ഓസ്റ്റി​ന്റെ​യും ലോരി​യു​ടെ​യും പെരു​മാ​റ്റ​ത്തിൽ എന്തെങ്കി​ലും സാമ്യം കാണു​ന്നു​ണ്ടോ? അവർ തിരി​ച്ച​റി​ഞ്ഞാ​ലും ഇല്ലെങ്കി​ലും രണ്ടു പേരെ​യും ആഴമായി സ്വാധീ​നി​ക്കുന്ന ഒരു കാര്യ​മുണ്ട്‌—ശീലങ്ങ​ളു​ടെ ശക്തി.

നിങ്ങളു​ടെ കാര്യ​മോ? ജീവി​ത​ത്തിൽ ഏതെങ്കി​ലും നല്ല ശീലങ്ങൾ വളർത്തി​യെ​ടു​ക്ക​ണ​മെന്നു നിങ്ങൾക്കു​ണ്ടോ? പതിവാ​യി വ്യായാ​മം ചെയ്യണ​മെ​ന്നോ ആവശ്യ​ത്തിന്‌ ഉറങ്ങണ​മെ​ന്നോ പ്രിയ​പ്പെ​ട്ട​വരെ കൂടെ​ക്കൂ​ടെ വിളി​ക്ക​ണ​മെ​ന്നോ ഒക്കെ നിങ്ങൾക്ക്‌ ആഗ്രഹം കാണും.

അല്ലെങ്കിൽ ഏതെങ്കി​ലും ദുശ്ശീലം മാറ്റാ​നാ​യി​രി​ക്കും നിങ്ങളു​ടെ ശ്രമം. സിഗരറ്റ്‌ വലിക്കു​ന്ന​തോ രുചി കൂട്ടാൻ കൃത്രി​മ​പ​ദാർഥങ്ങൾ ചേർത്തു​ണ്ടാ​ക്കുന്ന ഭക്ഷണം കണക്കി​ല​ധി​കം കഴിക്കു​ന്ന​തോ ഇന്റർനെ​റ്റിൽ അമിത​മാ​യി സമയം ചെലവ​ഴി​ക്കു​ന്ന​തോ ഒക്കെ നിറു​ത്ത​ണ​മെന്നു നിങ്ങൾക്ക്‌ ആഗ്രഹം കാണും.

ഒരു ദുശ്ശീലം മാറ്റു​ന്നതു വളരെ പ്രയാ​സ​മാ​ണെ​ന്നു​ള്ളതു ശരിയാണ്‌. നല്ല തണുപ്പുള്ള ഒരു ദിവസം ഇളംചൂ​ടുള്ള ഒരു കിടക്ക കിട്ടു​ന്ന​തു​പോ​ലെ​യാ​ണു ദുശ്ശീ​ലങ്ങൾ എന്നു പറയാം. അതിൽ കയറി​ക്കൂ​ടാൻ വളരെ സുഖമാണ്‌, എന്നാൽ ഇറങ്ങി​പ്പോ​രാൻ അത്ര എളുപ്പമല്ല.

അതു​കൊണ്ട്‌ നിങ്ങൾക്കു ദോഷം ചെയ്യു​ന്ന​തി​നു പകരം ഗുണം ചെയ്യുന്ന രീതി​യിൽ നിങ്ങളു​ടെ ശീലങ്ങളെ എങ്ങനെ നിയ​ന്ത്രി​ച്ചു​നി​റു​ത്താം? ബൈബി​ളിൽ കാണുന്ന ചില തത്ത്വങ്ങൾ അടിസ്ഥാ​ന​മാ​ക്കി​യുള്ള മൂന്നു നിർദേ​ശങ്ങൾ നമുക്കു നോക്കാം. (g16-E No. 4)