1, 2. ഏതു കാര്യങ്ങൾ സംബന്ധിച്ച്‌ നമുക്കു ബോധ്യ​മു​ണ്ടാ​യി​രി​ക്കണം? (ലേഖനാ​രം​ഭ​ത്തി​ലെ ചിത്രം കാണുക.)

 യഹോ​വ​യ്‌ക്കു ഭരിക്കാ​നുള്ള അർഹത​യി​ല്ലെ​ന്നും മനുഷ്യൻതന്നെ മനുഷ്യ​നെ ഭരിക്കു​ന്ന​താ​ണു നല്ലതെ​ന്നും ഉള്ള സാത്താന്റെ വാദ​ത്തെ​ക്കു​റിച്ച്‌ കഴിഞ്ഞ ലേഖന​ത്തിൽ നമ്മൾ പഠിച്ചു. ആ ആരോ​പണം ശരിയാ​ണോ? മനുഷ്യ​ഭ​ര​ണ​ത്തിൻകീ​ഴിൽ എല്ലാവർക്കും മരണമി​ല്ലാത്ത ജീവിതം കിട്ടി​യെന്നു സങ്കൽപ്പി​ക്കുക. ദൈവ​ത്തി​ന്റെ ഭരണമി​ല്ലാത്ത ആ ജീവി​ത​ത്തിൽ എന്തെങ്കി​ലും സന്തോഷം കാണു​മോ? ദൈവ​ത്തി​ന്റെ നിയ​ന്ത്ര​ണ​മി​ല്ലാ​തെ പൂർണ​മായ സ്വാത​ന്ത്ര്യ​ത്തോ​ടെ നിത്യം ജീവി​ക്കാൻ കഴിഞ്ഞാൽ നിങ്ങൾ സന്തുഷ്ട​നാ​യി​രി​ക്കു​മോ?

² ഓരോ വ്യക്തി​യും സ്വയം ചിന്തിച്ച്‌ ഉത്തരം കണ്ടെത്തേണ്ട ചോദ്യ​ങ്ങ​ളാണ്‌ അവ. അപ്പോൾ യഹോ​വ​യു​ടെ ഭരണമാ​ണു ശരി​യെ​ന്നും അതാണ്‌ ഏറ്റവും മികച്ച​തെ​ന്നും അതിനെ നമ്മൾ മുഴു​ഹൃ​ദ​യ​ത്തോ​ടെ പിന്തു​ണ​യ്‌ക്കേ​ണ്ട​താ​ണെ​ന്നും ബോധ്യ​മാ​കും. നമുക്ക്‌ ഇപ്പോൾ, പ്രപഞ്ചത്തെ ഭരിക്കാ​നുള്ള യഹോ​വ​യു​ടെ അവകാ​ശ​ത്തെ​ക്കു​റി​ച്ചും യഹോ​വ​യു​ടെ ഭരണത്തി​ന്റെ മേന്മ​യെ​ക്കു​റി​ച്ചും ബൈബിൾ എന്താണു പറയു​ന്ന​തെന്നു നോക്കാം.

3. യഹോ​വ​യ്‌ക്കു മാത്ര​മാ​ണു പരമാ​ധി​കാ​രി​യാ​യി​രി​ക്കാ​നുള്ള അവകാ​ശ​മു​ള്ള​തെന്നു പറയു​ന്നത്‌ എന്തു​കൊണ്ട്‌?

³ യഹോവ സർവശ​ക്ത​നായ ദൈവ​വും സ്രഷ്ടാ​വും ആണ്‌. അതു​കൊണ്ട്‌ യഹോ​വ​യാണ്‌ ഈ പ്രപഞ്ച​ത്തി​ന്റെ പരമാ​ധി​കാ​രി. (1 ദിന. 29:11; പ്രവൃ. 4:24) ഒരു ദിവ്യ​ദർശ​ന​ത്തിൽ, യേശു​വി​ന്റെ​കൂ​ടെ സ്വർഗ​ത്തിൽ ഭരിക്കുന്ന 1,44,000 പേർ ഇങ്ങനെ പറയു​ന്ന​താ​യി നമ്മൾ കാണുന്നു: “ഞങ്ങളുടെ ദൈവ​മായ യഹോവേ, മഹത്ത്വ​വും ബഹുമാ​ന​വും ശക്തിയും ലഭിക്കാൻ അങ്ങ്‌ യോഗ്യ​നാണ്‌. കാരണം  അങ്ങാണ്‌ എല്ലാം സൃഷ്ടി​ച്ചത്‌; അങ്ങയുടെ ഇഷ്ടപ്ര​കാ​ര​മാണ്‌ എല്ലാം ഉണ്ടായ​തും സൃഷ്ടി​ക്ക​പ്പെ​ട്ട​തും.” (വെളി 4:11) എല്ലാത്തി​ന്റെ​യും സ്രഷ്ടാവ്‌ യഹോ​വ​യാ​യ​തു​കൊണ്ട്‌ എല്ലാ മനുഷ്യ​രെ​യും ആത്മവ്യ​ക്തി​ക​ളെ​യും ഭരിക്കാ​നുള്ള അവകാശം യഹോ​വ​യ്‌ക്കു മാത്ര​മാണ്‌.

4. ദൈവ​ത്തി​ന്റെ പരമാ​ധി​കാ​രത്തെ എതിർക്കു​ന്നത്‌ ഇച്ഛാസ്വാ​ത​ന്ത്ര്യ​ത്തി​ന്റെ ദുരു​പ​യോ​ഗ​മാ​യി​രി​ക്കു​ന്നത്‌ എന്തു​കൊണ്ട്‌?

⁴ സാത്താൻ ഒന്നും സൃഷ്ടി​ച്ചി​ട്ടില്ല. അതു​കൊ​ണ്ടു​തന്നെ പ്രപഞ്ചത്തെ ഭരിക്കാ​നുള്ള അവകാ​ശ​വും അവനില്ല. യഥാർഥ​ത്തിൽ യഹോ​വ​യു​ടെ അധികാ​രത്തെ ധിക്കരി​ച്ച​പ്പോൾ അവനും ആദ്യദ​മ്പ​തി​ക​ളും അഹങ്കാരം കാണി​ക്കു​ക​യാ​യി​രു​ന്നു. (യിരെ. 10:23) ശരിയാണ്‌, ഇച്ഛാസ്വാ​ത​ന്ത്ര്യ​മു​ള്ള​തു​കൊണ്ട്‌ അവർക്കു വേണ​മെ​ങ്കിൽ ദൈവ​ത്തി​ന്റെ ഭരണത്തെ തള്ളിക്ക​ള​യാൻ സ്വാത​ന്ത്ര്യ​മു​ണ്ടാ​യി​രു​ന്നു. എന്നു​വെച്ച്‌ അവർക്ക്‌ അതിനുള്ള അവകാ​ശ​മു​ണ്ടാ​യി​രു​ന്നോ? ഇല്ല. ദൈനം​ദി​ന​ജീ​വി​ത​ത്തിൽ ഉചിത​മായ നിരവധി തീരു​മാ​ന​ങ്ങ​ളെ​ടു​ക്കാൻ ഇച്ഛാസ്വാ​ത​ന്ത്ര്യം ആളുകളെ സഹായി​ക്കു​ന്നു. എങ്കിലും അത്‌ ഒരിക്ക​ലും സ്രഷ്ടാ​വും ജീവദാ​താ​വും ആയ ദൈവ​ത്തിന്‌ എതിരെ പ്രവർത്തി​ക്കാ​നുള്ള അവകാശം നൽകു​ന്നില്ല. യഹോ​വ​യ്‌ക്കെ​തി​രെ പ്രവർത്തി​ക്കു​ന്നവർ ഇച്ഛാസ്വാ​ത​ന്ത്ര്യം ദുരു​പ​യോ​ഗം ചെയ്യു​ക​യാണ്‌. മനുഷ്യ​രായ നമുക്ക്‌ യഹോ​വ​യു​ടെ ഭരണവും മാർഗ​നിർദേ​ശ​വും ആവശ്യ​മാണ്‌.

5. യഹോ​വ​യു​ടെ തീരു​മാ​നങ്ങൾ നീതി​യു​ള്ള​താ​ണെന്ന്‌ ഉറപ്പു​ണ്ടാ​യി​രി​ക്കാ​നാ​കു​ന്നത്‌ എന്തു​കൊണ്ട്‌?

⁵ ഭരിക്കാ​നുള്ള അവകാശം യഹോ​വ​യ്‌ക്കാ​ണെന്നു പറയു​ന്ന​തി​നു മറ്റൊരു കാരണ​മുണ്ട്‌. തന്റെ അധികാ​രം പൂർണ​നീ​തി​യോ​ടെ​യാ​ണു ദൈവം പ്രയോ​ഗി​ക്കു​ന്നത്‌. യഹോവ ഇങ്ങനെ പറയുന്നു: ‘യഹോവ എന്ന ഞാൻ ഭൂമി​യിൽ അചഞ്ചല​മായ സ്‌നേ​ഹ​വും നീതി​യും ന്യായ​വും കാണി​ക്കുന്ന ദൈവ​മാണ്‌. ഈ കാര്യ​ങ്ങ​ളി​ലാ​ണു ഞാൻ പ്രസാ​ദി​ക്കു​ന്നത്‌.’ (യിരെ. 9:24) അപൂർണ​രായ മനുഷ്യർ എഴുതി​ത്ത​യ്യാ​റാ​ക്കിയ ഏതെങ്കി​ലും നിയമ​സം​ഹി​ത​യു​ടെ അടിസ്ഥാ​ന​ത്തി​ലല്ല ദൈവം നീതി​യും ന്യായ​വും തീരു​മാ​നി​ക്കു​ന്നത്‌. പകരം, യഹോ​വ​ത​ന്നെ​യാ​ണു നീതി​യു​ടെ നിലവാ​രങ്ങൾ വെക്കു​ന്നത്‌. തന്റെ കുറ്റമറ്റ നീതി​ബോ​ധ​ത്തി​ന്റെ അടിസ്ഥാ​ന​ത്തിൽ യഹോവ മനുഷ്യർക്കു നിയമങ്ങൾ കൊടു​ക്കു​ക​യും ചെയ്‌തു. “നീതി​യും ന്യായ​വും (ദൈവ​ത്തി​ന്റെ) സിംഹാ​സ​ന​ത്തി​ന്റെ അടിസ്ഥാ​നം” ആയതു​കൊണ്ട്‌ യഹോ​വ​യു​ടെ എല്ലാ നിയമ​ങ്ങ​ളും തത്ത്വങ്ങ​ളും തീരു​മാ​ന​ങ്ങ​ളും നീതി​യു​ള്ള​താ​ണെന്നു നമുക്ക്‌ ഉറപ്പു​ണ്ടാ​യി​രി​ക്കാം. (സങ്കീ. 89:14; 119:128) എന്നാൽ സാത്താന്റെ കാര്യ​മൊ​ന്നു ചിന്തി​ക്കുക. യഹോ​വ​യു​ടെ ഭരണം കൊള്ളി​ല്ലെന്ന്‌ അവൻ വാദിച്ചു. പക്ഷേ ഈ ലോക​ത്തിൽ ഇതുവരെ നീതി കൊണ്ടു​വ​രാൻ അവനു കഴിഞ്ഞി​ട്ടു​ണ്ടോ?

6. യഹോ​വ​യ്‌ക്കാ​ണു ലോകത്തെ ഭരിക്കാ​നുള്ള അവകാ​ശ​മെന്നു പറയാ​നുള്ള ഒരു കാരണം എന്ത്‌?

⁶ യഹോ​വ​യ്‌ക്കാ​ണു ഭരിക്കാ​നുള്ള അവകാ​ശ​മെന്നു പറയു​ന്ന​തി​ന്റെ വേറൊ​രു കാരണം, പ്രപഞ്ചത്തെ പരിപാ​ലി​ക്കാ​നുള്ള അറിവും ജ്ഞാനവും യഹോ​വ​യ്‌ക്കുണ്ട്‌ എന്നതാണ്‌. ഉദാഹ​ര​ണ​ത്തിന്‌, ഡോക്‌ടർമാർപോ​ലും കൈ​യൊ​ഴിഞ്ഞ ആളുക​ളു​ടെ രോഗങ്ങൾ സുഖ​പ്പെ​ടു​ത്താ​നുള്ള കഴിവ്‌ ദൈവം തന്റെ മകനു കൊടു​ത്തു. (മത്താ. 4:23, 24; മർക്കോ. 5:25-29) നമുക്ക്‌ ആ സംഭവങ്ങൾ ഒരു അത്ഭുത​മാ​യി തോന്നി​യേ​ക്കാ​മെ​ങ്കി​ലും യഹോ​വ​യ്‌ക്ക്‌ അതൊ​ന്നും ഒരു അത്ഭുതമല്ല. കാരണം ശരീരം എങ്ങനെ​യാ​ണു പ്രവർത്തി​ക്കു​ന്ന​തെ​ന്നും ഒരു രോഗ​മു​ണ്ടാ​യാൽ അത്‌ എങ്ങനെ സുഖ​പ്പെ​ടു​ത്ത​ണ​മെ​ന്നും യഹോ​വ​യ്‌ക്ക്‌ അറിയാം. അതു​പോ​ലെ​തന്നെ, മരിച്ച​വരെ ഉയിർപ്പി​ക്കു​ന്ന​തും പ്രകൃ​തി​വി​പ​ത്തു​കൾ തടയു​ന്ന​തും ഒന്നും യഹോ​വ​യ്‌ക്ക്‌ അസാധ്യ​മല്ല.

7. സാത്താന്റെ അധികാ​ര​ത്തി​ലുള്ള ഈ ലോക​ത്തി​ന്റെ ജ്ഞാന​ത്തെ​ക്കാൾ യഹോ​വ​യു​ടെ ജ്ഞാനം ഉന്നതമാ​യി​രി​ക്കു​ന്നത്‌ എന്തു​കൊണ്ട്‌?

⁷ ദേശീ​യ​വും അന്തർദേ​ശീ​യ​വും ആയ ഭിന്നതകൾ എങ്ങനെ പരിഹ​രി​ക്കാം എന്നതി​നെ​ക്കു​റിച്ച്‌ സാത്താന്റെ കീഴി​ലുള്ള ഈ ലോക​ത്തി​ലെ ആളുകൾക്ക്‌ ഇപ്പോ​ഴും ഒരു എത്തും പിടി​യും ഇല്ല. ലോക​സ​മാ​ധാ​നം കൊണ്ടു​വ​രാ​നുള്ള ജ്ഞാനം യഹോ​വ​യ്‌ക്കു മാത്രമേ ഉള്ളൂ. (യശ. 2:3, 4; 54:13) അപ്പോ​സ്‌ത​ല​നായ പൗലോസ്‌ ഇങ്ങനെ എഴുതി: “ഹോ, ദൈവ​ത്തി​ന്റെ ധനവും ജ്ഞാനവും അറിവും എത്ര അപാരം! ദൈവ​ത്തി​ന്റെ വിധികൾ പരി​ശോ​ധി​ച്ച​റി​യുക തികച്ചും അസാധ്യം! ദൈവ​ത്തി​ന്റെ വഴികൾ ഒരിക്ക​ലും അന്വേ​ഷിച്ച്‌ കണ്ടുപി​ടി​ക്കാൻ പറ്റാത്തവ!” യഹോ​വ​യു​ടെ അറിവി​നെ​യും ജ്ഞാന​ത്തെ​യും കുറിച്ച്‌ പഠിക്കു​മ്പോൾ നമുക്കും അങ്ങനെ​തന്നെ തോന്നും.—റോമ. 11:33.

8. യഹോവ ഭരിക്കുന്ന വിധ​ത്തെ​ക്കു​റിച്ച്‌ നിങ്ങൾക്ക്‌ എന്താണു തോന്നു​ന്നത്‌?

⁸ നമ്മൾ കണ്ടതു​പോ​ലെ, യഹോ​വ​യ്‌ക്കാ​ണു ഭരിക്കാ​നുള്ള അവകാ​ശ​മു​ള്ള​തെന്നു ബൈബിൾ പറയുന്നു. എന്നാൽ അതു മാത്രമല്ല, യഹോ​വ​യു​ടെ ഭരണം മറ്റെല്ലാ ഭരണങ്ങ​ളെ​ക്കാ​ളും മികച്ച​താ​ണെ​ന്നും ബൈബിൾ വ്യക്തമാ​ക്കു​ന്നുണ്ട്‌. അങ്ങനെ പറയാ​നുള്ള ഒരു കാരണം, യഹോവ സ്‌നേ​ഹ​ത്തോ​ടെ​യാ​ണു ഭരിക്കു​ന്നത്‌ എന്നതാണ്‌. യഹോവ “കരുണ​യും  അനുക​മ്പ​യും ഉള്ള ദൈവം, പെട്ടെന്നു കോപി​ക്കാ​ത്തവൻ, അചഞ്ചല​സ്‌നേ​ഹ​വും സത്യവും നിറഞ്ഞവൻ” എന്നാണ്‌ യഹോ​വ​യെ​ക്കു​റിച്ച്‌ ബൈബിൾ പറയു​ന്നത്‌. (പുറ. 34:6) ഈ ഗുണങ്ങ​ളൊ​ക്കെ​യുള്ള ഒരു ഭരണാ​ധി​കാ​രി​യാണ്‌ യഹോ​വ​യെന്നു ചിന്തി​ക്കു​മ്പോൾ നമുക്ക്‌ യഹോ​വ​യോ​ടു കൂടുതൽ അടുപ്പം തോന്നു​ന്നി​ല്ലേ? ഭൂമി​യി​ലുള്ള തന്റെ ദാസ​രോട്‌ യഹോവ ആദര​വോ​ടെ​യാണ്‌ ഇടപെ​ടു​ന്നത്‌. യഹോവ നമ്മളെ ഇപ്പോൾ പരിപാ​ലി​ക്കു​ന്ന​ത്ര​യും നന്നായി നമുക്കു​വേണ്ടി കരുതാൻ നമുക്കു​പോ​ലു​മാ​കില്ല. സാത്താൻ പറഞ്ഞതു​പോ​ലെ, വിശ്വ​സ്‌ത​രായ ആരാധ​ക​രിൽനിന്ന്‌ നല്ലതു പിടി​ച്ചു​വെ​ക്കുന്ന ഒരു ദൈവമല്ല യഹോവ. അങ്ങനെ​യാ​യി​രു​ന്നെ​ങ്കിൽ നമുക്കു നിത്യം ജീവി​ക്കാൻ കഴി​യേ​ണ്ട​തിന്‌ യഹോവ ഒരിക്ക​ലും തന്റെ പ്രിയ​പ്പെട്ട മകനെ തരില്ലാ​യി​രു​ന്നു.—സങ്കീർത്തനം 84:11; റോമർ 8:32 വായി​ക്കുക.

9. യഹോ​വ​യ്‌ക്ക്‌ ഓരോ വ്യക്തി​യു​ടെ​യും കാര്യ​ത്തിൽ താത്‌പ​ര്യ​മു​ണ്ടെന്നു നമുക്ക്‌ എങ്ങനെ അറിയാം?

⁹ തന്റെ ജനത്തെ ഒരു കൂട്ടമെന്ന നിലയിൽ മാത്രമല്ല ദൈവം സ്‌നേ​ഹി​ക്കു​ന്നത്‌. ദൈവ​ത്തിന്‌ ഓരോ വ്യക്തി​യു​ടെ​യും കാര്യ​ത്തിൽ അതീവ​താ​ത്‌പ​ര്യ​മുണ്ട്‌. അതു മനസ്സി​ലാ​ക്കാൻ നമുക്കു ന്യായാ​ധി​പ​ന്മാ​രു​ടെ കാല​ത്തേക്ക്‌ ഒന്നു പോകാം. 300-ഓളം വർഷക്കാ​ലം ദൈവം തന്റെ ജനത്തെ ന്യായാ​ധി​പ​ന്മാ​രി​ലൂ​ടെ നയിക്കു​ക​യും അവരി​ലൂ​ടെ അവരെ ശത്രു​ക്ക​ളിൽനിന്ന്‌ വിടു​വി​ക്കു​ക​യും ചെയ്‌തു​കൊ​ണ്ടി​രു​ന്നു. എന്നാൽ പ്രക്ഷു​ബ്ധ​മായ ആ സമയത്തും യഹോവ വ്യക്തി​കളെ ശ്രദ്ധി​ക്കു​ന്നു​ണ്ടാ​യി​രു​ന്നു. അതിൽ ഒരാളാ​യി​രു​ന്നു രൂത്ത്‌. ഒരു ഇസ്രാ​യേ​ല്യ​സ്‌ത്രീ​യ​ല്ലാ​യി​രുന്ന രൂത്ത്‌ പല ത്യാഗ​ങ്ങ​ളും ചെയ്‌താണ്‌ യഹോ​വ​യു​ടെ ഒരു ആരാധി​ക​യാ​യി​ത്തീർന്നത്‌. ഒരു ഭർത്താ​വി​നെ​യും മകനെ​യും കൊടു​ത്തു​കൊണ്ട്‌ യഹോവ രൂത്തിനെ അനു​ഗ്ര​ഹി​ച്ചു. എന്നാൽ അനു​ഗ്ര​ഹങ്ങൾ അവിടം​കൊണ്ട്‌ അവസാ​നി​ച്ചില്ല. രൂത്ത്‌ പുനരു​ത്ഥാ​ന​പ്പെ​ട്ടു​വ​രു​മ്പോൾ, മിശി​ഹ​യു​ടെ വംശാ​വ​ലി​യി​ലെ ഒരു കണ്ണിയാ​യി​രു​ന്നു തന്റെ മകൻ എന്നു മനസ്സി​ലാ​ക്കും. ഇനി, തന്റെ പേരി​ലുള്ള ഒരു ബൈബിൾപു​സ്‌ത​ക​ത്തിൽ തന്റെ ജീവി​തകഥ എഴുതി​സൂ​ക്ഷി​ച്ച​താ​യി അറിയു​മ്പോൾ രൂത്ത്‌ എത്രമാ​ത്രം സന്തോ​ഷി​ക്കു​മെന്നു ചിന്തി​ച്ചു​നോ​ക്കുക!—രൂത്ത്‌ 4:13; മത്താ. 1:5, 16.

10. യഹോവ അടിച്ച​മർത്തി ഭരിക്കുന്ന ഒരാള​ല്ലെന്നു പറയാ​നാ​കു​ന്നത്‌ എന്തു​കൊണ്ട്‌?

¹⁰ യഹോവ അടിച്ച​മർത്തി ഭരിക്കുന്ന ഒരാളല്ല. ദൈവ​ത്തി​ന്റെ ഭരണത്തി​നു കീഴ്‌പെ​ടു​ന്ന​വർക്കു സ്വാത​ന്ത്ര്യ​മാ​ണു തോന്നു​ന്നത്‌, അവർ സന്തോ​ഷ​മു​ള്ള​വ​രു​മാണ്‌. (2 കൊരി. 3:17) ദാവീദ്‌ അതെക്കു​റിച്ച്‌ ഇങ്ങനെ പറഞ്ഞു: “തിരു​സ​ന്നി​ധി മഹത്ത്വ​വും തേജസ്സും കൊണ്ട്‌ ശോഭി​ക്കു​ന്നു; ദൈവ​ത്തി​ന്റെ വാസസ്ഥ​ലത്ത്‌ ബലവും ആനന്ദവും ഉണ്ട്‌.” (1 ദിന. 16:7, 27) അതു​പോ​ലെ, സങ്കീർത്ത​ന​ക്കാ​ര​നായ ഏഥാൻ ഇങ്ങനെ എഴുതി: “ആഹ്ലാദാ​ര​വ​ങ്ങ​ളോ​ടെ അങ്ങയെ സ്‌തു​തി​ക്കു​ന്നവർ സന്തുഷ്ടർ. യഹോവേ, അവർ അങ്ങയുടെ മുഖത്തി​ന്റെ പ്രകാ​ശ​ത്തിൽ നടക്കുന്നു. ദിവസം മുഴുവൻ അവർ അങ്ങയുടെ നാമത്തിൽ ആനന്ദി​ക്കു​ന്നു; അങ്ങയുടെ നീതി​യാൽ അവർക്ക്‌ ഉന്നമന​മു​ണ്ടാ​യി​രി​ക്കു​ന്നു.”—സങ്കീ. 89:15, 16.

11. യഹോ​വ​യു​ടെ ഭരണമാണ്‌ ഏറ്റവും നല്ലതെ​ന്നുള്ള ബോധ്യം നമുക്ക്‌ എങ്ങനെ ശക്തമാ​ക്കാം?

¹¹ യഹോ​വ​യു​ടെ ഭരണമാണ്‌ ഏറ്റവും നല്ലതെന്ന നമ്മുടെ ബോധ്യം ശക്തമാ​ക്കാൻ ഒരു വഴിയുണ്ട്‌: യഹോ​വ​യു​ടെ നന്മയെ​ക്കു​റിച്ച്‌ കൂടെ​ക്കൂ​ടെ ചിന്തി​ക്കുക. എങ്കിൽ, “തിരു​മു​റ്റത്തെ ഒരു ദിവസം വേറെ ആയിരം ദിവസ​ത്തെ​ക്കാൾ ഉത്തമം!” എന്നു പറഞ്ഞ സങ്കീർത്ത​ന​ക്കാ​ര​നെ​പ്പോ​ലെ നമുക്കും തോന്നും. (സങ്കീ. 84:10) അതിൽ ഒട്ടും അതിശ​യോ​ക്തി​യില്ല. കാരണം നമ്മളെ രൂപക​ല്‌പന ചെയ്‌ത​തും സൃഷ്ടി​ച്ച​തും യഹോ​വ​യാ​യ​തു​കൊണ്ട്‌ നമുക്കു സന്തോഷം തരുന്നത്‌ എന്താ​ണെന്ന്‌ യഹോ​വ​യ്‌ക്ക്‌ അറിയാം. യഹോവ അത്തരം ആവശ്യങ്ങൾ സമൃദ്ധ​മാ​യി നിറ​വേ​റ്റു​ക​യും ചെയ്യുന്നു. യഹോവ ആവശ്യ​പ്പെ​ടുന്ന ചില കാര്യങ്ങൾ ചെയ്യാൻ നമ്മുടെ ഭാഗത്ത്‌ ത്യാഗങ്ങൾ വേണ്ടി​വ​ന്നേ​ക്കാം എന്നതു ശരിയാണ്‌. എന്നാൽ യഹോവ എന്ത്‌ ആവശ്യ​പ്പെ​ട്ടാ​ലും അതു നമ്മുടെ പ്രയോ​ജ​ന​ത്തി​നു​വേ​ണ്ടി​യാ​ണെന്ന്‌ ഓർക്കുക. ആത്യന്തി​ക​മാ​യി അതു നമുക്കു സന്തോഷം തരും.—യശയ്യ 48:17 വായി​ക്കുക.

12. നമ്മൾ യഹോ​വ​യു​ടെ പരമാ​ധി​കാ​രത്തെ പിന്തു​ണ​യ്‌ക്കാ​നുള്ള പ്രധാ​ന​കാ​രണം എന്താണ്‌?

¹² ക്രിസ്‌തു​വി​ന്റെ ആയിരം​വർഷ​വാ​ഴ്‌ച​യ്‌ക്കു ശേഷം ചിലയാ​ളു​കൾ യഹോ​വ​യു​ടെ പരമാ​ധി​കാ​രത്തെ ധിക്കരി​ക്കു​മെന്നു ബൈബിൾ സൂചി​പ്പി​ക്കു​ന്നുണ്ട്‌. (വെളി. 20:7, 8) അതിന്‌ അവരെ പ്രേരി​പ്പി​ക്കു​ന്നത്‌ എന്തായി​രി​ക്കും? ആ സമയത്ത്‌ ബന്ധനത്തിൽനിന്ന്‌ മോചി​ത​നാ​കുന്ന സാത്താൻ, യഹോ​വയെ അനുസ​രി​ക്കാ​തെ എന്നേക്കും ജീവി​ക്കാൻ കഴിയു​മെന്ന്‌ ആളുകളെ ബോധ്യ​പ്പെ​ടു​ത്താൻ ഒരിക്കൽക്കൂ​ടെ ശ്രമി​ച്ചേ​ക്കാം. എന്നാൽ അത്‌ ഒരു വലിയ നുണയാ​യി​രി​ക്കും. എങ്കിൽ ചോദ്യം ഇതാണ്‌: അങ്ങനെ​യൊ​രു നുണ കേട്ടാൽ നമ്മൾ അതു വിശ്വ​സി​ക്കു​മോ? നമുക്കു ശരിക്കും യഹോ​വ​യോ​ടു സ്‌നേ​ഹ​മു​ണ്ടെ​ങ്കിൽ, യഹോ​വ​യു​ടെ നന്മയോ​ടു വിലമ​തി​പ്പു​ണ്ടെ​ങ്കിൽ, പ്രപഞ്ചത്തെ ഭരിക്കാ​നുള്ള അവകാശം യഹോ​വ​യ്‌ക്കാ​ണെന്നു ബോധ്യ​മു​ണ്ടെ​ങ്കിൽ സാത്താന്റെ ആ വാദം നമുക്ക്‌ അസഹ്യ​മാ​യി തോന്നും. യഹോ​വ​യു​ടെ സ്‌നേഹം നിറഞ്ഞ ഭരണമ​ല്ലാ​തെ മറ്റൊരു ഭരണവും നമുക്കു സ്വീകാ​ര്യ​മാ​യി​രി​ക്കില്ല.

13. ദൈവ​ത്തി​ന്റെ പരമാ​ധി​കാ​രത്തെ പിന്തു​ണ​യ്‌ക്കു​ന്നെന്നു നമുക്ക്‌ എങ്ങനെ തെളി​യി​ക്കാം?

¹³ നമ്മൾ മനസ്സി​ലാ​ക്കി​യ​തു​പോ​ലെ യഹോ​വ​യ്‌ക്കാ​ണു ഭരിക്കാ​നുള്ള അവകാ​ശ​മു​ള്ളത്‌, യഹോ​വ​യു​ടെ ഭരണമാണ്‌ ഏറ്റവും മികച്ചത്‌. അതു​കൊണ്ട്‌ തീർച്ച​യാ​യും നമ്മൾ യഹോ​വ​യു​ടെ പരമാ​ധി​കാ​രത്തെ മുഴു​ഹൃ​ദ​യ​ത്തോ​ടെ പിന്തു​ണ​യ്‌ക്കണം. നമുക്ക്‌ അത്‌ എങ്ങനെ ചെയ്യാം? വിശ്വ​സ്‌ത​മാ​യി ദൈവത്തെ സേവി​ക്കു​ന്ന​താണ്‌ ഒരു വഴി. മറ്റ്‌ എന്തെങ്കി​ലും വഴിക​ളു​ണ്ടോ? യഹോ​വയെ അനുക​രി​ച്ചു​കൊ​ണ്ടും നമുക്ക്‌ അതു ചെയ്യാം. യഹോവ ചെയ്യു​ന്ന​തു​പോ​ലെ കാര്യങ്ങൾ ചെയ്യു​മ്പോൾ നമ്മൾ യഹോവ ഭരിക്കുന്ന വിധത്തെ ഇഷ്ടപ്പെ​ടു​ന്നെ​ന്നും പിന്തു​ണ​യ്‌ക്കു​ന്നെ​ന്നും തെളി​യി​ക്കു​ക​യാണ്‌.—എഫെസ്യർ 5:1, 2 വായി​ക്കുക.

14. മൂപ്പന്മാർക്കും കുടും​ബ​നാ​ഥ​ന്മാർക്കും യഹോ​വയെ എങ്ങനെ അനുക​രി​ക്കാം?

¹⁴ യഹോവ എപ്പോ​ഴും തന്റെ അധികാ​രം ഉപയോ​ഗി​ക്കു​ന്നതു സ്‌നേ​ഹ​ത്തോ​ടെ​യാ​ണെന്നു ബൈബിൾ പഠിക്കു​മ്പോൾ മനസ്സി​ലാ​കും. യഹോ​വ​യു​ടെ പരമാ​ധി​കാ​രത്തെ സ്‌നേ​ഹി​ക്കുന്ന കുടും​ബ​നാ​ഥ​ന്മാ​രും മൂപ്പന്മാ​രും യഹോ​വ​യു​ടെ ഈ രീതി മാതൃ​ക​യാ​ക്കു​ന്നു. അവർ ഒരിക്ക​ലും കടും​പി​ടു​ത്ത​ക്കാ​രോ മറ്റുള്ള​വരെ അടക്കി​ഭ​രി​ക്കു​ന്ന​വ​രോ ആയിരി​ക്കില്ല. പകരം അവർ യഹോ​വയെ അനുക​രി​ക്കും. ഈ വിധത്തിൽ ദൈവ​ത്തെ​യും പുത്ര​നെ​യും അനുക​രി​ച്ച​യാ​ളാ​ണു പൗലോസ്‌. (1 കൊരി. 11:1) പൗലോസ്‌ മറ്റുള്ള​വ​രു​ടെ മേൽ അനാവ​ശ്യ​നി​യ​ന്ത്ര​ണങ്ങൾ വെക്കു​ക​യോ അവർ തന്റെ വഴിക്കു വരണ​മെന്നു ശഠിക്കു​ക​യോ ചെയ്‌തില്ല. പകരം ശരിയായ കാര്യങ്ങൾ ചെയ്യാൻ അവരെ ദയയോ​ടെ പ്രചോ​ദി​പ്പി​ക്കു​ക​യാ​ണു ചെയ്‌തത്‌. (റോമ. 12:1; എഫെ. 4:1; ഫിലേ. 8-10) അതാണ്‌ യഹോ​വ​യു​ടെ രീതി. യഹോ​വ​യു​ടെ ഭരണത്തെ ഇഷ്ടപ്പെ​ടു​ക​യും പിന്തു​ണ​യ്‌ക്കു​ക​യും ചെയ്യു​ന്ന​വ​രു​ടെ രീതി​യും അതായി​രി​ക്കണം.

15. അധികാ​ര​സ്ഥാ​ന​ങ്ങ​ളി​ലു​ള്ള​വരെ ആദരി​ച്ചു​കൊണ്ട്‌ നമുക്ക്‌ എങ്ങനെ യഹോ​വ​യു​ടെ പരമാ​ധി​കാ​രത്തെ പിന്തു​ണ​യ്‌ക്കാം?

¹⁵ യഹോവ അധികാ​ര​സ്ഥാ​ന​ങ്ങ​ളി​ലാ​ക്കി​യ​വരെ ആദരി​ച്ചു​കൊ​ണ്ടും അവരോ​ടു സഹകരി​ച്ചു​കൊ​ണ്ടും യഹോ​വ​യു​ടെ പരമാ​ധി​കാ​രത്തെ പിന്തു​ണ​യ്‌ക്കു​ന്നെന്നു നമുക്കു കാണി​ക്കാം. ചില​പ്പോൾ ഒരു തീരു​മാ​നം നമുക്കു പൂർണ​മാ​യി മനസ്സി​ലാ​കു​ന്നി​ല്ലാ​യി​രി​ക്കാം, അല്ലെങ്കിൽ അതി​നോ​ടു യോജി​ക്കാൻ കഴി​ഞ്ഞെന്നു വരില്ല. അപ്പോൾപ്പോ​ലും നമ്മൾ ദിവ്യാ​ധി​പ​ത്യ​ക്ര​മീ​ക​ര​ണ​ങ്ങളെ പിന്തു​ണ​യ്‌ക്കണം. ഈ ലോക​ത്തി​ന്റെ രീതി അതല്ലെ​ങ്കി​ലും യഹോ​വയെ ഭരണാ​ധി​കാ​രി​യാ​യി കാണു​ന്ന​വ​രു​ടെ ജീവി​ത​രീ​തി അതാണ്‌. (എഫെ. 5:22, 23; 6:1-3; എബ്രാ. 13:17) അതു തീർച്ച​യാ​യും നമുക്കു പ്രയോ​ജനം ചെയ്യും.  കാരണം നമുക്കു നന്മ വരണ​മെ​ന്നാണ്‌ യഹോ​വ​യു​ടെ ആഗ്രഹം.

16. ദൈവ​ത്തി​ന്റെ പരമാ​ധി​കാ​രത്തെ പിന്തു​ണ​യ്‌ക്കു​ന്നവർ എങ്ങനെ​യാ​ണു തീരു​മാ​നങ്ങൾ എടുക്കു​ന്നത്‌?

¹⁶ നമ്മൾ എടുക്കുന്ന തീരു​മാ​ന​ങ്ങൾകൊ​ണ്ടും ദൈവ​ത്തി​ന്റെ പരമാ​ധി​കാ​രത്തെ പിന്തു​ണ​യ്‌ക്കു​ന്നെന്നു നമുക്കു കാണി​ക്കാ​നാ​കും. ഓരോ സാഹച​ര്യ​ത്തി​ലും എന്തു ചെയ്യണ​മെ​ന്നുള്ള കല്‌പ​നകൾ തരുന്നതല്ല യഹോ​വ​യു​ടെ രീതി. പകരം താൻ ചിന്തി​ക്കുന്ന വിധം യഹോവ നമുക്കു വെളി​പ്പെ​ടു​ത്തി​ത്ത​രു​ന്നു. ഉദാഹ​ര​ണ​ത്തിന്‌, വസ്‌ത്ര​ധാ​ര​ണ​ത്തി​ന്റെ കാര്യം. ക്രിസ്‌ത്യാ​നി​കൾ ഏതെല്ലാം വസ്‌ത്ര​ങ്ങ​ളാ​ണു ധരി​ക്കേ​ണ്ട​തെന്ന വിശദ​മായ പട്ടിക​യൊ​ന്നും ദൈവം തന്നിട്ടില്ല. പകരം ഇക്കാര്യ​ത്തിൽ താൻ ആഗ്രഹി​ക്കു​ന്നത്‌ എന്താ​ണെന്നു ദൈവം വെളി​പ്പെ​ടു​ത്തി​യി​ട്ടുണ്ട്‌. നമ്മുടെ വസ്‌ത്ര​ധാ​ര​ണ​വും ചമയവും മാന്യ​മാ​യി​രി​ക്ക​ണ​മെ​ന്നും ക്രിസ്‌തീ​യ​ശു​ശ്രൂ​ഷ​കർക്കു ചേരു​ന്ന​താ​യി​രി​ക്ക​ണ​മെ​ന്നും യഹോവ പറയുന്നു. (1 തിമൊ. 2:9, 10) കൂടാതെ, നമ്മുടെ അത്തരം തീരു​മാ​നങ്ങൾ മറ്റുള്ള​വരെ എങ്ങനെ ബാധി​ക്കു​മെന്നു നമ്മൾ ചിന്തി​ക്കാ​നും ദൈവം ആഗ്രഹി​ക്കു​ന്നു. (1 കൊരി. 10:31-33) നമ്മുടെ കാലടി​കളെ നയിക്കാൻ സ്വന്തം താത്‌പ​ര്യ​ങ്ങൾക്കു പകരം യഹോ​വ​യു​ടെ ചിന്തയെ അനുവ​ദി​ക്കു​ന്നെ​ങ്കിൽ യഹോവ ഭരിക്കുന്ന വിധത്തെ സ്‌നേ​ഹി​ക്കു​ന്നെ​ന്നും പിന്തു​ണ​യ്‌ക്കു​ന്നെ​ന്നും നമ്മൾ കാണി​ക്കു​ക​യാ​യി​രി​ക്കും.

17, 18. യഹോ​വ​യു​ടെ പരമാ​ധി​കാ​രത്തെ പിന്തു​ണ​യ്‌ക്കു​ന്നെന്നു ദമ്പതി​കൾക്ക്‌ എങ്ങനെ തെളി​യി​ക്കാം?

¹⁷ ക്രിസ്‌തീ​യ​ദ​മ്പ​തി​കൾക്ക്‌ യഹോ​വ​യു​ടെ പരമാ​ധി​കാ​രത്തെ പിന്തു​ണ​യ്‌ക്കാൻ കഴിയുന്ന ഒരു മേഖല​യെ​ക്കു​റിച്ച്‌ ഇനി നോക്കാം. വിവാ​ഹ​ജീ​വി​ത​ത്തി​ലേക്കു കാലെ​ടു​ത്തു​വെ​ക്കുന്ന ഒരു ദമ്പതി​ക​ളെ​ക്കു​റിച്ച്‌ ചിന്തി​ക്കുക. അവരുടെ ദാമ്പത്യം വിചാ​രി​ച്ച​തി​നെ​ക്കാൾ വെല്ലു​വി​ളി​കൾ നിറഞ്ഞ​താ​ണെ​ങ്കി​ലോ? ഇനി, അതു നിരാശ മാത്രം സമ്മാനി​ക്കു​ന്നെ​ങ്കി​ലോ? എന്തു ചെയ്യും? അത്തര​മൊ​രു സാഹച​ര്യ​ത്തിൽ, ഇസ്രാ​യേൽ ജനത​യോട്‌ യഹോവ എങ്ങനെ​യാണ്‌ ഇടപെ​ട്ട​തെന്നു ചിന്തി​ക്കുക. ആ ജനതയു​ടെ ഭർത്താ​വി​നെ​പ്പോ​ലെ​യാ​ണു താനെന്ന്‌ യഹോവ പറഞ്ഞു. (യശ. 54:5; 62:4) എന്നാൽ പ്രശ്‌നങ്ങൾ നിറഞ്ഞ ഒരു ‘വിവാ​ഹ​ബ​ന്ധ​മാ​യി​രു​ന്നു’ അത്‌. പക്ഷേ യഹോവ തിടു​ക്ക​ത്തിൽ ആ ബന്ധം അവസാ​നി​പ്പി​ക്കാൻ ശ്രമി​ച്ചില്ല. യഹോവ പലവട്ടം ആ ജനത​യോ​ടു കരുണ കാണിച്ചു, വീണ്ടും​വീ​ണ്ടും അവരോ​ടുള്ള വാക്കു​പാ​ലി​ച്ചു. (സങ്കീർത്തനം 106:43-45 വായി​ക്കുക.) ആ അചഞ്ചല​സ്‌നേ​ഹ​ത്തെ​ക്കു​റിച്ച്‌ ചിന്തി​ക്കു​മ്പോൾ നമുക്ക്‌ യഹോ​വ​യോട്‌ അടുപ്പം തോന്നു​ന്നി​ല്ലേ?

¹⁸ യഹോ​വ​യു​ടെ വഴികളെ സ്‌നേ​ഹി​ക്കുന്ന ദമ്പതികൾ യഹോ​വയെ അനുക​രി​ക്കും. പ്രശ്‌ന​ങ്ങ​ളുള്ള ഒരു ദാമ്പത്യം അവസാ​നി​പ്പി​ക്കാൻ അവർ തിരു​വെ​ഴു​ത്തു​വി​രു​ദ്ധ​മായ വഴികൾ തേടില്ല. യഹോ​വ​യാണ്‌ അവരെ കൂട്ടി​ച്ചേർത്ത​തെ​ന്നും വിവാ​ഹ​പ്ര​തി​ജ്ഞയെ ഗൗരവ​ത്തോ​ടെ കാണുന്ന അവർ ‘പറ്റി​ച്ചേർന്നി​രി​ക്ക​ണ​മെ​ന്നാണ്‌’ യഹോവ ആഗ്രഹി​ക്കു​ന്ന​തെ​ന്നും അവർ മനസ്സി​ലാ​ക്കു​ന്നു. പുനർവി​വാ​ഹ​ത്തി​നുള്ള സ്വാത​ന്ത്ര്യ​ത്തോ​ടെ വിവാ​ഹ​മോ​ചനം നേടാൻ തിരു​വെ​ഴു​ത്തു​കൾ അനുവ​ദി​ക്കുന്ന ഒരേ ഒരു കാരണം ലൈം​ഗിക അധാർമി​ക​ത​യാണ്‌. (മത്താ. 19:5, 6, 9) പ്രശ്‌ന​ങ്ങ​ളു​ണ്ടെ​ങ്കി​ലും സന്തോഷം നഷ്ടപ്പെ​ടാ​തെ, വിവാ​ഹ​ബന്ധം ഒരു വിജയ​മാ​ക്കാൻ ശ്രമി​ക്കുന്ന ദമ്പതികൾ യഹോ​വ​യു​ടെ ഭരണത്തെ പിന്തു​ണ​യ്‌ക്കു​ക​യാണ്‌.

19. ദൈവ​ത്തി​ന്റെ പരമാ​ധി​കാ​രത്തെ പിന്തു​ണ​യ്‌ക്കു​ന്ന​തിൽ പരാജ​യ​പ്പെ​ട്ടാൽ നമ്മൾ എന്തു ചെയ്യണം?

¹⁹ അപൂർണ​രാ​യ​തു​കൊണ്ട്‌ ഇടയ്‌ക്കെ​ല്ലാം യഹോ​വയെ നിരാ​ശ​പ്പെ​ടു​ത്തുന്ന കാര്യങ്ങൾ നമ്മൾ ചെയ്‌തേ​ക്കാം. യഹോ​വ​യ്‌ക്ക്‌ ഇത്‌ അറിയാം. അതു​കൊ​ണ്ടാണ്‌, ക്രിസ്‌തു​വി​ന്റെ മോച​ന​വി​ല​യി​ലൂ​ടെ യഹോവ സ്‌നേ​ഹ​പൂർവം നമുക്കാ​യി കരുതി​യി​രി​ക്കു​ന്നത്‌. അതു​കൊണ്ട്‌, എന്തെങ്കി​ലും തെറ്റു പറ്റിയാൽ നമ്മൾ ക്ഷമയ്‌ക്കാ​യി യഹോ​വ​യോ​ടു പ്രാർഥി​ക്കണം. (1 യോഹ. 2:1, 2) എപ്പോ​ഴും നമ്മുടെ തെറ്റി​നെ​ക്കു​റിച്ച്‌ ഓർത്ത്‌ പരിത​പി​ക്കു​ന്ന​തി​നു പകരം ആ തെറ്റിൽനിന്ന്‌ പാഠം പഠിക്കാൻ ശ്രമി​ക്കുക. യഹോ​വ​യോട്‌ അടുത്തു​നിൽക്കു​ന്നെ​ങ്കിൽ യഹോവ നമ്മളോ​ടു ക്ഷമിക്കും. ഒപ്പം നമ്മുടെ മനസ്സിന്റെ വേദനകൾ മറക്കാ​നും ഭാവി​യിൽ സമാന​മായ സാഹച​ര്യ​ങ്ങൾ വിജയ​ക​ര​മാ​യി കൈകാ​ര്യം ചെയ്യാ​നും സഹായി​ക്കും.—സങ്കീ. 103:3.

20. ഇന്നു നമ്മൾ യഹോ​വ​യു​ടെ പരമാ​ധി​കാ​രത്തെ പിന്തു​ണ​യ്‌ക്കു​ന്നെന്നു തെളി​യി​ക്കേ​ണ്ടത്‌ എന്തു​കൊണ്ട്‌?

²⁰ പുതി​യ​ലോ​ക​ത്തിൽ എല്ലാവ​രും യഹോ​വ​യു​ടെ പരമാ​ധി​കാ​ര​ത്തിൻകീ​ഴി​ലാ​യിരി​ക്കും. എല്ലാവ​രും അന്ന്‌ യഹോ​വ​യു​ടെ നീതി​യുള്ള വഴികൾ പഠിക്കും. (യശ. 11:9) എന്നാൽ നമുക്ക്‌ ഇപ്പോൾത്തന്നെ ഒരളവിൽ അത്തരത്തി​ലുള്ള വിദ്യാ​ഭ്യാ​സം ലഭിക്കു​ന്നുണ്ട്‌. യഹോ​വ​യു​ടെ പരമാ​ധി​കാ​ര​വു​മാ​യി ബന്ധപ്പെട്ട വിവാ​ദ​വി​ഷ​യ​ത്തിന്‌ ഒരു തീർപ്പാ​കാ​റാ​യി. അതു​കൊണ്ട്‌, യഹോ​വയെ അനുസ​രി​ച്ചു​കൊ​ണ്ടും യഹോ​വയെ വിശ്വ​സ്‌ത​മാ​യി സേവി​ച്ചു​കൊ​ണ്ടും നമ്മുടെ കഴിവി​ന്റെ പരമാ​വധി യഹോ​വയെ അനുക​രി​ച്ചു​കൊ​ണ്ടും ദൈവ​ത്തി​ന്റെ പരമാ​ധി​കാ​രത്തെ പിന്തു​ണ​യ്‌ക്കു​ന്നെന്നു കാണി​ക്കാ​നുള്ള സമയം ഇപ്പോ​ഴാണ്‌!