നിയമ​പ്ര​കാ​ര​മുള്ള ഒരു മുന്നേറ്റം

ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ്റഞ്ച്‌ ഏപ്രി​ലിൽ ശ്രദ്ധേ​യ​മായ ഒരു കോടതി വിജയം നേടു​ക​യു​ണ്ടാ​യി. 1992 ജനുവരി 28-ന്‌, 24 വയസ്സുള്ള ലൂസ്‌ നെറെ​യ്‌ഡാ ആസെ​വെ​ഡോ ക്വില​സി​നെ പോർട്ട​റി​ക്കോ​യി​ലുള്ള എൽ ബൂവൻ പാസ്റ്റർ ആശുപ​ത്രി​യിൽ ഐച്ഛിക ശസ്‌ത്ര​ക്രി​യ​യ്‌ക്കു പ്രവേ​ശി​പ്പി​ച്ച​തോ​ടെ​യാണ്‌ ഇതെല്ലാം തുടങ്ങി​യത്‌. യഹോ​വ​യു​ടെ സാക്ഷി​ക​ളി​ലൊ​രാൾ എന്നനി​ല​യിൽ താൻ രക്തപ്പകർച്ച സ്വീക​രി​ക്കു​ക​യി​ല്ലെന്ന്‌ ആശുപ​ത്രി​യിൽ പ്രവേ​ശി​പ്പി​ച്ച​പ്പോൾ അവൾ വാക്‌മൂ​ല​വും രേഖാ​മൂ​ല​വും വ്യക്തമാ​ക്കി​യി​രു​ന്നു. (പ്രവൃ​ത്തി​കൾ 15:28, 29) അവളെ ചികി​ത്സി​ച്ചി​രുന്ന ഡോക്ടർമാർ ഉൾപ്പെടെ, അതുമാ​യി ബന്ധപ്പെ​ട്ടി​രുന്ന ആശുപ​ത്രി ജീവന​ക്കാർ അവളുടെ ആഗ്രഹ​ങ്ങ​ളെ​പ്പറ്റി നല്ലവണ്ണം ബോധ​വാ​ന്മാ​രാ​യി​രു​ന്നു.

ശസ്‌ത്ര​ക്രി​യ നടത്തി രണ്ടു ദിവസം കഴിഞ്ഞ​പ്പോൾ ലൂസിന്‌ അമിത​മാ​യി രക്തം നഷ്ടമാ​കു​ക​യും രക്തസ്രാ​വം നിമിത്തം കടുത്ത വിളർച്ച ബാധി​ക്കു​ക​യും ചെയ്‌തു. അവളെ സഹായി​ക്കു​ന്ന​തി​നുള്ള ഏക മാർഗം രക്തപ്പകർച്ച​യാ​ണെന്ന്‌ അവളെ ചികി​ത്സി​ച്ചു​കൊ​ണ്ടി​രുന്ന ഡോ. ഹോസേ റോ​ത്രെ​ഗെത്ത്‌ റോ​ത്രെ​ഗെ​ത്തി​നു തോന്നി. അതു​കൊണ്ട്‌ അവളുടെ അറിവോ അനുവാ​ദ​മോ കൂടാതെ ലൂസിനു രക്തപ്പകർച്ച നടത്തു​ന്ന​തിന്‌ അദ്ദേഹം കോടതി ഉത്തരവു നേടി.

ലൂസിനു സുബോ​ധ​വും തനിക്കു​വേ​ണ്ടി​തന്നെ സംസാ​രി​ക്കാൻ പ്രാപ്‌തി​യും ഉണ്ടായി​രു​ന്നെ​ങ്കി​ലും, സാഹച​ര്യ​ത്തി​ന്റെ അടിയ​ന്തി​രത നിമിത്തം മറ്റാരു​ടെ​യെ​ങ്കി​ലും അനുമതി വാങ്ങാൻ സമയമി​ല്ലാ​യി​രു​ന്നു​വെന്നു ഡോ. റോ​ത്രെ​ഗെത്ത്‌ റോ​ത്രെ​ഗെത്ത്‌ തറപ്പിച്ചു പറഞ്ഞു. ഡിസ്‌ട്രി​ക്‌ററ്‌ അറ്റോർണി, എഡ്വാർഡോ പേരേത്ത്‌ സോട്ടോ ഫാറത്തിൽ ഒപ്പിടു​ക​യും ഡിസ്‌ട്രി​ക്‌റ്റ്‌ ജഡ്‌ജി, ബഹുമാ​ന്യ ആൻകേൽ ലൂയിസ്‌ റോ​ത്രെ​ഗെത്ത്‌ റാമോസ്‌ രക്തപ്പകർച്ച നടത്തു​ന്ന​തി​നു കോടതി ഉത്തരവു പുറ​പ്പെ​ടു​വി​ക്കു​ക​യും ചെയ്‌തു.

അങ്ങനെ, 1992 ജനുവരി 31-ന്‌ ലൂസിനെ ഓപ്പ​റേഷൻ മുറി​യിൽ കയറ്റി രക്തം കുത്തി​വെച്ചു. രക്തപ്പകർച്ച നടത്തു​ന്ന​തി​നി​ട​യിൽ ചില ആശുപ​ത്രി​ജീ​വ​ന​ക്കാർ ചിരി​ക്കു​ന്നത്‌ അവൾ കേട്ടു. ചെയ്യു​ന്ന​തെ​ന്തും അവളുടെ പ്രയോ​ജ​ന​ത്തി​നാ​ണെന്നു പറഞ്ഞു മറ്റു ചിലർ അവളെ വഴക്കു പറഞ്ഞു. അവൾ തന്റെ കഴിവി​ന്റെ പരമാ​വധി പോരാ​ടി​യെ​ങ്കി​ലും ഫലമു​ണ്ടാ​യില്ല. വൈകു​ന്നേ​ര​മാ​യ​പ്പോ​ഴേ​ക്കും നാലു യൂണിറ്റു രക്തം ലൂസിനു കുത്തി​വ​യ്‌ക്കു​ക​യു​ണ്ടാ​യി.

പോർട്ട​റി​ക്കോ​യിൽ രക്തപ്പകർച്ച​ക​ളും യഹോ​വ​യു​ടെ സാക്ഷി​ക​ളും ഉൾപ്പെ​ടുന്ന ആദ്യ​ത്തെ​യോ അവസാ​ന​ത്തെ​യോ കേസാ​യി​രു​ന്നില്ല ലൂസി​ന്റേത്‌. അവളുടെ അനുഭ​വ​ത്തി​നു മുമ്പ്‌, പ്രായ​പൂർത്തി​യായ യഹോ​വ​യു​ടെ സാക്ഷി​ക​ളു​ടെ ഇച്ഛയ്‌ക്കെ​തി​രെ ചുരു​ങ്ങി​യത്‌ 15 കോടതി ഉത്തരവു​കൾ പുറ​പ്പെ​ടു​വി​ക്ക​പ്പെ​ട്ടി​ട്ടുണ്ട്‌. കൂടാതെ, അതിനു ശേഷം അതിൽ കൂടുതൽ ഉത്തരവു​ക​ളും ഉണ്ടായി. ദുഃഖ​ക​ര​മെന്നു പറയട്ടെ, ഒരിക്കൽ കോടതി ഉത്തരവ​നു​സ​രിച്ച്‌, അബോ​ധാ​വ​സ്ഥ​യി​ലാ​യി​രുന്ന ഒരു രോഗി​യിൽ നിർബ​ന്ധ​പൂർവം രക്തപ്പകർച്ച നടത്തു​ക​യു​ണ്ടാ​യി.

എന്നിരു​ന്നാ​ലും, ലൂസിന്റെ പോരാ​ട്ടം ഓപ്പ​റേഷൻ മുറി​യിൽ അവസാ​നി​ച്ചില്ല. 1993 ഒക്ടോ​ബ​റിൽ പോർട്ട​റി​ക്കോ​യു​ടെ കോമൺവെൽത്തി​നെ​തി​രാ​യി കേസു കൊടു​ത്തു. സുപ്പീ​രി​യർ കോടതി വിചാരണ കേട്ടു, 1995 ഏപ്രിൽ 18-ന്‌ അവൾക്ക​നു​കൂ​ല​മാ​യി തീർപ്പു കൽപ്പിച്ചു. രക്തപ്പകർച്ച നടത്താ​നുള്ള ഉത്തരവ്‌ “ഭരണഘ​ടനാ വിരു​ദ്ധ​മാ​യി​രു​ന്നു​വെന്നു മാത്രമല്ല, ഉചിത​മായ നിയമ നടപടി കൂടാതെ പരാതി​ക്കാ​രി​ക്കു സ്വത​ന്ത്ര​മാ​യി മതം അനുഷ്‌ഠി​ക്കു​ന്ന​തി​നുള്ള അവകാ​ശ​ത്തെ​യും അവളുടെ സ്വകാ​ര്യ​ത​യെ​യും ശരീര​സം​ബ​ന്ധ​മായ സ്വയനിർണ​യാ​വ​കാ​ശ​ത്തെ​യും മറിക​ട​ക്കു​ക​യും ചെയ്‌ത”തായി കോടതി പ്രസ്‌താ​വി​ച്ചു.

ഈ തീർപ്പു ശ്രദ്ധേ​യ​മാ​യി​രു​ന്നു. കാരണം, പോർട്ട​റി​ക്കോ​യിൽ രക്തപ്പകർച്ച​യോ​ടുള്ള ബന്ധത്തിൽ യഹോ​വ​യു​ടെ സാക്ഷി​കൾക്ക​നു​കൂ​ല​മാ​യി ഒരു കോടതി വിധി കൽപ്പി​ച്ചത്‌ അത്‌ ആദ്യമാ​യി​ട്ടാ​യി​രു​ന്നു. ന്യായ​വി​ധി വമ്പിച്ച പ്രതി​ക​ര​ണ​മു​ണർത്തി. മുഖ്യ വാർത്താ​പ​ത്രം, റേഡി​യോ, ടെലി​വി​ഷൻ എന്നിവ​യു​ടെ ലേഖക​രു​മാ​യി ഒരു പത്രസ​മ്മേ​ളനം വിളി​ച്ചു​കൂ​ട്ടി.

അന്നു രാത്രി​യിൽത്തന്നെ ഒരു റേഡി​യോ പരിപാ​ടി, ലൂസിന്റെ അറ്റോർണി​മാ​രിൽ ഒരാളു​മാ​യുള്ള അഭിമു​ഖം പ്രക്ഷേ​പണം ചെയ്‌തു. ഫോൺ ചെയ്‌തു ചോദ്യ​ങ്ങൾ ചോദി​ക്കാൻ ശ്രോ​താ​ക്കൾ ക്ഷണിക്ക​പ്പെട്ടു. പല ഡോക്ടർമാ​രും അഭിഭാ​ഷ​ക​രും കേസി​നോ​ടുള്ള തങ്ങളുടെ അനുകൂല പ്രതി​ക​രണം ഫോണി​ലൂ​ടെ വ്യക്തമാ​ക്കി. അതി​ലൊ​രാൾ ഇങ്ങനെ പറഞ്ഞു: “രക്തപ്പകർച്ചക്കു ജീവൻ രക്ഷിക്കാ​നാ​വു​മെന്നു ശാസ്‌ത്ര​ത്തിന്‌ ഉറപ്പു​വ​രു​ത്താൻ കഴിഞ്ഞി​ട്ടില്ല, അപ്രകാ​രം ചിന്തി​ക്കു​ന്നത്‌ അബദ്ധമാണ്‌.” അദ്ദേഹം ഇങ്ങനെ​യും പ്രസ്‌താ​വി​ച്ചു: “പെട്ടെ​ന്നു​തന്നെ രക്തപ്പകർച്ചകൾ, ആധുനിക വൈദ്യ​ശാ​സ്‌ത്ര​ത്തി​ലെ ഏറ്റവും വലിയ അപഭ്രം​ശ​വും അബദ്ധവു​മാ​യി ചരി​ത്ര​ത്തിൽ കുറി​ച്ചി​ട​പ്പെ​ടും.”

അങ്ങേയറ്റം ആദരണീ​യ​നായ ഒരു നിയമ പ്രൊ​ഫസർ പിന്നീട്‌ വാച്ച്‌ ടവർ സൊ​സൈ​റ്റി​യു​ടെ ബ്രാഞ്ച്‌ ഓഫീ​സി​ലേക്കു വിളിച്ച്‌ “മാറ്റൊ​ലി​കൊ​ള്ളുന്ന വിജയം” എന്ന പദപ്ര​യോ​ഗ​ത്തി​ലൂ​ടെ തന്റെ ആഴമായ സംതൃ​പ്‌തി പ്രകട​മാ​ക്കി. ഈ കോടതി വിധി യഹോ​വ​യു​ടെ സാക്ഷി​ക​ളു​ടെ മാത്രമല്ല പോർട്ട​റി​ക്കോ​യി​ലെ സകല പൗരന്മാ​രു​ടെ​യും ഭരണഘ​ട​നാ​പ​ര​മായ അവകാ​ശ​ങ്ങളെ ഉയർത്തി​പ്പി​ടി​ക്കു​ന്നു​വെന്ന്‌ അദ്ദേഹം കൂട്ടി​ച്ചേർത്തു.