അധ്യായം 26

ഹസ്‌ത​മൈ​ഥു​നം—അതിനു​ളള പ്രചോ​ദ​നത്തെ എനിക്ക്‌ എങ്ങനെ ചെറു​ക്കാൻ കഴിയും?

“അതു വളരെ ശക്തമായ ഒരു ആസക്തി​യാണ്‌,” 15 വർഷത്തി​ല​ധി​കം കാലം ഹസ്‌ത​മൈ​ഥു​ന​ത്തി​നെ​തി​രെ പോരാ​ടേ​ണ്ടി​വന്ന ഒരു ചെറു​പ്പ​ക്കാ​രൻ പറഞ്ഞു. “ഏതെങ്കി​ലും മയക്കു​മ​രു​ന്നി​ന്റെ​യോ ലഹരി​പാ​നീ​യ​ത്തി​ന്റെ​യോ ഉപയോ​ഗം പോ​ലെ​തന്നെ അത്‌ ഒരു ശീലമാ​യി​ത്തീ​രാൻ കഴിയും.”

എന്നാൽ അപ്പോ​സ്‌ത​ല​നായ പൗലോസ്‌ തന്റെ ആഗ്രഹ​ങ്ങളെ ഒരു കഠിന​നായ യജമാ​ന​നാ​യി​രി​ക്കാൻ അനുവ​ദി​ച്ചില്ല. നേരെ​മ​റിച്ച്‌ അവൻ ഇപ്രകാ​രം എഴുതി: “ഞാൻ എന്റെ ശരീരത്തെ [ജഡികാ​ഗ്ര​ഹ​ങ്ങളെ] ദണ്ഡിപ്പിച്ച്‌ ഒരു അടിമ​യെ​പ്പോ​ലെ കൊണ്ടു​ന​ട​ക്കു​ന്നു.” (1 കൊരി​ന്ത്യർ 9:27) അവൻ തന്നോ​ടു​തന്നെ വളരെ കർക്കശ​മാ​യി ഇടപെട്ടു! അത്തര​മൊ​രു ശ്രമം ഹസ്‌ത​മൈ​ഥു​ന​ത്തിൽനിന്ന്‌ സ്വത​ന്ത്ര​രാ​കു​ന്ന​തിന്‌ ഏതൊ​രാ​ളെ​യും പ്രാപ്‌ത​നാ​ക്കും.

“പ്രവർത്ത​ന​ത്തി​നാ​യി നിങ്ങളു​ടെ മനസ്സു​കളെ ഒരുക്കുക”

പിരി​മു​റു​ക്ക​ത്തിൽ നിന്നും ഉൽക്കണ്‌ഠ​യിൽ നിന്നു​മു​ളള ആശ്വാ​സ​ത്തി​നാണ്‌ പലരും ഹസ്‌ത​മൈ​ഥു​ന​ത്തിൽ ഏർപ്പെ​ടു​ന്നത്‌. എന്നാൽ ഹസ്‌ത​മൈ​ഥു​നം പ്രശ്‌ന​ങ്ങ​ളോട്‌ പ്രതി​ക​രി​ക്കാ​നു​ളള ഒരു ബാലി​ശ​മായ മാർഗ്ഗ​മാണ്‌. (1 കൊരി​ന്ത്യർ 13:11 താരത​മ്യം ചെയ്യുക.) “ചിന്താ​പ്രാ​പ്‌തി” പ്രകട​മാ​ക്കു​ക​യും പ്രശ്‌നത്തെ തന്നെ നേരി​ടു​ക​യും ചെയ്യു​ന്ന​താണ്‌ അതിലും നല്ലത്‌. (സദൃശ​വാ​ക്യ​ങ്ങൾ 1:4) പ്രശ്‌ന​ങ്ങ​ളും മോഹ​ഭം​ഗ​ങ്ങ​ളും വളരെ ശക്തമാ​യി​രി​ക്കു​ന്ന​താ​യി തോന്നു​മ്പോൾ “നിന്റെ എല്ലാ ആകുല​ചി​ന്ത​ക​ളും [ദൈവ​ത്തി​ന്റെ മേൽ] വച്ചു​കൊൾക.”—1 പത്രോസ്‌ 5:6, 7.

നിങ്ങൾ യാദൃ​ച്ഛി​ക​മാ​യി ലൈം​ഗി​ക​മാ​യി ഉത്തേജി​പ്പി​ക്കുന്ന എന്തെങ്കി​ലും കാണു​ക​യോ കേൾക്കു​ക​യോ ചെയ്യുന്നു എന്ന്‌ വിചാ​രി​ക്കുക. ബൈബിൾ ഇപ്രകാ​രം ശുപാർശ ചെയ്യുന്നു: “പ്രവർത്ത​ന​ത്തി​നാ​യി നിങ്ങളു​ടെ മനസ്സു​കളെ ഒരുക്കു​വിൻ; ആത്‌മ​നി​യ​ന്ത്രണം പാലി​ക്കു​വിൻ.” (1 പത്രോസ്‌ 1:13, ന്യൂ ഇൻറർനാ​ഷണൽ വേർഷൻ) മനസ്സു​കൊണ്ട്‌ ഒരു നല്ല ശ്രമം ചെയ്‌ത്‌ അധാർമ്മിക ചിന്തയെ തളളി​ക്ക​ള​യുക. ആ ഉത്തേജനം പെട്ടെ​ന്നു​തന്നെ ശമിക്കും.

എന്നാൽ ഒരു വ്യക്തി രാത്രി​യിൽ ഒററയ്‌ക്കാ​യി​രി​ക്കു​മ്പോൾ മോശ​മായ ചിന്തകൾ തളളി​ക്ക​ള​യു​ന്നത്‌ വിശേ​ഷാൽ പ്രയാ​സ​മാണ്‌. ഒരു യുവതി ഇപ്രകാ​രം ബുദ്ധി​യു​പ​ദേ​ശി​ക്കു​ന്നു: “കിടക്ക  വിട്ട്‌ എഴു​ന്നേ​ററ്‌ ഏതെങ്കി​ലും ജോലി​യിൽ തിര​ക്കോ​ടെ ഏർപ്പെ​ടുക എന്നതാണ്‌ ഏററം നല്ല സംഗതി, അല്ലെങ്കിൽ നിങ്ങളു​ടെ മനസ്സ്‌ മററു കാര്യ​ങ്ങ​ളി​ലേക്ക്‌ തിരി​യാൻ തക്കവണ്ണം അല്‌പം എന്തെങ്കി​ലും ഭക്ഷണം കഴിക്കു​ക​യോ മറേറാ ചെയ്യുക.” അതെ, ‘ഗൗരവ​ത​ര​വും നീതി​യും നിർമ്മ​ല​വും രമ്യവും സൽക്കീർത്തി​യും ആയ കാര്യങ്ങൾ പരിചി​ന്തി​ക്കാൻ’ നിങ്ങ​ളെ​ത്തന്നെ നിർബ​ന്ധി​ക്കുക.—ഫിലി​പ്യർ 4:8.

ഉറങ്ങാൻ നിങ്ങൾക്ക്‌ ബുദ്ധി​മുട്ട്‌ അനുഭ​വ​പ്പെ​ടു​മ്പോൾ ഇപ്രകാ​രം എഴുതിയ വിശ്വ​സ്‌ത​നായ ദാവീദ്‌ രാജാ​വി​നെ അനുക​രി​ക്കാൻ ശ്രമി​ക്കുക: “എന്റെ കിടക്ക​യിൽ ഞാൻ നിന്നെ [ദൈവത്തെ] ഓർക്കു​മ്പോൾ, രാത്രി​യാ​മ​ങ്ങ​ളിൽ ഞാൻ നിന്നെ​പ്പ​ററി ധ്യാനി​ക്കു​ന്നു.” (സങ്കീർത്തനം 63:6) ദൈവ​ത്തെ​യും അവന്റെ ഗുണങ്ങ​ളെ​യും കുറിച്ച്‌ ധ്യാനി​ക്കാൻ നിങ്ങളു​ടെ മനസ്സു​കളെ നിർബ​ന്ധി​ക്കു​ന്നത്‌ ആ മാനസി​കാ​വ​സ്ഥ​യിൽനിന്ന്‌ നിങ്ങളെ മോചി​പ്പി​ക്കും. അശുദ്ധ​മായ ഈ ശീലത്തെ ദൈവം എങ്ങനെ വീക്ഷി​ക്കു​ന്നു എന്ന്‌ ചിന്തി​ച്ചു​കൊ​ണ്ടി​രി​ക്കാ​നും അതു നിങ്ങളെ സഹായി​ക്കു​ന്നു.—സങ്കീർത്തനം 97:10.

കരുതൽ നടപടി​കൾ സ്വീക​രി​ക്കു​ക

“അനർത്ഥം കണ്ടിട്ട്‌ തന്നെത്തന്നെ ഒളിപ്പി​ക്കാൻ ശ്രമി​ക്കുന്ന മനുഷ്യൻ വിവേ​ക​മു​ള​ള​വ​നാണ്‌, എന്നാൽ അനുഭ​വ​ജ്ഞാ​നം ഇല്ലാത്ത​വ​നോ നേരെ ചെന്ന്‌ ശിക്ഷ സഹി​ക്കേണ്ടി വരുന്നു” എന്ന്‌ നിശ്വ​സ്‌ത​നായ ജ്ഞാനി എഴുതി. (സദൃശ​വാ​ക്യ​ങ്ങൾ 22:3) മുൻക​രു​തൽ സ്വീക​രി​ച്ചു​കൊണ്ട്‌ നിങ്ങൾക്ക്‌ നിങ്ങ​ളെ​ത്തന്നെ ജ്ഞാനി എന്ന്‌ പ്രകട​മാ​ക്കാൻ കഴിയും. ഉദാഹ​ര​ണ​ത്തിന്‌ ചില പ്രവർത്ത​ന​ങ്ങ​ളിൽ ഏർപ്പെ​ടു​ന്ന​തോ ഇറുകിയ വസ്‌ത്രം ധരിക്കു​ന്ന​തോ ചിലതരം ഭക്ഷണം കഴിക്കു​ന്ന​തോ നിമിത്തം നിങ്ങൾ ലൈം​ഗി​ക​മാ​യി ഉത്തേജി​ത​രാ​കാൻ ഇടയാ​യി​ട്ടു​ണ്ടെ​ങ്കിൽ നിശ്ചയ​മാ​യും അത്തരം കാര്യങ്ങൾ ഒഴിവാ​ക്കുക. ഉദാഹ​ര​ണ​ത്തിന്‌ ലഹരി​പാ​നീ​യങ്ങൾ ഒരുവന്റെ മേലുളള വിലക്കു​കൾ ബലഹീ​ന​മാ​ക്കു​ക​യും ആത്മനി​യ​ന്ത്രണം പാലി​ക്കു​ന്നത്‌ കൂടുതൽ പ്രയാ​സ​ക​ര​മാ​ക്കു​ക​യും ചെയ്യും. അതു​പോ​ലെ ലൈം​ഗി​കോ​ത്തേജക വിഷയ​ങ്ങ​ള​ട​ങ്ങിയ ഏതു വായന​യും ററി. വി. പരിപാ​ടി​ക​ളും ചലച്ചി​ത്ര​ങ്ങ​ളും ഒരു പകർച്ച​വ്യാ​ധി എന്നപോ​ലെ ഒഴിവാ​ക്കുക. “വിലകെട്ട കാര്യങ്ങൾ കാണാതെ എന്റെ കണ്ണുകൾ കടന്നു​പോ​കാൻ ഇടയാ​ക്ക​ണമേ,” എന്ന്‌ സങ്കീർത്ത​ന​ക്കാ​രൻ പ്രാർത്ഥി​ച്ചു.—സങ്കീർത്തനം 119:37.

 നിങ്ങൾ കുഴപ്പ​ത്തിൽ ചാടാൻ വിശേ​ഷാൽ സാദ്ധ്യ​ത​യു​ളള സമയങ്ങൾക്കെ​തി​രെ​യും കരുതൽ നടപടി​കൾ സ്വീക​രി​ക്കാൻ കഴിയും. മാസത്തി​ലെ ചില സമയങ്ങ​ളിൽ തന്റെ ലൈം​ഗി​കാ​ഗ്ര​ഹങ്ങൾ കൂടുതൽ ശക്തമാ​യി​ത്തീ​രു​ന്ന​താ​യി ഒരു യുവതി കണ്ടെത്തി​യേ​ക്കാം. അല്ലെങ്കിൽ ഒരു വ്യക്തി വൈകാ​രി​ക​മാ​യി ക്ഷതമേററ നിലയി​ലോ വിഷാ​ദ​മ​ഗ്‌ന​നോ ആയിരി​ക്കാം. “കഷ്‌ട​ദി​വ​സ​ത്തിൽ നീ നിരു​ത്‌സാ​ഹി​ത​നാ​യി കാണ​പ്പെ​ട്ടി​ട്ടു​ണ്ടോ? നിന്റെ ബലം തുച്‌ഛ​മാ​യി​രി​ക്കും,” എന്ന്‌ സദൃശ​വാ​ക്യ​ങ്ങൾ 24:10 മുന്നറി​യിപ്പ്‌ നൽകുന്നു. അതു​കൊണ്ട്‌ ദീർഘ​സ​മ​യ​ത്തേ​യ്‌ക്ക്‌ ഒററയ്‌ക്കാ​യി​രി​ക്കു​ന്നത്‌ ഒഴിവാ​ക്കുക. അധാർമ്മിക ചിന്തക​ളി​ലേക്ക്‌ നിങ്ങളു​ടെ മനസ്സ്‌ വഴുതി​പ്പോ​കാൻ അധികം അവസരം നൽകാതെ വെല്ലു​വി​ളി നിറഞ്ഞ ശ്രമങ്ങ​ളിൽ അത്‌ മുഴു​കാൻ ഇടയാ​ക്കുന്ന, കെട്ടു​പണി ചെയ്യു​ന്ന​തായ പ്രവർത്ത​നങ്ങൾ ആസൂ​ത്രണം ചെയ്യുക.

ഒരു ആത്മീയ പോരാ​ട്ടം

പതി​നൊ​ന്നാ​മത്തെ വയസ്സു​മു​തൽ ഈ ശീലത്തി​നെ​തി​രെ പോരാ​ടി​യി​രുന്ന ഒരു 27 വയസ്സു​കാ​രന്‌ അവസാനം അതി​നെ​തി​രെ വിജയം വരിക്കാൻ കഴിഞ്ഞു. “അത്‌ അങ്ങോട്ട്‌ കയറി ആക്രമി​ക്കു​ന്ന​തി​ന്റെ ഒരു സംഗതി​യാ​യി​രു​ന്നു,” അയാൾ വിശദീ​ക​രി​ച്ചു. “ഒരിക്കൽ പോലും മുടക്കാ​തെ എല്ലാ ദിവസ​വും ഞാൻ ബൈബി​ളി​ന്റെ രണ്ട്‌ അദ്ധ്യാ​യ​ങ്ങ​ളെ​ങ്കി​ലും വായിച്ചു.” അയാൾ അതു മുടക്കം കൂടാതെ മൂന്നു വർഷത്തി​ല​ധി​കം ചെയ്‌തി​രി​ക്കു​ന്നു. മറെറാ​രു ക്രിസ്‌ത്യാ​നി ഇപ്രകാ​രം ഉപദേ​ശി​ക്കു​ന്നു: “കിടക്കാൻ പോകു​ന്ന​തിന്‌ മുമ്പ്‌ ആത്മീയ കാര്യ​ങ്ങ​ളോട്‌ ബന്ധപ്പെട്ട എന്തെങ്കി​ലും വായി​ക്കുക. ഒരു ദിവസ​ത്തി​ലെ അവസാ​നത്തെ ചിന്ത ആത്മീയ​മായ ഒന്നായി​രി​ക്കു​ന്നത്‌ വളരെ പ്രധാ​ന​മാണ്‌. ആ സമയത്തെ പ്രാർത്ഥ​ന​യും അത്യന്തം സഹായ​ക​മാണ്‌.”

മററു​ള​ള​വ​രെ ബൈബിൾ പഠിപ്പി​ക്കുന്ന വേല​പോ​ലെ “കർത്താ​വി​ന്റെ വേലയിൽ ധാരാളം ചെയ്യാ​നു​ണ്ടാ​യി​രി​ക്കു​ന്ന​തും” സഹായി​ക്കു​ന്നു. (1 കൊരി​ന്ത്യർ 15:58) ഹസ്‌ത​മൈ​ഥു​ന​ത്തി​നെ​തി​രെ വിജയം വരിച്ച ഒരു സ്‌ത്രീ ഇപ്രകാ​രം പ്രസ്‌താ​വി​ച്ചു: “ഈ ശീലം ഒഴിവാ​ക്കാൻ ഇപ്പോൾ എന്നെ സഹായി​ക്കുന്ന ഒരു സംഗതി ഒരു മുഴു​സമയ സുവി​ശേഷക എന്ന നിലയിൽ എന്റെ മനസ്സും ഊർജ്ജ​വു​മെ​ല്ലാം ദൈവ​വു​മാ​യി ഒരു അംഗീ​കൃത നില സമ്പാദി​ക്കാൻ മററു​ള​ള​വരെ സഹായി​ക്കു​ന്ന​തി​ലേക്ക്‌ തിരി​ഞ്ഞി​രി​ക്കു​ന്നു എന്നതാണ്‌.”

ഹൃദയം​ഗ​മ​മാ​യ പ്രാർത്ഥ​ന​യി​ലൂ​ടെ നിങ്ങൾക്ക്‌ “സാധാ​ര​ണ​യിൽ കവിഞ്ഞ ശക്തിക്കു”വേണ്ടി ദൈവ​ത്തോട്‌ യാചി​ക്കാ​നും കഴിയും. (2 കൊരി​ന്ത്യർ 4:7) “അവന്റെ [ദൈവ​ത്തി​ന്റെ] മുമ്പാകെ നിങ്ങളു​ടെ ഹൃദയം പകരുക.” (സങ്കീർത്തനം 62:8) ഒരു യുവതി പറയുന്നു: “പ്രാർത്ഥന ഉടൻ അഭയം കണ്ടെത്താ​വുന്ന ഒരു ശക്തിദുർഗ്ഗ​മാണ്‌. ആഗ്രഹം ഉണരു​മ്പോൾ പ്രാർത്ഥി​ക്കു​ന്നത്‌ തീർച്ച​യാ​യും സഹായി​ക്കു​ന്നു.” കൂടാതെ എഴു​ന്നേൽക്കു​മ്പോ​ഴും ദിവസം മുഴു​വ​നും നിങ്ങളു​ടെ തീരു​മാ​നം ദൈവത്തെ അറിയി​ച്ചു​കൊ​ണ്ടി​രി​ക്കു​ക​യും ബലപ്പെ​ടു​ത്തുന്ന അവന്റെ പരിശു​ദ്ധാ​ത്മാ​വി​നു​വേണ്ടി യാചി​ക്കു​ക​യും ചെയ്യുക.—ലൂക്കോസ്‌ 11:13.

 മററു​ള​ള​വ​രിൽ നിന്നുളള സഹായം

നിങ്ങളു​ടെ വ്യക്തി​പ​ര​മായ ശ്രമം വിജയി​ക്കു​ന്നി​ല്ലെ​ങ്കിൽ മാതാ​പി​താ​ക്ക​ളിൽ ഒരാളോ ഒരു ക്രിസ്‌തീയ മൂപ്പനോ പോലെ ആരോ​ടെ​ങ്കി​ലും സംസാ​രി​ക്കുക. പക്വത​യു​ളള ഒരു ക്രിസ്‌തീയ സ്‌ത്രീ​യിൽ വിശ്വാ​സ​മർപ്പി​ക്കു​ന്നത്‌ സഹായ​ക​മാ​ണെന്ന്‌ യുവതി​കൾ കണ്ടേക്കാം. (തീത്തോസ്‌ 2:3-5) ഏതാണ്ട്‌ നിരാ​ശ​യു​ടെ വക്കോളം എത്തിയി​രുന്ന ഒരു ചെറു​പ്പ​ക്കാ​രൻ പറഞ്ഞു: “ഞാൻ അതേപ്പ​ററി ഒരു ദിവസം വൈകിട്ട്‌ സ്വകാ​ര്യ​മാ​യി എന്റെ പിതാ​വി​നോട്‌ സംസാ​രി​ച്ചു.” അയാൾ ഇപ്രകാ​രം വെളി​പ്പെ​ടു​ത്തി: “അദ്ദേഹ​ത്തോട്‌ അതേപ്പ​ററി പറയാൻ ഞാൻ എന്റെ സർവ്വശ​ക്തി​യും സംഭരി​ക്കേണ്ടി വന്നു. സംസാ​രി​ച്ച​പ്പോൾ ഞാൻ കരഞ്ഞു. എനിക്ക്‌ അത്ര ലജ്ജയാ​യി​രു​ന്നു. എന്നാൽ അദ്ദേഹം പറഞ്ഞത്‌ ഞാൻ ഒരിക്ക​ലും മറക്കു​ക​യില്ല. എനിക്ക്‌ ആത്മ​ധൈ​ര്യം പകർന്ന ഒരു പുഞ്ചി​രി​യോ​ടെ അദ്ദേഹം പറഞ്ഞു: ‘എനിക്ക്‌ നിന്നെ​പ്പ​ററി വളരെ അഭിമാ​നം തോന്നു​ന്നു.’ അങ്ങനെ അദ്ദേഹ​ത്തോട്‌ സംസാ​രി​ക്കാൻ ഞാൻ എത്രമാ​ത്രം ബുദ്ധി​മു​ട്ടി​യി​രി​ക്ക​ണ​മെന്ന്‌ അദ്ദേഹ​ത്തി​ന​റി​യാ​മാ​യി​രു​ന്നു. മററ്‌ വാക്കു​കൾക്കൊ​ന്നും അതി​നേ​ക്കാൾ എന്റെ ധൈര്യ​വും നിശ്ചയ​ദാർഢ്യ​വും ഉയർത്താൻ കഴിയു​മാ​യി​രു​ന്നില്ല.

“ഞാൻ ‘അങ്ങേയ​ററം മോശ​മായ ഒരു നിലയിൽ’ എത്തിയി​രു​ന്നില്ല എന്ന്‌ കാണാൻ എന്നെ സഹായി​ക്കു​ന്ന​തിന്‌ പിതാവ്‌ എനിക്ക്‌ ചില തിരു​വെ​ഴു​ത്തു​കൾ കാണി​ച്ചു​തന്നു” എന്ന്‌ ആ യുവാവ്‌ തുടർന്നു പറഞ്ഞു. “പിന്നീട്‌ എന്റെ തെററായ ഗതിയു​ടെ ഗൗരവം എനിക്ക്‌ മനസ്സി​ലാ​യി എന്ന്‌ ഉറപ്പു​വ​രു​ത്താൻ മററു ചില തിരു​വെ​ഴു​ത്തു​ക​ളും കാണിച്ചു. ഒരു പ്രത്യേക സമയം വരെ ‘സ്‌ളേ​ററ്‌ വൃത്തി​യാ​യി സൂക്ഷി​ക്കാ​നും’ അപ്പോൾ വീണ്ടും ഈ പ്രശ്‌നം ചർച്ച ചെയ്യാ​മെ​ന്നും അദ്ദേഹം പറഞ്ഞു. ഞാൻ വീണ്ടും തെററിൽ അകപ്പെ​ട്ടാ​ലും അതു എന്നെ നിരാ​ശ​നാ​ക്ക​രു​തെ​ന്നും കൂടുതൽ സമയ​ത്തേക്ക്‌ തെററിൽ അകപ്പെ​ടാ​തെ തുടരാൻ ശ്രമി​ക്ക​ണ​മെ​ന്നും അദ്ദേഹം പറഞ്ഞു.” പ്രശ്‌നം മുഴു​വ​നാ​യി പരിഹ​രി​ച്ച​ശേഷം ആ ചെറു​പ്പ​ക്കാ​രൻ ഇപ്രകാ​രം കൂട്ടി​ച്ചേർത്തു: “എന്റെ പ്രശ്‌നം അറിയാ​വുന്ന ഒരാളു​ണ്ടാ​യി​രു​ന്ന​തും എന്നെ സഹായി​ച്ച​തും ഏററം വലിയ പ്രയോ​ജനം ചെയ്‌തു.”

വീണ്ടു​മു​ളള ഒരു വീഴ്‌ചയെ നേരിടൽ

ഈ ശീലം ഒഴിവാ​ക്കാൻ കഠിന​മാ​യി ശ്രമി​ച്ച​ശേഷം ഒരു യുവാവ്‌ വീണ്ടും തെററിൽ അകപ്പെട്ടു. അയാൾ ഇപ്രകാ​രം ഏററു​പ​റഞ്ഞു: “അത്‌ എന്നെ ഞെരു​ക്കുന്ന ഒരു ഭാരം പോ​ലെ​യാ​യി​രു​ന്നു. ഞാൻ തീർത്തും വില​കെ​ട്ട​വ​നാ​ണെന്ന്‌ എനിക്കു​തോ​ന്നി. പിന്നീട്‌ ഞാൻ ഇപ്രകാ​രം ന്യായ​വാ​ദം ചെയ്‌തു: ‘എനിക്കി​നി രക്ഷയില്ല. ഇപ്പോൾ എനിക്ക്‌ യഹോ​വ​യു​ടെ പ്രീതി ലഭിക്കു​ന്നില്ല, അതു​കൊണ്ട്‌ ഞാൻ എന്തിന്‌ എന്നോ​ടു​തന്നെ കർക്കശ​നാ​യി​രി​ക്കണം?’” എന്നാൽ ഒരു വീഴ്‌ച ഒരുവൻ യുദ്ധത്തിൽ തോറ​റി​രി​ക്കു​ന്നു എന്ന്‌ അർത്ഥമാ​ക്കു​ന്നില്ല. ഒരു 19 വയസ്സു​കാ​രി ഇപ്രകാ​രം അനുസ്‌മ​രി​ക്കു​ന്നു: “ആദ്യ​മൊ​ക്കെ എല്ലാ രാത്രി​യി​ലും അതു സംഭവി​ച്ചു, എന്നാൽ പിന്നീട്‌ ഞാൻ യഹോ​വ​യിൽ കൂടുതൽ ആശ്രയി​ക്കാൻ  തുടങ്ങി. അവന്റെ ആത്മാവി​ന്റെ സഹായ​ത്താൽ ഇപ്പോൾ ഞാൻ ഒരുപക്ഷേ ഒരു വർഷം ഏതാണ്ട്‌ ഒരു ആറു​പ്രാ​വ​ശ്യം പരാജ​യ​പ്പെ​ടു​ന്നു​ണ്ടാ​യി​രി​ക്കാം. പിന്നീട്‌ എനിക്ക്‌ വല്ലാത്ത വിഷമം തോന്നു​ന്നു. എന്നാൽ പരാജ​യ​പ്പെ​ടുന്ന ഓരോ പ്രാവ​ശ്യ​വും കഴിഞ്ഞ്‌ അടുത്ത പ്രലോ​ഭനം ഉണ്ടാകു​മ്പോൾ ഞാൻ കൂടുതൽ ശക്തയാണ്‌.” അതു​കൊണ്ട്‌ സാവകാ​ശം അവൾ പോരാ​ട്ട​ത്തിൽ വിജയി​ക്കു​ക​യാണ്‌.

വീണ്ടു​മൊ​രു വീഴ്‌ച സംഭവി​ക്കു​മ്പോൾ അതി​ലേക്ക്‌ നയിച്ച​തെ​ന്താ​ണെന്ന്‌ അപഗ്ര​ഥി​ക്കുക. ഒരു യുവാവ്‌ പറയുന്നു: “ഞാൻ എന്താണ്‌ വായി​ച്ചു​കൊ​ണ്ടി​രു​ന്നത്‌ അല്ലെങ്കിൽ ചിന്തി​ച്ചു​കൊ​ണ്ടി​രു​ന്നത്‌ എന്ന്‌ ഞാൻ പുനര​വ​ലോ​കനം ചെയ്യുന്നു. ഏതാണ്ട്‌ എല്ലായ്‌പ്പോ​ഴും തന്നെ ഞാൻ വീണതി​ന്റെ കാരണം എനിക്ക്‌ കൃത്യ​മാ​യി കണ്ടുപി​ടി​ക്കാൻ കഴിയു​ന്നു. അതുവഴി അതു ചെയ്യു​ന്നത്‌ നിറു​ത്താ​നും തിരു​ത്താ​നും എനിക്ക്‌ കഴിയു​ന്നു.”

ഒരു നല്ല പോരാ​ട്ട​ത്തി​ന്റെ പ്രതി​ഫ​ല​ങ്ങൾ

ഹസ്‌ത​മൈ​ഥു​ന​ത്തി​ന്റെ ശീലത്തെ തരണം ചെയ്‌ത ഒരു യുവാവ്‌ പറഞ്ഞു: “ആ പ്രശ്‌നം പരിഹ​രി​ക്ക​പ്പെ​ട്ട​ശേഷം യഹോ​വ​യു​ടെ മുമ്പാകെ ഒരു ശുദ്ധ മനസ്സാക്ഷി നിലനിർത്താൻ എനിക്ക്‌ കഴിയു​ന്നു, അതു മറെറ​ന്തി​നെ​ങ്കി​ലും വേണ്ടി വച്ചുമാ​റാൻ ഞാൻ തയ്യാറല്ല!”

അതെ, ഒരു നല്ല മനസ്സാക്ഷി, സ്വന്തം വില​യെ​പ്പ​റ​റി​യു​ളള മെച്ചപ്പെട്ട ഒരു ബോധം, ദൈവ​വു​മാ​യി കൂടുതൽ അടുത്ത ഒരു ബന്ധം, ഇവയെ​ല്ലാം ഹസ്‌ത​മൈ​ഥു​ന​ത്തി​നെ​തി​രെ ഒരു നല്ല പോരാ​ട്ടം നടത്തു​ന്ന​തിൽ നിന്ന്‌ ലഭിക്കുന്ന പ്രയോ​ജ​ന​ങ്ങ​ളാണ്‌. ഹസ്‌ത​മൈ​ഥു​ന​ത്തി​ന്റെ ശീലത്തെ ഒടുവിൽ കീഴട​ക്കിയ ഒരു യുവതി ഇപ്രകാ​രം പറയുന്നു: “എന്നെ വിശ്വ​സി​ക്കു, ഈ ശീലത്തി​നെ​തി​രെ​യു​ളള വിജയം അതിനാ​യി നടത്തുന്ന എല്ലാ ശ്രമത്തി​നും തക്ക മൂല്യ​മു​ള​ള​താണ്‌.”

ചർച്ചക്കുളള ചോദ്യ​ങ്ങൾ

◻ കാമചി​ന്തകൾ മനസ്സിൽ വച്ചുപു​ലർത്തു​ന്നത്‌ അപകട​ക​ര​മാ​യി​രി​ക്കു​ന്ന​തെ​ന്തു​കൊണ്ട്‌? തന്റെ മനസ്സ്‌ മറെറ​ന്തി​ലേ​ക്കെ​ങ്കി​ലും തിരി​ക്കാൻ ഒരു യുവാ​വി​നോ യുവതി​ക്കോ എന്തു ചെയ്യാൻ കഴിയും?

◻ ഹസ്‌ത​മൈ​ഥു​ന​ത്തി​ലേർപ്പെ​ടാ​നു​ളള പ്രലോ​ഭനം കുറയ്‌ക്കു​ന്ന​തിന്‌ ഒരു യുവ​പ്രാ​യ​ക്കാ​രന്‌ എന്തു കരുതൽ നടപടി​കൾ സ്വീക​രി​ക്കാൻ കഴിയും?

◻ ഒരു ആത്മീയ പോരാ​ട്ടം സഹായ​ക​മാ​യി​രി​ക്കു​ന്നത്‌ എന്തു​കൊണ്ട്‌?

◻ ഈ ശീലത്തി​നെ​തി​രെ വിജയം വരിക്കു​ന്ന​തിൽ പ്രാർത്ഥ​ന​യ്‌ക്ക്‌ എന്തു പങ്കാണു​ള​ളത്‌?

◻ ഈ സംഗതി​യിൽ ഒരു പ്രശ്‌ന​മു​ണ്ടെ​ങ്കിൽ ആരോ​ടെ​ങ്കി​ലും അതേപ്പ​ററി പറയു​ന്നത്‌ സഹായ​ക​മാ​യി​രി​ക്കു​ന്ന​തെ​ന്തു​കൊണ്ട്‌?

 [208, 209 പേജു​ക​ളി​ലെ ചതുരം/ചിത്രം]

അശ്ലീലം—ശീലമാ​യി​ത്തീ​രു​ന്ന​തും അപകട​ക​ര​വും!

“അശ്ലീലം എല്ലായി​ട​ത്തു​മുണ്ട്‌—നിങ്ങൾ തെരു​വി​ലൂ​ടെ നടന്നു പോകു​മ്പോൾ അതാ അവിടെ ന്യൂസ്‌ സ്‌ററാൻഡു​ക​ളിൽ അവ പരസ്യ​മാ​യി പ്രദർശി​പ്പി​ച്ചി​രി​ക്കു​ന്നു,” 19 വയസ്സു​കാ​രൻ റോണാൾഡ്‌ അനുസ്‌മ​രി​ച്ചു. “ഞങ്ങളുടെ അദ്ധ്യാ​പ​ക​രിൽ ചിലർ അതു സ്‌കൂ​ളിൽ കൊണ്ടു വരിക​യും ഇടവേ​ള​ക​ളിൽ അവരുടെ ഡെസ്‌ക്കി​ന​ടു​ത്തി​രുന്ന്‌ വായി​ക്കു​ക​യും ചെയ്യു​മാ​യി​രു​ന്നു.” അതെ, വിവിധ പ്രായ​ത്തി​ലും പശ്ചാത്ത​ല​ങ്ങ​ളി​ലും വിദ്യാ​ഭ്യാ​സ നിലവാ​ര​ങ്ങ​ളി​ലു​മു​ളള അനേകം ആളുകൾ അശ്ലീല സാഹി​ത്യ​ത്തി​ന്റെ ആർത്തി​യു​ളള വായന​ക്കാ​രാണ്‌. മാർക്ക്‌ എന്നു പേരായ ഒരു യുവാവ്‌ പറഞ്ഞു: “ഞാൻ പെൺകു​ട്ടി​കൾക്കാ​യു​ളള മാസി​കകൾ വായി​ക്കു​ക​യും അവയിലെ ചിത്രങ്ങൾ കാണു​ക​യും ചെയ്‌ത​പ്പോൾ അതെനിക്ക്‌ വളരെ രസമാ​യി​രു​ന്നു! . . . ഞാൻ ഈ മാസി​ക​ക​ളു​ടെ പുതിയ ലക്കങ്ങൾക്കാ​യി കാത്തി​രു​ന്നു, കാരണം വായിച്ച ലക്കങ്ങൾ തന്നെ വീണ്ടും വായി​ച്ച​പ്പോൾ എനിക്ക്‌ അത്രയും രസം തോന്നി​യില്ല. അതു ഒരു ശീലമാ​യി​ത്തീ​രു​ന്നു.” എന്നാൽ അത്‌ ഒരു നല്ല ശീലമാ​ണോ?

അശ്ലീല സാഹി​ത്യ​ത്തിന്‌ ശക്തമായ ഒരു സന്ദേശ​മുണ്ട്‌. ‘ലൈം​ഗി​കത സ്വന്തം സംതൃ​പ്‌തി​ക്കു​വേണ്ടി മാത്ര​മു​ള​ള​താണ്‌.’ അതില​ധി​ക​വും ബലാൽസം​ഗ​വും ലൈം​ഗിക വൈകൃ​ത​ത്തോ​ടു ബന്ധപ്പെട്ട അക്രമ​വും നിറഞ്ഞ​താണ്‌. അതു വീക്ഷി​ക്കു​ന്നവർ “മിതമായ” രീതി​യി​ലു​ളളവ അത്രതന്നെ ഉത്തേജ​ജ​ന​ക​മ​ല്ലെന്നു കണ്ടെത്തു​ക​യും കൂടുതൽ കൂടുതൽ അശ്ലീല​മായ ചിത്ര​ങ്ങ​ളോ ചലച്ചി​ത്ര​ങ്ങ​ളോ തേടു​ക​യും ചെയ്യുന്നു! ന്യൂ​യോർക്ക്‌ യൂണി​വേ​ഴ്‌സി​റ​റി​യി​ലെ ഒരു അസിസ്‌റ​റൻറ്‌ പ്രൊ​ഫ​സ​റായ ഏണസ്‌ററ്‌ വാൻ ഡെൻ ഹാഗ്‌ പറഞ്ഞ​പ്ര​കാ​രം: “മററു​ള​ള​വരെ മാംസ​ക്ക​ഷ​ണ​ങ്ങ​ളാ​യി, സ്വന്തം സുഖാ​നു​ഭൂ​തി​ക്കു​വേണ്ടി മുത​ലെ​ടു​ക്കാ​വുന്ന വസ്‌തു​ക്ക​ളാ​യി വീക്ഷി​ക്കാൻ അശ്ലീല സാഹി​ത്യം നമ്മെ ക്ഷണിക്കു​ന്നു.”

കൂടാതെ അശ്ലീല സാഹി​ത്യം ലൈം​ഗി​ക​ത​യെ​പ്പ​ററി സത്യവി​രു​ദ്ധ​വും, ആരാധ​നാ​വി​ഗ്രഹം എന്ന നിലയി​ലു​ള​ള​തു​മായ ഒരു വീക്ഷണം അവതരി​പ്പി​ക്കു​ന്നു; അത്‌ മിക്ക​പ്പോ​ഴും വൈവാ​ഹിക പ്രശ്‌ന​ങ്ങ​ളി​ലേക്ക്‌ നയിക്കു​ന്നു. ഒരു യുവ ഭാര്യ ഇപ്രകാ​രം പറയുന്നു: “അശ്ലീല സാഹി​ത്യം വായി​ച്ചത്‌ ഞാൻ എന്റെ ഭർത്താ​വിൽ നിന്ന്‌ പുസ്‌ത​ക​ത്തിൽ ചിത്രീ​ക​രി​ച്ചി​രുന്ന മാതി​രി​യു​ളള അസാധാ​രണ കാര്യങ്ങൾ പ്രതീ​ക്ഷി​ക്കാൻ ഇടയാക്കി. ഇത്‌ മോഹ​ഭം​ഗ​ത്തി​ലേ​ക്കും ലൈം​ഗി​ക​മായ നിരാ​ശ​യി​ലേ​ക്കും എന്നെ നയിച്ചു.” 1981-ൽ നൂറു​ക​ണ​ക്കിന്‌ സ്‌ത്രീ​കൾക്കി​ട​യിൽ അവരുടെ ജീവി​ത​ത്തിൽ, അശ്ലീല സാഹി​ത്യം വായി​ച്ചി​ട്ടു​ളള പുരു​ഷൻമാ​രു​മാ​യു​ളള അവരുടെ ബന്ധത്തിൽ അശ്ലീല സാഹി​ത്യ​ത്തി​നു​ളള ഫലത്തെ​പ്പ​ററി ഒരു സർവ്വേ നടത്ത​പ്പെട്ടു. അതു ഗൗരവ​ത​ര​മായ പ്രശ്‌നങ്ങൾ ഉളവാ​ക്കി​യെന്ന്‌ അവരിൽ പകുതി​യോ​ളം ആളുകൾ റിപ്പോർട്ടു ചെയ്‌തു. അതു വാസ്‌ത​വ​ത്തിൽ ചില വിവാ​ഹ​ങ്ങളെ അല്ലെങ്കിൽ വിവാ​ഹ​ക്ക​രാ​റു​കളെ നശിപ്പി​ക്കു​ക​തന്നെ ചെയ്‌തു. ഒരു ഭാര്യ ഇപ്രകാ​രം ആവലാ​തി​പ്പെട്ടു: “അശ്ലീല സാഹി​ത്യ​ത്തി​ലൂ​ടെ​യു​ളള  [എന്റെ ഭർത്താ​വി​ന്റെ] ലൈം​ഗിക തൃപ്‌തി​ക്കു​ളള ആവശ്യ​വും ആഗ്രഹ​വും ഞാൻ മതിയാ​യ​വളല്ല എന്ന നിഗമ​ന​ത്തിൽ മാത്രമേ എന്നെ കൊ​ണ്ടെ​ത്തി​ക്കു​ന്നു​ളളു. . . . അദ്ദേഹത്തെ സംതൃ​പ്‌തി​പ്പെ​ടു​ത്താൻ കഴിയുന്ന ഒരു സ്‌ത്രീ​യാ​യി​രു​ന്നെ​ങ്കിൽ എന്ന്‌ ഞാൻ ആത്മാർത്ഥ​മാ​യി ആഗ്രഹി​ക്കു​ന്നു, എന്നാൽ അദ്ദേഹം എന്നെക്കാൾ കൂടുതൽ ആഗ്രഹി​ക്കു​ന്നത്‌ കടലാ​സ്സും പ്ലാസ്‌റ​റി​ക്കു​മാണ്‌, അദ്ദേഹ​ത്തി​ന്റെ ആഗ്രഹം എന്റെ ഒരു ഭാഗം നശിപ്പി​ച്ചി​രി​ക്കു​ന്നു. . . . അശ്ലീല സാഹി​ത്യം . . . സ്‌നേ​ഹ​ത്തിന്‌ എതിരാണ്‌ . . . അത്‌ മ്ലേച്ഛവും ക്രൂര​വും വിനാ​ശ​ക​വു​മാണ്‌.”

എന്നിരു​ന്നാ​ലും ക്രിസ്‌തീയ യുവാ​ക്കളെ ഏററം അധികം ഉൽക്കണ്‌ഠ​പ്പെ​ടു​ത്തു​ന്നത്‌ അശ്ലീല സാഹി​ത്യം ദൈവ​മു​മ്പാ​കെ ശുദ്ധി​യു​ള​ള​വ​രാ​യി​രി​ക്കാ​നു​ളള ഒരുവന്റെ ശ്രമത്തിന്‌ നേരെ എതിരാ​യി പ്രവർത്തി​ക്കു​ന്നു എന്നതാണ്‌. (2 കൊരി​ന്ത്യർ 6:17-7:1) പുരാതന കാലത്തെ ചിലയാ​ളു​കൾ അവരുടെ “ഹൃദയ​ത്തി​ന്റെ വേദക​ത്വ​മി​ല്ലായ്‌മ” നിമിത്തം “യാതൊ​രു ധാർമ്മി​ക​ബോ​ധ​വും ഇല്ലാത്ത​വ​രാ​യി”ത്തീരു​ക​യും “അത്യാ​ഗ്ര​ഹ​ത്തോ​ടെ സകലവിധ മ്ലേച്ഛത​യും പ്രവർത്തി​ക്കാൻ അയഞ്ഞ നടത്തയ്‌ക്ക്‌ തങ്ങളെ​ത്തന്നെ ഏല്‌പി​ച്ചു കൊടു​ക്കു​ക​യും” ചെയ്‌തു എന്ന്‌ ബൈബിൾ പ്രകട​മാ​ക്കു​ന്നു. (എഫേസ്യർ 4:18, 19) അത്തരം ദുഷി​പ്പിൽ ഏർപ്പെ​ടാൻ നിങ്ങൾ ആഗ്രഹി​ക്കു​ന്നു​വോ? വല്ലപ്പോ​ഴു​മൊ​ക്കെ അശ്ലീല​ത്തിൽ ഉല്ലാസം കണ്ടെത്തു​ന്ന​തി​നു​പോ​ലും ഒരുവന്റെ മനസ്സാ​ക്ഷി​യിൻമേൽ വേദക​ത്വം നഷ്ടപ്പെ​ടു​ത്തുന്ന ഒരു ഫലമു​ണ്ടാ​യി​രി​ക്കാൻ കഴിയും എന്ന്‌ ഓർമ്മി​ക്കുക. അതു ചില ക്രിസ്‌ത്യാ​നി​കളെ ഹസ്‌ത​മൈ​ഥു​ന​ത്തി​ലേ​ക്കും അതിലും മോശ​മാ​യി ലൈം​ഗിക അധാർമ്മി​ക​ത​യി​ലേ​ക്കും നയിച്ചി​രി​ക്കു​ന്നു. അപ്പോൾ അശ്ലീല സാഹി​ത്യ​ത്തിൽ നിന്ന്‌ ഒഴിഞ്ഞി​രി​ക്കാൻ കഠിന​ശ്രമം ചെയ്യുക എന്നതാണ്‌ ജ്ഞാനപൂർവ്വ​ക​മായ സംഗതി.

“പലപ്പോ​ഴും അശ്ലീല ചിത്രങ്ങൾ എന്റെ നേരെ മുമ്പിൽ വന്നു​പെ​ടു​ന്നു” എന്ന്‌ ഡാരിൽ പറയുന്നു. “അതു​കൊണ്ട്‌ ആദ്യ നോട്ട​ത്തിൽ ഞാൻ അതു കാണാതെ തരമില്ല. എന്നാൽ ഞാൻ രണ്ടാമത്‌ ഒന്നു നോ​ക്കേ​ണ്ട​തില്ല.” അതെ അതു പരസ്യ​മാ​യി പ്രദർശി​പ്പി​ക്ക​പ്പെ​ടു​ന്നി​ടത്ത്‌ നോക്കാൻ വിസമ്മ​തി​ക്കുക. കൂടാതെ സഹപാ​ഠി​കൾ അത്തരം കാര്യങ്ങൾ നിങ്ങളെ കാണി​ക്കാൻ ശ്രമി​ക്കു​മ്പോൾ അതിന്‌ വഴങ്ങാ​തി​രി​ക്കുക. പതി​നെട്ടു വയസ്സു​കാ​രി കാരൻ ഇങ്ങനെ ന്യായ​വാ​ദം ചെയ്‌തു: “ഒരു അപൂർണ്ണ വ്യക്തി​യെന്ന നിലയിൽ എനിക്ക്‌ എന്റെ മനസ്സിനെ നിർമ്മ​ല​വും സ്‌തു​ത്യ​വു​മായ കാര്യ​ങ്ങ​ളിൽ ഉറപ്പിച്ചു നിറു​ത്തു​ന്നത്‌ പ്രയാ​സ​മാണ്‌. ഞാൻ മന:പൂർവ്വം അശ്ലീല സാഹി​ത്യം വായി​ക്കു​ന്നു​വെ​ങ്കിൽ അത്‌ അതിലും പ്രയാ​സ​മാ​യി​രി​ക്കി​ല്ലേ?”

[206-ാം പേജിലെ ചിത്രം]

“പ്രാർത്ഥന ഉടനടി അഭയം നൽകുന്ന ഒരു ശക്തി ദുർഗ്ഗ​മാണ്‌. ആഗ്രഹ​മു​ണ​രു​മ്പോൾ പ്രാർത്ഥി​ക്കു​ന്നത്‌ തീർച്ച​യാ​യും സഹായി​ക്കു​ന്നു”