ഈ ചോദ്യ​ത്തി​നുള്ള ഉത്തരം അറിയു​ന്നതു ജീവി​ത​ത്തെ​ക്കു​റി​ച്ചുള്ള നിങ്ങളു​ടെ കാഴ്‌ച​പ്പാ​ടു​തന്നെ മാറ്റും.

ഇത്ര മനോ​ഹ​ര​മാ​യി ഭൂമിയെ സൃഷ്ടിച്ച ദൈവം നമുക്ക്‌ ഇത്രമാ​ത്രം ദുരി​തങ്ങൾ തരു​മെന്നു തോന്നു​ന്നു​ണ്ടോ?

ദുരിതങ്ങൾ കാണു​മ്പോൾ ദൈവ​ഭ​ക്തി​യി​ല്ലാത്ത ആളുകൾ ദൈവ​ത്തി​നു മനുഷ്യ​രെ​ക്കു​റിച്ച്‌ യാതൊ​രു ചിന്തയു​മി​ല്ലെന്ന്‌ വിചാ​രി​ക്കു​ന്നു. അവർ പറയു​ന്നത്‌, (1) ദൈവ​ത്തി​നു ദുരി​തങ്ങൾ ഇല്ലാതാ​ക്കാ​നുള്ള ശക്തിയില്ല, (2) ഇതൊ​ന്നും അവസാ​നി​പ്പി​ക്കാൻ ദൈവ​ത്തിന്‌ ആഗ്രഹ​മില്ല, (3) ദൈവം ഇല്ല എന്നൊ​ക്കെ​യാണ്‌.

ശരിക്കും ഇതൊ​ക്കെ​യാ​ണോ ദുരി​ത​ങ്ങൾക്കു പിന്നിലെ കാരണങ്ങൾ?

ദുരിതം അനുഭ​വി​ക്കാ​നല്ല ദൈവം നമ്മളെ സൃഷ്ടി​ച്ചത്‌.

നമ്മൾ ജീവിതം ആസ്വദി​ക്കാൻ ദൈവം ആഗ്രഹി​ക്കു​ന്നു.

“സ്വന്തം ജീവി​ത​കാ​ലത്ത്‌ ആനന്ദി​ക്കു​ന്ന​തി​ലും നല്ല കാര്യങ്ങൾ ചെയ്യു​ന്ന​തി​ലും മെച്ചമാ​യി ആർക്കും ഒന്നുമില്ല. മാത്രമല്ല, ഓരോ​രു​ത്ത​രും തിന്നു​കു​ടിച്ച്‌ തന്റെ സകല കഠിനാ​ധ്വാ​ന​ത്തി​ലും ആസ്വാ​ദനം കണ്ടെത്തു​ക​യും വേണം. ഇതു ദൈവ​ത്തി​ന്റെ ദാനമാണ്‌.”​—സഭാ​പ്ര​സം​ഗകൻ 3:12, 13.

ആദ്യമനുഷ്യർക്കു ദൈവം നല്ലൊരു തുടക്കം കൊടു​ത്തു.

അവരോ അവരുടെ പിൻത​ല​മു​റ​ക്കാ​രോ ദുരിതം അനുഭ​വി​ക്കാൻ ദൈവം ഉദ്ദേശി​ച്ചി​രു​ന്നില്ല.

“ദൈവം ഇങ്ങനെ കല്‌പി​ച്ചു: ‘നിങ്ങൾ സന്താന​സ​മൃ​ദ്ധി​യു​ള്ള​വ​രാ​യി പെരുകി ഭൂമി​യിൽ നിറഞ്ഞ്‌ അതിനെ അടക്കി​ഭ​രി​ക്കുക.’”​—ഉൽപത്തി 1:28.

ആദ്യമനുഷ്യർ ദൈവത്തെ ധിക്കരി​ക്കാൻ തീരു​മാ​നി​ച്ചു.

അതുകൊണ്ട്‌ അവർക്കും പിൻത​ല​മു​റ​ക്കാർക്കും ദുരി​ത​ങ്ങ​ളു​ണ്ടാ​യി.

“ഒരു മനുഷ്യ​നി​ലൂ​ടെ പാപവും പാപത്തി​ലൂ​ടെ മരണവും ലോക​ത്തിൽ കടന്നു. അങ്ങനെ എല്ലാവ​രും പാപം ചെയ്‌ത​തു​കൊണ്ട്‌ മരണം എല്ലാ മനുഷ്യ​രി​ലേ​ക്കും വ്യാപി​ച്ചു.”​—റോമർ 5:12. *

ദൈവത്തിന്റെ മാർഗ​നിർദേശം കൂടാതെ മനുഷ്യർക്കു ജീവി​ക്കാ​നാ​കില്ല.

മനുഷ്യർക്കു വെള്ളത്തി​ന​ടി​യിൽ ജീവി​ക്കാൻ കഴിയാ​ത്ത​തു​പോ​ലെ ദൈവ​ത്തി​ന്റെ നിർദേ​ശ​മി​ല്ലാ​തെ ജീവി​ക്കാ​നും പറ്റില്ല. കാരണം അങ്ങനെ​യാണ്‌ ദൈവം മനുഷ്യ​നെ സൃഷ്ടി​ച്ചി​രി​ക്കു​ന്നത്‌.

“സ്വന്തം കാലടി​ക​ളു​ടെ നിയ​ന്ത്ര​ണം​പോ​ലും (മനുഷ്യ​നു​ള്ള​ത​ല്ല​ല്ലോ.)”​—യിരെമ്യ 10:23.

നമ്മൾ ദുരിതം അനുഭ​വി​ക്കാൻ ദൈവം ആഗ്രഹി​ക്കു​ന്നില്ല.

നമ്മൾ കഴിയു​ന്നത്ര പ്രശ്‌നങ്ങൾ ഒഴിവാ​ക്കി ജീവി​ക്കാ​നാ​ണു ദൈവം ആഗ്രഹി​ക്കു​ന്നത്‌.

‘നീ എന്റെ കല്‌പ​നകൾ അനുസ​രി​ച്ചാൽ എത്ര നന്നായി​രി​ക്കും! അപ്പോൾ നിന്റെ സമാധാ​നം നദി​പോ​ലെ ആയിത്തീ​രും.’​—യശയ്യ 48:18.