‘പരീക്ഷണം പരാജ​യ​പ്പെ​ട്ടി​രി​ക്കു​ന്നു’

സത്വരം ചുരു​ങ്ങി​വ​രുന്ന ഒരു ആഗോള ഗ്രാമ​മായ ഈ ലോക​ത്തിൽ, സമ്പന്നരും ദരി​ദ്ര​രും തമ്മിലുള്ള വിടവ്‌ വർധി​ച്ചു​വ​രു​ന്ന​താ​യി പറയ​പ്പെ​ടു​ന്നു. ഒരു ആഗോള സമ്പദ്‌വ്യ​വസ്ഥ പടുത്തു​യർത്താ​നുള്ള ശ്രമങ്ങളെ കുറിച്ച്‌ അഭി​പ്രാ​യ​പ്പെ​ട്ടു​കൊണ്ട്‌, ഒരു അന്താരാ​ഷ്‌ട്ര വിപ്ലവ വിഭാഗം ഇങ്ങനെ പ്രഖ്യാ​പി​ച്ചു: “50 വർഷത്തെ പരീക്ഷ​ണ​ത്തി​നു ശേഷം അതു തകർന്ന​ടി​യു​ക​യാണ്‌. സകലർക്കും സാമ്പത്തിക പ്രയോ​ജ​നങ്ങൾ കൈവ​രു​ത്തു​ന്ന​തി​നു പകരം അത്‌ നമ്മുടെ ഗ്രഹത്തെ പരിസ്ഥി​തി വിനാശം, മുമ്പൊ​രി​ക്ക​ലും ഉണ്ടായി​ട്ടി​ല്ലാത്ത തരം സാമൂ​ഹിക അശാന്തി, മിക്ക രാജ്യ​ങ്ങ​ളി​ലെ​യും താറു​മാ​റായ സമ്പദ്‌വ്യ​വ​സ്ഥകൾ, ദാരി​ദ്ര്യ​ത്തി​ന്റെ വർധന, പട്ടിണി, സ്ഥലദൗർല​ഭ്യം, കുടി​യേറ്റം, സാമൂ​ഹിക അസ്ഥിരത എന്നിവ​യു​ടെ വക്കിൽ എത്തിച്ചി​രി​ക്കു​ന്നു. ഈ പരീക്ഷ​ണത്തെ ഇപ്പോൾ ഒരു പരാജ​യ​മെന്നു വിളി​ക്കാ​നാ​കും.”

എവി​ടെ​യാ​ണു പിഴവു പറ്റിയത്‌? മനുഷ്യർ സ്വാർഥ ലക്ഷ്യങ്ങൾ പിൻപ​റ്റു​മ്പോൾ, അവർ ദോഷങ്ങൾ വരുത്തി​വെ​ക്കാ​നുള്ള സാധ്യത വളരെ​യേ​റെ​യാണ്‌. നിക്ഷേ​പ​ക​നും സാമ്പത്തിക വിദഗ്‌ധ​നു​മായ ജോർജ്‌ സോ​റോസ്‌ ഇപ്രകാ​രം പറയുന്നു: “സാമ്പത്തിക വിപണി​കൾ മനുഷ്യ​രെ​യും (തൊഴിൽ) പ്രകൃ​തി​യെ​യും (സ്ഥലം) ഉൾപ്പെടെ സകല​ത്തെ​യും വെറും വിൽപ്പ​ന​ച്ച​ര​ക്കു​ക​ളാ​ക്കി മാറ്റി​യി​രി​ക്കു​ന്നു.” മാനുഷ അപൂർണ​ത​യ്‌ക്കും ഇതിൽ ഒരു പങ്കുണ്ട്‌. തത്ത്വചി​ന്ത​ക​നായ കാൾ പോപ്പ​റു​ടെ അഭി​പ്രാ​യ​ത്തോ​ടു യോജി​ച്ചു​കൊണ്ട്‌ സോ​റോസ്‌ ഇങ്ങനെ പറയുന്നു: “നമ്മുടെ ഗ്രാഹ്യം ജന്മനാ അപൂർണ​മാണ്‌. ആത്യന്തിക സത്യം, സമൂഹ​ത്തി​നു കുറ്റമറ്റ ഒരു ചട്ടക്കൂട്‌, എന്നത്‌ നമ്മുടെ എത്തുപാ​ടിന്‌ അതീത​മാണ്‌.”

സാമ്പത്തിക അസമത്വ​ങ്ങൾ പുത്തരി​യല്ല. ക്രിസ്‌തു​വി​നും എട്ടു നൂറ്റാ​ണ്ടു​കൾക്കു മുമ്പ്‌ ഒരു ബൈബിൾ എഴുത്തു​കാ​രൻ, “എളിയ​വരെ പീഡി​പ്പി​ക്ക​യും ദരി​ദ്ര​ന്മാ​രെ തകർക്കു​ക​യും” ചെയ്യു​ന്ന​വരെ കുറിച്ചു പറയു​ക​യു​ണ്ടാ​യി. (ആമോസ്‌ 4:1) സമാന​മായ അനീതി​കൾ നിരീ​ക്ഷി​ച്ച​ശേഷം, പുരാതന കാലത്തെ ഒരു രാജ്യ​ത​ന്ത്രജ്ഞൻ ഏതാണ്ട്‌ 3,000 വർഷങ്ങൾക്കു മുമ്പ്‌ ഇപ്രകാ​രം എഴുതി: ‘മനുഷ്യൻ മനുഷ്യ​ന്റെ മേൽ അവന്റെ ദോഷ​ത്തി​നാ​യി അധികാ​രം’ പ്രയോ​ഗി​ച്ചി​രി​ക്കു​ന്നു.—സഭാ​പ്ര​സം​ഗി 8:9.

എന്താണു പരിഹാ​രം? രൂഢമൂ​ല​മായ സാമ്പത്തിക അസമത്വ​ങ്ങൾ ഇല്ലാതാ​ക്കാൻ അന്താരാ​ഷ്‌ട്ര സഹകര​ണ​ത്തി​ലൂ​ടെ മാനുഷ സംഘട​ന​കൾക്കു കഴിയു​മോ? “വ്യക്തി സ്വാത​ന്ത്ര്യം, മനുഷ്യാ​വ​കാ​ശങ്ങൾ, പരിസ്ഥി​തി എന്നിവ സംരക്ഷി​ക്കാൻ അല്ലെങ്കിൽ സാമൂ​ഹിക നീതി ഉന്നമി​പ്പി​ക്കാൻ നമുക്കു വേണ്ടത്ര അന്താരാ​ഷ്‌ട്ര സ്ഥാപന​ങ്ങ​ളില്ല. അപ്പോൾപ്പി​ന്നെ സമാധാ​നം കാത്തു​സൂ​ക്ഷി​ക്കു​ന്ന​തി​ന്റെ കാര്യം പറയു​കയേ വേണ്ട” എന്ന്‌ സോ​റോസ്‌ പറയുന്നു. “നമുക്കുള്ള സ്ഥാപന​ങ്ങ​ളിൽ മിക്കവ​യും രാഷ്‌ട്രങ്ങൾ ചേർന്നു​ണ്ടാ​യി​രി​ക്കുന്ന സംഘട​ന​ക​ളാണ്‌, അവയാ​കട്ടെ പൊതു താത്‌പ​ര്യ​ത്തി​ലു​പരി സ്വന്ത താത്‌പ​ര്യ​ങ്ങൾക്കു മുൻതൂ​ക്കം കൊടു​ക്കു​ക​യാ​ണു പതിവ്‌. ഐക്യ​രാ​ഷ്‌ട്ര സംഘട​ന​യു​ടെ ചാർട്ട​റി​ന്റെ ആമുഖ​ത്തിൽ അടങ്ങി​യി​രി​ക്കുന്ന വാഗ്‌ദാ​നങ്ങൾ നിറ​വേ​റ്റാൻ ഭരണഘ​ട​നാ​പ​ര​മാ​യി അത്‌ അപ്രാ​പ്‌ത​മാണ്‌.”

നാം നിരാ​ശ​പ്പെ​ട​ണ​മോ? വേണ്ട. നീതി​യുള്ള ഒരു ലോക ഗവൺമെന്റ്‌ അടുത്തു​തന്നെ സ്ഥാപി​ത​മാ​കും! യേശു​വി​ന്റെ പ്രസംഗ വിഷയം അതായി​രു​ന്നു. അവൻ അതിനെ “ദൈവ​രാ​ജ്യം” എന്നു വിളി​ക്കു​ക​യും അതിനാ​യി പ്രാർഥി​ക്കാൻ തന്റെ അനുഗാ​മി​കളെ പഠിപ്പി​ക്കു​ക​യും ചെയ്‌തു. (ലൂക്കൊസ്‌ 11:2; 21:31) സ്വർഗ​ത്തിൽ സ്ഥാപി​ക്ക​പ്പെ​ട്ടി​രി​ക്കുന്ന ദൈവ​രാ​ജ്യം ഉടൻതന്നെ ഭൂമി​യിൽനി​ന്നു സകല അനീതി​യും തുടച്ചു​നീ​ക്കും. (വെളി​പ്പാ​ടു 11:15, 18) ഒരു താത്‌കാ​ലിക ഭരണ പരീക്ഷണം ആയിരി​ക്കു​ന്ന​തി​നു പകരം ദൈവ​രാ​ജ്യം എന്നേക്കും നിലനിൽക്കും. (ദാനീ​യേൽ 2:44) അത്‌ ദാരി​ദ്ര്യ​ത്തി​ന്റെ​യും അടിച്ച​മർത്ത​ലി​ന്റെ​യും പ്രശ്‌നങ്ങൾ ശാശ്വ​ത​മാ​യി പരിഹ​രി​ക്കും. ദരി​ദ്രർക്കും മർദി​തർക്കും—അതേ, സകലർക്കും—എത്ര മഹത്തായ പ്രത്യാശ! (g01 11/8)

 [19-ാം പേജിലെ ചിത്രം]

ആഗോള സമ്പദ്‌വ്യ​വസ്ഥ ദരി​ദ്ര​രു​ടെ പ്രശ്‌നങ്ങൾ പരിഹ​രി​ച്ചി​ട്ടില്ല—ശതകോ​ടി​ക്ക​ണ​ക്കിന്‌ ആളുകൾ ഇപ്പോ​ഴും പൈപ്പു​വെ​ള്ള​മോ വൈദ്യു​തി​യോ ഇല്ലാ​തെ​യാ​ണു ജീവി​ക്കു​ന്നത്‌