വീക്ഷാഗോപുരത്തിന്റെ അടുത്ത​കാ​ലത്തെ ലക്കങ്ങൾ നിങ്ങൾ ശ്രദ്ധാ​പൂർവം വായിച്ചു കാണു​മ​ല്ലോ. ഇപ്പോൾ, പിൻവ​രുന്ന ചോദ്യ​ങ്ങൾക്ക്‌ ഉത്തരം നൽകാ​നാ​കു​മോ എന്നു നോക്കുക:

മത്തായി 18:15-17-ലെ യേശു​വി​ന്റെ ഉപദേശം ഏതുതരം പാപ​ത്തെ​ക്കു​റി​ച്ചു​ള്ള​താണ്‌?

ഉൾപ്പെ​ട്ടി​രി​ക്കുന്ന വ്യക്തി​കൾക്കു തമ്മിൽ പരിഹ​രി​ക്കാൻ കഴിയുന്ന പ്രശ്‌ന​ങ്ങ​ളെ​ക്കു​റി​ച്ചാ​ണു യേശു ഇവിടെ പറയു​ന്നത്‌. എന്നാൽ നിസ്സാ​ര​മായ അഭി​പ്രാ​യ​വ്യ​ത്യാ​സ​ങ്ങളല്ല, പകരം ഗൗരവ​മേ​റിയ വിഷയ​ങ്ങ​ളാ​ണു യേശു ഉദ്ദേശി​ച്ചത്‌. കാരണം, പ്രശ്‌നം പരിഹ​രി​ക്കു​ന്നി​ല്ലെ​ങ്കിൽ അതു പുറത്താ​ക്കൽ നടപടി​യി​ലേക്കു നയി​ച്ചേ​ക്കാം. ഉദാഹ​ര​ണ​ത്തിന്‌, അതു ചില​പ്പോൾ ദൂഷണ​മോ അല്ലെങ്കിൽ വഞ്ചന ഉൾപ്പെട്ട എന്തെങ്കി​ലു​മോ ആയിരി​ക്കാം.—w16.05, പേ. 7.

ബൈബിൾവാ​യന കൂടുതൽ പ്രയോ​ജനം ചെയ്യുന്ന വിധത്തി​ലാ​ക്കാൻ നിങ്ങൾക്ക്‌ എന്തു ചെയ്യാൻ കഴിയും?

പിൻവ​രുന്ന കാര്യങ്ങൾ ചെയ്യുക: നിങ്ങൾക്കു ബാധക​മാ​ക്കാൻ കഴിയുന്ന പാഠങ്ങൾ കണ്ടെത്തു​ന്ന​തിന്‌ ഒരു തുറന്ന മനസ്സോ​ടെ വായി​ക്കുക; ‘മറ്റുള്ള​വരെ സഹായി​ക്കു​ന്ന​തി​നാ​യി ഈ വിവരം എങ്ങനെ ഉപയോ​ഗി​ക്കാൻ കഴിയും’ എന്നതു​പോ​ലുള്ള ചോദ്യ​ങ്ങൾ ചോദി​ക്കുക. നിങ്ങൾ വായിച്ച കാര്യ​ങ്ങ​ളെ​ക്കു​റിച്ച്‌ കൂടുതൽ പഠിക്കാൻ ലഭ്യമായ ഗവേഷ​ണോ​പാ​ധി​കൾ ഉപയോ​ഗി​ക്കുക.—w16.05, പേ. 24-26.

പുനരു​ത്ഥാ​ന​ത്തിൽ വിശ്വാ​സ​മുള്ള ഒരു ക്രിസ്‌ത്യാ​നി ദുഃഖി​ക്കു​ന്ന​തിൽ തെറ്റു​ണ്ടോ?

പുനരു​ത്ഥാ​ന​ത്തി​ലുള്ള വിശ്വാ​സം ഒരു ക്രിസ്‌ത്യാ​നി​ക്കു തോന്നി​യേ​ക്കാ​വുന്ന വേർപാ​ടി​ന്റെ ആഴമായ നഷ്ടബോ​ധം ഇല്ലാതാ​ക്കു​ന്നില്ല. സാറ മരിച്ച​പ്പോൾ അബ്രാ​ഹാം വിലപിച്ച്‌ കരഞ്ഞു. (ഉൽപ. 23:2) കാലം കടന്നു​പോ​കു​മ്പോൾ ദുഃഖ​ത്തി​ന്റെ തീവ്രത കുറയും.—wp16.3, പേ. 4.

യഹസ്‌കേൽ 9-ാം അധ്യാ​യ​ത്തിൽ പറഞ്ഞി​രി​ക്കുന്ന എഴുത്തു​കാ​രന്റെ മഷിക്കു​പ്പി​യു​മാ​യി നിൽക്കു​ന്ന​യാ​ളും ആയുധ​ങ്ങ​ളു​മാ​യി നിൽക്കുന്ന ആറു പുരു​ഷ​ന്മാ​രും ആരെയാ​ണു പ്രതീ​ക​പ്പെ​ടു​ത്തു​ന്നത്‌?

യരുശ​ലേ​മി​ന്റെ നാശത്തിൽ പങ്കുവ​ഹി​ച്ച​വ​രും അർമ​ഗെ​ദോ​നിൽ സംഭവി​ക്കാ​നി​രി​ക്കുന്ന നാശത്തിൽ പങ്കുവ​ഹി​ക്കാ​നി​രി​ക്കു​ന്ന​വ​രും ആയ സ്വർഗീ​യ​സൈ​ന്യ​ത്തെ​യാണ്‌ ഇവർ പ്രതീ​ക​പ്പെ​ടു​ത്തു​ന്നത്‌ എന്നാണു നമ്മൾ മനസ്സി​ലാ​ക്കു​ന്നത്‌. ആധുനി​ക​കാ​ല​നി​വൃ​ത്തി​യിൽ മഷിക്കു​പ്പി​യു​മാ​യി നിൽക്കു​ന്ന​യാൾ, അതിജീ​വി​ക്കാ​നു​ള്ള​വരെ അടയാ​ള​മി​ടുന്ന യേശു​ക്രി​സ്‌തു​വി​നെ​യാ​ണു പ്രതീ​ക​പ്പെ​ടു​ത്തു​ന്നത്‌.—w16.06, പേ. 16-17.

ഒരു ക്രിസ്‌ത്യാ​നി​ക്കു ജീവിതം ലളിത​മാ​ക്കാൻ എങ്ങനെ​യൊ​ക്കെ കഴിയും?

നിങ്ങളു​ടെ യഥാർഥ ആവശ്യങ്ങൾ വ്യക്തമാ​യി മനസ്സി​ലാ​ക്കുക. അനാവ​ശ്യ​ച്ചെ​ല​വു​കൾ ഒഴിവാ​ക്കുക. പ്രാ​യോ​ഗി​ക​മായ ഒരു ബജറ്റു തയ്യാറാ​ക്കുക. നിങ്ങൾക്ക്‌ ഉപയോ​ഗ​മി​ല്ലാത്ത സാധനങ്ങൾ കളയു​ക​യോ വിൽക്കു​ക​യോ ആർക്കെ​ങ്കി​ലും കൊടു​ക്കു​ക​യോ ചെയ്യുക, കടബാ​ധ്യ​തകൾ തീർക്കുക. ജോലി​സ​മയം കുറയ്‌ക്കുക, ശുശ്രൂഷ വർധി​പ്പി​ക്കാ​നുള്ള മാർഗങ്ങൾ നോക്കുക.—w16.07, പേ. 10.

സ്വർണ​ത്തെ​ക്കാ​ളും വെള്ളി​യെ​ക്കാ​ളും വില​യേ​റി​യ​തെന്നു ബൈബിൾ പറയു​ന്നത്‌ എന്തി​നെ​ക്കു​റി​ച്ചാണ്‌?

ദിവ്യ​ജ്ഞാ​നം സ്വർണ​ത്തെ​ക്കാ​ളും വെള്ളി​യെ​ക്കാ​ളും മികച്ച​താ​ണെന്ന്‌ ഇയ്യോബ്‌ 28:12, 15 പറയുന്നു. നിങ്ങൾ അതിനാ​യി അന്വേ​ഷി​ക്കു​മ്പോൾ താഴ്‌മ​യു​ള്ള​വ​രാ​യി​രി​ക്കാ​നും വിശ്വാ​സ​ത്തിൽ ശക്തരാ​യി​രി​ക്കാ​നും ശ്രമി​ക്കുക.—w16.08, പേ. 18-19.

ഒരു സഹോ​ദരൻ താടി വളർത്തു​ന്നത്‌ ഉചിത​മാ​ണോ?

ചില സംസ്‌കാ​ര​ങ്ങ​ളിൽ വൃത്തി​യാ​യി വെട്ടി​യൊ​തു​ക്കിയ താടി സ്വീകാ​ര്യ​മാണ്‌. ദൈവ​രാ​ജ്യ​ത്തെ​ക്കു​റി​ച്ചുള്ള സന്ദേശ​ത്തിൽനിന്ന്‌ അത്‌ ആളുക​ളു​ടെ ശ്രദ്ധ പതറി​ക്കു​ക​യില്ല. എങ്കിലും ചില സഹോ​ദ​രങ്ങൾ താടി വളർത്തേ​ണ്ടെന്നു തീരു​മാ​നി​ച്ചേ​ക്കാം. (1 കൊരി. 8:9) മറ്റു ചില സംസ്‌കാ​ര​ങ്ങ​ളി​ലും പ്രദേ​ശ​ങ്ങ​ളി​ലും ക്രിസ്‌തീ​യ​ശു​ശ്രൂ​ഷകർ താടി വളർത്തു​ന്നതു സ്വീകാ​ര്യ​മാ​യി കരുത​പ്പെ​ടില്ല.—w16.09, പേ. 21.

ദാവീ​ദി​നെ​യും ഗൊല്യാ​ത്തി​നെ​യും കുറി​ച്ചുള്ള ബൈബിൾവി​വ​രണം നമുക്കു വിശ്വ​സി​ക്കാ​വു​ന്നത്‌ എന്തു​കൊണ്ട്‌?

രേഖക​ള​നു​സ​രിച്ച്‌ ആധുനി​ക​കാ​ലത്ത്‌ ഏറ്റവും കൂടുതൽ ഉയരമുള്ള ആളെക്കാൾ 6 ഇഞ്ച്‌ (15 സെ.മീ.) മാത്രമേ ഗൊല്യാ​ത്തി​നു കൂടു​ത​ലു​ള്ളൂ. ദാവീദ്‌ ജീവി​ച്ചി​രുന്ന ഒരു യഥാർഥ​വ്യ​ക്തി​യാ​യി​രു​ന്നു. ദാവീ​ദി​ന്റെ ഭവന​ത്തെ​ക്കു​റിച്ച്‌ പറഞ്ഞി​രി​ക്കുന്ന ഒരു പുരാ​ത​ന​ലി​ഖി​ത​ത്തിൽനി​ന്നും യേശു​വി​ന്റെ വാക്കു​ക​ളിൽനി​ന്നും നമുക്ക്‌ അതു മനസ്സി​ലാ​ക്കാ​നാ​കും. സംഭവം നടന്ന സ്ഥലത്തെ​ക്കു​റിച്ച്‌ പറഞ്ഞി​രി​ക്കുന്ന വിശദാം​ശങ്ങൾ ഇന്നു നമുക്ക്‌ അറിയാ​വുന്ന വിവര​ങ്ങ​ളു​മാ​യി ചേർച്ച​യി​ലാണ്‌.—wp16.4, പേ. 13.

അറിവും വിവേ​ക​വും ജ്ഞാനവും തമ്മിൽ എന്താണു വ്യത്യാ​സം?

അറിവുള്ള ഒരാൾ വിവര​ങ്ങ​ളും വസ്‌തു​ത​ക​ളും ശേഖരി​ക്കു​ന്നു. വിവേ​ക​മുള്ള ഒരാൾ ഒരു വസ്‌തുത മറ്റൊരു വസ്‌തു​ത​യു​മാ​യി എങ്ങനെ​യാ​ണു ബന്ധപ്പെ​ട്ടി​രി​ക്കു​ന്ന​തെന്നു മനസ്സി​ലാ​ക്കു​ന്നു. അതേസ​മയം ജ്ഞാനമുള്ള ഒരാൾ അറിവും വിവേ​ക​വും തമ്മിൽ ബന്ധിപ്പിച്ച്‌ കാര്യങ്ങൾ ചെയ്യും.—w16.10, പേ. 18.