“എപ്പോ​ഴും ഉണർന്നി​രി​ക്കുക. കാരണം ആ ദിവസ​മോ മണിക്കൂ​റോ നിങ്ങൾക്ക്‌ അറിയി​ല്ല​ല്ലോ.”—മത്തായി 25:13.

“നോക്കി​യി​രി​ക്കൂ! ഉണർന്നി​രി​ക്കൂ! നിശ്ചയി​ച്ചി​രി​ക്കുന്ന സമയം നിങ്ങൾക്ക്‌ അറിയി​ല്ല​ല്ലോ.”—മർക്കോസ്‌ 13:33.

ഈ ലോക​ത്തി​ന്റെ അവസാ​ന​ത്തി​നാ​യി ദൈവം ഒരു ‘നിശ്ചി​ത​സ​മയം,’ അതായത്‌ ഒരു കൃത്യ “ദിവസ​വും മണിക്കൂ​റും” വെച്ചി​ട്ടുണ്ട്‌. ഭൂമി​യി​ലുള്ള ആർക്കും അത്‌ എപ്പോ​ഴാ​ണെന്ന്‌ അറിയില്ല. (മത്തായി 24:36) എന്നാൽ അതിന്റെ അർഥം, ലോകാ​വ​സാ​നം അടുത്തോ എന്ന്‌ അറിയാൻ ഒരു വഴിയും ഇല്ലെന്നാ​ണോ? അങ്ങനെയല്ല. അവസാനം അടുക്കു​മ്പോൾ ചില കാര്യങ്ങൾ സംഭവി​ക്കു​മെ​ന്നും അതിനു​വേണ്ടി നോക്കി​യി​രി​ക്ക​ണ​മെ​ന്നും യേശു തന്റെ ശിഷ്യ​ന്മാ​രോ​ടു പറഞ്ഞി​രു​ന്നു.

ഈ “വ്യവസ്ഥി​തി അവസാ​നി​ക്കാൻപോ​കു​ന്നു” എന്നതിന്റെ അടയാ​ള​മാ​യി യേശു പറഞ്ഞു: “ജനത ജനതയ്‌ക്ക്‌ എതി​രെ​യും രാജ്യം രാജ്യ​ത്തിന്‌ എതി​രെ​യും എഴു​ന്നേൽക്കും. ഒന്നിനു പുറകേ ഒന്നായി പല സ്ഥലങ്ങളിൽ ഭക്ഷ്യക്ഷാ​മ​ങ്ങ​ളും ഭൂകമ്പ​ങ്ങ​ളും ഉണ്ടാകും.” (മത്തായി 24:3, 7) അതു​പോ​ലെ മാരക​മായ ‘പകർച്ച​വ്യാ​ധി​കൾ’ ഉണ്ടാകു​മെ​ന്നും യേശു പറഞ്ഞു. (ലൂക്കോസ്‌ 21:11) യേശു പറഞ്ഞ ആ കാര്യ​ങ്ങ​ളൊ​ക്കെ ഇപ്പോൾ കാണു​ന്നി​ല്ലേ?

യുദ്ധം, ക്ഷാമം, ഭൂകമ്പങ്ങൾ, മാരക​മായ രോഗങ്ങൾ എന്നിവ​മൂ​ലം ഇന്നു ഭൂമി​യി​ലെ ആളുകൾ കഷ്ടപ്പെ​ടു​ക​യാണ്‌. ഉദാഹ​ര​ണ​ത്തിന്‌, 2004-ൽ ഇന്ത്യൻ മഹാസ​മു​ദ്ര​ത്തി​ലു​ണ്ടായ ഭൂകമ്പം​കൊണ്ട്‌ വന്ന സുനാമി ഏകദേശം 2,25,000 പേരുടെ ജീവനാ​ണെ​ടു​ത്തത്‌. ഇനി, കോവിഡ്‌-19 മഹാമാ​രി കാരണം മൂന്നു വർഷം​കൊണ്ട്‌ ലോക​മെ​മ്പാ​ടു​മാ​യി ഏതാണ്ട്‌ 69 ലക്ഷം ആളുക​ളു​ടെ ജീവനാ​ണു പൊലി​ഞ്ഞത്‌. ഇതെല്ലാം ഈ വ്യവസ്ഥി​തി അവസാ​നി​ക്കാൻ പോകു​ന്നു എന്നതിന്റെ തെളി​വു​ക​ളാ​യി​രി​ക്കു​മെന്ന്‌ യേശു പറഞ്ഞു.

ഈ വ്യവസ്ഥി​തി​യു​ടെ നാശത്തി​നു തൊട്ടു​മു​മ്പുള്ള കാലത്തെ ‘അവസാ​ന​കാ​ലം’ എന്നാണ്‌ ബൈബിൾ വിളി​ച്ചി​രി​ക്കു​ന്നത്‌. (2 പത്രോസ്‌ 3:3, 4) അവസാ​ന​കാ​ലത്ത്‌ ആളുക​ളു​ടെ സ്വഭാ​വ​രീ​തി​കൾ വളരെ മോശ​മാ​യി​രി​ക്കു​മെന്ന്‌ 2 തിമൊ​ഥെ​യൊസ്‌ 3:1-5 പറയുന്നു. (“ ലോകാ​വ​സാ​ന​ത്തി​നു തൊട്ടു​മുമ്പ്‌” എന്ന ചതുരം കാണുക.) സ്വാർഥ​രും അത്യാ​ഗ്ര​ഹി​ക​ളും ക്രൂര​ന്മാ​രും സ്‌നേ​ഹ​മി​ല്ലാ​ത്ത​വ​രും ആയ ആളുകളെ നമ്മൾ ഇന്നു കാണു​ന്നി​ല്ലേ? നമ്മൾ ലോകാ​വ​സാ​ന​ത്തോട്‌ അടുത്തു എന്നാണ്‌ ഇതും കാണി​ക്കു​ന്നത്‌.

ഈ അവസാ​ന​കാ​ലം എത്ര​ത്തോ​ളം നീളും? അതു “കുറച്ച്‌ കാലമേ” ഉളളൂ എന്നാണ്‌ ബൈബിൾ പറയു​ന്നത്‌. അതിനു ശേഷം ദൈവം ‘ഭൂമിയെ നശിപ്പി​ക്കു​ന്ന​വരെ നശിപ്പി​ക്കും.’—വെളി​പാട്‌ 11:15-18; 12:12.

ഇന്നത്തെ ഈ ദുഷ്ടവ്യ​വ​സ്ഥി​തി​യെ നശിപ്പി​ക്കാൻ ദൈവം ഒരു കൃത്യ ദിവസ​വും മണിക്കൂ​റും നിശ്ചയി​ച്ചി​ട്ടുണ്ട്‌. (മത്തായി 24:36) എന്നാൽ ഒരു സന്തോ​ഷ​വാർത്ത​യുണ്ട്‌. നമ്മൾ ‘ആരും നശിച്ചു​പോ​ക​രു​തെന്ന്‌’ ദൈവം ആഗ്രഹി​ക്കു​ന്നു. (2 പത്രോസ്‌ 3:9) ദൈവ​ത്തെ​ക്കു​റിച്ച്‌ പഠിക്കാ​നും അതനു​സ​രിച്ച്‌ ജീവി​ക്കാ​നും ദൈവം നമുക്ക്‌ ഇപ്പോൾ ഒരു അവസരം തന്നിട്ടുണ്ട്‌. അങ്ങനെ നമുക്കു ലോകാ​വ​സാ​നത്തെ അതിജീ​വി​ക്കാ​നും ഭൂമി ഒരു പറുദീ​സ​യാ​കു​മ്പോൾ ആ പുതിയ ലോക​ത്തിൽ ആയിരി​ക്കാ​നും കഴിയും.

പുതിയ ലോക​ത്തിൽ ജീവി​ക്കാൻ കഴിയ​ണ​മെ​ങ്കിൽ എന്തു ചെയ്യണ​മെന്ന്‌ ആളുകൾ ഇപ്പോൾ പഠിക്കണം. അതു പഠിപ്പി​ക്കാൻ ലോകം മുഴു​വ​നു​മാ​യി ദൈവം ഒരു ക്രമീ​ക​രണം ചെയ്‌തി​ട്ടുണ്ട്‌. ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത “ഭൂലോ​ക​ത്തെ​ങ്ങും” പ്രസം​ഗി​ക്ക​പ്പെ​ടും എന്ന്‌ യേശു പറഞ്ഞി​രു​ന്നു. (മത്തായി 24:14) ഇതിനു ചേർച്ച​യിൽ ദൈവ​രാ​ജ്യ​ത്തെ​ക്കു​റിച്ച്‌ അറിയാ​നും അതെക്കു​റിച്ച്‌ കൂടു​ത​ലാ​യി പഠിക്കാ​നും യഹോ​വ​യു​ടെ സാക്ഷികൾ ആളുകളെ സഹായി​ക്കു​ന്നു. ലോക​മെ​മ്പാ​ടു​മുള്ള ആളുകളെ ഇങ്ങനെ സഹായി​ക്കു​ന്ന​തി​നു​വേണ്ടി കോടിക്കണക്കിന്‌ മണിക്കൂ​റു​ക​ളാണ്‌ അവർ ചെലവ​ഴി​ക്കുന്നത്‌. അവസാനം വരുന്ന​തി​നു​മുമ്പ്‌ ഈ പ്രസം​ഗ​പ്ര​വർത്തനം ഭൂമി​യി​ലെ​ങ്ങും നടന്നി​ട്ടു​ണ്ടാ​കു​മെ​ന്നാണ്‌ യേശു പറഞ്ഞത്‌.

മനുഷ്യ​ഭ​രണം ഏതാണ്ട്‌ അവസാ​നി​ച്ചു. എന്നാൽ സന്തോ​ഷി​ക്കാൻ വകയുണ്ട്‌, നിങ്ങൾക്ക്‌ ഈ ലോകാ​വ​സാ​നത്തെ അതിജീ​വിച്ച്‌ ദൈവം ഉറപ്പു നൽകിയ ആ പുതിയ ലോക​ത്തി​ലാ​യി​രി​ക്കാൻ കഴിയും. അതിന്‌ എന്തു ചെയ്യണ​മെന്ന്‌ അടുത്ത ലേഖന​ത്തിൽ കാണാം.