സന്തുഷ്ട സ്‌തു​തി​പാ​ഠ​ക​രെന്ന നിലയിൽ അവർ സമ്മേളി​ച്ചു

യഹോ​വ​യാം ദൈവ​ത്തി​ന്റെ പുരാതന ജനം ആരാധ​ന​യ്‌ക്കാ​യി സമ്മേളി​ച്ച​പ്പോൾ, “വേണ്ടും​വണ്ണം സന്തോ​ഷി​ക്കേണം” എന്നു കൽപ്പി​ക്ക​പ്പെ​ട്ടി​രു​ന്നു. (ആവർത്ത​ന​പു​സ്‌തകം 16:15) 1995/96-ലെ “സന്തുഷ്ട സ്‌തു​തി​പാ​ഠകർ” ഡിസ്‌ട്രി​ക്‌ററ്‌ കൺ​വെൻ​ഷ​നു​കൾ തീർച്ച​യാ​യും യഹോ​വ​യു​ടെ സാക്ഷി​കൾക്കു സന്തോ​ഷി​ക്കാൻ നല്ല കാരണങ്ങൾ പ്രദാ​നം​ചെ​യ്‌തു.

ഈ കൺ​വെൻ​ഷൻ പരമ്പര തുടങ്ങി​യതു മുതൽ അവർ തങ്ങളുടെ വിശ്വാ​സത്തെ ബലിഷ്‌ഠ​മാ​ക്കി. സന്തോ​ഷ​ര​ഹി​ത​മായ ഒരു ലോകത്ത്‌ എങ്ങനെ സന്തോഷം കണ്ടെത്താ​മെ​ന്നും അവർ പ്രകടി​പ്പി​ക്കു​ക​യു​ണ്ടാ​യി. ഓരോ ദിവസ​ത്തെ​യും കൺ​വെൻ​ഷ​നെ​ക്കു​റി​ച്ചു നമുക്കു പരിചി​ന്തി​ക്കാം.

‘ജനങ്ങളേ, യഹോ​വയെ സ്‌തു​തി​പ്പിൻ . . . പ്രമോ​ദി​പ്പിൻ’

കൺ​വെൻ​ഷന്റെ ആദ്യ ദിവസത്തെ മേൽപ്പറഞ്ഞ പ്രതി​പാ​ദ്യ​വി​ഷയം സങ്കീർത്തനം 149:1, 2-നെ [NW] അടിസ്ഥാ​ന​പ്പെ​ടു​ത്തി​യു​ള്ള​താ​യി​രു​ന്നു. “സന്തോ​ഷ​ത്താൽ ആർപ്പി​ടാൻ നമുക്കു കാരണ​മുണ്ട്‌” എന്ന പ്രസംഗം യെശയ്യാ​വു 35-ാം അധ്യാ​യ​ത്തി​ലെ പ്രവച​ന​ത്തി​ന്റെ ബാധക​മാ​ക്ക​ലി​നെ​ക്കു​റി​ച്ചു പരി​ശോ​ധി​ച്ചു. അതിനു പുരാതന ഇസ്രാ​യേ​ലിൽ ഒരു നിവൃത്തി ഉണ്ടായി​രു​ന്നു. ഒരു ആത്മീയ പറുദീ​സ​യി​ലെ അഭിവൃ​ദ്ധി​യി​ലേ​ക്കും ആരോ​ഗ്യ​ത്തി​ലേ​ക്കു​മുള്ള യഹോ​വ​യു​ടെ ആരാധ​ക​രു​ടെ പുനഃ​സ്ഥാ​പ​ന​ത്തോ​ടെ അതിനു നമ്മുടെ നാളിൽ പ്രത്യേ​കി​ച്ചും ഒരു നിവൃ​ത്തി​യു​ണ്ടാ​യി​രി​ക്കു​ന്നു. അങ്ങനെ, യഹോവ ഒരു ആത്മീയ പറുദീ​സ​യി​ലും വളരെ അടു​ത്തെ​ത്തി​യി​രി​ക്കുന്ന അക്ഷരീയ പറുദീ​സ​യി​ലും തന്റെ ജനത്തി​നു​വേണ്ടി ചെയ്യാൻ ഉദ്ദേശി​ച്ചി​രി​ക്കുന്ന കാര്യ​ങ്ങളെ ചൊല്ലി ആർപ്പി​ടാൻ കൺ​വെൻ​ഷ​നിൽ പങ്കെടു​ത്ത​വർക്കു കാരണ​മു​ണ്ടാ​യി​രു​ന്നു.

“ലോക​വ്യാ​പ​ക​മാ​യി സന്തുഷ്ട സ്‌തു​തി​പാ​ഠകർ എന്നനി​ല​യിൽ വേർതി​രി​ക്ക​പ്പെ​ട്ടി​രി​ക്കു​ന്നു” എന്ന മുഖ്യ​വി​ഷയ പ്രസംഗം, ഈ ലോക​ത്തിൽനി​ന്നു നമ്മെ വേർതി​രി​ച്ചു നിർത്തു​ന്ന​തെ​ന്താണ്‌? എന്ന ചോദ്യ​ത്തിന്‌ ഉത്തരം നൽകി. അതു നാം യഹോ​വയെ ഏകീകൃ​ത​മാ​യി ആരാധി​ക്കു​ന്നു​വെ​ന്ന​താണ്‌. യഹോ​വ​യു​ടെ സാക്ഷികൾ ഈ ഭൂമി​യിൽ എവിടെ ജീവി​ച്ചാ​ലും ശരി, അവർ യോജി​പ്പോ​ടെ സംസാ​രി​ക്കു​ക​യും പഠിപ്പി​ക്കു​ക​യും ചെയ്യുന്നു. തന്റെ രാജ്യം മുഖാ​ന്തരം തന്റെ പരിശു​ദ്ധ​നാ​മം വിശു​ദ്ധീ​ക​രി​ക്കാ​നും തന്റെ പരമാ​ധി​കാ​രം സംസ്ഥാ​പി​ക്കാ​നു​മുള്ള യഹോ​വ​യു​ടെ മഹത്തായ ഉദ്ദേശ്യ​ത്തി​ലും അവർ ആഹ്ലാദി​ക്കു​ന്നു. എങ്കിലും, തന്റെ ഉദ്ദേശ്യ​ത്തിൽ നമുക്ക്‌ ഒരു സ്ഥാനമു​ണ്ടാ​യി​രി​ക്കാൻ യഹോവ നമ്മെ എങ്ങനെ​യാ​ണു സഹായി​ക്കു​ന്നത്‌? തന്റെ വിശുദ്ധ വചനത്തി​ലെ സത്യം അവൻ നമ്മെ ഏൽപ്പി​ച്ചി​രി​ക്കു​ന്നു. ദൈവം നമുക്കു തന്റെ പരിശു​ദ്ധാ​ത്മാ​വി​നെ​യും നൽകി​യി​ട്ടുണ്ട്‌. ഒരു ലോക​വ്യാ​പക സാഹോ​ദ​ര്യ​വും നിർമ​ലാ​രാ​ധ​ന​യ്‌ക്കുള്ള ക്രമീ​ക​ര​ണ​വും പ്രദാ​നം​ചെ​യ്‌തു​കൊണ്ട്‌ അവൻ നമ്മെ അനു​ഗ്ര​ഹി​ച്ചി​രി​ക്കു​ന്നു. വലിയ ഹൃദയ​സ​ന്തോ​ഷ​ത്തോ​ടെ യഹോ​വയെ സേവി​ക്കാൻ നമ്മുടെ സാർവ​ദേ​ശീയ കുടും​ബം നമ്മെ സഹായി​ക്കു​ന്നു.

“ലോക​ത്തിൽനി​ന്നുള്ള കളങ്ക​മേൽക്കാ​തെ വേർപെ​ട്ടി​രി​ക്കൽ” എന്ന പ്രസംഗം പക്ഷഭേ​ദ​ത്തി​ന്റെ​യും വർഗത​രം​തി​രി​വു​ക​ളു​ടെ​യും കളങ്കം ഒഴിവാ​ക്കേ​ണ്ട​തി​ന്റെ ആവശ്യ​ത്തെ​പ്പറ്റി ഊന്നി​പ്പ​റഞ്ഞു. (യാക്കോബ്‌ 2:5-9) ചിലർ, ദാരി​ദ്ര്യ​മോ മോശ​മായ സാഹച​ര്യ​ങ്ങ​ളോ ഉള്ള സഹക്രി​സ്‌ത്യാ​നി​കളെ അവഗണി​ച്ചു​കൊണ്ട്‌ തങ്ങളു​ടേ​തി​നു സമാന​മായ പശ്ചാത്ത​ല​മോ സാമ്പത്തിക സ്ഥിതി​യോ ഉള്ളവരു​മാ​യി മാത്രം സാമൂ​ഹിക സഹവാ​സ​ത്തിൽ ഏർപ്പെ​ടു​ന്നു​വെന്നു വരാം. മറ്റുചി​ലർ, സഭയിൽ ഉത്തരവാ​ദി​ത്വ സ്ഥാനങ്ങ​ളി​ലി​രി​ക്കു​ന്ന​വ​രു​ടെ പ്രീതി സമ്പാദി​ക്കാൻ പ്രവണത കാട്ടി​യെന്നു വരാം. യഹോ​വ​യു​ടെ സാക്ഷി​യാ​യി​രി​ക്കുക എന്നതാണ്‌ ഒരുവ​നു​ണ്ടാ​യി​രി​ക്കാ​വുന്ന ഏറ്റവും വലിയ പദവി​യെന്ന്‌ അവർ മറന്നു​ക​ള​യു​ന്നു. തന്നിമി​ത്തം, നമ്മു​ടെ​മേൽ കളങ്കം വീഴ്‌ത്താ​നും സഭയിലെ സമാധാ​ന​ത്തി​നു ഭംഗം വരുത്താ​നും ലോക​ത്തി​ന്റെ പ്രവണ​ത​കളെ നാം അനുവ​ദി​ക്ക​രുത്‌.—2 പത്രൊസ്‌ 3:14.

“ഞാൻ വിവാഹം കഴിക്കാൻ സജ്ജനാ​ണോ?” എന്ന പ്രസംഗം, അനേക​രും തിടു​ക്ക​ത്തിൽ വിവാ​ഹി​ത​രാ​കു​ന്നു​വെന്നു ചൂണ്ടി​ക്കാ​ട്ടി. വീട്ടിലെ പ്രയാസം നിറഞ്ഞ സാഹച​ര്യ​ത്തിൽനി​ന്നു രക്ഷനേ​ടാൻ അല്ലെങ്കിൽ തങ്ങളുടെ സമപ്രാ​യ​ക്കാർ വിവാഹം കഴിക്കു​ന്നു എന്ന കാരണ​ത്താൽ ചിലർ വിവാ​ഹി​ത​രാ​കു​ന്നു. എന്നിരു​ന്നാ​ലും, ദിവ്യാ​ധി​പത്യ ലക്ഷ്യങ്ങൾ പിൻപ​റ്റാൻ രണ്ടു​പേർക്കു​മുള്ള ആഗ്രഹം, യഥാർഥ സ്‌നേഹം, സഖിത്വം, സുരക്ഷി​ത​ത്വം എന്നിവ​യ്‌ക്കുള്ള ആവശ്യം, കുട്ടി​കളെ വളർത്താ​നുള്ള ആഗ്രഹം എന്നിവ വിവാഹം കഴിക്കു​ന്ന​തി​നുള്ള സാധു​വായ കാരണ​ങ്ങ​ളിൽ പെടുന്നു. ആത്മീയ പരിശീ​ലനം വിവാ​ഹ​ത്തി​നാ​യുള്ള ഒരുക്ക​ത്തിന്‌ അത്യന്താ​പേ​ക്ഷി​ത​മാണ്‌. മറ്റു കാര്യ​ങ്ങ​ളോ​ടൊ​പ്പം, പുതിയ വ്യക്തി​ത്വം ധരിച്ചു​കൊണ്ട്‌ അഭികാ​മ്യ​മായ ഗുണങ്ങൾ നട്ടുവ​ളർത്തേണ്ട ആവശ്യ​വു​മുണ്ട്‌. യഹോ​വ​യു​മാ​യി നല്ല ബന്ധമു​ണ്ടെ​ന്ന​തി​നും മറ്റുള്ള​വ​രോട്‌ ആദര​വോ​ടെ  ഇടപെ​ടു​ന്നു​വെ​ന്ന​തി​നും പ്രതി​ശ്രുത ഇണ തെളിവു നൽകു​ന്നു​ണ്ടോ എന്ന്‌ ഉറപ്പു​വ​രു​ത്തു​ന്ന​തും ജ്ഞാനമാ​യി​രി​ക്കും. പക്വത​യുള്ള ക്രിസ്‌ത്യാ​നി​ക​ളിൽനി​ന്നു ബുദ്ധ്യു​പ​ദേശം തേടു​ന്ന​തും ജ്ഞാനപൂർവ​ക​മാ​യി​രി​ക്കും.—സദൃശ​വാ​ക്യ​ങ്ങൾ 11:14.

ഉദ്‌ബു​ദ്ധത പകർന്ന ഈ ചർച്ചയെ തുടർന്നു വന്നത്‌, “തങ്ങളുടെ മക്കളിൽ ആനന്ദം കണ്ടെത്തുന്ന മാതാ​പി​താ​ക്കൾ” എന്ന ശീർഷ​ക​ത്തി​ലു​ള്ള​താ​യി​രു​ന്നു. ഒരു ശിശു​വി​ന്റെ ജനനം സാധാ​ര​ണ​മാ​യി വലിയ ആഹ്ലാദ​ത്തി​ന്റെ ഒരു സമയമാണ്‌. എന്നിരു​ന്നാ​ലും, കുട്ടി​ക​ളു​ണ്ടാ​കു​ന്നതു വലിയ ഉത്തരവാ​ദി​ത്വ​വും കൈവ​രു​ത്തു​ന്നു. (സങ്കീർത്തനം 127:3) അതു​കൊണ്ട്‌, യഹോ​വയെ സ്‌നേ​ഹി​ക്കാൻ കുട്ടി​കളെ പഠിപ്പി​ക്കു​ന്നതു പ്രധാ​ന​മാണ്‌. കുട്ടി​ക​ളോ​ടു യഹോ​വ​യെ​ക്കു​റി​ച്ചു നിരന്തരം സംസാ​രി​ക്കു​ക​യും അവന്റെ വചനത്തി​ലെ തത്ത്വങ്ങൾ കുടും​ബ​ത്തിൽ ബാധക​മാ​ക്കു​ക​യും ചെയ്‌തു​കൊ​ണ്ടു മാതാ​പി​താ​ക്കൾക്ക്‌ അതു ചെയ്യാ​വു​ന്ന​താണ്‌.

കൺ​വെൻ​ഷ​ന്റെ ആദ്യ ദിവസം ഒരു ആശ്ചര്യ​സം​ഭ​വ​ത്തോ​ടെ​യാണ്‌ അവസാ​നി​ച്ചത്‌—യഹോ​വ​യു​ടെ സാക്ഷി​ക​ളും വിദ്യാ​ഭ്യാ​സ​വും (ഇംഗ്ലീഷ്‌) എന്ന പുതിയ ലഘുപ​ത്രി​ക​യു​ടെ പ്രകാ​ശനം. സാക്ഷികൾ, “കഠിന​മാ​യി വേല ചെയ്യാ​നും സ്‌കൂ​ളിൽ തങ്ങൾക്കു ലഭിക്കുന്ന നിയമ​നങ്ങൾ ഗൗരവ​മാ​യി എടുക്കാ​നും തങ്ങളുടെ യുവജ​ന​ങ്ങളെ പ്രോ​ത്സാ​ഹി​പ്പി​ക്കു​ന്നു”വെന്ന്‌ അതു വ്യക്തമാ​യി വിശദീ​ക​രി​ക്കു​ന്നു. നൈജീ​രി​യ​യി​ലും മെക്‌സി​ക്കോ​യി​ലും മറ്റു രാജ്യ​ങ്ങ​ളി​ലും അനേക വർഷങ്ങ​ളോ​ളം യഹോ​വ​യു​ടെ സാക്ഷികൾ നടത്തി​യി​ട്ടുള്ള സാക്ഷരതാ ക്ലാസ്സു​ക​ളു​ടെ മികച്ച ഫലങ്ങ​ളെ​ക്കു​റി​ച്ചും ഈ പ്രസി​ദ്ധീ​ക​രണം വിശദീ​ക​രി​ക്കു​ന്നു. വിദ്യാ​ഭ്യാ​സ​ത്തി​നു നാം വലിയ പ്രാധാ​ന്യം കൽപ്പി​ക്കു​ന്നു​വെന്നു കാണാൻ ഈ ലഘുപ​ത്രിക അധ്യാ​പ​കരെ സഹായി​ക്കേ​ണ്ട​താണ്‌.

“ദൈവ​ത്തിന്‌ എല്ലായ്‌പോ​ഴും ഒരു സ്‌തു​തി​യാ​ഗം അർപ്പി​ക്കു​വിൻ”

എബ്രായർ 13:15 [NW]-നെ അടിസ്ഥാ​ന​പ്പെ​ടു​ത്തി​യു​ള്ള​താ​യി​രു​ന്നു രണ്ടാം ദിവസത്തെ മേൽപ്പറഞ്ഞ പ്രതി​പാ​ദ്യ​വി​ഷയം. “യഹോ​വയെ സ്‌തു​തി​ക്കാ​നുള്ള ആഹ്വാ​ന​ത്തോ​ടു പ്രതി​ക​രി​ക്കൽ” എന്നതിനെ ആസ്‌പ​ദ​മാ​ക്കി​യുള്ള ഒരു സിമ്പോ​സി​യം രാവി​ലത്തെ പരിപാ​ടി​യിൽ അവതരി​പ്പി​ക്ക​പ്പെട്ടു. ഈ ആഹ്വാ​ന​ത്തോ​ടു പ്രതി​ക​രി​ക്കു​ന്ന​തി​നു പ്രായം ഒരു പ്രതി​ബ​ന്ധമല്ല. സങ്കീർത്തനം 148:12, 13 യുവാ​ക്ക​ളെ​യും കന്യക​മാ​രെ​യും വൃദ്ധന്മാ​രെ​യും ആൺകു​ട്ടി​ക​ളെ​യും യഹോ​വയെ സ്‌തു​തി​ക്കാൻ പ്രോ​ത്സാ​ഹി​പ്പി​ക്കു​ന്നു. യഹോ​വ​യു​ടെ സന്തുഷ്ട ദാസരിൽ അനേകർക്കു തങ്ങളുടെ സ്‌തുതി കരേറ്റൽ വർധി​പ്പി​ക്കാൻ കഴിഞ്ഞി​ട്ടുണ്ട്‌. ലോക​വ്യാ​പ​ക​മാ​യി, 6,00,000-ത്തിലധി​കം പേർ മുഴു​സമയ പ്രസം​ഗ​പ്ര​വർത്ത​ന​ത്തിൽ അഥവാ പയനിയർ സേവന​ത്തിൽ പങ്കു​കൊ​ള്ളു​ന്നു. 15,000-ത്തിലധി​കം പേർ പ്രത്യേക പയനിയർ സേവന​ത്തി​ലും 15,000-ത്തിലധി​കം പേർ ബെഥേൽ സേവന​ത്തി​ലും ഏർപ്പെ​ട്ടി​രി​ക്കു​ന്നു.

“യഹോ​വ​യു​ടെ സ്ഥാപന​ത്തോ​ടൊ​പ്പം വിശ്വ​സ്‌ത​ത​യോ​ടെ സേവിക്കൽ” എന്ന പ്രസംഗം ദൈവ​ദാ​സർക്കു വിശ്വ​സ്‌തത മർമ​പ്ര​ധാ​ന​മാ​ണെന്നു കാണിച്ച ഒന്നായി​രു​ന്നു. യഹോ​വ​യോ​ടു വിശ്വ​സ്‌ത​നാ​യി​രി​ക്കുക എന്നതി​നാൽ അർഥമാ​ക്കു​ന്നതു ശക്തമായ ഒരു പശപോ​ലെ പ്രവർത്തി​ക്കാൻ പോന്ന​വണ്ണം ഭക്തി​യോ​ടെ അവനോ​ടു പറ്റിനിൽക്കു​ന്ന​തി​നെ​യാണ്‌. മറ്റുള്ളവർ കണ്ടാലും ഇല്ലെങ്കി​ലും ബൈബിൾ കൽപ്പനകൾ മനപ്പൂർവം ലംഘി​ക്കു​ന്നതു നാം ഒഴിവാ​ക്ക​ണ​മെന്നു വിശ്വ​സ്‌തത ആവശ്യ​പ്പെ​ടു​ന്നു. വാച്ച്‌ ടവർ സൊ​സൈറ്റി പ്രദാ​നം​ചെ​യ്യുന്ന വീക്ഷാ​ഗോ​പു​രം, ഉണരുക! എന്നീ മാസി​ക​ക​ളി​ലെ ബൈബിൾ പഠിപ്പി​ക്ക​ലു​ക​ളും അതു​പോ​ലെ മറ്റെല്ലാ ആത്മീയ ഭക്ഷണവും നാം വിശ്വ​സ്‌ത​ത​യോ​ടെ ഉയർത്തി​പ്പി​ടി​ക്കു​ന്ന​തും അത്‌ ആവശ്യ​മാ​ക്കി​ത്തീർക്കു​ന്നു. അടുത്തതു സ്‌നാപന പ്രസം​ഗ​മാ​യി​രു​ന്നു. സ്‌നാ​പ​നാർഥി​കൾ യഹോ​വ​യ്‌ക്കുള്ള തങ്ങളുടെ സമർപ്പ​ണ​ത്തി​നു തെളിവു നൽകി​യ​പ്പോൾ എന്തൊരു സന്തോ​ഷ​മാ​ണു​ണ്ടാ​യി​രു​ന്നത്‌!

ഹോശേയ 4:1-3-ലുള്ള വാക്കുകൾ, “സദ്‌ഗു​ണ​മോ ദുർഗു​ണ​മോ—നിങ്ങൾ ഏതു പിന്തു​ട​രു​ന്നു?” എന്ന ശീർഷ​ക​ത്തിൽ ഉച്ചകഴി​ഞ്ഞു നടത്തപ്പെട്ട പ്രസം​ഗ​ത്തിന്‌ അടിസ്ഥാ​ന​മി​ട്ടു. സദ്‌ഗു​ണം സംബന്ധിച്ച ലോക​ത്തി​ന്റെ വീക്ഷണം അധഃപ​തി​ച്ചു​പോ​യി​രി​ക്കു​ന്നു​വെ​ങ്കി​ലും ധാർമിക വൈശി​ഷ്ട്യം പിന്തു​ട​രു​ന്ന​തി​നു ക്രിസ്‌ത്യാ​നി​കൾ “കഠിന ശ്രമം” ചെലു​ത്തണം. (2 പത്രോസ്‌ 1:5, NW) ഇത്‌ ആരംഭി​ക്കു​ന്നത്‌ ഒരുവന്റെ ചിന്തയി​ലാണ്‌. അയാളു​ടെ ചിന്തകൾ സദ്‌ഗു​ണ​പൂർണ​മാ​ണെ​ങ്കിൽ, അയാൾ ശുദ്ധവും ആരോ​ഗ്യാ​വ​ഹ​വും കെട്ടു​പ​ണി​ചെ​യ്യു​ന്ന​തു​മായ വാക്കുകൾ സംസാ​രി​ക്കു​ക​യും മറ്റുള്ള​വ​രു​മാ​യുള്ള ഇടപെ​ട​ലു​ക​ളിൽ സത്യസ​ന്ധ​നാ​യി​രി​ക്കാൻ കഠിന​ശ്രമം ചെലു​ത്തു​ക​യും ചെയ്യും. ദുഃഖി​ത​നോ വിഷാ​ദ​ചി​ത്ത​നോ ആയി കഷ്ടമനു​ഭ​വി​ക്കുന്ന ഒരു സഹക്രി​സ്‌ത്യാ​നി​യോ​ടു സഹാനു​ഭൂ​തി​യും അനുക​മ്പ​യും കാണി​ക്കു​ന്ന​തും സദ്‌ഗു​ണം പിന്തു​ട​രു​ന്ന​തിൽ ഉൾപ്പെ​ട്ടി​രി​ക്കു​ന്നു.—1 തെസ്സ​ലൊ​നീ​ക്യർ 5:14.

“പിശാ​ചി​ന്റെ കെണി​കൾക്കെ​തി​രെ ജാഗ്രത പാലി​ക്കു​വിൻ” എന്ന മറ്റൊരു പ്രസംഗം, തങ്ങളെ​ത്തന്നെ ഭൂതങ്ങ​ളു​ടെ സ്വാധീ​ന​ത്തി​നു വിധേ​യ​രാ​ക്കു​ന്ന​തി​നെ​തി​രെ ക്രിസ്‌ത്യാ​നി​കൾക്കു മുന്നറി​യി​പ്പു നൽകി. രോഗ​ചി​കി​ത്സാ​രം​ഗത്ത്‌, ഭൂതവി​ദ്യ​യു​മാ​യി ബന്ധപ്പെ​ട്ടി​രി​ക്കുന്ന ഹിപ്‌നോ​ട്ടി​സം പോലുള്ള വിദ്യ​കൾക്കെ​തി​രെ ക്രിസ്‌ത്യാ​നി​കൾ ജാഗ്ര​ത​യു​ള്ള​വ​രാ​യി​രി​ക്കണം. അല്ലാത്ത​പക്ഷം, തങ്ങളുടെ ശാരീ​രിക ആരോഗ്യ പരിപാ​ല​ന​ത്തിന്‌ ഓരോ​രു​ത്ത​രും ചെയ്യു​ന്നതു വ്യക്തി​പ​ര​മായ സംഗതി​യാണ്‌.

രണ്ടാമത്തെ ദിവസം സന്തോ​ഷ​ക​ര​മായ ഒരു ആശ്ചര്യ​സം​ഭ​വ​ത്തോ​ടെ അവസാ​നി​ച്ചു—പരമാർഥ​ഹൃ​ദ​യരെ സമർപ്പി​ച്ചു സ്‌നാ​പ​ന​മേൽക്കാൻ കൂടുതൽ വേഗത്തിൽ സഹായി​ക്കാൻ രൂപകൽപ്പന ചെയ്‌തി​ട്ടുള്ള പോക്കറ്റ്‌ സൈസി​ലുള്ള ഒരു പുതിയ പുസ്‌ത​ക​ത്തി​ന്റെ പ്രകാ​ശനം. 192 പേജുള്ള ഈ പുതിയ പുസ്‌ത​ക​ത്തി​ന്റെ ശീർഷകം, നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം  എന്നാണ്‌. പരിജ്ഞാ​നം പുസ്‌തകം, കെട്ടു​പണി ചെയ്യുന്ന വിധത്തിൽ സത്യത്തെ അവതരി​പ്പി​ക്കു​ന്നു. അതു വ്യാജ​പ​ഠി​പ്പി​ക്ക​ലു​കൾ തെറ്റാ​ണെന്നു തെളി​യി​ക്കു​ന്ന​തിൽ ശ്രദ്ധ കൊടു​ക്കു​ന്നില്ല. ഭാഷയു​ടെ വ്യക്തത​യും യുക്തി​പൂർവ​ക​മായ വിഷയ​വി​ക​സി​പ്പി​ക്ക​ലും നിമിത്തം ഈ പുസ്‌തകം ബൈബി​ള​ധ്യ​യ​നങ്ങൾ നടത്തു​ന്ന​തി​നും ഹൃദ​യോ​ഷ്‌മ​ള​മായ ദൈവ​പ​രി​ജ്ഞാ​നം ഗ്രഹി​ക്കാൻ ആളുകളെ സഹായി​ക്കു​ന്ന​തി​നും ഉപയോ​ഗി​ക്കാൻ എളുപ്പ​മാ​ക്കേ​ണ്ട​താണ്‌.

“നിങ്ങൾ സന്തോ​ഷി​ച്ചു എന്നേക്കും ഘോഷി​ച്ചു​ല്ല​സി​പ്പിൻ”

യെശയ്യാ​വു 65:18-ലുള്ള ഈ വാക്കു​ക​ളാ​യി​രു​ന്നു കൺ​വെൻ​ഷന്റെ മൂന്നാം ദിവസത്തെ പ്രതി​പാ​ദ്യ​വി​ഷയം. ഈ വ്യവസ്ഥി​തി അതിന്റെ അന്ത്യനാ​ളു​ക​ളിൽ പ്രവേ​ശിച്ച വർഷമാ​യി ബൈബിൾ പ്രവച​ന​നി​വൃ​ത്തി 1914 എന്ന വർഷത്തി​ലേക്കു വിരൽ ചൂണ്ടുന്നു. അതു​കൊണ്ട്‌, “ഈ വ്യവസ്ഥി​തി​യു​ടെ സമാപ​ന​കാ​ലത്തെ സന്തുഷ്ട സ്‌തു​തി​പാ​ഠകർ” എന്ന ശീർഷ​ക​ത്തി​ലുള്ള സിമ്പോ​സി​യ​ത്തി​ലെ പ്രസം​ഗ​ങ്ങ​ളിൽ സദസ്സ്‌ ശ്രദ്ധപ​തി​പ്പി​ച്ചു. ശതകോ​ടി​ക്ക​ണ​ക്കിന്‌ ആളുകൾ ലോക​ത്തി​ന്റെ സ്വാർഥ​വും അക്രമാ​സ​ക്ത​വു​മായ മനോ​ഭാ​വ​ത്താൽ സ്വാധീ​നി​ക്ക​പ്പെ​ടു​ന്ന​തെ​ങ്ങ​നെ​യെന്നു പ്രസം​ഗകർ കാണിച്ചു. സാത്താൻ ഭരണാ​ധി​പ​നാ​യി​രി​ക്കുന്ന ലോക​ത്തി​ന്റെ ഭാഗ​മെ​ന്ന​നി​ല​യിൽ അവർ തക്കസമ​യത്തു ന്യായ​വി​ധി​യി​ലേക്കു വരും. തന്മൂലം, ഒരു തിര​ഞ്ഞെ​ടു​പ്പു നടത്താ​നുള്ള സമയം ഇപ്പോ​ഴാണ്‌. ഏതു പക്ഷത്താ​യി​രി​ക്കാ​നാ​ണു നാം ആഗ്രഹി​ക്കു​ന്നത്‌? യഹോ​വയെ ആരാധി​ക്കാ​നും അവന്റെ പരമാ​ധി​കാ​രം ഉയർത്തി​പ്പി​ടി​ക്കാ​നും നാം ആഗ്രഹി​ക്കു​ന്നു​വോ? അതോ, സാത്താനെ പ്രീതി​പ്പെ​ടു​ത്തുന്ന കാര്യങ്ങൾ  ചെയ്‌തു​കൊ​ണ്ടു നമ്മുടെ ഭരണാ​ധി​പ​നാ​യി​രി​ക്കാൻ നാം അവനെ അനുവ​ദി​ക്കാൻ പോകു​ക​യാ​ണോ? നാമെ​ല്ലാ​വ​രും യഹോ​വ​യു​ടെ പക്ഷത്ത്‌ അചഞ്ചല​രാ​യി നില​കൊ​ള്ളേ​ണ്ട​താണ്‌.

കൺ​വെൻ​ഷ​നിൽ, “നിത്യ​ത​യു​ടെ രാജാ​വി​നെ സ്‌തു​തി​ക്കുക!” എന്ന പരസ്യ​പ്ര​സം​ഗം ഹാജരാ​യി​രുന്ന ഏവർക്കും ചിന്തയ്‌ക്കു വകയേകി. നിത്യത എന്ന ആശയം ദുർബ​ല​രായ മനുഷ്യ​രു​ടെ ഗ്രാഹ്യ​ത്തി​ന​തീ​ത​മാ​യി തോന്നു​ന്നു​വെ​ങ്കി​ലും, യഹോവ അതു മുഴു​വ​നാ​യി ഗ്രഹി​ക്കു​ന്നു. “യഹോവ എന്നെ​ന്നേ​ക്കും രാജാ​വാ​കു​ന്നു” എന്നു സങ്കീർത്ത​ന​ക്കാ​രൻ പാടി. (സങ്കീർത്തനം 10:16) ഈ നിത്യ​ത​യു​ടെ രാജാവ്‌ തന്റെ പുത്ര​നായ യേശു​ക്രി​സ്‌തു​വി​ലൂ​ടെ മനുഷ്യ​വർഗ​ത്തി​നു നിത്യ​ജീ​വൻ ആസ്വദി​ക്കു​ന്ന​തി​നുള്ള വഴി തുറന്നി​രി​ക്കു​ന്നു. (യോഹ​ന്നാൻ 17:3) “അതേ, പാപി​ക​ളായ മനുഷ്യ​രായ നാം ദിവ്യ വിദ്യാ​ഭ്യാ​സ​ത്തി​ലൂ​ടെ​യും യേശു​വി​ന്റെ മറുവി​ല​യാ​ഗ​ത്തി​ലുള്ള വിശ്വാ​സ​ത്തി​ലൂ​ടെ​യും നിത്യ​ജീ​വൻ നേടി​യേ​ക്കാം,” പ്രസം​ഗകൻ പറഞ്ഞു.

കൺ​വെൻ​ഷ​ന്റെ സമാപ​ന​ത്തിൽ, “നാൾതോ​റും യഹോ​വയെ സന്തോ​ഷ​ത്തോ​ടെ സ്‌തു​തി​ക്കൽ” എന്ന ശീർഷ​ക​ത്തി​ലുള്ള ഒടുവി​ലത്തെ പ്രസംഗം ഹാജരാ​യ​വരെ കെട്ടു​പണി ചെയ്‌തു. ഭൂവ്യാ​പ​ക​മാ​യി ശിഷ്യ​രെ​യു​ള​വാ​ക്കൽ വേലയി​ലുള്ള അഭിവൃ​ദ്ധി​യു​ടെ റിപ്പോർട്ടു ലഭിച്ചതു ഹൃദ്യ​മാ​യി​രു​ന്നു. ‘നാൾതോ​റും യഹോ​വയെ വാഴ്‌ത്തു​ന്ന​തി​നും അവന്റെ നാമത്തെ എന്നെ​ന്നേ​ക്കും സ്‌തു​തി​ക്കു​ന്ന​തി​നും’ കൺ​വെൻ​ഷ​നിൽ ഹാജരാ​യവർ പ്രേരി​ത​രാ​യി.—സങ്കീർത്തനം 145:2.

 അങ്ങേയറ്റം നിഷ്‌ഠൂ​ര​മായ പ്രവൃ​ത്തി​കൾ ലോക​ത്തിൽനി​ന്നു സന്തോഷം കവർന്നെ​ടു​ക്കു​ന്നു. എന്നുവ​രി​കി​ലും, യഹോ​വ​യിൽ പൂർണ വിശ്വാ​സ​മുള്ള വ്യക്‌തി​കൾക്കു ദൈവിക സന്തോഷം സ്വായ​ത്ത​മാ​ക്കാൻ കഴിയും. തന്മൂലം, ലോക​വ്യാ​പ​ക​മായ സഹോ​ദ​ര​വർഗ​മെന്ന നിലയിൽ യഹോ​വ​യു​ടെ സാക്ഷി​കൾക്കു സങ്കീർത്തനം 35:27, 28-ലെ പിൻവ​രുന്ന വാക്കുകൾ ആവർത്തി​ക്കാ​നാ​വും: “എന്റെ നീതി​യിൽ പ്രസാ​ദി​ക്കു​ന്നവർ ഘോഷി​ച്ചാ​ന​ന്ദി​ക്കട്ടെ; തന്റെ ദാസന്റെ ശ്രേയ​സ്സിൽ പ്രസാ​ദി​ക്കുന്ന യഹോവ മഹത്വ​മു​ള്ളവൻ എന്നിങ്ങനെ അവർ എപ്പോ​ഴും പറയട്ടെ. എന്റെ നാവു നിന്റെ നീതി​യെ​യും നാളെ​ല്ലാം നിന്റെ സ്‌തു​തി​യെ​യും വർണ്ണി​ക്കും.”

[7-ാം പേജിലെ ചിത്രങ്ങൾ]

“യഹോ​വ​യു​ടെ സാക്ഷി​ക​ളും വിദ്യാ​ഭ്യാ​സ​വും” എന്ന ലഘുപ​ത്രി​ക​യിൽനി​ന്നു കുടും​ബങ്ങൾ പ്രയോ​ജ​ന​മ​നു​ഭ​വി​ക്കും

[8,9 പേജു​ക​ളി​ലെ ചിത്രങ്ങൾ]

“നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം” എന്ന പുതിയ പുസ്‌തകം, കെട്ടു​പണി ചെയ്യുന്ന വിധത്തിൽ ബൈബിൾ സത്യങ്ങളെ അവതരി​പ്പി​ക്കു​ന്നു

[9-ാം പേജിലെ ചിത്രം]

യഹോവയ്‌ക്കുള്ള തങ്ങളുടെ സമർപ്പ​ണ​ത്തി​ന്റെ പ്രതീ​ക​മാ​യി അനേകർ സ്‌നാ​പ​ന​മേ​റ്റു

[9-ാം പേജിലെ ചിത്രം]

“അർഹരാ​യ​വരെ അവരുടെ വാർധ​ക്യ​ത്തിൽ ബഹുമാ​നി​ക്കൽ” എന്ന നാടകം കൺ​വെൻ​ഷ​നിൽ പങ്കെടു​ത്ത​വരെ ആഴത്തിൽ പ്രചോ​ദി​പ്പി​ക്കു​ക​യു​ണ്ടാ​യി