വൈദ്യ​ശാ​സ്‌ത്രം പറയു​ന്നത്‌

ഒരു വൈദ്യ​ശാ​സ്‌ത്ര​പ്ര​സി​ദ്ധീ​ക​ര​ണ​ത്തി​ലെ (Harvard Mental Health Letter) ലേഖനം പറയുന്നു: “നന്ദി കാണി​ക്കു​ന്ന​തും നമ്മളുടെ സന്തോ​ഷ​വും തമ്മിൽ ശക്തവും അഭേദ്യ​വും ആയ ബന്ധമുണ്ട്‌. മറ്റുള്ള​വ​രോ​ടു നന്ദിയു​ണ്ടാ​യി​രി​ക്കു​ന്നതു മനസ്സിന്‌ ഉണർവ്‌ കിട്ടാൻ സഹായി​ക്കും. നല്ലനല്ല അനുഭ​വങ്ങൾ അവർക്കു​ണ്ടാ​കും. ആരോ​ഗ്യം മെച്ച​പ്പെ​ടും. പ്രതി​സ​ന്ധി​കൾ മറിക​ട​ക്കാ​നുള്ള കഴിവ്‌ കിട്ടും. ശക്തമായ സുഹൃ​ദ്‌ബ​ന്ധങ്ങൾ ഉടലെ​ടു​ക്കാ​നും അതു സഹായി​ക്കും.”

ബൈബിൾ പറയു​ന്നത്‌

നന്ദിയു​ള്ളൊ​രു മനസ്സ്‌ നട്ടുവ​ളർത്താൻ ബൈബിൾ നമ്മളെ പ്രോ​ത്സാ​ഹി​പ്പി​ക്കു​ന്നു. “നന്ദിയു​ള്ള​വ​രെന്നു കാണി​ക്കുക” എന്ന്‌ എഴുതിയ അപ്പോ​സ്‌ത​ല​നായ പൗലോസ്‌ അതിനു നല്ലൊരു മാതൃ​ക​യാണ്‌. ഉദാഹ​ര​ണ​ത്തിന്‌, താൻ അറിയിച്ച സന്ദേശ​ത്തോട്‌ ആളുകൾ നന്നായി പ്രതി​ക​രി​ച്ച​പ്പോൾ അദ്ദേഹം ‘നിരന്തരം ദൈവ​ത്തി​നു നന്ദി നൽകി.’ (കൊ​ലോ​സ്യർ 3:15; 1 തെസ്സ​ലോ​നി​ക്യർ 2:13) നിലനിൽക്കുന്ന സന്തോഷം കിട്ടണ​മെ​ങ്കിൽ വല്ലപ്പോ​ഴു​മൊ​ക്കെ വെറു​മൊ​രു നന്ദിവാ​ക്കു പറഞ്ഞതു​കൊ​ണ്ടാ​യില്ല, അതിനു നന്ദിയു​ള്ളൊ​രു മനസ്സ്‌ നമുക്കു വേണം. അതു ശരിക്കും നമു​ക്കൊ​രു സംരക്ഷ​ണ​മാ​ണു​താ​നും. അസൂയ, നീരസം, അർഹി​ക്കു​ന്നതു കിട്ടു​ന്നി​ല്ലെന്ന തോന്നൽ എന്നിങ്ങനെ ആളുക​ളിൽനിന്ന്‌ നമ്മളെ അകറ്റു​ന്ന​തും ജീവി​ത​ത്തി​ലെ സന്തോഷം കവർന്നെ​ടു​ക്കു​ന്ന​തും ആയ കാര്യ​ങ്ങ​ളിൽനി​ന്നെ​ല്ലാം അതു നമ്മളെ കാക്കും.

നിസ്സാ​ര​രാ​യ മനുഷ്യ​രോ​ടു​പോ​ലും വിലമ​തി​പ്പു കാണി​ക്കുന്ന നമ്മുടെ സ്രഷ്ടാ​വു​തന്നെ ഇക്കാര്യ​ത്തിൽ നല്ലൊരു മാതൃക വെച്ചി​ട്ടുണ്ട്‌. എബ്രായർ 6:10 പറയുന്നു: “തന്റെ നാമ​ത്തോ​ടു നിങ്ങൾ കാണി​ച്ചി​രി​ക്കുന്ന സ്‌നേ​ഹ​വും നിങ്ങൾ ചെയ്‌തി​രി​ക്കുന്ന സേവന​വും മറന്നു​ക​ള​യാൻ തക്കവണ്ണം ദൈവം അനീതി​യു​ള്ള​വനല്ല.” അതെ, നന്ദി കാണി​ക്കാ​തി​രി​ക്കു​ന്നത്‌ അനീതി​യാ​യാ​ണു നമ്മുടെ സ്രഷ്ടാ​വി​നു തോന്നു​ന്നത്‌.

“എപ്പോ​ഴും സന്തോഷിക്കുവിൻ. എല്ലാറ്റി​നും കൃതജ്ഞ​താ​സ്‌തോ​ത്രം അർപ്പി​ക്കു​വിൻ.” —1 തെസ്സ​ലോ​നി​ക്യർ 5:16, 18.

അനുഭ​വങ്ങൾ കാണി​ക്കു​ന്നത്‌

ഒരു സമ്മാന​ത്തി​നോ ഒരു നല്ല വാക്കി​നോ ഒരു സഹായം ചെയ്‌തു​ത​ന്ന​തി​നോ നമ്മൾ ആത്മാർഥ​മാ​യി ഒരാ​ളോ​ടു നന്ദി കാണി​ക്കു​മ്പോൾ, താൻ ചെയ്‌ത കാര്യം നമ്മൾ വിലമ​തി​ച്ച​തി​നെ​പ്രതി അയാൾക്കു സന്തോഷം തോന്നും. വാതിൽ തുറന്നു​പി​ടി​ക്കു​ന്ന​തു​പോ​ലുള്ള ഒരു ദയാ​പ്ര​വൃ​ത്തി​ക്കു നമ്മൾ ആത്മാർഥ​മാ​യി നന്ദി പറയു​മ്പോൾ അപരി​ചി​തർപോ​ലും ഊഷ്‌മ​ള​മാ​യി പ്രതി​ക​രി​ക്കാ​റുണ്ട്‌.

ബൈബിൾ പറയു​ന്നത്‌

യേശു​ക്രി​സ്‌തു പറഞ്ഞു: “കൊടുത്തുശീലിക്കുവിൻ; അപ്പോൾ ആളുകൾ നിങ്ങൾക്കും തരും. അമർത്തി​ക്കു​ലു​ക്കി, നിറഞ്ഞു​ക​വി​യുന്ന നല്ലൊ​ര​ള​വു​തന്നെ നിങ്ങളു​ടെ മടിയിൽ തരും.” (ലൂക്കോസ്‌ 6:38) റോസ്‌ എന്ന ബധിര​യായ പെൺകു​ട്ടി​യു​ടെ അനുഭവം നോക്കാം. തെക്കൻ പസിഫി​ക്കി​ലെ വന്വാട്ടു എന്ന ദ്വീപി​ലാണ്‌ അവൾ താമസി​ക്കു​ന്നത്‌.

യഹോ​വ​യു​ടെ സാക്ഷി​ക​ളു​ടെ ക്രിസ്‌തീ​യ​യോ​ഗ​ങ്ങ​ളിൽ റോസ്‌ പങ്കെടു​ക്കാ​റു​ണ്ടാ​യി​രു​ന്നെ​ങ്കി​ലും അവൾക്കോ സഭയിലെ മറ്റുള്ള​വർക്കോ ആംഗ്യ​ഭാഷ അറിയാ​ത്ത​തു​കൊണ്ട്‌ അവൾക്കു യോഗ​ങ്ങ​ളിൽനിന്ന്‌ വലിയ പ്രയോ​ജ​ന​മൊ​ന്നും കിട്ടി​യി​രു​ന്നില്ല. എന്നാൽ ആംഗ്യ​ഭാ​ഷ​യിൽ വിദഗ്‌ധ​രായ ഒരു ദമ്പതികൾ ആ സഭ സന്ദർശി​ച്ച​പ്പോൾ ഈ ബുദ്ധി​മു​ട്ടു മനസ്സി​ലാ​ക്കി അവിടെ ഒരു ആംഗ്യ​ഭാ​ഷാ​ക്ലാസ്‌ തുടങ്ങി. റോസിന്‌ എന്തെന്നി​ല്ലാത്ത നന്ദിയും സന്തോ​ഷ​വും തോന്നി. “എന്നെ സ്‌നേ​ഹി​ക്കുന്ന ഇത്ര​യേറെ സുഹൃ​ത്തു​ക്കളെ കിട്ടി​യ​തിൽ എനിക്ക്‌ ഒത്തിരി സന്തോ​ഷ​മുണ്ട്‌” എന്ന്‌ അവൾ പറഞ്ഞു. അവളുടെ നന്ദിയും അവൾ യോഗ​ങ്ങ​ളിൽ അഭി​പ്രാ​യങ്ങൾ പറഞ്ഞ്‌ പങ്കുപ​റ്റു​ന്ന​തും കാണു​ന്ന​തി​നെ​ക്കാൾ വലിയ പ്രതി​ഫലം, അവളെ സഹായിച്ച ദമ്പതി​കൾക്കു കിട്ടാ​നില്ല! തന്നോടു സംസാ​രി​ക്കാൻവേണ്ടി ആംഗ്യ​ഭാഷ പഠി​ച്ചെ​ടുത്ത മറ്റുള്ള​വ​രു​ടെ ശ്രമങ്ങ​ളെ​യും റോസ്‌ വളരെ​യ​ധി​കം വിലമ​തി​ക്കു​ന്നു.—പ്രവൃ​ത്തി​കൾ 20:35.

“ബലിയാ​യി കൃതജ്ഞത അർപ്പി​ക്കു​ന്നവൻ എന്നെ (ദൈവത്തെ) ബഹുമാ​നി​ക്കു​ന്നു.” —സങ്കീർത്തനം 50:23, പി.ഒ.സി.

ബൈബിൾ പറയു​ന്നത്‌

നമ്മുടെ വികാ​ര​ങ്ങൾക്കു നമ്മുടെ ചിന്തക​ളു​മാ​യി നല്ല ബന്ധമുണ്ട്‌. ബൈബി​ളെ​ഴു​ത്തു​കാ​ര​നായ ദാവീദ്‌ തന്റെ പ്രാർഥ​ന​യിൽ ദൈവ​ത്തോട്‌ ഇങ്ങനെ പറഞ്ഞു: “നിന്റെ സകല​പ്ര​വൃ​ത്തി​ക​ളെ​യും ഞാൻ ധ്യാനി​ക്കു​ന്നു; നിന്റെ കൈക​ളു​ടെ പ്രവൃ​ത്തി​യെ ഞാൻ ചിന്തി​ക്കു​ന്നു.” (സങ്കീർത്തനം 143:5) അതെ, ദൈവം തനിക്കു​വേണ്ടി ചെയ്‌ത ഓരോ കാര്യ​ത്തെ​ക്കു​റി​ച്ചും ദാവീദ്‌ ആഴമായി മനസ്സി​രു​ത്തി ചിന്തിച്ചു. ദൈവ​ത്തി​ന്റെ വഴിക​ളെ​ക്കു​റിച്ച്‌ പതിവാ​യി ധ്യാനി​ച്ച​തു​കൊ​ണ്ടാ​ണു ദാവീ​ദി​നു നന്ദിയു​ള്ളൊ​രു മനസ്സു​ണ്ടാ​യത്‌. ജീവി​ത​കാ​ലം മുഴുവൻ അതു ദാവീ​ദി​ന്റെ ശീലമാ​യി​രു​ന്നു.—സങ്കീർത്തനം 71:5, 17.

ബൈബി​ളി​ന്റെ ഈ ഉപദേശം ശരിക്കും മൂല്യ​മു​ള്ള​താണ്‌: ‘സത്യമാ​യ​തൊ​ക്കെ​യും സ്‌നേ​ഹാർഹ​മാ​യ​തൊ​ക്കെ​യും സത്‌കീർത്തി​യാ​യ​തൊ​ക്കെ​യും ഉത്‌കൃ​ഷ്ട​വും പ്രശം​സാ​ഹർവു​മാ​യ​തൊ​ക്കെ​യും ചിന്തി​ച്ചു​കൊ​ള്ളുക.’ (ഫിലി​പ്പി​യർ 4:8) ‘ചിന്തി​ച്ചു​കൊ​ള്ളുക’ എന്ന ഈ പ്രയോ​ഗ​വും കാര്യ​ങ്ങ​ളെ​ക്കു​റിച്ച്‌ മനസ്സി​രു​ത്തി ചിന്തി​ക്കുന്ന ഒരു ശീലമു​ണ്ടാ​യി​രി​ക്കേ​ണ്ട​തി​ന്റെ പ്രാധാ​ന്യം എടുത്തു​കാ​ട്ടു​ന്നു. നന്ദിയു​ള്ളൊ​രു മനസ്സു​ണ്ടാ​യി​രി​ക്കു​ന്ന​തിന്‌ അത്തര​മൊ​രു ശീലം അനിവാ​ര്യ​മാണ്‌. ◼ (g16-E No. 5)