സമൂഹ​ത്തിൽ നല്ലൊരു പേര്‌. പല ദേശങ്ങ​ളി​ലും ഇതിനെ വളരെ പ്രാധാ​ന്യ​ത്തോ​ടെ​യാ​ണു വീക്ഷി​ക്കു​ന്നത്‌. അതു​കൊ​ണ്ടു​തന്നെ ഒരാളു​ടെ സത്‌പേര്‌ നിയമ​പ​ര​മാ​യി സംരക്ഷി​ക്കാ​നുള്ള നടപടി​ക​ളും അവർ കൈ​ക്കൊ​ണ്ടി​രി​ക്കു​ന്നു. അപകീർത്തി​ക​ര​മായ ലേഖനം (പ്രസി​ദ്ധീ​ക​ര​ണ​ങ്ങ​ളി​ലൂ​ടെ​യോ പ്രക്ഷേ​പ​ണ​ങ്ങ​ളി​ലൂ​ടെ​യോ അപകീർത്തി​പ്പെ​ടു​ത്തു​ന്നത്‌), അപഖ്യാ​തി (ദുരാ​രോ​പണം ഉന്നയി​ക്കു​ന്നത്‌) എന്നിവ​യ്‌ക്കെ​തി​രെ​യുള്ള സംരക്ഷണം ഇതിൽ ഉൾപ്പെ​ടു​ന്നു. “സത്‌പേര്‌ നേടു​ന്നതു സമ്പത്തി​നെ​ക്കാൾ പ്രധാനം; ആദരവ്‌ നേടു​ന്നതു സ്വർണ​ത്തെ​ക്കാ​ളും വെള്ളി​യെ​ക്കാ​ളും നല്ലത്‌,” എന്ന പഴമൊ​ഴി​യാ​യി​രി​ക്കാം ഇപ്പോൾ നമ്മുടെ മനസ്സി​ലേക്ക്‌ വരുന്നത്‌. (സുഭാ​ഷി​തങ്ങൾ 22:1) ഒരു നല്ല പേരും മറ്റുള്ള​വ​രു​ടെ ആദരവും നേടി​യെ​ടു​ക്കാൻ നമുക്ക്‌ എങ്ങനെ കഴിയും? നല്ല നിർദേ​ശങ്ങൾ ബൈബി​ളി​ലുണ്ട്‌.

ഉദാഹ​ര​ണ​ത്തിന്‌, ബൈബി​ളി​ലെ 15-ാം സങ്കീർത്ത​ന​ത്തിൽ പറഞ്ഞി​രി​ക്കു​ന്നത്‌ ശ്രദ്ധി​ക്കുക. “(ദൈവ​ത്തി​ന്റെ) കൂടാ​ര​ത്തിൽ അതിഥി​യാ​യി വരാൻ ആർക്കു കഴിയും?” എന്ന ചോദ്യ​ത്തിന്‌ ഉത്തരമാ​യി സങ്കീർത്ത​ന​ക്കാ​രൻ എഴുതി​യത്‌ ഇങ്ങനെ​യാണ്‌. “ശരിയാ​യതു ചെയ്യു​ക​യും ഹൃദയ​ത്തിൽ സത്യം സംസാ​രി​ക്കു​ക​യും ചെയ്യു​ന്ന​യാൾ. അയാൾ. . .  പരദൂ​ഷണം പറയു​ന്നില്ല, അയൽക്കാ​രന്‌ ഒരു ദോഷ​വും ചെയ്യു​ന്നില്ല, സ്‌നേ​ഹി​തരെ അപകീർത്തി​പ്പെ​ടു​ത്തു​ന്നില്ല. നിന്ദ്യനെ അയാൾ ഒഴിവാ​ക്കു​ന്നു. . . .  തനിക്കു നഷ്ടമു​ണ്ടാ​കു​മെന്നു കണ്ടാലും അയാൾ വാക്കു മാറ്റു​ന്നില്ല. . . .  നിരപ​രാ​ധി​ക്കെ​തി​രെ കൈക്കൂ​ലി വാങ്ങു ന്നില്ല.” (സങ്കീർത്തനം 15:1-5) ഈ മനോ​ഹ​ര​മായ ബൈബിൾത​ത്ത്വ​ങ്ങൾ അനുസ​രി​ച്ചു ജീവി​ക്കു​ന്ന​വ​രോ​ടു നമുക്കു ബഹുമാ​നം തോന്നി​ല്ലേ?

ആദരവ്‌ നേടി​യെ​ടു​ക്കാൻ സഹായി​ക്കുന്ന മറ്റൊരു ഗുണമാ​ണു താഴ്‌മ. “താഴ്‌മ മഹത്ത്വ​ത്തി​നു മുന്നോ​ടി,” എന്നാണ്‌ സുഭാ​ഷി​തങ്ങൾ 15:33 പറയു​ന്നത്‌. താഴ്‌മ​യു​ള്ളവർ എവി​ടെ​യാ​ണു തങ്ങൾ മെച്ച​പ്പെ​ടേ​ണ്ട​തെന്നു ശ്രദ്ധി​ക്കു​ക​യും അതിനു​വേണ്ടി കഠിന​മാ​യി പരി​ശ്ര​മി​ക്കു​ക​യും ചെയ്യും. ആരെ​യെ​ങ്കി​ലും വേദനി​പ്പി​ച്ചി​ട്ടു​ണ്ടെ​ങ്കിൽ ക്ഷമ ചോദി​ക്കാൻ അവർ മനസ്സു കാണി​ക്കും. (യാക്കോബ്‌ 3:2) എന്നാൽ അഹങ്കാ​രി​കൾ അങ്ങനെയല്ല. അവർ പെട്ടെന്നു നീരസ​പ്പെ​ടും. “തകർച്ച​യ്‌ക്കു മുമ്പ്‌ അഹങ്കാരം; വീഴ്‌ച​യ്‌ക്കു മുമ്പ്‌ അഹംഭാ​വം,” എന്നു സുഭാ​ഷി​തങ്ങൾ 16:18 പറയുന്നു.

നിങ്ങളെ ആരെങ്കി​ലും കരിവാ​രി​ത്തേ​ച്ചാ​ലോ? ദേഷ്യ​ത്താൽ പൊട്ടി​ത്തെ​റി​ച്ചു​കൊണ്ട്‌ അയാൾക്കെ​തി​രെ പ്രതി​ക​രി​ക്ക​ണോ? സ്വയം ചോദി​ക്കുക: എന്റെ പേര്‌ രക്ഷിക്കാൻ ശ്രമി​ച്ചാൽ ആ നുണയ്‌ക്ക്‌ കൂടുതൽ പ്രചാരം കിട്ടാൻ ഇടയാ​കു​മോ? ചില സാഹച​ര്യ​ങ്ങ​ളിൽ നിയമ​പ​ര​മാ​യി നീങ്ങേ​ണ്ടി​വ​ന്നേ​ക്കാം. എങ്കിലും ബൈബി​ളി​ന്റെ ജ്ഞാനപൂർവ​മായ നിർദേശം ഇതാണ്‌: “കേസ്‌ കൊടു​ക്കാൻ തിരക്കു കൂട്ടരുത്‌.” പകരം, “നിന്റെ അയൽക്കാ​ര​നു​മാ​യി വാദി​ച്ചു​കൊ​ള്ളൂ.” (സുഭാ​ഷി​തങ്ങൾ 25:8, 9) a ഇങ്ങനെ സൂക്ഷിച്ച്‌, സൗമ്യ​ത​യോ​ടെ ഈ സാഹച​ര്യ​ത്തെ കൈകാ​ര്യം ചെയ്‌താൽ നിയമ​ന​ട​പ​ടി​കൾകൊ​ണ്ടു​ണ്ടാ​കുന്ന ഭാരിച്ച ചെലവു​കൾ കുറയ്‌ക്കാ​നാ​കും.

ബൈബിൾ വെറു​മൊ​രു മതപു​സ്‌ത​കമല്ല. ജീവി​തത്തെ ശരിയായ ദിശയി​ലേക്കു നയിക്കുന്ന ആശ്രയ​യോ​ഗ്യ​മായ വഴികാ​ട്ടി​യാണ്‌ അത്‌. അതിലുള്ള ജ്ഞാന​മൊ​ഴി​കൾ അനുസ​രി​ക്കു​ന്ന​വർക്ക്‌ മറ്റുള്ള​വ​രു​ടെ ആഴമായ ആദരവ്‌ നേടി​യെ​ടു​ക്കാ​നും ഒരു നല്ല പേര്‌ സമ്പാദി​ക്കാ​നും കഴിയു​ന്നു.