തേനീ​ച്ച​കൾക്ക്‌ എവി​ടെ​യും അനായാ​സം പറന്നി​റ​ങ്ങാ​നാ​കും. ഈ ‘സേഫ്‌ ലാൻഡി​ങ്ങിന്‌’ പിന്നിലെ രഹസ്യം എന്താണ്‌?

സവി​ശേ​ഷത: ലക്ഷ്യത്തി​ലെ​ത്തു​ന്ന​തി​നു തൊട്ടു​മുമ്പ്‌ തേനീ​ച്ച​യു​ടെ വേഗത പൂജ്യ​ത്തി​ലെ​ത്തി​യാ​ലേ അതിനു സുരക്ഷി​ത​മാ​യി പറന്നി​റ​ങ്ങാ​നാ​കൂ. സാധാ​ര​ണ​ഗ​തി​യിൽ ഇങ്ങനെ പറന്നി​റ​ങ്ങ​ണ​മെ​ങ്കിൽ, പറക്കുന്ന വേഗത​യും ലക്ഷ്യത്തി​ലേ​ക്കുള്ള ദൂരവും കണക്കാ​ക്കാൻ പറ്റണം. അതനു​സ​രിച്ച്‌ വേഗത കുറയ്‌ക്കാ​നും കഴിയണം. എന്നാൽ ഈ സവി​ശേഷത മിക്ക പ്രാണി​കൾക്കു​മില്ല. കാരണം അവയുടെ കണ്ണുകൾ തമ്മിലുള്ള അകലം കുറവാണ്‌. മാത്രമല്ല, ഒരു സമയത്ത്‌ ഒരു വസ്‌തു​വിൽ ദൃഷ്ടി​യൂ​ന്നാ​നേ അവയ്‌ക്കു കഴിയൂ.

അതെ, ദ്വി​നേ​ത്ര​ദർശനം (binocular vision) ഉള്ള മനുഷ്യ​രു​ടെ കണ്ണുകൾപോ​ലെയല്ല തേനീ​ച്ച​യു​ടെ കണ്ണുകൾ. അതു​കൊണ്ട്‌ മനുഷ്യ​രെ​പ്പോ​ലെ ഒരു വസ്‌തു​വി​ലേ​ക്കുള്ള ദൂരം കണക്കാ​ക്കാൻ തേനീ​ച്ച​യ്‌ക്ക്‌ കഴിയില്ല. അപ്പോൾപ്പി​ന്നെ തേനീ​ച്ച​യ്‌ക്ക്‌ ഇങ്ങനെ പറന്നി​റ​ങ്ങാൻ കഴിയു​ന്നത്‌ എങ്ങനെ​യാണ്‌? ഒരു വസ്‌തു​വി​നോട്‌ അടുക്കു​ന്തോ​റും അതിന്റെ വലുപ്പം കൂടു​ന്ന​താ​യി തോന്നും എന്ന ലളിത​മായ കാര്യം​ത​ന്നെ​യാണ്‌ തേനീ​ച്ച​യും ഉപയോ​ഗി​ക്കു​ന്നത്‌. വസ്‌തു​വി​ന്റെ അടു​ത്തേക്ക്‌ അടുക്കു​ന്തോ​റും കൂടുതൽ വേഗത്തിൽ അതു വലുതാ​കു​ന്ന​താ​യി തോന്നും. അതായത്‌ അതിന്റെ വലുപ്പം കൂടുന്ന തോത്‌ വർധി​ക്കും. ഓസ്‌​ട്രേ​ലി​യൻ നാഷണൽ യൂണി​വേ​ഴ്‌സി​റ്റി​യിൽ നടത്തിയ പരീക്ഷ​ണ​ങ്ങ​ളിൽ കണ്ടെത്തി​യ​തു​പോ​ലെ, തേനീ​ച്ചകൾ ഒരു വസ്‌തു​വി​ന്റെ അടു​ത്തേക്ക്‌ പറന്നു​വ​രു​മ്പോൾ ആ വസ്‌തു വലുതാ​കു​ന്ന​തി​ന്റെ തോത്‌ മാറാതെ നിൽക്കണം. അതിനാ​യി തേനീ​ച്ചകൾ പറക്കലി​ന്റെ വേഗത കുറയ്‌ക്കു​ന്നു. അങ്ങനെ വസ്‌തു​വി​ന്റെ അടുത്ത്‌ എത്തു​മ്പോ​ഴേ​ക്കും അതിന്റെ വേഗത ഏതാണ്ട്‌ പൂജ്യ​ത്തി​ലെ​ത്തി​യി​രി​ക്കും, ഇതാണ്‌ ‘സേഫ്‌ ലാൻഡി​ങ്ങിന്‌’ സഹായി​ക്കു​ന്നത്‌.

ഒരു മാസിക (Proceedings of the National Academy of Sciences) ഇങ്ങനെ പറയുന്നു: “അനായാ​സം എവി​ടെ​യും സേഫായി ലാൻഡ്‌ ചെയ്യാ​നുള്ള തേനീ​ച്ച​ക​ളു​ടെ ഈ ലളിത​മായ സവി​ശേഷത . . . പകർത്തി​ക്കൊ​ണ്ടാണ്‌ പറക്കും റോ​ബോ​ട്ടു​കളെ രൂപക​ല്‌പന ചെയ്‌തി​രി​ക്കു​ന്നത്‌.”

നിങ്ങൾക്ക്‌ എന്തു തോന്നു​ന്നു? തേനീ​ച്ച​യു​ടെ ഈ സവി​ശേഷത പരിണ​മിച്ച്‌ ഉണ്ടായ​താ​ണോ? അതോ ആരെങ്കി​ലും രൂപക​ല്‌പന ചെയ്‌ത​താ​ണോ?