​ക്കു​ന്ന​തെ​ന്തു​കൊണ്ട്‌? ആദ്യം​തന്നെ നമുക്ക്‌ ശിക്ഷണം ആവശ്യ​മാ​ക്കി​ത്തീർക്കുന്ന അതേ കാരണം തന്നെയാണ്‌ ഇതിനു​മു​ള​ളത്‌; അതായത്‌ നമ്മുടെ അപൂർണ്ണത. ശിക്ഷണം നമ്മെ ലജ്ജിപ്പി​ക്കുക എളുപ്പ​മാണ്‌. അതു നമ്മുടെ അഭിമാ​ന​ബോ​ധത്തെ ക്ഷതപ്പെ​ടു​ത്തി​യേ​ക്കാം. എന്നാൽ അപ്പോ​സ്‌ത​ല​നായ പൗലോസ്‌ വിശദീ​ക​രി​ച്ചു തന്നപ്ര​കാ​രം ചിത്ര​ത്തി​ന്റെ മറുവ​ശം​കൂ​ടി ശ്രദ്ധി​ക്കുക: “ഏതു ശിക്ഷയും തൽക്കാലം സന്തോ​ഷ​ക​രമല്ല, ദുഃഖ​ക​ര​മ​ത്രെ എന്നു തോന്നും; എന്നാൽ പിന്നീട്‌ അതിനാൽ അഭ്യാസം വന്നവർക്കു നീതി എന്ന സമാധാ​ന​ഫലം വിളയി​ക്കു​ന്നു.”—എബ്രായർ 12:11.

⁸ എളിമ ശിക്ഷണ​ത്തിൽനിന്ന്‌ ഉണ്ടാകുന്ന ഹൃദയ​വേദന ഒട്ടുമു​ക്കാ​ലും​തന്നെ നീക്കം ചെയ്യുന്നു. എന്നാൽ അനവധി​യാ​ളു​ക​ളു​ടെ​യും നിഗള​വും മർക്കട​മു​ഷ്ടി​യും അവർ ശിക്ഷണ​ത്തോട്‌ എതിർത്തു​നിൽക്കാൻ ഇടയാ​ക്കു​ന്നു. എന്നാൽ ശിക്ഷണ​മോ ശാസന​യോ  അർഹി​ക്കു​ന്നവൻ നിർബ​ന്ധ​ബു​ദ്ധി​യോ​ടെ അതിനെ ചെറുത്തു നിൽക്കു​മ്പോൾ അവൻ തന്നെത്തന്നെ മററു​ള​ള​വ​രു​ടെ ദൃഷ്ടി​യിൽ വിഡ്‌ഢി​യാ​ക്കു​ന്നു. ദൈവ​വ​ചനം പറയുന്നു: “ഭോഷൻമാ​രോ ജ്ഞാനവും ശിക്ഷണ​വും നിരസി​ക്കു​ന്നു.”—സദൃശ​വാ​ക്യ​ങ്ങൾ 1:7.

⁹ അതിനു വിപരീ​ത​മാ​യി നാം വായി​ക്കു​ന്നു: “ജ്ഞാനിയെ ശാസിക്ക; അവൻ നിന്നെ സ്‌നേ​ഹി​ക്കും.” എന്തു​കൊണ്ട്‌? തിരു​ത്ത​ലി​ലൂ​ടെ “തന്റെ ജ്ഞാനം വർദ്ധി​ക്കും” എന്നവന​റി​യാം.—സദൃശ​വാ​ക്യ​ങ്ങൾ 9:8, 9.

നിങ്ങൾ എങ്ങനെ പ്രതി​വർത്തി​ക്കും?

10-12. (എ) സദൃശ​വാ​ക്യ​ങ്ങൾ 19:20 കാണി​ച്ചി​രി​ക്കുന്ന പ്രകാരം ശിക്ഷണ​ത്തിന്‌ എപ്രകാ​ര​മാണ്‌ നമ്മുടെ ജീവി​തത്തെ ബാധി​ക്കാൻ കഴിയു​ന്നത്‌? (ബി) എന്തിനാണ്‌ ദൈവം നമുക്കു ശിക്ഷണം നൽകു​ന്നത്‌? (എബ്രായർ 12:5, 6) (സി) നമുക്കു ശിക്ഷണം നൽകാൻ അധികാ​ര​പ്പെ​ടു​ത്ത​പ്പെ​ട്ടി​രി​ക്കു​ന്നവർ ആരാണ്‌?

¹⁰ നിങ്ങളു​ടെ ജീവി​തം​കൊണ്ട്‌ നിങ്ങൾ എന്തു ചെയ്യാ​നാ​ഗ്ര​ഹി​ക്കു​ന്നു എന്നതാണ്‌ പ്രധാന പ്രശ്‌നം. വെറുതെ ഒഴുക്കി​നൊ​ത്തു നീങ്ങാ​നോ അതോ വിലപ്പെട്ട ഒരു ഭാവി​ക്കു​വേണ്ടി പണി​യെ​ടു​ക്കാ​നോ നിങ്ങൾ ആഗ്രഹി​ക്കു​ന്നത്‌? ഇക്കാര്യ​ത്തെ നിങ്ങൾ എങ്ങനെ വീക്ഷി​ക്കു​ന്നു? ദൈവ​വ​ച​ന​ത്തി​ലെ ഈ ഉപദേ​ശ​ത്തോട്‌ നിങ്ങൾ യോജി​ക്കു​ന്നു​വോ? “ഭാവി​യിൽ നീ ജ്ഞാനി​യാ​കേ​ണ്ട​തിന്‌ ആലോചന കേട്ട്‌ ശിക്ഷണം കൈ​ക്കൊൾക.”—സദൃശ​വാ​ക്യ​ങ്ങൾ 19:20.

¹¹ നിങ്ങളു​ടെ വീക്ഷണം എന്തുത​ന്നെ​യാ​യി​രു​ന്നാ​ലും ജീവി​ത​ത്തി​ലെ​പ്പോ​ഴെ​ങ്കി​ലും നിങ്ങൾക്ക്‌ ശിക്ഷണം ലഭിക്കാ​തി​രി​ക്കില്ല. അത്‌ ദൈവ​ത്തി​ന്റെ ക്രമീ​ക​ര​ണ​മാ​ണെന്ന്‌ നിങ്ങൾ മനസ്സിൽ പിടി​ച്ചു​കൊ​ള​ളു​ന്നു​വെ​ങ്കിൽ അത്‌ ഉല്ലാസ​പ്ര​ദ​വും സ്വീക​രി​ക്കാൻ കൂടുതൽ എളുപ്പ​വു​മാ​ണെന്ന്‌ നിങ്ങൾ കണ്ടെത്തും. നമ്മേ സ്‌നേ​ഹി​ക്കു​ന്ന​തി​നാ​ലും മെച്ച​പ്പെ​ടാൻ നമ്മേ സഹായി​ക്കാൻ ആഗ്രഹി​ക്കു​ന്ന​തി​നാ​ലു​മാണ്‌ ദൈവം ശിക്ഷണം നൽകു​ന്നത്‌. അതു​കൊണ്ട്‌ ശാസനയെ വെറു​ക്കു​ന്നവൻ ഫലത്തിൽ ‘ദൈവ​വ​ച​നത്തെ പുറകിൽ എറിഞ്ഞു കളയുന്നു,’ എന്ന്‌ ബൈബിൾ പറയുന്നു.—സങ്കീർത്തനം 50:17.

¹² ഉചിത​മാ​യും ശിക്ഷണം ലഭിക്കു​ന്നത്‌ അധികാ​ര​പ്പെ​ടു​ത്ത​പ്പെട്ട ഒരു ഉറവിൽനി​ന്നാണ്‌. യുവജ​ന​ങ്ങൾക്ക്‌ ശിക്ഷണം കൊടു​ക്കാൻ ഏററവും ഉചിത​മായ സ്ഥാനത്താ​യി​രി​ക്കു​ന്നത്‌ ആരാ​ണെ​ന്നാണ്‌ നിങ്ങൾ വിശ്വ​സി​ക്കു​ന്നത്‌? തങ്ങളുടെ കുട്ടി​ക​ളു​ടെ ജീവന്‌ ഉത്തരവാ​ദി​ക​ളാ​യി​രി​ക്കു​ന്ന​തി​നാൽ മാതാ​പി​താ​ക്കൾക്കാണ്‌ ദൈവം ആ ജോലി നിയോ​ഗി​ച്ചു കൊടു​ത്തി​രി​ക്കു​ന്നത്‌. ക്രിസ്‌തീയ സഭയ്‌ക്കു​ള​ളിൽതന്നെ ദൈവം “പത്ഥ്യോ​പ​ദേ​ശ​ത്താൽ പ്രബോ​ധി​പ്പി​ക്കാ​നും എതിർ പറയു​ന്ന​വരെ ശാസി​ക്കാ​നും  പ്രാപ്‌ത​രായ” ആത്മീയ “മൂപ്പൻമാ​രെ” നൽകി​യി​രി​ക്കു​ന്നു.—തീത്തോസ്‌ 1:5-9.

13-17. നമ്മൾ ശിക്ഷണ​ത്തോ​ടെ​തിർക്കാൻ ചായ്‌വു​ള​ള​വ​രാ​ണെ​ങ്കിൽ നമ്മുടെ വീക്ഷണ​ത്തിന്‌ മാററം വരുത്താൻ സഹായി​ക്കുന്ന എന്തു ചിന്തകൾ നമുക്കു മനസ്സി​ലേക്കു വരുത്താം? (സദൃശ​വാ​ക്യ​ങ്ങൾ 4:1, 2; 13:24; 15:32)

¹³ നിങ്ങളു​ടെ മാതാ​പി​താ​ക്ക​ളിൽ നിന്നുളള ശിക്ഷണ​ത്തോട്‌ നിങ്ങൾ എങ്ങനെ പ്രതി​വർത്തി​ക്കു​ന്നു? ഒരു കാലഘ​ട്ട​ത്തേ​യ്‌ക്കെ​ങ്കി​ലും നിരവധി യുവജ​നങ്ങൾ അതു ഒരു ദ്രോ​ഹ​മാ​യി കരുതു​ന്നു, ചിലർ വീടു​പേ​ക്ഷി​ച്ചു പോകാൻ പോലും അതിട​യാ​ക്കു​ന്നു. ആരെങ്കി​ലും ഉപദേ​ശ​മോ ശാസന​യോ നൽകു​മ്പോൾ നിങ്ങൾക്ക്‌ പ്രയാസം തോന്നു​ന്നു​വെ​ങ്കിൽ ഒരു നിമിഷം നിന്ന്‌ നിങ്ങ​ളോ​ടു​തന്നെ ചോദി​ക്കുക: അവർ അതിനു​വേണ്ടി സമയവും ശ്രമവും ചെലവ​ഴി​ച്ച​തെ​ന്തി​നാണ്‌? നിങ്ങൾക്ക​റി​യാ​വു​ന്ന​തു​പോ​ലെ, എപ്പോ​ഴു​മ​ല്ലെ​ങ്കി​ലും മിക്ക​പ്പോ​ഴും​തന്നെ ശാസന കൊടു​ക്കു​ന്നത്‌ അതു കൊടു​ക്കു​ന്ന​വർക്ക്‌ ഒട്ടും​തന്നെ സന്തോ​ഷ​ക​രമല്ല. അവർ നിങ്ങൾക്കു​വേണ്ടി ആ ശ്രമം ചെയ്യാൻ മാത്രം നിങ്ങ​ളോ​ടു പരിഗ​ണ​ന​യു​ള​ള​വ​രാ​യ​തു​കൊ​ണ്ടാണ്‌ അവരങ്ങനെ ചെയ്യു​ന്നത്‌. അതു​കൊ​ണ്ടു​തന്നെ അവർ പറയു​ന്ന​തി​നെ​പ്പ​ററി നിങ്ങൾ ഗൗരവ​മാ​യി ചിന്തി​ക്കേ​ണ്ട​താണ്‌.

 ¹⁴ വാസ്‌ത​വ​മാ​യും നമ്മുടെ തെററു​കൾ അംഗീ​ക​രി​ക്കു​ന്ന​തിന്‌ ധൈര്യം ആവശ്യ​മാണ്‌. ശിക്ഷണം സ്വീക​രി​ക്കു​ന്ന​തിന്‌ എളിമ​യും ആവശ്യ​മാണ്‌, പ്രത്യേ​കി​ച്ചും അത്‌ അർഹി​ക്കാ​ത്ത​താണ്‌ എന്ന്‌ നിങ്ങൾ വിചാ​രി​ക്കു​മ്പോൾ. എന്നാൽ ശിക്ഷണ​ത്തോ​ടെ​തിർക്കാ​തെ ശാന്തമാ​യി അതു സ്വീക​രി​ക്കു​ന്നു​വെ​ങ്കിൽ നിങ്ങൾ ആ സാഹച​ര്യം ആയാസ​ര​ഹി​ത​മാ​ക്കു​ക​യും ശിക്ഷണ​ത്തിൽനിന്ന്‌ പ്രയോ​ജനം അനുഭ​വി​ക്കു​ക​യും ചെയ്യും.

¹⁵ നിങ്ങൾക്കു ശിക്ഷണം നൽകു​ന്നവർ ജീവി​ത​പാ​ത​യിൽ നിങ്ങൾ മുടന്തി നടക്കാൻ തക്കവണ്ണം നിങ്ങൾക്കു “കൂച്ചു​വി​ലങ്ങി”ടാൻ ശ്രമി​ക്ക​യാ​യി​രി​ക്കില്ല എന്നും കൂടി ഓർമ്മി​ക്കുക. മറിച്ച്‌, അവർ നിങ്ങൾ പുരോ​ഗതി നേടാൻ നിങ്ങളെ സഹായി​ക്കാൻ ശ്രമി​ക്കു​ക​യാ​യി​രി​ക്കും. ജ്ഞാനപൂർവ്വ​ക​മായ ശിക്ഷണം ഉപദ്ര​വ​ക​ര​ങ്ങ​ളായ അപകട​ങ്ങ​ളിൽ നിന്ന്‌ നിങ്ങളെ സംരക്ഷി​ക്കും. നിങ്ങളു​ടെ പാതയെ പ്രയാ​സ​ക​ര​മാ​ക്കുന്ന പ്രശ്‌ന​ങ്ങ​ളു​മാ​യി നിങ്ങളെ ബന്ധിച്ചു നിർത്തുന്ന കാര്യ​ങ്ങ​ളിൽ നിന്ന്‌ നിങ്ങളെ അതു സ്വത​ന്ത്ര​രാ​ക്കും. നിങ്ങൾ തിരുത്തൽ സ്വീക​രി​ക്കു​ന്നു​വെ​ങ്കിൽ നിങ്ങൾക്ക്‌ ബൈബി​ളി​ലെ ഈ വാഗ്‌ദത്തം ഉണ്ട്‌: “നീ നടക്കു​മ്പോൾ നിന്റെ കാലടിക്ക്‌ ഇടുക്കം വരിക​യില്ല; ഓടു​മ്പോൾ നീ ഇടറു​ക​യില്ല. ശിക്ഷണം മുറുകെ പിടിക്ക; വിട്ടു​ക​ള​യ​രുത്‌. അതിനെ കാത്തു​കൊൾക; അതു നിന്റെ ജീവന​ല്ലോ.”—സദൃശ​വാ​ക്യ​ങ്ങൾ 4:10-13.

¹⁶ തീർച്ച​യാ​യും, മററു​ള​ളവർ നിങ്ങളെ തിരു​ത്താൻ വേണ്ടി നിങ്ങൾ കാത്തി​രി​ക്കേ​ണ്ട​തില്ല. നിങ്ങൾക്ക്‌ സ്വയശി​ക്ഷണം ശീലി​ക്കാ​വു​ന്ന​താണ്‌. ശ്രദ്ധയു​ള​ള​വ​രാ​യി​രി​ക്കു​ന്ന​തി​നാൽ നിങ്ങൾക്കു നിങ്ങളു​ടെ അനേകം തെററു​കൾ തിരി​ച്ച​റി​യു​ന്ന​തി​നും തിരു​ത്താ​നാ​വ​ശ്യ​മായ നടപടി എടുക്കു​ന്ന​തി​നും കഴിയും.

¹⁷ ശിക്ഷണം സ്വീക​രി​ക്കാൻ തയ്യാറാ​കു​ന്ന​തിൽ നിന്ന്‌ അനേകം പ്രയോ​ജ​നങ്ങൾ ലഭിക്കു​ന്നു. സ്വന്തം തെററു​കൾ ഒളിക്കാൻ ശ്രമി​ക്കാ​തെ സമ്മതി​ക്കു​ന്ന​തിൽ നിന്ന്‌ നിങ്ങൾക്ക്‌ ഉളളിൽ ഒരാശ്വാ​സം​തോ​ന്നു​ന്നു. അതു ശരിയാ​യ​തി​ന​നു​കൂ​ല​മാ​യി നിങ്ങളു​ടെ ഹൃദയ​ത്തെ​യും മനസ്സി​നെ​യും ശക്തി​പ്പെ​ടു​ത്തു​ന്നു. മററു​ള​ള​വ​രു​മാ​യി നല്ല ബന്ധം ഉണ്ടായി​രി​ക്കാൻ അതു സഹായി​ക്കു​ന്നു. ഇന്നുളള അനേക​രിൽ നിന്നും ഉൻമേ​ഷ​ദാ​യ​ക​മാം​വണ്ണം വ്യത്യ​സ്‌ത​രാ​യി സത്യസ​ന്ധ​ത​യും വിനയ​വും സമനി​ല​യും ഉളളവ​രാ​യി അവർ നിങ്ങളെ അംഗീ​ക​രി​ക്കു​ന്നു. എല്ലാറ​റി​ലു​മു​പ​രി​യാ​യി യഹോ​വ​യു​മാ​യി ഒരു നല്ലബന്ധ​ത്തിൽ വരുന്ന​തി​നും അതിൽ നിലനിൽക്കു​ന്ന​തി​നും ശിക്ഷണം ആവശ്യ​മാണ്‌. അതിന്‌ നിലനിൽക്കു​ന്ന​തും സന്തുഷ്ട​വു​മായ ഒരു ഭാവി​യെ​ക്കു​റിച്ച്‌ നിങ്ങൾക്ക്‌ ഉറപ്പു​ത​രാ​നും കഴിയു​ന്നു. അതെ, “ശിക്ഷണ​ത്തി​ന്റെ ശാസനകൾ ജീവന്റെ മാർഗ്ഗ​മാ​കു​ന്നു.”—സദൃശ​വാ​ക്യ​ങ്ങൾ 6:23.

[അധ്യയന ചോദ്യ​ങ്ങൾ]

[95-ാം പേജിലെ ചിത്രം]

ഒരു തിരുത്തൽ നല്‌ക​പ്പെ​ടു​മ്പോൾ നിങ്ങൾ എങ്ങനെ പ്രതി​വർത്തി​ക്കു​ന്നു