പെസഹ കഴിഞ്ഞിട്ട്‌ കുറച്ച്‌ നാളായി. യേശു​വും ശിഷ്യ​ന്മാ​രും ഇപ്പോൾ ഗലീല​യി​ലേക്കു മടങ്ങു​ക​യാണ്‌. ശമര്യ​യി​ലൂ​ടെ​യാണ്‌ അവരുടെ യാത്ര. പോകുന്ന വഴി സുഖാർ പട്ടണത്തിന്‌ അടുത്തു​വെച്ച്‌ യാക്കോ​ബി​ന്റെ കിണറിന്‌ അരികെ യേശു ഒന്നു വിശ്ര​മി​ക്കാൻ ഇരുന്നു. ശിഷ്യ​ന്മാർ ഭക്ഷണം മേടി​ക്കാൻ നഗരത്തി​ലേ​ക്കും പോയി.

ഒരു സ്‌ത്രീ കിണറ്റിൽനിന്ന്‌ വെള്ളം കോരാൻ വന്നു. യേശു ആ സ്‌ത്രീ​യോട്‌, ‘കുടി​ക്കാൻ കുറച്ച്‌ വെള്ളം തരാമോ’ എന്നു ചോദി​ച്ചു. സ്‌ത്രീ പറഞ്ഞു: ‘ഞാൻ ഒരു ശമര്യ​ക്കാ​രി അല്ലേ? എന്നിട്ടും താങ്കൾ എന്നോടു സംസാ​രി​ക്കു​ന്നോ? ജൂതന്മാർ ശമര്യ​ക്കാ​രോ​ടു സംസാ​രി​ക്കാ​റി​ല്ല​ല്ലോ.’ യേശു പറഞ്ഞു: ‘ഞാൻ ആരാ​ണെന്ന്‌ അറിയാ​മാ​യി​രു​ന്നെ​ങ്കിൽ നീ എന്നോടു കുടി​ക്കാൻ ചോദി​ക്കു​ക​യും ഞാൻ നിനക്കു ജീവജലം തരുക​യും ചെയ്‌തേനേ.’ ‘അങ്ങ്‌ എന്താണ്‌ പറയു​ന്നത്‌? അങ്ങയുടെ കൈയിൽ വെള്ളം കോരാൻ ഒരു തൊട്ടി​പോ​ലും ഇല്ലല്ലോ’ എന്നു സ്‌ത്രീ പറഞ്ഞു. അപ്പോൾ യേശു, ‘ഞാൻ കൊടു​ക്കുന്ന വെള്ളം കുടി​ക്കു​ന്ന​വർക്ക്‌ പിന്നെ ഒരിക്ക​ലും ദാഹി​ക്കില്ല’ എന്നു പറഞ്ഞു. മറുപ​ടി​യാ​യി സ്‌ത്രീ, ‘യജമാ​നനേ, എനിക്ക്‌ ആ വെള്ളം വേണം’ എന്നു പറഞ്ഞു.

തുടർന്ന്‌ യേശു സ്‌ത്രീ​യോ​ടു പറഞ്ഞു: ‘നിന്റെ ഭർത്താ​വി​നെ ഇങ്ങോട്ടു വിളി​ച്ചു​കൊ​ണ്ടു​വരൂ.’ ‘എനിക്കു ഭർത്താ​വില്ല’ എന്നു സ്‌ത്രീ പറഞ്ഞു. യേശു പറഞ്ഞു: ‘നീ പറഞ്ഞതു ശരിയാണ്‌. നീ അഞ്ചു പ്രാവ​ശ്യം കല്യാണം കഴിച്ചു. പക്ഷേ ഇപ്പോൾ കൂടെ താമസി​ക്കു​ന്നതു ഭർത്താവല്ല.’ സ്‌ത്രീ പറഞ്ഞു: ‘അങ്ങ്‌ ഒരു പ്രവാ​ച​ക​നാ​ണല്ലേ? ഞങ്ങളുടെ ആളുകൾ വിശ്വ​സി​ക്കു​ന്നത്‌ ഈ മലയിൽ ദൈവത്തെ ആരാധി​ക്കാ​മെ​ന്നാണ്‌. പക്ഷേ ജൂതന്മാർ പറയു​ന്നത്‌ ആരാധ​നയ്‌ക്കുള്ള സ്ഥലം യരുശ​ലേം മാത്ര​മാ​ണെ​ന്നാണ്‌. മിശിഹ വരു​മ്പോൾ ആരാധി​ക്കേ​ണ്ടത്‌ എങ്ങനെ​യാ​ണെന്നു പഠിപ്പി​ച്ചു​ത​രും എന്ന്‌ എനിക്ക്‌ അറിയാം.’ അപ്പോൾ മറ്റാ​രോ​ടും പറയാത്ത ഒരു കാര്യം യേശു ആ സ്‌ത്രീ​യോ​ടു പറഞ്ഞു: ‘ഞാനാണു മിശിഹ!’

 സ്‌ത്രീ പെട്ടെന്ന്‌ നഗരത്തി​ലേക്കു ചെന്ന്‌ ശമര്യ​ക്കാ​രോ​ടു പറഞ്ഞു: ‘ഞാൻ ഒരാളെ കണ്ടു. മിശിഹ ആണെന്നാ​ണു തോന്നു​ന്നത്‌. അദ്ദേഹ​ത്തിന്‌ എന്നെക്കു​റിച്ച്‌ എല്ലാം അറിയാം. നിങ്ങൾതന്നെ വന്ന്‌ കാണൂ.’ അവർ ആ സ്‌ത്രീ​യു​ടെ​കൂ​ടെ കിണറി​ന്റെ അടുത്ത്‌ വന്നു. യേശു പഠിപ്പി​ക്കു​ന്നതു കേട്ടു.

തങ്ങളുടെ നഗരത്തിൽ താമസി​ക്കാൻ ശമര്യ​ക്കാർ യേശു​വി​നെ ക്ഷണിച്ചു. രണ്ടു ദിവസം യേശു അവിടെ പഠിപ്പി​ച്ചു. അനേകർ യേശു​വിൽ വിശ്വ​സി​ച്ചു. അവർ ശമര്യ​ക്കാ​രി​യോ​ടു പറഞ്ഞു: ‘ആ മനുഷ്യൻ പറഞ്ഞ​തെ​ല്ലാം കേട്ട​പ്പോൾ അദ്ദേഹം​ത​ന്നെ​യാ​ണു ശരിക്കും ലോക​ര​ക്ഷകൻ എന്നു ഞങ്ങൾക്കു ബോധ്യ​മാ​യി.’