നിങ്ങളു​ടെ വ്യക്തി​ത്വം നിങ്ങളു​ടെ പേരി​ലോ കാഴ്‌ച​യ്‌ക്ക്‌ നിങ്ങൾ എങ്ങനെ​യാണ്‌ എന്നതി​ലോ ഒതുങ്ങി​നിൽക്കു​ന്നില്ല. അതിൽ നിങ്ങളു​ടെ മൂല്യ​ങ്ങ​ളും വിശ്വാ​സ​ങ്ങ​ളും സ്വഭാ​വ​വും ഉൾപ്പെ​ടു​ന്നു. ചുരു​ക്കി​പ്പ​റ​ഞ്ഞാൽ, അകമേ​യും പുറ​മേ​യും നിങ്ങൾ ശരിക്കും ആരാണോ അതാണ്‌ നിങ്ങളു​ടെ വ്യക്തി​ത്വം.

ശക്തമായ ഒരു വ്യക്തി​ത്വ​മു​ണ്ടെ​ങ്കിൽ നിങ്ങളെ നിയ​ന്ത്രി​ക്കാൻ സമപ്രാ​യ​ക്കാ​രെ അനുവ​ദി​ക്കു​ന്ന​തി​നു പകരം നിങ്ങൾ നിങ്ങളു​ടെ വിശ്വാ​സ​ത്തി​നു​വേണ്ടി നില​കൊ​ള്ളും.

“മിക്ക ആളുക​ളും തുണി​ക്ക​ട​ക​ളിൽ വെച്ചി​രി​ക്കുന്ന പ്രതി​മ​ക​ളെ​പ്പോ​ലെ​യാണ്‌. ധരിക്കുന്ന വസ്‌ത്രം തിര​ഞ്ഞെ​ടു​ക്കു​ന്നത്‌ അതല്ല, മറ്റുള്ള​വ​രാണ്‌.”—അഡ്രി​യാൻ.

“ബുദ്ധി​മു​ട്ടുള്ള സാഹച​ര്യ​ങ്ങ​ളി​ലും ശരിയു​ടെ പക്ഷത്ത്‌ നിൽക്കാൻ ഞാൻ പഠിച്ചി​ട്ടുണ്ട്‌. എന്റെ യഥാർഥ​കൂ​ട്ടു​കാർ ആരാ​ണെന്ന്‌, അവർ എന്നോട്‌ എങ്ങനെ പെരു​മാ​റു​ന്നെ​ന്നും ഞാൻ അവരോട്‌ എങ്ങനെ പെരു​മാ​റു​ന്നെ​ന്നും നോക്കി പറയാൻ പറ്റും.”—കോട്ട്‌നി.

ബൈബിൾത​ത്ത്വം: “ഈ വ്യവസ്ഥി​തി നിങ്ങളെ അതിന്റെ അച്ചിൽ വാർത്തെ​ടു​ക്കാൻ ഇനി സമ്മതി​ക്ക​രുത്‌. പകരം, മനസ്സു പുതുക്കി രൂപാ​ന്ത​ര​പ്പെ​ടുക.”—റോമർ 12:2.

നിങ്ങളു​ടെ കഴിവു​ക​ളും കുറവു​ക​ളും വിശ്വാ​സ​ങ്ങ​ളും വീക്ഷണ​ങ്ങ​ളും പരി​ശോ​ധിച്ച്‌ നിങ്ങൾ ഇപ്പോൾ ആരാ​ണെ​ന്നും, ഇനി ആരായി​ത്തീ​രാൻ ആഗ്രഹി​ക്കു​ന്നെ​ന്നും കണ്ടുപി​ടി​ക്കുക. അതിനുള്ള എളുപ്പ​വഴി പിൻവ​രുന്ന ചോദ്യ​ങ്ങൾക്ക്‌ ഉത്തരം കണ്ടെത്തു​ന്ന​താണ്‌.

കഴിവു​കൾ: എനിക്ക്‌ എന്തൊക്കെ പ്രാപ്‌തി​ക​ളും വൈദ​ഗ്‌ധ്യ​ങ്ങ​ളും ഉണ്ട്‌? എനിക്കുള്ള നല്ല ഗുണങ്ങൾ എന്തൊ​ക്കെ​യാണ്‌? (ഉദാഹ​രണം: എനിക്ക്‌ കൃത്യ​നി​ഷ്‌ഠ​യു​ണ്ടോ, ആത്മനി​യ​ന്ത്ര​ണ​മു​ണ്ടോ? ഞാൻ കഠിനാ​ധ്വാ​നി​യാ​ണോ, ഔദാ​ര്യം കാണി​ക്കാ​റു​ണ്ടോ?) എന്തൊക്കെ നല്ല കാര്യ​ങ്ങ​ളാണ്‌ ഞാൻ ചെയ്യു​ന്നത്‌?

നുറുങ്ങ്‌: നിങ്ങളു​ടെ നല്ല വശങ്ങൾ കണ്ടുപി​ടി​ക്കാൻ നിങ്ങൾക്ക്‌ ബുദ്ധി​മുട്ട്‌ തോന്നു​ന്നു​ണ്ടോ? ഉണ്ടെങ്കിൽ മാതാ​പി​താ​ക്ക​ളോ​ടോ ഉറ്റസു​ഹൃ​ത്തി​നോ​ടോ അവർ നിങ്ങളിൽ കണ്ട കഴിവു​കൾ എന്തൊ​ക്കെ​യാ​ണെ​ന്നും അവർ അങ്ങനെ പറയാൻ കാരണം എന്താ​ണെ​ന്നും ചോദി​ക്കുക.

ബൈബിൾത​ത്ത്വം: “ഓരോ​രു​ത്ത​രും സ്വന്തം പ്രവൃത്തി വിലയി​രു​ത്തട്ടെ. അപ്പോൾ, തന്നെ മറ്റാരു​മാ​യും താരത​മ്യ​പ്പെ​ടു​ത്താ​തെ തന്നിൽത്തന്നെ അഭിമാ​നി​ക്കാൻ അയാൾക്കു വകയു​ണ്ടാ​കും.”—ഗലാത്യർ 6:4.

കുറവു​കൾ: എന്റെ വ്യക്തി​ത്വ​ത്തി​ന്റെ ഏതൊക്കെ വശങ്ങളിൽ ഞാൻ മെച്ച​പ്പെ​ടണം? എപ്പോ​ഴാണ്‌ എനിക്കു തെറ്റായ കാര്യം ചെയ്യാൻ കൂടുതൽ പ്രലോ​ഭനം തോന്നു​ന്നത്‌? ഏത്‌ കാര്യ​ത്തി​ലാണ്‌ ഞാൻ കൂടുതൽ ആത്മനി​യ​ന്ത്രണം പാലി​ക്കേ​ണ്ടത്‌?

ബൈബിൾത​ത്ത്വം: ‘“നമുക്കു പാപമില്ല” എന്നു പറയു​ന്നെ​ങ്കിൽ നമ്മൾ സ്വയം വഞ്ചിക്കു​ക​യാണ്‌; സത്യം നമ്മളി​ലില്ല.’—1 യോഹ​ന്നാൻ 1:8.

വിശ്വാ​സ​ങ്ങ​ളും വീക്ഷണ​ങ്ങ​ളും: ഞാൻ എന്ത്‌ ധാർമി​ക​നി​ല​വാ​ര​ങ്ങ​ളാണ്‌ പിൻപ​റ്റു​ന്നത്‌? എന്തു​കൊണ്ട്‌? ഞാൻ ദൈവ​ത്തിൽ വിശ്വ​സി​ക്കു​ന്നു​ണ്ടോ? ദൈവം ഉണ്ടെന്ന്‌ വിശ്വ​സി​ക്കാൻ എന്ത്‌ തെളി​വാണ്‌ എനിക്കു​ള്ളത്‌? അനീതി​യാ​യി ഞാൻ വീക്ഷി​ക്കുന്ന കാര്യങ്ങൾ എന്തൊ​ക്കെ​യാണ്‌? എന്തു​കൊണ്ട്‌? ഭാവി​യിൽ എന്തു സംഭവി​ക്കു​മെ​ന്നാണ്‌ ഞാൻ വിശ്വ​സി​ക്കു​ന്നത്‌?

ബൈബിൾത​ത്ത്വം: “ചിന്താ​ശേഷി നിന്നെ സംരക്ഷി​ക്കു​ക​യും വകതി​രിവ്‌ നിന്നെ കാക്കു​ക​യും ചെയ്യും.”—സുഭാ​ഷി​തങ്ങൾ 2:11.