ബൈബിൾ വായി​ക്കു​മ്പോൾ, ആഴത്തിൽ പഠിച്ചു​കൊണ്ട്‌ നമുക്ക്‌ ആത്മീയരത്നങ്ങൾ കണ്ടെത്താ​നാ​കും. എന്നാൽ കൂടുതൽ പ്രയോ​ജനം നേടാൻ നിങ്ങൾക്ക്‌ എന്തു ചെയ്യാം?

ആഴത്തി​ലേക്ക്‌ ഇറങ്ങി​ച്ചെ​ല്ലുക. ബൈബിൾവി​വ​ര​ണങ്ങൾ വായി​ക്കു​മ്പോൾ അതിന്റെ വിശദാം​ശങ്ങൾ മനസ്സി​ലാ​ക്കാൻ ശ്രമി​ക്കുക. ഉദാഹ​ര​ണ​ത്തിന്‌, ഇങ്ങനെ​യൊ​ക്കെ ചിന്തി​ക്കാം: ആ ഭാഗം എഴുതി​യത്‌ ആരാണ്‌? അത്‌ ആർക്കു​വേണ്ടി, എപ്പോൾ എഴുതി​യ​താണ്‌? ആ സംഭവം നടന്ന​പ്പോ​ഴത്തെ സാഹച​ര്യം എന്തായി​രു​ന്നു? അതിനു മുമ്പും അതിനു ശേഷവും എന്തൊ​ക്കെ​യാണ്‌ നടന്നത്‌?

പാഠങ്ങൾ മനസ്സി​ലാ​ക്കുക. അതിന്‌ ഇത്തരം ചോദ്യ​ങ്ങ​ളെ​ക്കു​റിച്ച്‌ ചിന്തി​ക്കുക: ‘ഈ വിവര​ണ​ത്തി​ലെ ആളുകൾക്ക്‌ ആ സമയത്ത്‌ എന്തു വികാ​ര​മാണ്‌ തോന്നി​യത്‌? എന്തെല്ലാം ഗുണങ്ങ​ളാണ്‌ അവർ കാണി​ച്ചത്‌? ഞാൻ ആ ഗുണങ്ങൾ അനുക​രി​ക്കേ​ണ്ടത്‌ എന്തു​കൊ​ണ്ടാണ്‌? ഇനി അവർ കാണി​ച്ചത്‌ മോശം ഗുണമാ​ണെ​ങ്കിൽ അത്‌ ഒഴിവാ​ക്കേ​ണ്ടത്‌ എന്തു​കൊണ്ട്‌?’

പ്രാവർത്തി​ക​മാ​ക്കുക. ശുശ്രൂ​ഷ​യിൽ ആയിരി​ക്കു​മ്പോ​ഴോ മറ്റുള്ള​വ​രോട്‌ ഇടപെ​ടു​മ്പോ​ഴോ പഠിച്ച കാര്യ​ങ്ങൾക്കു ചേർച്ച​യിൽ പ്രവർത്തി​ക്കുക. അങ്ങനെ ചെയ്യു​മ്പോൾ നിങ്ങൾ ദൈവി​ക​ജ്ഞാ​നം പ്രകടി​പ്പി​ക്കു​ക​യാണ്‌. ബൈബിൾ അതെക്കു​റിച്ച്‌ പറയുന്നു: “ദിവ്യാ​ജ്ഞകൾ പാലി​ക്കു​ന്ന​വ​രെ​ല്ലാം നല്ല ഉൾക്കാഴ്‌ച കാണി​ക്കു​ന്നു.”—സങ്കീ. 111:10.

• ഒരു സഹായം: ഇടദി​വ​സത്തെ യോഗ​ത്തി​ലുള്ള ദൈവ​വ​ച​ന​ത്തി​ലെ നിധികൾ എന്ന ഭാഗം, പഠിച്ച കാര്യങ്ങൾ എങ്ങനെ പ്രാവർത്തി​ക​മാ​ക്കാം എന്നു ചിന്തി​ക്കാൻ സഹായി​ക്കും. സ്വയം ചോദി​ക്കാ​നാ​കുന്ന ചോദ്യ​ങ്ങ​ളും ധ്യാനി​ക്കാ​നാ​കുന്ന പോയി​ന്റു​ക​ളും കൂടുതൽ മനസ്സി​ലാ​ക്കാൻ സഹായി​ക്കുന്ന ചിത്ര​ങ്ങ​ളും അതിൽ പതിവാ​യി കൊടു​ക്കാ​റുണ്ട്‌.