സന്തോ​ഷ​ര​ഹി​ത​മായ ഒരു ലോക​ത്തിൽ സന്തുഷ്ടർ

“അങ്ങേയറ്റം വഷളായ ഈ നൂറ്റാണ്ടു സാത്താന്റെ നൂറ്റാണ്ടു തന്നെയാണ്‌.” 1995 ജനുവരി 26-ലെ ദ ന്യൂ​യോർക്ക്‌ ടൈം​സി​ന്റെ മുഖ​പ്ര​സം​ഗം തുടങ്ങി​യത്‌ അങ്ങനെ​യാണ്‌. വർഗം, മതം, വിഭാഗം എന്നിവ​യു​ടെ പേരിൽ ദശലക്ഷ​ക്ക​ണ​ക്കിന്‌ ആളുകളെ കൊല്ലു​ന്ന​തിൽ ആളുകൾ ഇത്രമാ​ത്രം അഭിനി​വേ​ശ​വും അഭിരു​ചി​യും പ്രകട​മാ​ക്കി​യി​ട്ടുള്ള മറ്റൊരു യുഗം ഉണ്ടായി​രു​ന്നി​ട്ടില്ല.”

നാസി തടങ്കൽപ്പാ​ള​യ​ങ്ങ​ളിൽ തടവി​ല​ട​യ്‌ക്ക​പ്പെട്ട നിരപ​രാ​ധി​ക​ളായ പീഡി​ത​രു​ടെ വിമോ​ച​ന​ത്തി​ന്റെ 50-ാമതു വാർഷിക ആഘോ​ഷ​മാ​ണു മുമ്പു സൂചി​പ്പി​ച്ചതു പോലുള്ള മുഖ​പ്ര​സം​ഗ​ങ്ങൾക്കു പ്രചോ​ദ​ന​മേ​കി​യത്‌. എന്നിരു​ന്നാ​ലും, ആഫ്രി​ക്ക​യു​ടെ​യും കിഴക്കൻ യൂറോ​പ്പി​ന്റെ​യും ചില ഭാഗങ്ങ​ളിൽ ഇത്തരം അരു​ങ്കൊ​ലകൾ ഇപ്പോ​ഴും നടക്കു​ന്നുണ്ട്‌.

സംഘടിത കൂട്ട​ക്കൊ​ലകൾ, വംശശു​ദ്ധീ​ക​ര​ണങ്ങൾ,  ഗോത്ര സംഹാ​രങ്ങൾ, ഇങ്ങനെ എന്തൊക്കെ പേരു​ക​ളിൽ അവയെ വിളി​ച്ചാ​ലും, അവയെ​ല്ലാം അഗാധ​മായ ദുഃഖ​ത്തിൽ കലാശി​ക്കു​ന്നു. എങ്കിലും, അത്തരം അനാവശ്യ അക്രമ​ങ്ങൾക്കി​ട​യി​ലും സന്തോ​ഷാ​രവം മുഴങ്ങു​ന്നുണ്ട്‌. ഉദാഹ​ര​ണ​ത്തിന്‌, 1930-കളിലെ ജർമനി​യെ​പ്പറ്റി നമുക്കു പരിചി​ന്തി​ക്കാം.

ഹിറ്റ്‌ല​റും അയാളു​ടെ നാസി പാർട്ടി​യും 1935 ഏപ്രിൽ ആയതോ​ടെ സകലവിധ ഗവണ്മെൻറ്‌ ഉദ്യോ​ഗ​ങ്ങ​ളിൽനി​ന്നും യഹോ​വ​യു​ടെ സാക്ഷി​കളെ പുറന്ത​ള്ളി​യി​രു​ന്നു. കൂടാതെ, ക്രിസ്‌തീയ നിഷ്‌പക്ഷത പാലി​ച്ച​തു​കൊ​ണ്ടു സാക്ഷികൾ അറസ്റ്റു​ചെ​യ്യ​പ്പെ​ടു​ക​യും തടവി​ലാ​ക്ക​പ്പെ​ടു​ക​യും തടങ്കൽപ്പാ​ള​യ​ങ്ങ​ളി​ലേക്ക്‌ അയയ്‌ക്ക​പ്പെ​ടു​ക​യും ചെയ്‌തു. (യോഹ​ന്നാൻ 17:16) 1936 ആഗസ്റ്റ്‌ അവസാ​ന​മാ​യ​പ്പോ​ഴേ​ക്കും യഹോ​വ​യു​ടെ സാക്ഷികൾ കൂട്ടം​കൂ​ട്ട​മാ​യി അറസ്റ്റു ചെയ്യ​പ്പെ​ടു​ക​യു​ണ്ടാ​യി. അവരിൽ അനേകാ​യി​രങ്ങൾ തടങ്കൽപ്പാ​ള​യ​ങ്ങ​ളി​ലേക്ക്‌ അയയ്‌ക്ക​പ്പെട്ടു. 1945-ൽ അവി​ടെ​നി​ന്നു പുറത്തു​വ​രു​ന്ന​തു​വരെ അവരി​ല​നേ​കർക്കും, അതിജീ​വി​ച്ചെ​ങ്കിൽ, അവി​ടെ​ത്തന്നെ കഴി​യേ​ണ്ടി​വന്നു. എങ്കിലും, ഈ ക്യാമ്പു​ക​ളിൽ തങ്ങൾക്കെ​തി​രെ അഴിച്ചു​വിട്ട നിഷ്‌ഠൂ​ര​മായ പെരു​മാ​റ്റ​ത്തോ​ടു സാക്ഷികൾ എങ്ങനെ​യാ​ണു പ്രതി​ക​രി​ച്ചത്‌? തങ്ങൾക്കു ചുറ്റു​മു​ണ്ടാ​യി​രുന്ന സന്തോ​ഷ​ര​ഹി​ത​മായ ചുറ്റു​പാ​ടു​ക​ളി​ലും അവർക്കു സന്തോഷം നിലനിർത്താൻ കഴിഞ്ഞു​വെ​ന്നത്‌ ആശ്ചര്യ​മെന്നു തോന്നി​ച്ചേ​ക്കാം.

“ചേറിലെ ഒരു പാറ”

ബ്രിട്ടീഷ്‌ ചരി​ത്ര​കാ​രി​യായ ക്രിസ്റ്റീൻ കിങ്‌ പാളയ​ത്തി​ലു​ണ്ടാ​യി​രുന്ന ഒരു കത്തോ​ലിക്ക സ്‌ത്രീ​യു​മാ​യി അഭിമു​ഖം നടത്തി. “അവർ ഉപയോ​ഗിച്ച ഒരു വാചകം ഞാൻ ഇന്നേവരെ മറന്നി​ട്ടില്ല,” ഡോ. കിങ്‌ പറഞ്ഞു. “ജീവി​ത​ത്തി​ലെ ബീഭത്സ​ത​യെ​ക്കു​റിച്ച്‌, താൻ കഴിഞ്ഞു​കൂ​ടിയ വെറു​പ്പു​ള​വാ​ക്കുന്ന സാഹച​ര്യ​ങ്ങ​ളെ​ക്കു​റിച്ച്‌ അവർ വിശദ​മാ​യി സംസാ​രി​ച്ചു. തനിക്കു സാക്ഷി​കളെ അറിയാ​മാ​യി​രു​ന്നു​വെ​ന്നും ആ സാക്ഷികൾ ചേറിലെ ഒരു പാറ ആയിരു​ന്നു​വെ​ന്നും അവർ പറഞ്ഞു. ചേറു കെട്ടി​ക്കി​ട​ക്കുന്ന ചുറ്റു​പാ​ടിൽ ഉറച്ച നിലം മാതി​രി​യാ​യി​രു​ന്നു അവർ. പാറാ​വു​കാർ കടന്നു​പോ​യി​ക്ക​ഴി​യു​മ്പോൾ തുപ്പാ​തി​രു​ന്നത്‌ അവർ മാത്ര​മാ​യി​രു​ന്നു​വെന്ന്‌ അവർ പറഞ്ഞു. ഈ സാഹച​ര്യ​ങ്ങ​ളി​ലെ​ല്ലാം വിദ്വേ​ഷ​ത്തി​നു പകരം സ്‌നേ​ഹ​ത്തോ​ടും പ്രത്യാ​ശ​യോ​ടും ഒരു ഉദ്ദേശ്യ​മു​ണ്ടെന്ന വിചാ​ര​ത്തോ​ടും കൂടെ പെരു​മാ​റി​യി​രു​ന്നത്‌ അവർ മാത്ര​മാ​യി​രു​ന്ന​ത്രേ.”

‘ചേറിലെ പാറകളാ’യിരി​ക്കാൻ യഹോ​വ​യു​ടെ സാക്ഷി​കളെ പ്രാപ്‌ത​രാ​ക്കി​യ​തെ​ന്താണ്‌? യഹോ​വ​യാം ദൈവ​ത്തി​ലും അവന്റെ പുത്ര​നായ യേശു​ക്രി​സ്‌തു​വി​ലു​മുള്ള അചഞ്ചല​മായ വിശ്വാ​സം. തന്മൂലം, അവരുടെ ക്രിസ്‌തീയ സ്‌നേ​ഹ​വും സന്തോ​ഷ​വും കെടു​ത്തി​ക്ക​ള​യാൻ ഹിറ്റ്‌ല​റി​ന്റെ ശ്രമങ്ങൾ പരാജ​യ​പ്പെട്ടു.

വിശ്വാ​സ​ത്തി​ന്റെ ഈ പരീക്ഷയെ വിജയ​പ്ര​ദ​മാ​യി നേരി​ട്ടിട്ട്‌ അഞ്ചു ദശകങ്ങൾ പിന്നിട്ട രണ്ടു പാളയ അതിജീ​വകർ തങ്ങളുടെ അനുഭ​വങ്ങൾ അയവി​റ​ക്കു​മ്പോൾ അതിനു ചെവി​ചാ​യ്‌ക്കുക. ഒരാൾ ഇങ്ങനെ പറയുന്നു: “ഏറ്റവും ക്രൂര​മായ സാഹച​ര്യ​ങ്ങ​ളി​ലും യഹോ​വ​യോ​ടുള്ള സ്‌നേ​ഹ​വും കൃതജ്ഞ​ത​യും തെളി​യി​ക്കു​ന്ന​തിന്‌ എനിക്ക്‌ അനുപ​മ​മായ പദവി ലഭിച്ചു​വെ​ന്ന​റി​യു​ന്ന​തിൽ ഞാൻ സന്തോ​ഷ​ത്താൽ മതിമ​റ​ക്കു​ന്നു. അങ്ങനെ ചെയ്യാൻ ആരും എന്റെമേൽ നിർബന്ധം ചെലു​ത്തി​യില്ല! നേരേ​മ​റിച്ച്‌, ദൈവ​ത്തെ​ക്കാ​ള​ധി​കം ഹിറ്റ്‌ലറെ അനുസ​രി​ക്കു​ന്ന​തി​നു ഞങ്ങളെ ഭീഷണി​പ്പെ​ടു​ത്താൻ ശ്രമിച്ച ശത്രു​ക്ക​ളാ​യി​രു​ന്നു ഞങ്ങളുടെ മേൽ നിർബന്ധം ചെലു​ത്തി​യത്‌. എന്നാൽ അവർക്കു വിജയി​ക്കാ​നാ​യില്ല! ഇപ്പോ​ഴെന്നു തന്നെയല്ല, ഒരു നല്ല മനസ്സാ​ക്ഷി​യു​ണ്ടാ​യി​രു​ന്ന​തി​നാൽ ജയിൽ ഭിത്തി​കൾക്കു​ള്ളി​ലാ​യി​രു​ന്ന​പ്പോ​ഴും ഞാൻ സന്തുഷ്ട​യാ​യി​രു​ന്നു.”—മാരിയ ഹോമ്പക്‌, 94 വയസ്സ്‌.

മറ്റൊരു സാക്ഷി ഇങ്ങനെ പ്രസ്‌താ​വി​ക്കു​ന്നു: “തടവി​ലാ​ക്ക​പ്പെ​ട്ടി​രുന്ന നാളു​ക​ളി​ലേക്കു ഞാൻ കൃതജ്ഞ​ത​യോ​ടും സന്തോ​ഷ​ത്തോ​ടും കൂടെ പിന്തി​രി​ഞ്ഞു നോക്കു​ക​യാണ്‌. ഹിറ്റ്‌ല​റി​ന്റെ അധീന​ത​യിൽ തടവറ​ക​ളി​ലും തടങ്കൽപ്പാ​ള​യ​ങ്ങ​ളി​ലും ചെലവ​ഴിച്ച വർഷങ്ങൾ പ്രയാ​സ​ക​ര​വും പരി​ശോ​ധനാ പൂർണ​വു​മാ​യി​രു​ന്നു. എന്നാൽ അങ്ങനെ സംഭവി​ക്കാ​തി​രു​ന്നെ​ങ്കിൽ അതൊരു നഷ്ടമാ​കു​മാ​യി​രു​ന്നു, കാരണം യഹോ​വ​യിൽ പൂർണ​മാ​യി ആശ്രയി​ക്കാൻ അവ എന്നെ പഠിപ്പി​ച്ചു.”—യോഹാ​നസ്‌ നോയി​ബാ​ക്കർ, 91 വയസ്സ്‌.

‘യഹോ​വ​യിൽ പൂർണ​മാ​യി ആശ്രയി​ക്കുക’—അതാണു യഹോ​വ​യു​ടെ സാക്ഷികൾ അനുഭ​വിച്ച സന്തോ​ഷ​ത്തി​ന്റെ രഹസ്യം. അങ്ങനെ, സന്തോ​ഷ​ര​ഹി​ത​മായ ഒരു ലോക​ത്തിൻ മധ്യേ ആണെങ്കി​ലും അവർ സന്തുഷ്ട​രാണ്‌. സമീപ മാസങ്ങ​ളിൽ നടന്ന “സന്തുഷ്ട സ്‌തു​തി​പാ​ഠകർ” ഡിസ്‌ട്രി​ക്‌ററ്‌ കൺ​വെൻ​ഷ​നിൽ അവരുടെ സന്തോഷം പ്രകട​മാ​യി​രു​ന്നു. ഈ സന്തുഷ്ട കൂടി​വ​ര​വു​ക​ളെ​പ്പറ്റി നമുക്കു ഹ്രസ്വാ​വ​ലോ​കനം നടത്താം.

[4-ാം പേജിലെ ചിത്രം]

മാരിയ ഹോമ്പക്‌