സങ്കീർത്തനം 128:1-6
ആരോഹണഗീതം.
128 യഹോവയെ ഭയപ്പെട്ട്‌ദൈവത്തിന്റെ വഴികളിൽ നടക്കുന്ന+ എല്ലാവരും സന്തുഷ്ടർ.+
2 സ്വന്തകൈകൊണ്ട്‌ അധ്വാനിച്ചുണ്ടാക്കിയതു നീ തിന്നും.
നിനക്കു സന്തോഷവും ഐശ്വര്യവും ഉണ്ടാകും.+
3 നിന്റെ വീട്ടിൽ ഭാര്യ ഫലസമൃദ്ധിയുള്ള മുന്തിരിവള്ളിപോലെയും+നിന്റെ മേശയ്‌ക്കു ചുറ്റും പുത്രന്മാർ ഒലിവുതൈകൾപോലെയും ആയിരിക്കും.
4 യഹോവയെ ഭയപ്പെടുന്ന മനുഷ്യൻഇതുപോലെ അനുഗ്രഹിക്കപ്പെടും.+
5 യഹോവ സീയോനിൽനിന്ന്‌ നിന്നെ അനുഗ്രഹിക്കും.
ജീവിതകാലം മുഴുവൻ നീ യരുശലേമിന്റെ അഭിവൃദ്ധിക്കു സാക്ഷിയാകും.+
6 മക്കളുടെ മക്കളെയും നീ കാണും.
ഇസ്രായേലിൽ സമാധാനം കളിയാടട്ടെ.